#حياتي_تؤلمني الحلقه 14💓
اهو دلعتكم ههه نزلتلكم حلقتين طوووال
سيرين خشت الحمام و قلبها يرعش : ياربي علاش جي بعد ما تأقلمت ع فراقه علااش جاي هوو بلعاني يبي يحرقني علاش يا وسيم علاااش
فتحت الميه غسلت وجها من البكي وقفت قدام المرايه و قالت بقوه : وسيم باعك علي خاطر صاحبتك و ماهانتش عليه العشره .. لحد هني و خط أحمر وسيم طلع من حياتي .. و طلعت من الحمام لقت أنتصار و عمها جمال مقعمزين يهدرزو قعمزت معاهم
جمال : غير منو اللي مزعلك
سيرين : ههههه مش زعلانه غير أستاحشت ماما
هلبه و أستاحشت بابا
جمال : الله يرحمه و يغفرله
أنتصار : سيرين نوضي ديريلنا حاجه حلوه من يدياتك نشربوا بيها القهوه
سيرين : حاضر
عند نادر و أسامه في حوش نادر
نادر : لوسخ هذا
اسامه : ولد خالتها ! خيره جاي و شن مشكلتك معاه
نادر : ماعنديش معاه وجيج كتر معاي الدوه ربيته
اسامه : شوره جاي يروح بيها لكن كان يأذن بالصيني ماهو مروح بيها يحسابنا عيله و خالها ميلاااد نطلقوها معاه بروحها
نادر : كلمتني ليلى بنمشيلها نشوفها خيرها
اسامه : امس أمي تتكلم عالشباب اللي متزوجين بالدرقه عن اماليهم مشي ناضت هي أدافع و من غبائها قتلها باهي شن ذنب حفيدتك😂والله الا غبيه قريب قتلهم على جنى
نادر : امتى مروحه هي
اسامه : مش عارف علاش
نادر : مجرد سؤال هي تشااو طالع اني
طلعوا من الحوش .. مشي اسامه خش لحوشهم لقي تالا شاده تليفونها و تبتسم و كانت تهدرز ع واحد اسمه ( جكتوري و ملخبط أموري )
اسامه فك التليفون منها و قعد يقرأ في المحادثة و كانت كألاتي
الجكتوري : طالعه طرف فالصوره تهبلللي رآك غزالة للمليون
تالا : منوره يا كعكه مدوره .. حقااا راهو مروحه الخميس الجاي معناها مازالو أسبوع بسسس
الجكتوري : تعرفي تحمست بالإيميل ع اساس راجل ههههه
تالا : معقوله فاتحه إيميل ذكر باش المراقبين مايراقبوكش😂😀
الجكتوري : ههههههه
......
اسامه : ماشاءالله صاحبتك فاتحه إيميل ذكر
تالا : هات التليفون يا بليد
اسامه : هاك هاك يا خرا مشناك لو طرف راهو تزوجتك و على فكره صاحبتك تنافق فيك لا طرف لا نمي رايح منظرك تقول عبسي صاحبي
أنت تقرأ
حياتي تؤلمني💔(منقوله )
عاطفيةروايه ليبية منقووووووووله خيانه حزن كره حب انشالله تعجبكم (لم تكتمل بعد )
