ذات انتفاضه الجزء التاني

٣٤

#ذات_إنتفاضهه34

صباحيه يوم التوقيع على الاتفاقيه فتحته عيوني لقيت صهيب نايم ومرقد كريم فوق بطنو وضاميهو عليهو ،وملامحمهم الاتنين وهم نايمين كدة تهبل ،بقيت اعاين ليهو وانا سرحانه وبقول لنفسي لو كنت عارفه انو عوض ربنا لي على كل المعاناة العانيتها والحياة الباهته العشتها حيكون بالشكل دة م كنت اعترضتهه على اي شي حصل معي زمان ابداً الحمدلله دايماً وابداً ي رب❤حاولته اشيل كريم وارقدو على جنب مع حركتي كريم صهيب فتح عيونو،قلته ليهو بصوت خافض خليني ارقدو على جنب،قال لي لا خليييييهه رقدو في السرير وضماهو عليهو وجرة الغطى اتغطى ولا كاني قدامهم،اتغظت لانو زمان الحركه دي بعملها لي انا ولما اجي اصحيه بجرني وبرقدني جمبو مش يغطي كريم ويسفهني😒🔪💔الساعه كانت ماشه لي11ونص عديل، نزلته استحميت ومشيت جهزته الشاي والفطور لانو صهيب استحاله ياكل لو م شرب الشاي،جيت راجعه بديت اجهز ليهم في ملابسهم المفروض يلبسوها ،كويت لي صهيب ملابسو رغم انها مكويه بس رجعته كويتها،وانا بكوي صهيب تلفونو ضرب،جيت اعملو صامت فتح عيونو لقيتها امتثال قلته ليهو دي امتثال،قال لي طيب ردي،رديت عليها قالت لي وين وين انتو ي صهيب،قلته ليها معاك شهد ي صهيب انتي😅قالت لي اوووووو شهدونتي كيفك ياخ،قلته ليها الحمدلله وانتو؟قالت لي زينين هااا حتطلعو متين عشان نتلاقى في الساحه هناك،قلته ليها نحن دوبنا صاحين والله حتى انا بس الصاحيه صهيب وكريم لسه نايمين😂😂😂😂قالت لي م جااادة؟المؤتمر حيبدا بعد نص ساعه كدة ي زوله م يفوتكم احضرو التلفزيون،قلته ليها طيب تمام في اي قناة؟قالت لي في قناة من قنوات التلفزيون💋❤قلته ليها ظريف،قالت لي تمام لما تجو بعدين هناك ادوني خبر نتلاقى ماشي؟قلته ليها طيب حاضر ان شاءالله،بعد م قفلت قلته ليهو صهيب حبيبي يلا اصحى انت وولدك بطلو كسسل،قال لي طيب تعالي اقول ليك دة؟قلته ليهو شنوو؟مدة لي يدو وقال لي مدي لي التلفون دة ،قلته ليهو لا كان مسكته التلفون م حتقوم اسي قوم ياخ الفطور جاهز والمؤتمر حيبدا م نفسك تحضرو؟قال لي جيبي التلفون ياخ!!!قلته ليهو دة شنو الشي المهم شديد للدرجه دي؟قال لي قبل كل شي لازم اصبح على حبيبتي ف عايز اتصل عليها م حاصحصح لو م سمعته صوتها من الصباح🚶😅💔قلته ليهو اممممم طيب هاك ،مديت ليهو التلفون جراني وقال لي م نفسك تصبحي علي يعني مكرفسه وشك كدة😂قلته ليهو ياااااااخ😒قال لي  م تهدي خليك فايرة والغيرة طالعه من عيونك كدة بتهبلي😂😂😂🚶💔قلته ليهو صهيب بطل تغيظني واصلا منو القال ليك غيرت؟قال لي والله يعني كلمه اصبح على حبيبتي دي م هزت فيك شعرة؟قلته ليهو ابداً😌رفع حاجبو وقال لي ولا شويه😅قلته ليهو خالص خالص يعني شنو غيرة اساساً؟قرب مني وقال لي اشرح ليك يعني شنو غيرة؟
