#حياتي_تؤلمني الحلقه الإضافية تابعه للحلقة21
انتصار : نادر هو اللي وافق بروحه يعني هو مش صغير يا بنتي باش نجبروه ع شيء و بعدين نادر من يقدره😂ماعنده حاكم
سيرين : مستحيل يصير موضوع خطوبة مداما ماما ليها 3شهور متوفيه بس
جمال : ماناش فاتحين اغاني او حفله كبيره .. تلبسوا الدبل و بعدين يا بنيتي خلاص اميمتك توفت و توا عند مكان احسن من الدنيا بلعكس مبروض نحسدوها لانها كانت مرأه تصلي و تصيم و تخاف ربي
سيرين نوعا ما أقتنعت : نبي نادر نكلمه ع انفراد
جمال : خودي راحتك يا بنيتي
طقت سيرين الباب متع دار نادر
نادر : خش
فتحت سيرين الباب و كان نادر لابس و متأنق واضح انه بيطلع : نقدر نحكي معاك ؟ ناخد من وقتك دقيقه
نادر : تفضلي
خشت سيرين للدار طبعاً الدار كبيره هلبه : كلمتين بنقولهم انت مش مطر انك توافق اهو نطلع انا نقوللهم انا اللي مانبيش و انت دير روحك ع اساس ماعندكش مانع
نادر : وأنا اصلا ماعنديش مانع
سيرين : بلاش تكذبوا ع بعض انت تعرف و انا نعرف ان الزواجه هذه كلها عشان وصية بابا و انت الضحيه فيها
نادر : اني ماعنديش اي اعتراض الا إذا انتي تبي شخص معين
سيرين : ماتغيرش الدوه .. اهو قاعده نقولك فيها مازال عندك فرصه ترفض و نقدر انا نفركس موضوع الخطوبه كلها
نادر : بتفركسيها ؟ معناها عندك حد في راسك ؟ 😝
سيرين : ووواك انا ماشيه .. تلفتتله : انت الخاسر و قتلك نقدر نفركسها الخطوبه كلها
نادر : حولي بنطلع
سيرين : اخر بنعاود الإعلان مازال عندككك فرصه
نادر مايبيش يبينلها انه مايبيهاش : شن جو الدعايات المصرية اللي دير فيها😂هي حولي بنتأخر ع الموعد متاعي
سيرين أطمنت شويه من ناحية نادر
اما نادر طلع من الحوش مخنوق يجامل في سيرين بالسيف وصل لاستراحته خش قعمز فيها شويه و جت مسره فتحلها الباب و خشت
تعالوا نرد بيكم ساعات التالي .. في الشركة خشت مسره للمكتب مع نادر
مسره : في وجهي جاي تقولي بناخد بنت عمممي ؟ باهي سن السبب لا و معاها بتاخدني حتت اننني
نادر : الشرع حلل 4 شن فيها
مسره : لا يعني لا مستحيل نوافق .. انت ليا انا و بس فاهممم انت ليا انااا وبس انت ملكي انا😭
نادر شد أيدها : و ح نقعد ليك
مسره : ح طلقها بعد فتره
نادر وخر : لا طلاق مش ح نطلق
مسره : وعاد عيا فرحانه انك بتاخدها😭حيوانه بتاخدكك مني
نادر : ماتندريش عالموضوع بكل هيا
مسره : به يا نادر به
و نزلت لقت هوازن و سيرين يهدرزو
نرجعوا للحاضر ❤️في الاستراحة معا نادر
مسره حالتها حاله تبكي و نادر يقنع فيها بس ماقللهاش ع موضوع الوصيه بكل حفاظاً ل وجه سيرين
بعد يومين فاتوا بدون احداث مهمه جت بوم الخطوبه .. نادر من الصبح طالع برا الحوش و سيرين مشت المزين تمكيج فيها دارتلها مكياج بسيط و حلو❤️ و لبست فستان بسيط و حلو .. طبعا ماكانش خاطرها تمشي المزين لكن رفعوها بالسيف عليها
المزينه : تبارك الرحمن تقول بمبله مش انسانه😍نياله فيك
سيرين عيونها مدمعات : شكرا
اللي فالمزين كلهم يدكرو في الله
و لجين و تالا دارو مكياج خفيف و حلوات طلعوا❤️ مع الساعه 7:00 جت سيارة اسامه مشوا ركبوا معاه و طبعا طول الطريق عراك اسامه و تالا ع أسباب تافهه😂 وصلوا الحوش و كان :
طبعاً الحوش عباره عن قصر كبير هلبه .. في الجنان حطوا طاولات حلوات و نازكات و زينوا المنظر و كان جميل 💓و الكل حاضر من اقرباء سيرين و طلعاً كان شرط سيرين اغاني لا
نزلوا من السياره ركبوا الحوش ساوا روحهم❤️
جمال جي باس راس سيرين : ان شاءالله يا بنيتي عقبال ماتطلعي عروسة ونكون قد الامانه
انتصار تبخر فيها : الف الصلاة عليها كنتي الغزالة
خش نادر باش يلبسوا الدبل .. تفاجأت ب سيرين و جمالها كانت جميلة هلبه هلبه و المكياج زايدها حلاوة🔥❤️
طبعاً حفله عائليه كانت بس نازكه
نادر : خيرهم ايديك يرعشوا مش ح ناكلك
سيرين : به بعد عليا
نادر : هاتي ايدك
سيرين مدت أيدها و لبسوا الدبل و طلع نادر و كملوا البنات شوط ع الدربوكه و قلبوا الدنيا
نادر طلع لقي صحابه يباركوله
تمت الخطوبةع خير😁 حاسوا ع روحهم و رقدوا
#بتبع بالله عليكم سامحوني النوم في عيوني و لو نكتبلكم حلقة طويلة ح تكون مش حلوة
بااااي نبي رأيكم
أنت تقرأ
حياتي تؤلمني💔(منقوله )
Romanceروايه ليبية منقووووووووله خيانه حزن كره حب انشالله تعجبكم (لم تكتمل بعد )
