بارت جديد
يارب يعجبكوا
***************************************
في صباح اليوم التالي استيقظ أبطالنا الأربع ليتجه منه ومصطفي للمطار في طريقهم لباريس
اما ندي فقد استيقظت علي أثر ذلك الكابوس مره أخري لتجده مستيقظاً ينظر اليها ببرود تام غير ابه بتعرقها وتنفسها الغير منتظم....ظل ينظر اليها برهه الي ان تحدث أخيراً
أحمد ببرود:لو عايزه تعيشي في البيت هنا لازم تعرفي ان في قوانين لو متنفذتش هتبقي جنيتي علي نفسك
لتقاطعه ندي:بسس
أحمد:أول هام ...اياك تقاطعيني وانا بتكلم...ومتتكلميش غير لما أذنلك بدا....تاني هام..لو شفتك قاعده بتاكلي معانا علي سفره واحده مش هيحصلك طيب ...اصلاً ملكيش تاكلي غير لما أذنلك بدا وأبعتلك الأكل مع حد من الخدم وانهارده استثناء عشان تيتا وجدو....تالت هام...النوم ميبقاش قبل ما انا أجي لو جيت لقيتك نايمه هتندمي ندم عمرك....رابعاً بقا ودي أهم نقطه...اياك مخلوق يعرف عن اللي بيحصل بينا... انتي فاهمه!!؟
ندي بصدمه:افندم!!!؟ دا سجن كدا...انت بتقول ايه؟
أحمد:انا قلت اللي عندي ولو متنفذش انتي عارفه اللي هيحصل...معتقدش هتبقي مبسوطه لما صاحبتك تتطلق
نظرت له بصدمه ودموع...كيف له ان يكون بهذه البشاعه!!؟ وانا التي كنت بدأت أكن له بعض الأعجاب !!؟ لما فعل هذا!؟ ماذا فعلت له !؟
ندي بدموع:هو انا عملت ايه عشان تعمل فيا كدا !؟
نظر لها باستحقار لم يستطع اخفائه واردف متجاهلاً سؤالها
احمد:اياك اشوفك نايمه علي سريري مش ناقصه قرف هي فاهمه!؟
ندي:......
احمد:لما اكلمك تردي عليا فاهمه ولا تحبي افهمك بطريقتي!؟
ندي عندما رأت ما تحتويه عينيه من نار :فاهمه فاهمه
لينظر لها بقرف قبل الانطلاق الي عمله تاركا اياها تبكي كالطفل الصغير في الظلام....
***************************************
في الأسفل كانوا يتناولون الإفطار ليجدوه ينزل اليهم مرتدياً ملابسه للخروج لينظروا له بإستغراب
أميره:ايه يا ابني رايح فين؟
أحمد:الشغل
منال بصدمه:افندمم ومراتك اللي فوق ديي ؟؟؟
أحمد:مالها؟
كريم:انت هتستهبل يا أحمد! أكيد مش هتسيبها يعني
أحمد:ليه البعبع هياكلها!!...متقلقوش اوي كدا...هي موافقه من الأول علي دا
منال بتنهد فهي تعلم ان حفيدها عنيد ولن يوقفه أحد
لتردف:طب هي فين منزلتش معاك ليه؟
أحمد:بتاخد شاور ونازله
