كومنت علي الفقرات
يارب يعجبكوا
**************************************
هدي:يلا يا منه شهلي بسرعه...وانت يا ندي نفضي السجاده عدل يا هبله
ندي بتعب:حرام عليكي يا طنط ايدي اتهدلت
منه بتعب:في ايه يا ماما...مكنش عريس جاي يتقدملي يعني
هدي:اخرسي يا بت انت وهي شهلوا يلا...يا خيبتي علي خلفتي يا انا يا اما بنتي وصاحبتها فشله يا ربي ليه؟
لتنفجر كل من ندي ومنه بالضحك علي كلامها الذي يعاد منذ ان كانا في الثانويه
ندي:خلاص بقا يا هدهد الله مش كل مره لازم الكلام دا
منه:اه والنبي يا ماما افرحيلي بقا وحياه بنتك اللي هي انا يعني
هدي بتنهد:اخلصي يا اخره صبري منك ليها الناس زمانهم جايين
منه بغيظ:يارتني ما وافقت...كلوا منك
ندي بشهقه:من مين يا روح امك؟؟
هدي من الداخل:روح امك في عينك يا بت
ندي:احم لامؤاخذه يا طنط....واعادت نظرها لمنه:دا انا السبب دا انت كنتي واقعه يا اختي
منه:مين دي!؟ لا طبعا هو يطول اصلاً
نظرت لها ندي بسخريه وهي تتذكر ما حدث في الساعات الفائته
#فلاش باك#
كانت تشعر بالرعب الشديد فهي متأكده تمام التأكد انه لن يدعها وشأنها حتي ينال مبتغاه منها لتوقظها من رعبها يده التي امسكت يدها لتبث فيها بعض الراحه وكأن عينيه تقول "لا تقلقي لن يصيبك مكروه فأنا هنا"
ابتسمت له وحاولت ان تتناسي كل شئ فعليهم اولاً الأنتهاء من مشكله منه وذاك المخبول سليم وبعد ذلك يمكنها الإلتفات لمشكلتها
وبعد مده.. ندي:منه يلا بينا ولا ايه؟
منه:اه يلا
مصطفي:متنسوش هاا
كان يتكلم بالإشارات لكي لا تفهمه ميرڤت ومراد ليس وكأنه لن يخبرهم ولكن لا يريد ان يفاجأهم
ندي:تمم هعرف هيوصلوا لإيه وأقولك
مصطفي:تمام مستنيكي
احمد:استني يا ندي هوصلكوا انتوا مش معاكو عربيه
ندي بإبتسامه لطيفه:والله يا احمد مش عارفه اشكرك ازاي
احمد:متقوليش كدا دا واجبي يلا بينا
واتجه بهما الي بيت منه بعد ان الحت منه علي ندي كثيراً لتأتي معها
ودعهما واتجه الي القصر فلا يمكنه ترك اخيه في تلك "الورطه"وحده فهو متأكد ان امه لن توافق علي تلك الزيجه بسهوله
اما ندي ومنه فقد اتجهتا الي منزل منه والذي كان فارغاً نظراً لعمل والدتها في مكتب المحاماه خاصتها
