نون لبعتني ليك لمن وقعت في الواطة من الخلعة .. وقالت لي بي نهرة : كنت وين ؟؟
( دايما الواحد لمن يعمل غلط في حق الشخص التاني بكون خايف واول مرة اصدق المثل البقول "" الما بخاف من مرتو ما راجل "")
رديت ليها بي ارتباك : آاااااء
نون : قلت ليك كنت وين وجاي انصاص الليالي تتسحب زي الحرامي ؟؟..
انا : كككنت مع واحد صحبي…
نون : وصحبك دا منو ؟؟ وما بخليك ترد علي التلفون ؟؟
انا : لللللللا ما كدا لكن انا !!!
نون : انت شنو ما تكمل .. ولا خلاص رجعت لي اصحابك ناس النادي ونسيت انو عندك مرة....
لمن قالت اصحابك قلت في سري الحمد لله وانها ما ختت في بالها اني كنت قاعد مع بنات .. ف اخدت نفس طويل وثبت شوية..
انا : والله يا نونتي كنت مع واحد صحبي من ايام الثانوي قابلتو صدفة ......
نون : طيب حبيبي ليه ما اتصلت علي وانت عارف انو انا ما باكل الا معاك...
انا : والله التلفون مشغلو صامت وانا زااتي ما ختيت لي حاجة في بطني..
نون : خلاص حبيبي انا الاكل ختيتو في الغرفة جوة وهسي بقوم بجهزو ليك…
( نون طيبانة والله عقدتني عديل ودخلتني في اظافري )
المهم قامت وجهزت الاكل وجابتو .. عاملة اكل بلدي كسرة بي ملاح بامية مفروكة.. وجابت الموية وغسلت لي يدي وانا بعاين ليها … وقالت لي ارح ناكل ... طبعا حسيت بالذنب تجاهها .. ف قمت شلت لقمة واكلتها بي يدي وقلت ليها لازم تاكلي انتي وتشبعي اول بعدين انا باكل ...قالت لي : لا انت تشبع الاول عشان توريني رايك في طبيخي..
يلا قعدنا ناكل لحدي ما شبعنا مع انو طبيخها ما زي حق الوالدة لكن اكلت وكملت ليها الصحن كلو وقلت ليها ماشاا الله بقيتي ست بيت… لمن هي انبسطت ... غايتو عاملاني حقل تجارب وانا مسكين اشيل واحشي نفسي لاني راجلها ح اعمل شنو غير اني اشجعها وما داير اكسفها…
يلا خلصنا الاكل وجابت لي عصير ورقدنا نمننا..
صباح اليوم التاني كان غير .. عشان نون صحت بدري وصحتني عشان نصلي وعملت الشاي وشربنا وودعتها وطلعت ماشي الشغل...
طلعت وماشي علي المواصلات ...جيت ماري بي جنب بيت جارنا عثمان لقيت مرتو سعاد متكمكمة بالتوب وواقفة جنب الباب ومعاها بتها ناهد( طبعا سعاد دي جميلة جمال ما عادي وجمالها طبيعي لونها اسمر فاااااتح وما بتستعمل كريمات لانو راجلها ما بخليها تطلع من البيت بس بتتمسح بي زيت سمسم وبعد دا كلو جميلة... انا كان شفتها قبل كدا بالرقراق طالعة ماشة الدكان….ياخ بت عسل عديل) … سلمت عليهم ومشيت ..ناهد بقت توسوس لي امها.. يلا انا مشيت… . سامع صوت بي وراي : يا خالو يا خالو…
اتلفت لقيتها دي ناهد وقفت قلت ليها : اهلا نهودة كيفك؟؟
ناهد بي حسرة : كويسة ..
انا : ومالك حزينة كدا الاستاذة دقتك تاني ؟؟؟
ناهد : لا يا خالو تعال دقيقة دايراك ..
ومسكتني من يدي وجينا لي امها جنب الباب ..
ناهد قالت لي امها : كلميهو يا ماما..
سعاد سكتت .. انا قلت ليها في شنو خير ان شاء الله؟؟..
