اصفاد الماضي

السادس عشر

الفصل السادس عشر
___________________
نسعي جاهدين لإبعاد الحب والعشق من حياتنا
فنفاجئي به يقترب... بل الأدهي أنه يخترق ويتغلل
ويجعل الروح  تحلق في الأفق....
أنا حواء من اختارت البعد وسعت للإنتقام
ابتعد عن دائرتي ولا تقترب
في عرفنا من يخرج من حلقة الموت...
لايخرج أبداً حي.. 
________________
تستيقظ في نشاط مبتسمة من أحداث الأمس
وتتذكر رقصتهم وكيف كانوا بهذا القرب
لتنهر نفسها بعد ذلك علي تفكيرها
فهي اتخذت قرارها بالبعد
لاتحتاج أن يضاف نقطة ضعف إلي رصيدها
ترتدي ثيابها العملية وتجمع شعرها  لأعلي وتأخذ نظارتها الشمسية  وتخرج تركب سيارتها وترحل
غافلة عن الأعين المراقبة لها
.......
ظل ينظر لها حتي اختفت تماما ليقطع تأمله صوت
ريهام بإنزعاج : خلاص مشيت
حسام ببرود: ملكيش دعوة
ريهام: حرام عليك يا حساام أنا مراتك انت ليه بتعمل معايا كدة
حسام: عشان أنا حبيتها قبلك وكنت هتجوزها بس هي كانت لسه صغيرة وعمي موافقش
ليصمت قليلاً ثم يكمل بهستيريا غريبة:  أنا... أنا  روحتله وقلتله إني بحبها وهستناها لما تكبر ونتجوز بس رفض قالي.. قالي إنها عمرها ما هتكون غير اختي وبس... بس أنا بعشقها ومش قاادر أخرجها من جوايا
ريهام ببكاء: طب وأنا.. أنا ذنبي إيه اتجوزتني ليه
حسام بجنون : كانو فاكرين إني لو اتجوزت غيرها هنساها لكن أنا.. أنا مقدرتش
ريهام: طلقني يا حسام وسيبني في حالي انا وابني
حسام بصراخ : انسي أنا لايمكن أسيبك أو أسيب  ابني انتي فاهمة
ريهام: انت... انت واحد مجنون.. انت مش طبيعي
انت...
لم تكمل جملتها وصدح في الأرجاء صوت صفعة قوية نزلت عليها لتسقط أرضاً وهي تضع يدها على وجهها بصدمة
لينزل هو في مستواها ويمسكها من شعرها بقوة
حسام: اسمعك بتقولي كده تاني ونهايتك هتبقي علي إيدي.. انتي فاهمة
ليتركها ويخرج من الغرفة بهدوء وكأن شيئاً لم يكن
.........................................
كانت في مكتبها تعمل بجمود رهييب وهي تحاول إبعاد ذكري الأمس عن خيالها..
كلما تذكرت قربه..عطره..لمسة يداه...
حتي سبت نفسها بشدة...
رفعت الهاتف
سارة: نور هاتيلي قهوة لو سمحتي
نور: حاضر يا أفندم
دقائق وتطرق نور الباب لتسمح لها بالدخول
نور: اتفضلي القهوة.
سارة: شكرا يا نور
نور: العفو
سارة: عايزاكي تروحي دلوقتي شركة الشريف وتقابلي المدير المالي في الشركة وتجيبي منه ملف عن  حسابات مشروع قرية العمري
نور: حاضر أي أوامر تانية
سارة: لا شكرا روحي انتي
خرجت نور من المكتب لتقف سارة وتأخذ فنجان قهوتها وتقف أمام النافذة وتشرب بشرود
تذكرت كل ما مر بها في العامين كيف انضمت لقاتلين أسرتها.. كيف اصبحت فرداً مهما بسرعة لذكائها
والضريبة كانت فقدان روحها....
(الوجع... كلمة تفسر معناها.. أصبحت أيقونة حياتي
تجرعت مرارة الفراق.... فأصبح الصمت ملاذي..
أكره ضعفي وأكره قوتي... أنا بالنهاية انثي..
مهما اظهرت قوتي وجبروتي سأظل هشه أكثر من بلورة... أحيا للإنتقام. وياليتني......)
..........................................
