#ذات_إنتفاضهه5
صهيب قفل الخط وعمل مكالمة مرة تانيه وقال"الو ي احمد وين إنت؟طيب اسمعني عايزك تتواصل لي مع اي واحد من اصحابك الابهاتهم ضباط في الأمن ديل ضروري شديد عايز اعرف اسماء المعتقلين والمعتقلات في كل الأقسام اليوم،
احمد قال ليهو اسي دة؟في شنو خير إن شاءالله؟
صهيب قال ليهو شهد دي تقريباً اعتقلوها من موكب العربي اليوم
احمد قال ليهو شهد؟شهد شنو ي زول شهد الجابها الخرطوم شنو كمان انت جنيت في راسك دة ؟
صهيب قال ليهو ي الله ي احمد م تكتر بتساهدني ولا لا؟بوريك كل شي بعدين دة م وقتك..
احمد قال ليهو دقيقه بس وبرجع ليك
بعد احمد قفل منو رجع اتصل على خالي التاج وقال ليهو:
السلام عليكم ي خال،حالياً انا بسال طلعت الساعه كم هي؟حوالي الساعه12كدة صح؟طيب ساكنين وين انتو انا جاي عليكم ،طيب لما اصل بتصل عليك ،جاتو مكالمه من احمد فصل بسرعة ورجع قال ليهو اي ي احمد الحصل شنو؟
احمد قال ليهو اتكلمته مع واحد صحبي قال بشوف لكن الحكاية دي بتاخد زمن!!!
صهيب يعني بحتاج كم كدة الزمن متأخر يمكن لو عرفنا مكانها م يخلونا نطلعها باقي الساعات دي💔
احمد قال ليهو صهيب اهدا الموضوع دة محتاج صبر زهجك وغضبك م بحل شي فهمتهه؟وبعدين انت متاكد انو شهد في الخرطوم وإعتقلوها؟الكلمكك منو؟
صهيب قال ليهو احمد اسي انا بتكلم مع خالها اديك رقمو تتأكد؟
احمد قال ليهو طيب وين انت اسي؟صهيب قال ليهو ماشي ماشي على بيت اهل شهد،
احمد قال ليهو ساكنين وين هم؟صهيب قال ليهو في...
احمد قال ليهو طيب بعرفها نتلاقى هناك
صهيب وعو ماشي في الطريق شغال تلفونات وسايق باقصى سرعتو اي اشارة مرور لقاها في الطريق إتخطاها ،إضافه لي إنو م خلى زول من الناس البعرفهم وليهم علاقة بالحكومه م إتصل عليهو،
وصل المكان الوصفو ليهو خالي واتصل عليهو وبقى متابع معاهو الوصف لغايه م وصلهم،لما وصل لقى الناس كلهم في الشارع قاعدين ومنتظرين،سلم على حبوبه وخالي،اول حاجه قالها ليهم وين كريم؟شالت كريم معاها؟
خالي التاج قال ليهو لا إتطمن م شالتو ،إتفضل جوة البيت،صهيب قال ليهو لا خلينا هنا افضل،
خالي قال ليهو لا حرم تتفضل كيفن تقيف في الشارع كدة،دخلو البيت فضلوهو اول م قعد قال ليهم وين كريم؟
حبوبه قالت ليهو نايم ي ولدي بكى كدااا لما م لقى امو لمن نام،
خالي التاج قال ليهو زاتها بت حقارة حقارة م بتسمع الكلام والله لو بتصدق انا السوق دة منعتها منو لكن حبوبتها مسانداها في الراي اها نعمل شنو في حاله زي دي؟
صهيب قال ليهو بتتلقي إن شاءالله،حبوبه جابت ليهو مويه قبل م يشربها حتى جاتو مكالمة كان احمد،
احمد قال ليهو وصلته انا بس وصف لي امشي بي وين بالزبط،صهيب قام على حيلو وبقى يوصف ليهو،قال ليهو بتلقاني جمب الباب انا،
