#ذات_إنتفاضهه4
الطاقهه الكانت جواي وانا راجعة الخرطوم مرة تانيه كانت م بتتوصف،في فترة وجيزة حسيت انو انا اتجاوزته الحاصل وقادرة انو انا اكمل عادي من اول وجديد زي بيحصل كل مرة،يمكن دة تاثير قناعتي بمقووله "كلنا فترات في حياة بعض"وإستسلامي لواقع إنو صهيب حرفياً م هو الا فترة وعدت،
اتوقعته الموضوع تأثيرو علي يكون اكبر من كدة بس م عارفه الحصل علي شنو بالزبط ،يمكن علشان اتعودتهه على الصدمات في حياتي ف اتكونت جواي مناعهه مضادة للصدمات،احساس الندلهه الما فارق معاها شي بس ياهو أحساسي بالزبط،
وصلنا الخرطوم،حسيت بالخوف للحظه ،يمكن الخوف دة سببو انو انا م عارفه بعد كدة الحيحصل شنو والقدر حيرميني على وين،
انا مؤمنه تماما بإنو ربنا كل خطوة اخطيها كاتب لي خير فيها،بس انا من كتر الحصل لي والمريت بيهو بقيت خايفة على نفسي من الدنيا نفسها💔
في الجانب التاني صهيب في بيتو ومعاهو حبوبه وإمتثال،
حبوبه السرة بتتكلم معاهو وبتبكي وبتقول ليهو ي ولدي الله والله ي ولدي بطل البتعمل فيهو دة كان انت ولد ولدي جد وعندي خاطر عندك اسمع كلامي،مالك ومال المشاكل ي ولدي،شوف اسي الاتعمل فيك دة هين؟20يوم م كنا عارفين ليك جهه لو م ابوك كان كتلوك،انت داير تموت ي ولد؟داير تحرق قلب امك عليك؟كان زعلان مننا عشرة وم داير تواصلنا م تعمل كدة في روحك الناس دي م بترحم ي ولدي،
امتثال قالت ليهو وبعدين زاتو الواحد بحلحل مشاكلو بالطريقه دي؟في زول بودي نفسو للموت ياخي بتبالغ ياخي عاين لنفسك دي في المرايه كدة مرتين شوف حالتك دي عامله كيف حتى لو زعلان من الدنيا كلها ماف زول بعمل في روحو كدة م معقوله الجهل الانت فيهو دة ياخي،
وهم بتكلمو معاهو قام من محلو شال مفتاحو وطلع خلاهم..
حبوبه قالت لي امتثال والله ي بتي اختك دي غير نفرت الاولاد ديل من الدنيا الجابتهم ليها دي،م عملت شي،دي ما أم دي غضب،في داعي لجنس دة؟دايرة تجنن الولد بعمايلها دي،كلنا ولدنا لكن زي عمايلها دي م عملناها،الولد قاعد مبسوووط حلاة الدنيا عليهو مع مرتو تقوم تسوي فيهم كدة؟الله زاتو بلعنها عشان عمايلها دي ،
امتثال قالت ليها والله ي خالتي انا عواطف اختي دي زاتها غلبني امرها ،والله محتارة اعمل معاها شنو لو اتكلمته معاها ونصحتها تخلق مشكله وتطلعني كعبة وكلو علي،ولو خليتها بتتمادى والله البعملو معاها غلبني عدييييييل...
حبوبه قالت ليها والله ي بتي مش انا خالتها؟اسرتنا دي كلها م فيها زول قلبو زي قلبها،لا شالتنا قلبنا لا قلب امكم الله يرحمها لكن زي م بقولو صحي الجنى بتلداهو لكن م بلتدي قلبو..💔
اها ي بتي شهد نهاية كلامها معاك كانت شنو؟لسهه مقويهه راسها هي كمان التانيه؟
امتثال قالت ليها والله ي خالتي شهد دي ختتها لي عديل قالت رجعة لصهيب م راجعه،النصيحة عندها حق الإتعمل فيها م هين وهيا انا كان عارفاها بتعمل كدة م كان خليتها والله💔
حبوبه قالت ليها البت المنعوله دي كمان شايله قلب امها،استغفر الله العظيم،انا زاتي اتكلمته مع الحبوبه والخال زاتو لكن كلامي م جاب نتيجة قالو بتهم م دايرة الرجعة وهم م بجبروها،نبرتهم معي زاتها كانت نبرة كلها طيبه وبشاشه والله دايرة اركب وامشي احصلها هناك واقعد واتكلم معاها واجيبها بيتها لكن خجلانهه اقول ليهم شنو الناس ديل ي بتي💔
امتثال قالت ليها تمشي تقول ليهم شنو لكن ي خالتي؟ماف مبرر للحصل زاتو وصهيب م داير يفتح خشمو يتكلم💔