فجأة كريم قال بابا!!!صهيب فكاني و اتلفت عليه وشالو قال ليهو قلب بابا وباسو في خدو وبقى يلعب معاه،نزلته من جمبو وقلته ليهو انزل اجهز انت وولدك عشان الفطور الانا صحيت ليهو من اذان الصبح دة حيبرد😊💔فرشته لينا مفرش في الارض وجبته الفطور جهزتو ليهم علشان المؤتمر حيفوتنا لو قلنا نفطر في المطبخ😂💔صهيب طلع من الحمام اول م شاف الاكل قال لي ي سلااااااااام ياااااخ ي مرتي اقسم بالله 3زيك بس في حياتي  والحياة دي تمشي سمبتيك لمن ماف طريقه صح ي كريم؟قلته ليهو صهيب افضل ناكل من سكات😊ضحك وجا قعد شغلتا  النيل الازرق وبدينا نفطر بعد مخلصنا حتى المؤتمر بدا،كنت بتكلم معاه وبعلق وهو ولا شغال بي شغاله لغايه م جات لحظه الترحيب بالوسيط الاثيوبي "ابي احمد"قلته ليهو ي سلام ياخ❤قال لي شايفه الاستقبال دة بي هيبه كيف مقارنه بمبعوثي الدول العربيه،قلته ليهو هو لكن م بتقارن بيهم الزول دة ليهو الفضل في الاتفاقيه دي كلها الله يحفظه ،قال لي بجد الواحد كدة يقدر يقول اثيوبيا ي اختي بلادي وكل شهر ولا راس سنه يصبها هناك😅قلته ليهو وليييهه يعني م فهمت؟قال لي إجازة😅قلته ليهو امممممم يعني سنوياً حتودينا اثيوبيا لأ دة ملل م طبيعي على الاقل غير😒🔪💔قال لي ي زوله انتي م معي طبعاً حتكون معي مرتي الاثيوبيه بما انو العلاقات بقت زابطه وكدة لازم نطور العلاقات اكتر ونتزوج منهم ونرتبط ببعض ارتباط وثيق كأننا دوله واحدة😅لما قال كدة لمن بلعته ريقي عيوني رقرقو خلاص بس اصلي م بينته ليهو قلته ليهو اااهم شي كل سفرة تجيب لي منهم حجات جبنه من هناك عندهم حجات زابطه خلاص واهم شي الأكله بتاعتهم الاسمها زغني ديك  كل م اجوع امشي ليها تعملها لي والعجب مشطاتهم الحبشيه وي وي وي باااااس 😍بقى يضحك بخباثه😒🔪بقينا مركزين في ابمؤتمر وشغالين تعاليق لغااايه م جا دورر الاصم،بقى يتكلم ويتكلم ويتكلم ونحن نعلق ،صهيب قال لي دة طلع ليهم القديم والجديد كلو كشحو ليهم في وشوشهم عايني اشكال العسكر والكيزان بقت كيف،قلته ليهو يستاهلو ياخ قذرين مبسوطهه من حنانو زاتو ياخ😌❤قال لي اثلج صدور الشعب كلو ياخ🔥وكل الحجات المفروض يتطرق ليها م خلى حرف من االقديم والجديد الا و اتطرق ليهو وم خلى ثغرة ،خطاب شامل من 89واهم شي قالو النقطه بتاعه "قولوها الان حصحص الحق وزهق الباطل...الخ دي شملت كل شي عن الكيزان ،قلته ليهو بالجد يعني شخصيه وروقه وهيبه وحضور انيق وخطاب م اتقال زيو  حتى في البيت الابيض ي صلاة النبي علييييهه اصم الهنا والسرور ي يمه،بقى يعاين لي وهو رافع حاجبو عملته نفسي م مركزة وواصلته كلام وتعليق،بعد م الخطاب خلص قلته ليهو صهيب اجهزو عشان نطلع لانو لازم نودي كريم ناس حبوبه قبل م الشوارع تتقفل او تزدحم!قال لي وليييهه نودي كريم ناس حبوبه؟قلته ليهو عشان الشمس والسخانه وغيرو حيقيدنا💔قال لي لا حنسوقو م حيقيدنا،قلته ليهو حتتحمل انت مسؤليتو م انا،قال لي اوكييييههه،قلته ليهو طيب يلا قوم خلي تلفونك دة يااااخ عشان نجهز،قال لي طيب انتي اجهزي انا لبسي م باخد وقت،بديت اللبس كريم وهو لسه ماسك تلفونو،بعد م خلصته من كريم مشيت شلته منو موبايلو قلته ليهو قطر عطبرة حيفوتنا بسببك،مشى فتح الدولاب قلته ليهو ملابسك جاهزة مجهزاهم ليك من قبيل انا،قال لي كدة وينهم؟