#ذات_إنتفاضهه10
صرختهه و قولتهه وانا بتمتم واااااااااي دة دة دة صهيب والله صهيب ومن غير م احس لقيت نفسي جاريهه ومترميهه في حضنو وبقيت ابكي بصوت عالي وم قادرة انطق بحرف بس ببكي،بعدها بقيت م حاسهه بي شي في بكاي داك اغمى علي،
محمد قال لي احمد وين المفتاح افتح افتح،احمد فتح الباب وصهيب شايلني دخلو الشقهه ،محمد قال ليهو احمد جيب عطر ولا اي حاجه كدة،
صهيب رقدني في الكنبه وبقى يقول لي شهد،شهد افتحي عيونك ،شهد،محمد قال ليهو خليها كدة م بتصحى،هي كويسه م عندها شي،احمد جااب ليهم العطر محمد رشاهو علي وصهيب لسه بصحي فيني وبفرك لي في يدي،بعد ربع ساعه كدة رجعته اصحصح وانا برجف وببكي وبتنهد وبقول صهيب،
صهيب كان بقول لي ايوة ي شهد انا هنا،افتحي عيونك عايني لي ،شهد بتكلم معاك انا
محمد قال ليهو خليها ي صهيب كدة م حتصحى،صهيب قال ليهو جسمها بارد وبترجف احسن نوديها الدكتور يمكن تكون محتاجه درب،
محمد قال ليهو م بحتاج دقيقه اسي انا بعمل ليها جلكوز،
مشى على المطبخ وصهيب فضل يتكلم معي ويحاول يخليني افتح ،بعد مسااافة شبه فتحته ودموعي جاريه،محمد جا شايل كبايه قال ليهو فتحت؟هاك اشربي شويه،انا لسه كنت بعاين لصهيب وبتنهد،صهيب مسك الكبايه قال ليهو خلي انا بشربها
انا كنت لسه بعاين ليهو وانا م مستوعبه،قال لي يلا ي شهد حاولي اشربي ولو بسيط،هزيت ليهو راسي وقولته ليهو م عايزة،رفع لي راسي وحاول يشربني وقال لي يلا حاولي إشربي،شربني بالغصب شويه، بعدها رجعته ابكي،قال لي خلاص ي شهد بطلي بكى وروقي اسمعيني انا بتكلم معاك ،
محمد قال لي مش كنتي عايزة صهيب؟اها ياهو صهيب قدامك كويس وم حاصله ليهو اي حاجه بطلي بكى ي زوله،
صهيب قال لي عايني لي هنا انا كويس زي م شايفه والله كويس و م حاصل علي شي ،
احمد قال ليهم الصدمة ي جماعه خلوها تبكي م تمنعوها،لما تبكي حترتاح ،
صهيب قال لي تعالي نزلني من الكرسي وساقني دخلني حمام غرفتنا غسل لي وشي وبقى يقول لي خلاص م تبكي إتفقنا؟ قولته ليهو وانا ببكي وبتنهد هم قالو انو انت متتهه،جابو جثه زول ميت وقالو دة انت ،كل الناس دي صدقت إنو دة انت رغم اني قولته ليهم انو انا شوفته الجثه ودة م انت ،والله ي صهيب انا اقسمته ليهم بالله انو الميت دة م انت ولا تفاصيل جسمو بتشبه تفاصيل جسمك بس ماف زول صدقني،ماف زول كان بصدق كلامي البقولو ليهم😭😭😭😭😭انا كنت بتكلم وهو بمسح لي في دموعي ودموعو زاتهت كانت جاريه بعدها ضماني عليهو وقال لي هششششششش خلاص عارف انا والله عارف،لفيت يدي حوالين رقبتو وبقيت ماسكه فيهو بكل قوتي وانا ببكي وهو زاتو ببكي معي،بعدها بمساافهه قال لي تعالي ،طلعنا من الحمام قعدني في السرير وقعد هو في الارض على اطراف رجولو ووبقى يعاين لي وانا ببكي،قال لي قلنا شنو نحن؟
