اسفه اسفه هلبه عالتأخير والله الله صارتلي مشاكل حتى لما بنكتب الروايه نلقى رأسي مصكر مش قادره نكتب حتى حرف حقكم عليا و اهو حلقتين بنزلكم في جرت بعض .. قراءة ممتعة💚
#حياتي_تؤلمني الحلقه 10 💓
خشت سيرين تعبانه رقدت طوول من التعب
بينما نادر وصل خش لقي حوشه نظيف صح هو حوشه نظيف و مرتب بس سيرين ضماته هلبااا💜استغرب خش لداره لقيها مضمومه و الصور البنت في الدرج تعفلق خاصتاً ان منبه اماليه ماحد يخش لداره تمالك أعصابه و خش لحوشهم
انتصار : نوارت الحوش يانجيهولي
نادر : كيف حالك أمي
أنتصار : كويسه الحمدلله
تالا : شن جو ليبيا أستاحشتها
نادر : الحمدلله .. يام قلتلك من ضملي لحوش
أنتصار : بنت عمك مسكينه رقدت من التعب
نادر تعفلق
لجين : ايه ضماته هلبه
أنتصار : دكرتوني .. كلمتني مباركه قالتلي امتى بنجو نخطبوا قلتلها امها في ليبيا قالتلي ع الأقل يلبسوا الدبل بس و يتعرفوا ع بعض فترة الخطوبه شهرين و تروحوا ليبيا نديرو العرس
تالا تبيها تنسى وسيم : ايه قوليلها تتفضل يا خالتي حتى الأسبوع الجاي
انتصار : خلي نكلم امها ع الأقل ناخدوا الموافقه
لجين : كلمتها مبكري خالتي حنين قالتلي لو ولد حلال عادي يلبسوا الدبل بس و مدام عمها موافق
تالا صفقت : يعني الأسبوع الجاي بمدير خلفيتي صاحبة العروس
لجين : واني بنديرها بنت عم العروسه
انتصار : مهبله ههههههههه
نادر : بنمشي نرتب شنطتي و نكلم الجماعه و نجي
انتصار : في حفظ الله
مشي نادر بينما البنات قعدوا يهدرزو
تالا : شن رأيكم نطلعوا لوطا في الجردينه نقعمزوا في العشب و نرفعوا معانا نفاص و عصير
لجين : نمشي أنوض سيرين باهي
انتصار : برو الببسوا باه
تالا : اييييي خشي😍
مشت لجين تنوض في سيرين مابتش تنوض
سيرين : بنخش ندوش
لجين : بيفوتك جو يا نكديه😏🤦🏻♀️
تالا و لجين و أنتصار لبسوا و رفعوا معاهم فوشار و سامينسا و بطاطا و حاجات زي هذه
خشت سيرين أدوش
بينما نادر رجع للحوش مالقاش حد شبح كلمهم بالتليفون قالوله حني في الجردينه و تقدروا تقولوا نادر خدي راحته بالكامل أتكئ يتفرج عالتلفزيون
أنت تقرأ
حياتي تؤلمني💔(منقوله )
Romanceروايه ليبية منقووووووووله خيانه حزن كره حب انشالله تعجبكم (لم تكتمل بعد )
