حياتي تؤلمني💔(منقوله )

13

نبي بنت تصميمي صور ع رواية .. البنت لي كانت تصمملي فاتتني😂🤦🏻‍♀️🤦🏻‍♀️

ع خاطر تعبي علقولي تعليقات طويله هههه
#حياتي_تؤلمني الحلقه 13💓

الدكتور :  للأسف فقدت كليتها و نبو متبرع

اسامه : لا حول ولا قوة إلا بالله

طبعاً قعدت سيرين تلاته أيام فالمستشفى حالتها حرجه

في ليبيا

حنان تعرف ان سيرين دارت حادث بس ماقالت لحد خايفه ع أختها : ايه والله كلمتني مبكري قالتلي سلميلي علي أمي هلبه و قالتلي ان الطيران تأجلت لانه في كندا جاهم صقع هلبه حتى من التلح نزل

حنين : متأكده يا حنان من كلامك لانه احساسي صايره حاجه

حنان : العفو شن يندس عليك يا حنين مافي الا كل خير غير حولي من رأسك فكرة ان بنتك فها حاجه بلعكس نفسيتها عال لعال

حنين نوعاً ما أطمنت من كلام أختها سكتت

عند نادر يشرب في قهوه جاته رساله مكتوب فيها : الان لقد تصافينا

نادر قعد يقرا في الرساله مره و تنين لن فهم طوول أتصل ب خوه أسامه : اسامه في حد منكم صايرتلها حاجه

أسامه : وين يا خوي معقوله أسبوع مانشوفوك امك قلبها قريب يتقطع عليك و بوك لن مرض

نادر ساكت

اسامه : عالعموم سيرين ضربتها سياره و حالتها حرجه

نادر أنصدم : بجديات

اسامه : زي ما نقولك .. حني في مستشفى ال@££

صكر نادر الخط و لبس حوايجه دفع حق تكاليف الفندق ع الليله 3000لاف يورو يعني قعد أسبوع 21الف يورو 🤫😂😟😟

انتصار و تالا فالحوش يغيروا في ملابسهم و يبو يجيبوا مستلزمات سيرين يعني ملابسها

خش نادر شاف سيرين كلها خيوط و مجبسه أول مره تسخفه حس بتأنيب الضمير لانه اللي صارلها بسببه

مشي نادر لأسامه خوه و بوه لقائهم واقفين عالدكتور

الدكتور : ضروري ما تستعجلوا نبو متبرع كيلى لانها زي ماتعرفوا مريضة قلب و ماتتحملش

جمال : امتى جاها القلب ياااربي

اسامه شاف لدكتور : باهي شوف الكيلى متعي متطابقه معاها اني مستعد نتبرع

جمال وجعه ولده و في نفس الوقت ح يخسر بنت خوه الوحيد ..

الدكتور : نديرو تحاليل قبل لو متطابقه باهي مدابينا نديروها العملية من الفجر لانه كل ما نستعجلوا أفضل

مشي أسامه دار تحاليل و معاه نادر

جت انتصار سمعت بالخبر : سيرين بنت سلفي و عالعين و عالرأس لكن ولادى مايتبرعوش مش مستعده نخسرهم