قولته ليهو م قادرة ي صهيب م بيدي والله😭قام رفع الملايه المفرشه اصلا وفتح الدولاب جاب ملايه جديدة فرشها قال لي تعالي رقدني في السرير قال لي حاولي ترتاحي،قولته ليهو لالا ،قال لي لا رجع رقدني وقال لي م ترفعي راسك فاهمه؟قولته ليهو فهمني انت كنت وين،والحصل عليك شنو،وعملو فيك شنو يلا احكي لي 😭💔قال لي في حالتك الفيها انتي دي م حأحكي شي فهمتي لمن تروقي وتهدي حتى حأحكي اسي حتغمضي عيونك و حترتاحي ،هزيت ليهو راسي بمعنى لا ،قال لي لا م تهزي راسك شوفي انا تعبان وعايز ادخل اتدوش بس م حأقدر اخليك وانتي بالحاله دي لازم اضمن إنك نومتي حتى اقدر اعمل الحجات دي كلها،
قولته ليهو طيب انا بخير،قال لي لا غمضي عيونك وحاولي نومي وانا منتظرك هنا يلا،رقدني وبقى يعاين لي وانا بعاين ليهو،قال لي حاسه بحاجه او عايزة حاجه؟
قولته ليهو عايزاك إنت،سكت مسافة وهو بعاين لي بعدها قال لي بس انا هنا جمبك ،قولته ليهو خايفة اغمض عيوني وارجع اللقاك مافي ي صهيب😭😭😭😭😭😭💔
قعد جمبي ورفع راسي ورقدني في حضنو و قال لي بتهيأ ليك بس انا هنا وماف شي يخليني ابعد تاني مش سقطت ولا م سقطت؟سكتتهه
قال لي هاااا؟
قولته ليهو سقطت قال بس تمام يلا غمضي عيونك وحاولي إرتاحي وخليك مطمنهه حتفتحي وحتلقيني جمبكك 🌸فضلته راقدة في حضنو وسرحانهه مسااافهه بعدها غمضتهه عيوني علشان عارفه انو م حيخليني لو م ضمن إني نمته،بعدها بشويه رفع راسي وختاهو في المخدة وطلع على برة ،محمد قال ليهو هدت شويه؟صهيب قال ليهو والله يعني اخدت ليها نومة،
قال ليهو النومة دي حتريحها التوتر والحاله الدخلت فيها دي من الخلعه وكدة لكن حتبقى كويسه،اثناء م بتكلمو احمد جا داخل شايل اكياس في يدو،محمد قال ليهو دخلهم المطبخ،صهيب قال ليهم انا داخل اتدوش وارتاح شويه تمام؟
محمد قال ليهو اكل ليك حاجه م تنوم ساي،صهيب قال ليهو لا م عايز والله،
محمد قال ليهو ي زول لازم تاكل،صهيب قال ليهو م عندي نفس لكن لو جوعته حاجي اكل بس لو في عصير لشهد ممكن،احمد قال ليهو هاك دة مشروب،ودي سندوتشات في حال جوعتو ممكن تاكلو،إتصلت علي حبوبتها وكلمتها انو هي معانا م جبته ليها سيرتك طبعاً عشان عارف الجوطه الحتحصل
صهيب قال ليهو طيب تمام خير م عملت،محمد قال ليهو انا حأمشي لانو عندي دوام عمليات مهمة اوڤر نايت لكن بكرة الصباح ان شاءالله بجي عليك من المستشفى،
صهيب قال ليهو طيب
احمد قال ليهو انا كمان حأمشي لأنو امي حتقلق لو م رجعته البيت وكدة،صهيب قال ليهو م تحكي ليها شي ولا لأي زول من ناس البيت باقي الليل دة عشان صحتها بكرة الصباح انا بكون معاها تمام؟