في لندن مدينة الضباب
حيث تحاك المكائد في إحدي ديارها
اجتمع نخبة من كبار رجال الأعمال والمافيا
اتفقو جميعاً علي صفقاتهم المشبوهة لدخول عدد من البلدان المختارة
إحداها مواد مخدرة وأخري اسلحة دمار
وأدوية مسرطنة وأطعمة فاسدة
لم يتركوا شيئا إلا واتفقوا علي بيعه
حقاً مساكين تلك الشعوب الغافلة
من إحدي صفقاتهم كانت صفقة جورج
جورج:
Sorry sir but my deal is ready
عذراً سيدي ولكن صفقتي جاهزة
زعيمهم المجهول:
Well, but be sure that something happens to me that I do not like it gonna be your life
حسنا ولكن كن واثقاً إن حدث ما لا يروقني فروحك المقابل
جورج وهو يبتلع ريقه:
Well sir I promise I will do my best don't worry
حسنا  سيدي أعدك سأبذل قصاري جهدي لا تقلق
okay, Go
_ حسنا... اذهب
خرج جورج وهو يلتقط أنفاسه ويمني نفسه بنجاح تلك الصفقة حتي لايخسر حياته
ولكن عقله ما زال يفكر في هذا المجهول زعيمهم
لم يسبق أن رآه أحظ منهم ولكنهم يخافونه ويهابونه بشدة ولم يطلبوا رؤيته مرة واحدة خوفاً من بطشه
جورج لنفسه:
Ah, my God, I hope that my plan will go to the end
آه يالهي أتمني أن تسير خطتي كاملة للنهاية
يمسك هاتفه ويتصل بشخص ما
جورج:
The goods will arrive within two days
البضائع ستصل خلال يومين
.....:
Do not worry I'm ready
لا تقلق انا جاهز
جورج:
I will not be with you. I will hand her over to Sarah El Sherbini
لا لن تكون معك انت سأسلمها لسارة الشربيني تدخلها هي
......:
What but how I have prepared myself well in preparation for her and you are now ....
ماااذااا ولكن كيف لقد جهزت نفسي جيدا استعداداً لها وأنت الآن....
جورج:
Listen and never  raise your voice again
Then I am your master and do what I wish you understand
اصمت وإياك أن ترفع صوتك هذا مرة أخري
ثم أنا سيدك وأفعل ما يحلو لي هل تفهم
.....:
Well as you want but I'm not responsible if it fails
حسنا كما تريد ولكن أنا لست مسؤولاً إن فشلت
جورج:
No, it will not fail
لا لن تفشل إنها سارة
................................................
وصلت نور إلي الشركة
لتسأل عن مكتب المدير المالي
نور: لو سمحتي المدير موجود
داليا: مستر زياد موجود أقوله مين
نور: نور من شركة الشربيني  سكرتيرة الآنسة سارة
داليا: ثواني هبلغه
نور: اتفضلي
ذهبت من أمامها  وبعدها بلحظات سمحت لها
بالدخول
داليا: اتفضلي
نور: شكراً
دخلت نور المكتب وجدته منكباً علي أحد الملفات أمامه ولم ينتبه لها
نور: احم احم... لو سمحت
زياد: أنا آسف مخدتش بالي اتفضلي حضرتك
نور: شكراً..
زياد: مين حضرتك
نور: أنا نور خليل سكرتيرة الآنسة سارة من شركة الشربيني
زياد: أهلا وسهلا بيكي تشربي إيه
نور: شكراً مش هقدر أنا بس جاية عايزة ملف عن  حسابات مشروع قرية العمري لسارة هانم
زياد: ااه طبعا بس معلش الملف مش موجود حاليا معايا الملف مع أدهم
نور: والعمل دلوقتي آنسة  سارة محتاجاه
زياد: ثواني طيب
أمسك هاتف مكتبه ورفع السماعة
زياد: داليا روحي مكتب أدهم  وشوفيه خلص ملف الحسابات ولا لا وابعتيلي اتنين عصير فراولة فريش
داليا: حااضر يافندم
أغلق معها وعيناه مثبته علي الفاتنة التي أمامه
زياد بإبتسامة : اعذريني طلبتلك عصير علي ذوقي
نور بجدية: ممكن نشوف شغلنا عشان عايزة أرجع الشركة تاني بسرعة
زياد بإحراج : ااه ااه طبعاً
قاطع حديثه طرق الباب فسمح بالدخول
داليا: مستر أدهم لسه مخلصش الملف يا افندم
وبيقول لحضرتك أول ما يخلصه هيبعته للآنسة سارة
نور وهي تقف: تمام أنا كدة هبلغ الآنسة سارة
واكملت بإبتسامة: عن اذنك
وخرجت من مكتبه دون إنتظار رده
ليبقي هو هائماً فيها ويبتسم لنفسه دون وعي
......................................
