خارج الحدود المصريه وتحديداً في احد اغني المناطق في ايطاليا يجلس كريم وحبيبته وزوجته ورفيقه دربه منال يتحدثون في شتي المواضيع الي ان
منال:كريم انا قلقانه علي احفادي طول ما اللي اسمها ميرڤت دي معاهم
كريم بتنهد:والله وانا كمان مش مستريحلها بس انت عارفه ابنك ودماغه هو فاهم انو كدا بينفذ وصيه اروه الله يرحمها
منال بحزن:الله يرحمها لو كانت موجوده كان الوضع اختلف كتير
كريم:ادعليها يا منال هي في مكان احسن كتير
منال:المهم دلوقتي هنعمل ايه انا مش مطمنه وبالذات علي احمد ميرڤت وقعتو في هايدي ودي بنت حربايه مش هتهدي غير لما تأذيه
كريم: طيب والحل !؟
منال بعد تفكير:نجوزه
كريم:نعم!؟ منال انت واعيه انت بتتكلمي علي مين دا احمد يعني لو ايه حصل مش هيرضي يتجوز اصلا
منال:وليه لا....سيبني انت بس اتكتكلهاا وانا هخليه يتجوز بملئ ارادته
كريم بضحك:اتکتكلهاا!؟ انت بتنزلي عابدين يا حبيبتي ولا ايه !؟
منال بضحك ايضاً:بس يا كريم بقا بسمعها في الافلام
كريم بحب:قلب كريم انت
منال بخجل:بس يا راجل بقا الله
لتعلو ضحكاتهم في المكان فلطالما كانوا هكذا يحبون الحياه ويعملون علي استغلالها في الضحك والسعاده فلن يستفيدوا شيئا من البؤس والحزن
***********************************
في الجامعه انتهي اليوم بين محاضرات ومزاح بين ندي وزملائها واساتذتها فلطالما كانت مثال للفتاه الاجتماعيه المحبوبه الصاخبه لتخرج من كليتها وتنتظر صديقتها منه لتصتدم بفتاه كانت تركض بسرعه فتسقط الفتاتان ارضاً
ندي بألم:اه يانا ياما ضهري اتقطم انت كويسه يا انسه !؟
فلقد كانت الفتاه صامته ولا تتحرك
ندي بقلق:يا انسه !
لتصرخ الفتاه فجأه وبدون سبق تنذار لتتسبب في فزع ندي ورجوعها الي الخلف
اميره بغضب:انتي يا متخلفه كسرتي ضافري
ظلت ندي واقفه برهه من الزمن تحاول استيعاب ما سمعته تواً ماذا قالت بحق خالق السماء!؟ هل هي تمزح الان !؟
ندي بمحاوله للاستيعاب:قولتي ايه!؟
اميره بصريخ:كسرتي ضافري يا جاموسسه
ندي بغضب:وحياه امك بقا كان هيجيلي الغضروف من الوقعه وسيادتك بتصوتي عشان ضافرك اتكسر يا شيخه غوري اللهي يجحمك انت وضافرك في ثانيه واحده
لتأتي منه مسرعه اليها فقد كان صوتهم مرتفعاً بما يكفي لجذب انظار الناس اليهم
منه:ايه في ايه انت كويسه!؟