قلته ليهو ياااهم عاين ليهم مسااافه قال لي لا م عايزهم ،قلته ليهو م انا طبيعي بجهز ليك ملابسك وانت بتلبس عادي،قال لي بس اليوم م عادي لازم اكون انيق زيادة عن اللزوم لانو اليوم حيكون عالمي والجكس حيكون بالهبل م عايزين نطلع منهم ساي 😅قلته ليهو اممممممممم اهااا طيب ظريف❤اتلفت على الدول وقعد ينزل في الملابس وانا دموعي جات جاريه على طول مشيت دخلته الحمام غسلته وشي جيت طالعه لقيتو بلبس في الفنيله،كريم كان ماسك تلفون صهيب وبلعب قعدته اصلح لي كريم لبستو ،عاينته لي صهيب قلته ليهو لسسه؟قال لي متين بديت اللبس اسي انا؟قلته ليهو ثواني طيب خليني اساعدك عشان حضرة سادتك لو براك حتجهز بعد سنه جيت وقفته قدامو وختيت رجولي في رجولو وطلعته لفوق شويه صلحته ليهو لياقه القميص وبديت ازرر ليهو في الزراير،شك القميص قلته ليهو جيب يديك طيب ،دبسته ليهو يدين القميص بالبرش بتاعهم ،رفعته راسي لقيتو بعاين لي،قلته ليهو لازم تكون ملفت بزيادة عشان المنافسين حيكونو كتار😅قال لي نحن كمان عندنا منافسين ي زوله نحن بختارونا وبصلو علينا ركعتين ششكر🔥قلته ليهو صلاة النبي على الثقه ،مشيت اطراف صوابعي في حواجبو عشان اصلحهم ليهو وقلته ليهو دقايق ،قال لي مالك؟اتحركته من جمبو جبته الساعه والعطر قلته ليهو اهم مميزات الرجل م مفروض يتنسو،قال لي ي حبيبي والله العظيم انا لو لقيت بقيه نسواني ال3بنفس تفاصيلك دي م عايز اي شي من اادنيا دي تاني😅قلته ليهو حبيبي اااااابشر بتلقاهم تب وانا ممكن اساعدك كمان اها كيف معاك🔥😌قال لي خلاص اختاري لي من النضيف بعدين لمن نكون هناك😎قلته ليهو م محتاج توصيه م اختار ليك الا اناااااااا❤لبستو الساعه وانا اصلي م عايزة اعاين ليهو في عيونو من شدة الغيظ عيوني لونها حيكون قلب ولو عاينته ليهو حاتفجر وابكي وهو اصلا عايز يوصلني لكدة،عايزة ارش عليهو العطر لفهه يديهو حوالي وقربني عليه اكتر لدرجه بقت مافي بينا مسافه،قلته ليهو كدة م حاقدر ارش عليك العطر،قال لي وهو اصلا عطر المتزةجين بترش كدة لكن😅إتفكيت منو قلته ليهو انا حاجهز بعد كدة،هو شال كريم وطلع وانا بقيت اجهز،لبسته لي اررررهب فستان عندي اكمامو نص زرايرو باديه من فوق النهايه م فيها زراير لبستو بي بنطلون سماوي ضيق وكفيت البنطلون وربطته حجل مع الاسبورت طلع🔥،رسمته لاينر وعملته روج وحددته حواجبي على خفيف وركبته زمامتي الدبل رينق  واكتفيت بكدة 🔥سرحته شعري ولبسته الطرحه وحجبتها خليت خصلات كدة طالعه برة الطرحه وعندي شنطه طويله كدة شلتها وجيت طالعه صهيب من الغرفه صهيب جا داخل هو وولدو اول م شافني وقف وبقى يعاين لي😅قلته ليهو هااا مشينا؟قال لي اصلاً إتأخرنا❤طلعنا اول م اتحركنا بقيت اعاين للشوارع حتى هيبه الشوارع هيبتها غير ناس شايله اعلامها وطالعه مواكب  وناس راكبه عرباتها وبتهتف ،واصوات بوري العربات ،الفرح كان مالي الشوارع نحن شعب بسيييط ياخ واقصى طموحتنا حجات بسيطه على قدرنا 😍🔥لما وصلنا لفه الستين صهيب فجاة وقف العربيه ورجع خلف، قلته ليهو مالك؟فجأة وقف و نزل القزاز جات وقال ي امي ماشين كدة؟قالت ليهو ماشي شروني ي ولدي؟قال ليها اي اتفضلو،كانت مرة ومعاها 4بنات سمحات سماحهه،قالت ليهو الله يديك العافيه ي ولدي،ركبوو واتحركنا بدت تتكلم ليهو عن السياسه وم السياسه قالت ليهو يااااولدي الكيزان العملو في اولادنا ان شاءالله بركه الله يتعمل في اولادهم ويتحرق حشاهم عليهم زي م حرقو حشانا،اتوقعته صهيب يسكت بس قال ليها امين واتماشى معاها وبناتها يتظارفو واحدة لمن طلعت برة العربيه وتصرخ ،جينا ماشين بشارع المطار لقينا الدعامه بعرباتها اول م شفتهم قلته ليهم "مدنيهه وي وي وي،دعامه اااا ويييين ياااا...