احمد قال ليهو تمام إن شاءالله،
محمد قال ليهو يلا نحن نمشي،صهيب قال ليهو يلا لي بكرة 🌸
بعد م طلعو جا راجع الغرفه دخل الحمام انا كنت شبه صاحيه لما جا طالع من الحمام لقاني قاعدة في نص السرير،قال لي صحيتي؟عايزة حاجه؟هزيت ليهو راسي بمعنى لا،
قال لي دقيقة في كيس في الدرج كدة طلع منو مويه وعصير جابهم لي قال لي إشربي،قولته ليهو م عايزة انا ي صهيب،قال لي لا تشربي من غير نقاش يلا،شربني شويه عصير وبعدها اداني المويه،بعد م ضمن إني شربته قال لي انا حأصلي وحأجي راجع،
قولته ليهو بخلعه حتصلي وين حتطلع من هنا يعني؟
قال لي لا حأصلي هنا قدامكك 🌸
قولته ليهو طيب ممكن تنتظرني اصلي معاك ؟قال لي احسن شي يلا انزلي اتوضي،نزلته دخلته الحمام إتوضيت وجيت راجعه اقام الصلاة وبدينا وهو بقرا جهراً،مع نبرة وبحة صوتو انا كنت بصلي وببكي،م عارفه نفسي ببكي لشنو وهو جمبي بس م مصدقه او م مستوعبه الحاجه دي كويس،بعد م خلصنا صلاة،وقفته قصادو وبقيت اعاين ليهو وانا دموعي جاريه وبحاول امسحها قولته ليهو الحاجه الوحيدة الكانت مقوياني ومخلياني متيقنهه انو انت بخير هي صلواتي دي،كنت واثقهه انو ربنا م حيخيب ظني فيهو ،كل م قلبي يقبضني عليك كنت بلجأ للمصلايه دي كانت بتحسسني بالإطمئنان ولو شويهه،ختهه يدو في خدي ومسح دموعي وبقى يعاين لي مسافهه وقال لي تعالي،قعدني في السرير ورقد وخته راسو في رجولي ومسك يدي وضغط عليها شديد وضماها على صدرو وقال لي بصوت مبحوح ومرهق على قدر م كنت محتاج دعواتك الفترة المضت دي كلها بس صدقيني الحاجه الوحيدة الكنت شايل همها وسط الانا كنت فيهو كلو هي إنتي !!!،قولته ليهو م كنت بخير والله علشان م كان في ولا خيط يقدر يوصلنا ليك كنت حاسه بنفسي مكتفه و كل يوم كان اليأس بتملكني،كنت حأجن وربي ي صهيب بس الحمدلله،الحمدلله إنك رجعتهه بخير😭💔ضغط على يدي اكتر وقال لي م كنت حاسي انو انا بخير الا بعد م شوفتك ،وم كنت حأكون بخير ابداً لو م شوفتك ،الخيرالمكتوب لي مربوط بيك حاولي خليك جمبي بس وانا حأكون بخير ،
سكتنا مسافهه بقيت م عارفه ارد ليييه بشنو ،قال لي إنتي عارفه؟!انا نعسان،نعسان شديد وعايز انوم اطول فترة ممكنهه ،طولته م نمته لي نومة عميقة وانا مطمن بس بما إنك هنا الوضع إختلف، وإنتي معي حالياً انا مطمن شديد بدليل إنو حتى النعاس غالبني وم قادر اسيطر على عيوني!! عارفه الشعور دة معناه شنو؟قولته ليهو بصوت مبحوح وخافض شنو؟ضغط على يدي اكتر وقال لي معناه انو انا حرفياً مع الزول الصح وفي المكان الصح ، راحتي النفسيهه مكانها هنا بين يديك ممكن تبعدي ابداً ي شهد؟...🌸💕
#إقتباسهه
إخترها قويهه...يوما ما س تكون هي جيشكك الوحيد...❤
#نتلاقى®