اها ما ردت لي… .طوالي ناهد قالت لي : يا خالو ابوي جوة عيان وما قاعد يتحرك تعال شوفو ..
قلت ليها ارح وريني ابوكي وين… ودخلنا وسعاد جات ورانا ..وصلت محل سريرو لقيت الراجل راقد شخيت (ما بتحرك)
..ختيت يدي في رقبتو عشان اشوف نبضو .. لقيتو حي لسه فيهو نبض لكن جسمو مسخن مكوة بس .... قلت ليهم دقيقة امشي اجيب لي امجاد .. وطلعت جري مشيت الزلط وقفت شوية جا بتاع امجاد اشرت ليهو وقف لي قلت ليهو سريع بالله عندنا مريض ماشين نوديهو المستشفى....وركبت معاهو جينا بيت عثمان قلت لي سعاد اديني جلابية من جلاليبو وانتي خليكي مع اطفالك ديل ، وخلي تلفون عثمان معاك ..
شلت التلفون عملت منو رنة في رقمي واديتها ليهو ورفعنا عثمان سريع وديناهو المستشفى…
وصلنا المستشفى وختينا عثمان في نقالة وطبعا زي ما عارفين جرجرة الدكاترة تعبوني شديد و اي دكتورة او دكتورة عاملين فيها مهمين ويعاينو للزول بإشمئزاز كدا .... بس في الاخر لقيت لي دكتور كدا ود حلال جا معاي فحص عثمان وركب ليهو دربات وعمل الفحوصات… قال لي عندو قرحة...
المهم ركب ليهو دربات وطعنو حقن وكتب ليهو ادوية ..مشيت اشتريت الادوية وجبتها .. الدكتور قال لي يلا خليهو يرتاح 3 ساعات .... قلت ليهو تمام...
طلعت علي الكفتريا اجيب لي سندوتش .. وبالصدفة لقيت واحدة قريبتي كدا من بعيد لابسة ليها لاب كوت...سلمت عليها...وقلت ليها الجابك بي جاي شنو .. قالت لي انا درست تمريض وهسي شغالة ترينينج في المستشفي هنا .. قلت ليها تمام يا بت… طيب تعالي عندي واحد جاري كدا عيان جبتو المستشفي ودايرك تخلي بالك منو انا ماشي الشغل استأذن وراجع ...
سقتها جبتها العنبر محل عثمان راقد وشالت الورق قرت التقرير وقالت لي هسي هو نايم الدكتور اداهو حقنة مهدئة .. انت امشي وانا بتابع معاهو ولو في حاجة بتصل عليك… قلت تمام وما نعدمك يا قريبتي…
اها اتصلت علي سعاد زوجة عثمان لانها كانت قلقانة وطمنتها وقلت ليها زوجك كويس بس ادوهو حقن ودرب بعد يخلص ح يخرجونا ونجيكم في البيت....قالت لي ما عارفة اشكرك كيف .. قلت ليها عيب يا ستي ونحن جيرانا والجار بالجار… اها قفلت منها وطلعت مشيت ..
وصلت المصنع طواالي دخلت علي مكتب المدير سلمت عليهو وحكيت ليهو الحاصل كلو وسبب تأخيري ( لانو المصنع دا ما حق ابوي عشان انا امشي واغيب بي مزاجي ..لازم يكون في امانة مهنية ) .... قال لي يا زول الثقة متوفرة وانا عارفك زول واجب وممكن ترجع المستشفى عادي… قلت ليهو عندي شغل كدا اخلصو وارجع المستشفى.. قال لي تمام…
طلعت من مكتب المدير دخلت مكتب عصام المحاسب وقلت ليهو داير لي سلفية من الراتب لو سمحت لانو عندي ظروف .. رغم انو زعلان مني لكن مضاني واداني السلفية .... طلعت مشيت علي قسم التوزيع ...
قعدت مع المشرف بتاع النوزيع وسجلت ليهو مناطق جديدة قلت ليهو دي تحاولو توزعو فيها ... قال لي ياخ خسارة جاز ولف في الفاضي .. قلت ليهو جرب ممكن نلقى فيها رزق ..قال لي تمام ..