🔥😂الحاجه البتزعل وبتمغص انهم متفاعلين معانا ويهتفو ويصورو فينا غايتو انا زيهم م لاقاني بغيرو جلدهم كل فترة💔وصلنا شروني مع وصولنا انا احساس القيادة الجدجد رجع لي من تاني براميل المويه والشباب البوقفو الناس علشان تشرب ،الاعلام المرفوعه،الهتافات في كل حته ،كميه الناس الخرافيه المنتظرة قطر عطبرة ،الفوتوغرافين البياخدو صوور من طرف ،ياخ كل شي بس احساس القيادة واهم شي الشباب الكانو موجودة فوق للقطر وبضربو في الحديد بصوت واحد بس احساس لجنه اعالي النفق نفسها🔥فضلنا قاعدين ومنتظرين قطر عطبرة اللي م جا الا الساعه5ونص،لحظه الاستقبال كانت هي الاعظم يعني جسدت كل معاني الجمال لينا نحن ك شعب سوداني،،كانت في كميه دموع وجع وهم بهتفو"الدم قصاد الدم لو حتى مدنيهه"💔بعدها الناس اتحركت على ساحه الحرياء،اجمل حاجه بتاعين بصات الوالي اتكفلو بي انهم يوصلو الناس الساحه ببلاش🔥😂،اتحركنا على الساحه بس م اتوفقنا في انو نص بدري ققضينا وقتنا وهتافتنا كلها في الشارع اصلا الكان حاصل في الشارع السوداني في اليوم دة م محتاج نمشي الساحه عشان نحتفل الشوارع كلها كانت احتفلات وصخب الهتافات ماليهاااا😍🔥لما وصلنا الساحه كانت في زحمه غريبه والدنيا مغارب يعني خلاص والناس اصلا م قادرة تدخل فضلنا قاعدين برة نهتف مع الناس بعد العشاء صهيب قال نرجع البيت لكن اول شي نمشي نتعشى،قلته ليهو م نفسي اكل،قال لي بس انا وكريم نفسنا 💔🔪قلته ليهو طيب جيب ليكم اي شي تاكلوه،قال لي خليكم في العربيه هنا،مشى على المطاعم المع المدخل بتاع عفراء عدى نص ساعه جا راجع شايل اكياس،قال لي كريم نام؟قلته ليهو ااايوة،قال لي طيب يلا نمشي اصلا هو مرهق شديد ،قلته ليهو م بلحقني وانا مصدعه كمان💔قال لي لكن ي حبيبي انتي م خليتي شله بتهتف م وقفتي معاها م خليتي هتاف م هتفتيهو متوقعه شنووو؟قلته ليهو بصوت مبحوح عايزة انوم بس ،فضلنا ماشين فجأة وقف العربيه ونزل،وانا فضلته مغمضه عيوني قلت يمكن ماشي يشتري ليه سجاير،جا راجع بعد 10دقايق كدة قال لي هاك،قلته ليهو شنوو؟قال لي بندول اكسترا حبه عند اللزوم،قلت ليهو نزلته علشان تجيب لي الحبه؟قال لي يعني فكرك حأكون مرتاح وانا شاايفك م تمام؟قلته ليهو حبيبي ياخ 🙈قال لي يلا اخدي واحدة اسي عشان لما نصل البيت تكوني ارتحتي وتقدري تنومي مرة واحدة❤قلته ليهو ماشي❤وصلنا البيت رقد كريم نومو في غرفتو وجا راجع لقاني طالعه من الحمام ومنكشه شعري ،قال لي الصداع خفه؟قلته ليهو احسن،وقفته قدام المرايه عايزة الف شعري جا وقف جمبي ومسك يدي وقال لي "عارفه لفه الشعر دي زاتها الحتزيد ليك الصداع خليييه منكش كدة😅قلته ليهو م حيخليني انوم ،قال لي انا قاعد م حأخليهو يضايقك انتي بس حاولي إرتاحي حاضر حبيبي❤قلته ليهو طيب ،قلع ملابسو ودخل الحمام وانا رقدته وم بين صاحيه ونايمه صهيب نده علي من الحمام قال لي حبيبي م تنومي عايزك في حاجه مهمه،شويه كدة جا طالع وانا شبه نايمه وبعاند في عيوني قال لي حبيبي نمتي!!