#حيااتي_تؤلمني الحلقه 9💓
كتبتهالكم طويله ح تقرو لن تملوا منها بس حتى أنتم ماتقصروش معاي فالتفاعل باش نتحمس هههههه😂
خشت سيرين و هني كانت الصدمه لقت مجموعة رجاله
مقعمزين و كان من ظمنهم نادر و عمها جمال بس عاطين بالظهر بس هي ماشبحتهمش لانه قعدت تشوف في روحها فالمرايه و تقول بينها و بين نفسها وسيم بدل الغزاله بـالحماره
الرجاله قعدوا يشوفوا ل سيرين بتركيز لن أنتبه نادر تلفت لقي سيرين ناض متكنطي دفها فالدار
سيرين : أي أطلقني يا مريض نفسي شن فييي
نادر : يا بنت الكلب واقفه و صحابي يشوفوا فيك
في اللحظه هذه سيرين مدت أيدها ع نادر و تقدرو تقولوا فشت غلها فيه : كيف تقول ع بابا كلب ياللي ماتتحشمش عمك تحت التراب
نادر من زمان يكرها بس بعد الكف هذا بدي الكره أضعاف مضعه 😊😁 : ح تندمي .. و طلع
أما تالا و أسامه و لجين قاعدين البرا يتعاركوا
لجين : يا أسامه أفتح الباب
أسامه : لن البهيمه هذه تقول أسفه
تالا : مانبيش مقايله باهي😡أنت اللي غالط
لجين : ياودي خليني ننزل و تفاهم معاها بروحها أني ماذنبي شيء
أسامه نزل لجين و خله تالا : هييي قولي أسفه
تالا : والله ماني مقايلتها يا غزال و مافي خيلك أركبه
أسامه : حتى مدايره مكياج و قاعده شينه والله شكله يا بنت الخاله ح تقعدي في رقبة بوك
تالا : عاجبك منظرة مالا
أسامه : عاجبني هلبه😎
تالا : به أفتح الباب يا حمااار
أسامه : حمار صار ؟ ورحمة عمي ماني فاتحلك الباب لن تعتدري
تالا : ماعمري قلت أسفه حتى لماما تبيني نقوللها ليك أنت شن حال ظهرك باهي
أسامه شرين تليفونه أبتسم : ياودي منفتحلك الباب مش لسواد عيونك غير جتني مكالمه هييي أنزلي و أنتي منظرك تقول بومنيار القذافي
تالا تعفلقت : عاجبك منظرك مالا مصح وجهك لعلمك أنا الولاد يحلموا يكلموني
أسامه : ههههههههههههه هي أنزلي نفختيهم
تالا : والله ماني نازلتها توا نوريك
فتح أسامه الخط : أيوا حبي
البنت : حبيبي أشستاحشتك
أسامه : أني أكتر شن مدايره
البنت : مش مدايره شيء بسس كساد
تالا تعفلقت نزلت صكرت الباب بقوة قوتها شبحلها أسامه و دارلها حركه بـ أيده ب معنى والله لما نقتلك
أنت تقرأ
حياتي تؤلمني💔(منقوله )
Romanceروايه ليبية منقووووووووله خيانه حزن كره حب انشالله تعجبكم (لم تكتمل بعد )
