حياتي تؤلمني💔(منقوله )

20

#حياتي_تؤلمني الحلقه 20💓حلقه طويلة

سيرين : مش عارفه قالي بوك كاتب وصيه ان يبيني نتزوجك و مايبيش و يعارك

تالا : بجديات !!!

سيرين : اايه زي ما نقولك انا بروحي مش فاهمه حاجه نهز في راسي زيك وخلاص

تالا : لكن كيف و علاش والله مافهمت حاجة

سيرين : يحسابني ميتة عليه جاي و قالب الدنيا فوق رأسه

تالا : عصبي هلبه هو بس حنون هللللللبه هلبببه

رقيه طلعت رأسها من باب الكوجينه : تعالوا إلكاكاو طاب

خشت سيرين و تالا يهدرزو و طقت لجين الباب جابها اسامه

عند جمال و انتصار

انتصار : متأكد اللي نديرو فيه صححح

جمال : غير ديري لنقولك عليه هي اتتتصلي بيه و قوليله بوك متغشش هلبه و السكر ركبله و كان فالمستشفى اسامه رفعه

انتصار : بس هذا زواج راهو مش لعب

جمال : معا الوقت توا يحببها غير اتصلي بيه راهو هادي وصية ميت مش لعب

انتصار قعدت ترن ع نادر لن رد : تعالى يا نادر اجررري بوك كيف روح من المستشفى قريب مشي فيها قال الدكتور قريب جاته جلطه غير ستر ربي لحقه اسامه في اخرر لحظة

نادر فهمها ان لعبة او يجرو بيه لانه نادر نوعه يركز و ذكي ..

نادر : قوليله يا حويج مش باهي تفاؤل لصحتك

و صكر الخط

جمال : ما يمشي عليه شيء هالشيطان

انتصار : باهي توا حني نخططوا من راسنا شن عرفنا ان سيرين ماتوافقش

جمال : سيرين كان بوها عندها خط احمر الله يرحمه حتى كان يقوللها موتي تموت

انتصار : يستر الله وخلاص

جمال يفكر فالموضوع و شاغل باله شن ح يصير و هل حا يقدر ع وصية خوه و يكون قدها

...............

عند نادر درس سيارته بعيد شويه بعيداً عن الشبهات ركبت معاه مسره

مسره : وين ماشي بياا

نادر ماردش عليها لن وصلوا بجنب حوش كان حلووو هلبه من البرا

نادر : هي انزلي

نزلوا و خشوا للحوش و كان حلو هلبه هلبه💜 متكون من 3 ديار و زوز حمامات و مطبخ و صاله

نادر : هذا شريتهولكم ليك انتي و امك و خوك الصغير ..

مسره نزلت دمعه من عينها : مقابل شنو

نادر : من غير مقابل صدقه لوجه الله