قلته ليهو عايز حاجه؟قال لي لا بس  قبل م تنومي عندي ليك مفاجأة،قلته ليهو شنووو؟قال لي دقيقه،مشى فتح دولابو وجا راجع قال لي يلا تعالي،قلته ليهو بصوت ناعس صهيب ياخ انا مرهقه والله م قادرة اقوم خلي بكرة،قال لي م ينفع بكرة مسكني من يدي قال لي دقيقتين بس حبيبي عارفك مرهقه والله ،نزلني من السرير ،قلته ليهو بدلع يااااااااخيييي😭وقفني قدام المرايه  غمضي عيونك،قلته ليهو صهيب ياخ 😭قال لي ثانيه واحدة وحاتك❤غمضته عيوني بعد مسااافهه حسيت بيديهو حوالين رقبتي وبرفع لي في شعري فتحته عيوني لقيتو سلسل فضه  رفيييييييع حركتو راسيه زي الصليب بقيت اعاين فيهو،قلته ليهو صهيب دة صليب؟ضحك قال لي ياااااخ انتي احسن تنومي😂💔بقيت اعاين في السلسل مساااافهه فيهو حاجه مكتوبه بشكل أُفقي من فوق لتحت قلته ليهو مكتوب شنو؟قال لي انتي وشطارتك وقوة تركيزك بعد كدة😅بعد مسااافهه حتى استوعبته انو الحروف مكتبه بشكل راسي "مدنياااااااااو"وعليها حبات كريستال بتلمع كدة،قلته ليهو واأأاااي ي صهيب م جادي عملتو كيف دة ومتين 😍😍😍قال لي رغم نعاسك سرعه استيعابك فعالهه😂😂😂اتلفته عليهو وحضنتو قلته ليهو وربي ماف ارهب من كدة يعني ماف احلى من كدة زكرى ياخ بحبك بحبك بحباأأااأااااااااأاااأك،قال لي حاسبي النعسه م تطير😂قلته ليهو هي طارت وانتهى خلاص😂🙈بس يلا قول لي عملتو كيف يعني كلمه مدنياأاأأااو دي اتكتب كيف م فهمت لانو دي حاجه صعبهه ،قال لي سر المهنهه وطلب خاص لي روح الروح  ماف شي صعب عشانها 😅❤قلته ليهو طيب بعد كلمه بحبك دي انا المفروض اعمل شنو ياخ وربي بحبك تاني مضروبه في 1000😂🙈❤ضحك قال لي "بنظرة خباثه" المفروض تعمليهو إنو إنتييييييي...سكت،بقيت اعاين ليه،ضحك وشالني قال لي مفروض تنومي طبعاً وصلني السرير وقال لي مش من قبيل كنتي نعسانه يلااا🔥قعدته اعاين ليه واضحك قال لي عايزة حاجه؟قلته ليهو عايزاك جمبي م حتنوم؟قال لي عايز اشاهد التلفزيون شويه الزمن بدري على فكرة،كرفسته ليهو وشي احساس زعلانه وكدة،قال لي طيب يلا حاولي نومي وانا جمبك زاتي مرهق زيك رقد جمبي في السرير رقدته في حضنو
قولته ليهو صهيب!!قال لي روحو،قلته عارف اليوم كان حلو شديد بغض النظر عن النظر عن الارهاق والتعب الفيهو بس بجد نحن شعب يستاهل كل الخير الفي الدنيا دة❤قال لي عارفه انو اليوم دة بلاك م كان حيكون ليهو اي نكهه بالنسبه لي ؟رفعته راسي بقيت اعاين ليه،قال لي ووسط كتيبه بتاعه نسوان م حأشوف غيرك ابداً ف شنو بكاك قبيل م كان ليهو اي لازمه،،قلته ليهو اناااااا؟قال لي ااااايوة انتي شكلك كان واضح انو انتي بكيتي،بحب احس ب غيرتك علي بس م لدرجه اني ابكيك ابداً حسستيني بالذنب والله 💔قلته ليهو بس انت غظتني حتى لو هظار كان ثقيل انا م بتهاون فيك ابداً حتى لو  مجرد تخيل ساااي بتنرفز،قال لي حقك علي طيب💋❤قلته ليهو امممممممممم ممكن اقول حاجه؟قال لي سامعك،قلته ليهو اممممممممممممممممم خلاص طيب خليتها،قال لي بجد؟قلته ليهو اااايوة❤قربني عليه وغطاني وقال لي طيب ممكن تنومي بعد كدة ي بطه لانو عيونك شويه وحتتحول..على لسان صهيب...