#ذات_إنتفاضهه6
زي م قولته ليك قبل كدة إنتي بتحَلي اي حاجهه في الدنيا حتى لو م كانت حلوهه،لما قال كلامو دة للحظهه انا م عارفه الحصل لي شنو بقيت اعاين ليهو مصدومة ،طلع وخلاني انا متنحهه فيهو بعد مسااافهه بقيت اقول لنفسي هو جايب قوة العين دي كلها من وين المنافق دهه؟حقير وقذر بشكل م طبيعي...
صهيب طلع لقى امتثال شايله كريم وبتلعب معاهو وبتقول ليهو "انت مشيت خليت خالتو وين وخليتها تشتاق ليك ؟كريم قال ليها ماما،ضحكت قالت ليهو وكمان بقينا نتكلم كويس😂😂😂كريم اول م شاف صهيب إتفكه ونزل منها وجرى عليهو،احمد قال ليهو ايواااااا يعني تنساني في شهر وتكون متتزكر صهيب صح؟كويس ي خاين العشرة ندمان على الساعات الكنت بتبكي وانا اسوقك الف بيك الشوارع كلها وم اخلي حلاوة وشوكلاته ولعبه م اجيبها ليك،
امتثال قالت ليهو م تتحسس وتشخصن الموضوع ي احمد😂😂😂😂😂
احمد قال ليها كيف م اتحسس واشخصنو وبسببو كل الجكس طار مني وافتكرني متزوج 😂😂😂💔حبوبه قعدت تضحك قالت ليهو الشافع ولوف ونساي في نفس الوكت ي ولدي💔احمد قال ليها لا ي حبوبة دة بياع عديل م نساي بس هههههههه،
صهيب شال كريم وبقى يلعب فيهو ويجدعو في الهواء وكدة وكريم كالعادة يضحك وكمان قال ليهو تاني تاني ي بابا تاني،صهيب قعد يضحك قال ليهو قولته شنو؟كريم قال ليهو تاني واتشعلق في رقبتو وهو شبه زعلان وعايز يلعبوه،صهيب قال ليهو مستهبل انت وكمل لعبو معاه
حبوبه قالت ليهو ي ولدي دة م بفتر من اللعب بتعبك سااااي تعال إرتاح واخدو ليكم نومة حبه من امس واقفين على رجل واحدة وم نومتو
صهيب قال ليها لا نمشي والله ي حبوبة
قالت ليهو تمشووين ي ولدي خليكم قاعدين!!!جا خالي التاج قال ليهو على وين ي زول خليكم قاعدين شويه كدة،
صهيب قال ليهم لا والله نمشي،احمد قال ليهم الحمدلله انو اتطمنا على البت دي وإن شاءالله تلقى العافيه في اقرب وقت،
خالي قال ليهم والله ي اولادي العملتها فينا البت دي اسكتو ساي خلوها،صهيب قال ليهم يلا ي جماعه نحن نستأذن،حبوبه قالت ليهم سمح ي اولادي الله يديكم العافيه جات تشيل كريم ،كريم لفه يديهو حوالين رقبه صهيب،
حبوبه قالت ليهو اهاااا قمنا للعباطه؟صهيب ضحك قال ليها خليهو،امتثال قالت ليهم انا حاقعد مع شهد شويه وحاطلع اصلا جايه بعربيتي،صهيب قال ليها طيب ماشي
طلعو برة الشارع ولسه كريم كان ماسك في صهيب رغم محاولات خالي التاج في انو يشيلو منو،بقى كل م خالي يقرب منو يبكي،صهيب فضل يحنس فيهو ويتكلم معاهو مسااافه بعداك قال ليهو انا ماشي هنا اجيب كلب وراجع سمح؟مش انت قلت عايز كلب ؟
كريم لسه مواصل كلب ودموعو عشرة عشرة ورافض يتفاهم بأي شكل من الاشكال ف كان بهز راسو بمعنى "لا"على كل حاجه يقولها ليهو صهيب،
خالي قال ليهو ي زول دة م بتفاهم ولا بتحنس ليك بعرف لياقتو انا جيبو وقلعو منو بالغصب وقال ليهو يلا اتوكل،
كريم بقى يبكي ويصرخ بأعلى صوت عندو وصهيب ركب العربيه وشايفو ببكي ويصرخ ودموعو حاريه،لمن اتحرك خطوتين جا راجع نزل وشالو من خالي وضماهو وبقى يحنس فيهو،قال لي خالي حناخد بيهو لفه وحنجيبو راجع كدة م بسكت ،خالي قال ليهو والله غايتو ي ولدي بتعبك لكن كويس ،صهيب شالو وركب بيهو العربيه
احمد قال ليهو طابور خامس ياااااا😂صهيب قال ليهو انا عارف عمايلو م حيسكت وبعدين حيصدع وحتمسكو حمه بالليل لو خليتو في الحاله دي،
احمد قال ليهو انت جادي؟
صهيب قال ليهو زعلو كعب ياخ 💔
فضلو ماشين لغايه م شاف ليهو سوبر ماركت نزل اشترى ليهو حلاوة وحجات وبرضو فضلو لافين في الشوارع علشان حضرة سيادة كريم الزعله تروح منو😂💔