في مكتب أدهم
ظل يفكر في طريقة ليقابلها حتي ظهر امر الملف
فإتخذها  حجة للذهاب لها
ولكنه فضل إنهاء عمله أولاً
.......................
في الجامعة
كانت هنا تحادث إسلام علي الهاتف
هنا: ارغي يا اسلااام مش فاضية عندي محاضرة
إسلام: ارغي.... إيه ارغي دي يا هنا
هنا: والنبي انت شكلك فايق وأنا عندي زفت محاضرة ومش فاضية اخلص يا اسلااااام
اسلام: ليه المعاملة دي بس يا حبيبتي
هنا بصدمة : حبيبتك.... مين دي اللي بتكلمها جنبك يا إسلام وبتقولها كلام حلو
إسلام بصدمة: مين اللي جنبي يا هنا
هنا: مش انت بتكلم واحدة جنبك وبتقولها يا حبيبتي ااااااه يا خاااين يا غشاش يا بتاع البنات وعامل نفسك بتحبني وانت بتكدب عليا... الحق عليا إني بصدق واحد زيك..... اهئ اهئ مش مكلماك تاني يا وحش.. اهئ اهئ اهئ اهئ
وأغلقت الهاتف وهي تبتسم لنفسها بإنتصار
علي الخدعة التي نفذتها في حبيبها
أما هو فما زال علي حاله من صدمته التي ألجمت لسانه وطريقة كلام هنا معه.....
ليدخل عليه أدهم مكتبه ليجده ينظر للهاتف بشرود وملامح وجهه غريبة
أدهم: انت يا زفت مااالك
إسلام:.....
أدهم: ولاااا انت فين يخربيتك
إسلام:........
أدهم: انت عامل كدة ليه
إسلام: اتصل بهنا من عندك
أدهم : نعم
إسلام: اسمع كلامي بس واتصل بهنا
أدهم: طيب لما اشوف اخرتها
إسلام: اااه وقولها إن في عميلة أجنبية جاية لشركتنا إنهاردة وإني أنا اللي هقابلها
أدهم: انا مش فاهم حاجة
إسلام: اعمل اللي بقولك عليه بس وهفهمك كل حاجة
امسك أدهم هاتفه وطلب رقم أخته
هنا: حبيبي ياااا ادهووووم
أدهم: ازيك يا هنون بقولك روحي لوحدك إنهاردة
هنا: ليه
أدهم: أصل أنا عندي شغل وزياد كمان وإسلام هيروح يقابل عميلة أجنبية ف محدش فااضي معلش
هنا بعصبية: قلت اسلااااام رايح فين
أدهم ببراءة : رايح يقابل عميلة أجنبية
هنا: وحيات  أمه... هو المقلب هييجي عليا أنا ولا إيه وحيات أمي أنا ما هسيبه يقابلها
أدهم ببرود : وانتي مالك متعصبة ليه
هنا بتوتر: هاااا....وهتعصب ليه عااادي يعني
أدهم: طب سلام بقي يا روحي وخدي بالك من نفسك
أغلق معها الهاتف وانفجر في الضحك هو وإسلام علي رد فعل اخته
أدهم: في ايه بقي
إسلام بهدوء: مظنش إنك غبي لدرجة إنك متفهمش حاجة من كل اللي حصل
أدهم بإبتسامة: ههههههه انا اصلا عاارف من زمان ومستنيكو تتحركو إنتو الإتنين أنا عمري ما هأمن حد على أختي قدك
إسلام : وانت احسن اخ في الدنيا
أدهم : أروح  أشوف شغلي وانت خد بالك بقي من إعصار تسونامي اللي هيجيلك كمان شوية أنا عارف إنها مش هتروح وهتطب عليك
إسلام بضحك: هههههههههه عارف
خرج أدهم  من المكتب ضاحكاً علي جنون العشاق
...
عذراً ولكن هل هناك ما هو أجمل من جنون عاشقين كتب الهوي قصة غرامهما ورسم الشوق ملامح عشقهما. 
............