طلع الشارع انتظر زي 10دقايق كدة وهو متواصل مع احمد،وهو واقف خالتو بسمة ام بلسم طلعت الشارع وهي بتبكي ماشه وجايه وتقول لي اولادها اختكم مافي انا انوم كيف،م عارفة الحاصل عليها شنو انا،اولادها بهدو فيها وجزؤ من الجيران طلعو على صوت بكاها حبوبه وخالي منهم ، خالي قال لصهيب دي ام البت الطلعت معاها شهد،
صهيب لما شافها بتبكي كتير مشى عليها قال ليها ي خاله إن شاءالله م بتكون حاصله عليهم حاجه هم الإتنين ،زادت في البكى ،قعد ليها في الارض قال ليها اسمعي كلامي والله كويسين نحن اسي متواصلين مع ناس عشان نعرف مكانهم بس،قالت ليهو بالجد ي ولدي؟عليك الله كويسين؟قال ليها بإذن الله برجعو بالف خير كلامي دة انا مسؤل منو إستغفري كدة وقومي صلي ليك ركعتين وادعي ليهم بس قومي ي خاله،قومها على حيلها وقال لي عمار دخلها جوة،
خالتو بسمة قالت ليهو عليك الله ي ولدي طمنا لو حصلت اي حاجه حلفتك بالله،قال ليها حاضر ي خاله
فجاة إتصل عليهو احمد صهيب قال ليهو اي ي احمد،تعال على طول ايوة ،شويه كدة احمد جا،نزل سلم على حبوبه وخالي قال ليهم الحاصل شنو ي جماعه؟البت دي ليه خليتوها تطلع براها كدة؟
خالي قال ليهو والله ي ولدي تقول شنو نحن زاتنا غفلتنا،إتفضلو على البيت جوة ي اخوانا م تقيفو في الشارع ،دخلوهم البيت وهم قاعدين فجأة يسمعو صوت كريم،حبوبه قامت دخلت عليهو في الغرفة،صهيب قال ليها جيبوهو ي حبوبه ،جات طالعه ادتو ليهو شالو وهو ملهوف ف بقى يقول ليهو كريم وضماهو وبقى يبوس فيهو،قال ليهم حاطلع بيهو برة عشان يسكت بس في الواقع هو طلع بيهو برة عشان ياخد مساحتو معاهو ومن لهفتو ليهو قدام الناس م حيقدر ياخد راحتو معاهو،شالو طلع بيهو الشارع وكريم اول م صهيب شالو سكت ،صهيب وهو واقف بيهو في الشارع جا لاحقو احمد،صهيب قال ليهو م جاتك اي مكالمه؟قال ليهو لا،احمد قال ليهو ممكن نحن نمشي نفتش اقسام الشرطه البعتقلو فيها الناس،قال ليهو طيب من قبيل م تقول كدة ارح،رجعو كريم وطلعو ،لفو على كل الاقسام اي زول بقول ليهم كلام براه حتى المعتقلات الوصفوها ليهم م لقو فيها لا إسم شهد ولا بلسم رغم إنو هم لقو ناس كتار اهلهم قاعدين قدام المعتقلات منتظرنهم ،صهيب كان غضبان ومهزوز لدرجه إنو م قادر يتفاهم مع احمد حتى،احمد قال ليهو خلينا نتحرك ،صهيب قال ليهو احتمال كبير تكون هنا خلينا واقفين هنا،احمد قال ليهو طيب م ترجع تتصل على ابوك وتحنسو يمكن يساعدك او خليني انا بتصل عليهو ي صهيب ياخ م تبقى انفعالي انت كمان ياخ دة م وقت إنفعاليتكك،صهيب قال ليهو والله ابوي ان بقى قبلهه م بقبل عليهو ومشى خلاهو
فضل واقفين ساعه ساعتين وخلاص صهيب اعصابو باظت الساعه 3صباحاً هم لسه كانو واقفين في الشارع ،