طبعا من ما حاولت اقابل مها ولا اشوف وشها بالغلط لانو امبارح كلام حسن خلاني ابعد وانفر منها لانو وراها بلاوي متلتله وكمان ضميري مؤنبني تجاه نون...
طلعت من المصنع مشيت علي المستشفي لقيت عثمان بقى كويس وصحصح شوية….الدكتور قال لي بعد دا ممكن تمشو البيت بس هسي تشربوهو عصاير وينوم طواالي ...قلت ليهو حاضرر وشكرا يا دكتور…
طلعت برا جبت لي امجاد وشلت عثمان ركبتو الامجاد واتصلت علي سعاد زوجتو قلت ليها خرجونا خلاص ونحن جايين في الطريق...
مسافة الطريق ووصلنا بيت عثمان لقينا سعاد منتظرانا جنب الباب .. شلت عثمان ورقدتو في غرفتو وختيت ليهو الادوية في طربيزة جنبو وطلعت برا علي سعاد .. قلت ليها الدكتور قال تسقيهو عصاير وتخليهو ينوم… قامت دنقرت مكسوفة ومنكسرة كدا… عاينت في الراكوبة لقيت اطفالها بياكلو كسرة بي موية ( كسرة ناشفة وعليها موية وملح وشوية زيت).. عرفت انو ما عندهم قروش ف قلت ليها دقيقة بس ..
طلعت سريع مشيت سوق الرواكيب حقنا واشتريت خضار وفواكه ومريت بالدكان شلت مواد تموينية وجيت اديتها ليها ... شالت الحاجات ودمعتها سالت… انا لمن شفتها دمعت عملت نفسي ما شايفها وقمت دخلت علي عثمان لقيتو بين نايم وصاحي ..قمت طبطبت عليهو وقلت ليهو اصبر خلي يجيبو ليك العصير وابلع حبوبك وبعدين نوم ..طبعا ما قادر يتكلم قام هز لي راسو بس ... بعد شوية سعاد جات وجابت العصير .شلت منها العصير سقيت عثمان واديتو الدواء ..شوية كدا ونام ...
انا قلت بعد دا خلاص اتخارج واتفكفك امشي بيتنا… قمت طلعت من الغرفة ماشي علي الباب كدا سعاد نادتني ...عادل عادل.. قبلت ورا لقيتها واقفة جوة المطبخ ..قلت ليها ايوا.. قالت لي تعال دايراك… رجعت ليها وصلت عندها لقيتها عامله كحل ومتريحة بي خمرة.... قلت ليها اها دايرة حاجة تاني؟؟ .... دنقرت راسها تحت وهي مكسوفة وقالت لي : انا ما عارفة اشكرك كيف والله ما قصرت معانا وانا ما عندي حاجة عشان اقدمها ليك لكن الحاجة الوحيدة البقدر عليها ...
((("فاصل اعلاني"((طبعا الواحد لمن زول يقدم ليهو خدمة بحاول يرد ليهو الخدمة او يشكرو بي اي طريقة ))...وسعاد زمان لمن سكنت جديدة انا كنت بشرك ليها في الشارع ولمن اشوفها طالعة ماشة الدكان بقعد بشاغلها وبقوليها .. احييي انا وووب انا بانت سعاد ف قلبي اليوم متبول .. والله لكن عثمان لقي ليهو فرسة عجيبة اااااه انا منك يا سوسو... وهي بتتبسم وتجري تخش بيتهم...))))
" نرجع تاني" ..
المهم سعاد شكلها اتذكرت ايام زمان لمن كنت بشاغلها وقالت تشكرني بي طريقتها… ف قامت ملصت التوب ورمتو وبي تحت لابسة روب نوم قصير… وظهر اللي كان مستخبي….وجات مسكت يدي… وانا مشكلتي ضعيف تجاه اللحم الحي…
.
.
.
نفسي قام وقلبي بقى يدق دوق دووق دوووق…..
.
.
.
.
#يتبـــــع
