#حياتي_تؤلمني الحلقه 26❤️
أما عند نادر لبسوا الدبل و طلع طولل
عند سيرين ❤️
حاضنه حناها و تبكي .. خشت لدارها مسحت المكياج و لبست بجامه و رقدت ... تاني ناضت ع صوت أتصلت من تالا
سيرين : صباح الخير
تالا : صباح النور هيا نوضي باش نوصلك للشركه
سيرين : معاد نبي نمشي و معاد نبي نشوف وجه نادر بكل
تالا : اوه وعلاش ماتبيش تشوفي وجه نادر ! هذا دليل ع انك تحبيه
سيرين : و ديما نحب في الناس الغلط
تالا : فهمت فهمت باهي توا فاد فيه و خطب ياريت حاولتي تتقربي منه قبل الخطوبه توا استحاله يفسخ
سيرين : هو يحبها و انا مش ح نكون انانيه و نوقف في طريقها يلا كل حد ياخد نصيبه
تالا : لاحول ولا قوة إلا بالله صكري توا شويه نعاودلك مش لاهيه انا نسوق توا باييي سروتي
سيرين : باي
نزلت سيرين للدور الأرضي لقت وسيم و حناها
سيرين : صباح الخير حنينه .. وين ماشيه
رقيه : صباح الورد مابيتش أنوضك من نومك قلت خلي ترقد و فطورك في الحافظة
سيرين : وين ماشيه
رقيه : ماشيه نعزي حماة خالتك روحت طرابلس
سيرين : زينه
وسيم كان يشوف ل سيرين بندم ع انها خانها
سيرين جت عينها في عين وسيم بس حبه مات في قلبها .. مشت الحمام حشاكم بعدها خشت الكوجينه تفطر
رقيه و وسيم طلعوا و قعدت سيرين بروحها فالحوش ..
وقفت سيرين تتأمل في حياتها لقتها كلها هم و بلي و مشاكل و فراق و وجع 💔
عند نادر بايت في استراحته يفكر في اللي داره في سيرين : شن درت اني شن درررت الزفت
غير حوايجه و طلع من استراحته ..في5دقايق وصل لحوش جدة سيرين .. كلمها بالتليفون بس هي ماردتش
درس سيارته و نزل يبي يعتذر منها طق ع الباب .. سيرين فتحت طول تحسابه حناها رجعت
نادر :خيرك مترديش ع اتصالاتي
سيرين : بكل وقاحه جائني هننني شن تبي مني انت
نادر يستفز فيها : خيرني شن درت !
سيرين : ومازال تسأل
نادر جاي يعتذر بس يستفز فيها : معقوله ع خاطر بستك تي غيرك يتمناها البوسه هذه😉
سيرين : لو سمحت اطلع انا بروحي فالحوش توا الجيران يشوفوك
نادر : اوه بروحك .. خيرك ماجيتيش امس معقوله ماتحضريش خطوبة ولد عمك
أنت تقرأ
حياتي تؤلمني💔(منقوله )
Romanceروايه ليبية منقووووووووله خيانه حزن كره حب انشالله تعجبكم (لم تكتمل بعد )
