بارت جديد
يارب يعجبكوا
**************************************
كانوا يقفون خارج غرفه العمليات في إنتظار خروج الطبيب...وبالطبع كان يخيم الصمت عليهم وسط بكاء ندي...وصدمه مصطفي وشعوره بالذعر وتوتر الباقين....وخاصه أحمد الذي كان يحاول تهدأه اخيه وزوجته
وأخيراً وبعد ما يقرب للساعتين خرج الطبيب وعلي وجهه علامات الأسف والتي أدت لتوقف قلب الجميع
نظر لمصطفي ليردف:احنا عملنا اللي نقدر عليه يا مصطفي بيه بس للأسف مقدرناش ننقذ الجنين
نظر له مصطفي بأعين خاليه من الحياه ليردف بصوت مهزوز:ومنه!؟
الطبيب:متقلقش المدام كويسه عندها كسر بسيط في رجلها الشمال بس هتقوم ان شاء الله هتحتاج تجبسه اسبوعين بالكتير وهتصحي في خلال دقايق
تنهد براحه فعلي الأقل حبيبته وزوجته بخير شكر الطبيب ونظر للواقفين ليردف:انا مش عايز حد يحسس منه بأي زعل...الطفل هييجي غيره...اياك حد يبوصلها بصه شفقه واحده...انا مش عايز نفسيتها تتعب
اومأ الواقفين جميعاً ليقرروا الدخول للأطمئنان عليها وبالطبع لم يكونوا في الظروف المناسبه لملاحظه غياب كل من ميرڤت ودينا
**************************************
في الڤيلا كان يجلس وعلي وجهه ابتسامه خبيثه بينما تطالعه الأثنتان بعدم فهم
ميرڤت:وبعدين يا هيثم....ادينا عملنا اللي انت عايزه
دينا:يلهوي يا هيثم لو شكوا فيا هيموتوني
هيثم:لا متقلقيش منه متزقتش اصلاً كل اللي في الموضوع ان الدنيا كانت ضلمه والسلالم لسبب مجهول طبعاً كانت مبلوله
دينا بسخريه:مجهول فعلاٌ.... يعني مش انت اللي بليته!!!
هيثم بصدمه مصطنعه:بقا كدا تشكي فيا يا دينا تؤ تؤ اخص عليكي
تنهدت ميرڤت لتردف:ناوي علي ايه بقا...انا اصلا مش لاقيه سبب وجيه يخليك تقتل ابن مصطفي كدا انت عملت لبش في البيت
هيثم:بصي يا ميرڤت كدا اللعب بدأ بجد فأتفرجي من غير ما تسألي كتير
نظرت له بضيق لتصمت فهي لا تدري ما الذي ينوي عليه الأن
**************************************
في المشفي كانت ندي تحتضن منه اليها ومصطفي ممسك بيديها بينما يقف الباقون بصمت فلن يخاف علي منه أحد اكثر من هذان الأثنان
ندي ببكاء:منه حبيبتي انت في حاجه وجعاكي!؟
منه بتعب:رجلي بس شده عليا شويه بس متقلقيش انا كويسه....مصطفي الجنين كويس!؟
نظروا لبعضهم بتوتر وحزن ليردف مصطفي بتنهد:منه حبيبتي انتي عارفه ان كل حاجه بتحصلنا هي خير لينا صح!؟
منه وقد بدأ الخوف يتسلل لقلبها:ييعني ايه!؟
ندي:يعني يا حبيبتي...انتي لسه عروسه جديده وقدامك تجيبي عيال كتير ان شاء الله...بس أكيد ربنا مش شايف دا الوقت المناسب...يبقي نحمده..ولا نتضايق!؟
