#ذات_إنتفاضهه7
!!قولته ليهو راجلي وانا بعرفو وحافظاهو بصمه بكل تفاصيلو اخت ليك يدي في المصحف دي م جثه صهيب وصهيب م مات انتو بتكذبو علينا ليييهه،ليييييهه بتكذبو علينا ...
واحد قال لي دي ملابسو اللقوهو لابسها عايني ليها دي ملابس راجلك ولا لا؟، قولته ليهو دة م رااااجلي انتو م بتفهمو؟
طلعته خليتهم وانا بتكلم براي وبقول دة م صهيب،م صهيب ،مستحيل يكون صهيب اساسا ،الحمدلله ،الحمدلله ي رب وصلته برة لقيت اصوات البكاء واصله السماء والناس كمياااااات هايلهه و ببكو ويصرخو قدام المشرحه،بقيت اقول ليهم ي جماعهه استهدو بالله انتو بتبكو ليه؟بتبكو ليه انتو ؟بتبكو على زول م ميت؟الجوة دة م صهيب ،م صهيب والله ي جماعهه م تبكوهو،
طبعاً الناس بقت تعاين لي بإستغراب في جزؤ خلى بكاهو وبقى يعاين لي
قولته ليهم ي عااااالم انا دخلته وشوفته الجثه بعيني دة م صهيب،صهيب انا حافظاهو بصمه حتى سبيبات شعرو بقدر افرزها عن غيرو ،دة م صهيب فهمتو؟والله العظيم م صهيب،بقيت لافه نص الناس وانا بقول ليهم كدة ،مشيت مكان م عمتي عواطف وإمتثال واقعين ومتلمين حواليهم النسوان،قولته ليها بصوت عالي عمتي ،عمتي عايني جاي ،عايني ي عمتي حلفتك بالله م تبكي الجوة دة م صهيب انا مشيت شوفتو اسي جايه من جوة الدكتور خلاني اشوفو دة م صهيب امتثال مش انا قولته ليك ماشه اشوفو؟مشيت شوفتو ي امتثال دة م صهيب ،بقو يبكو زيادة،قولته ليهم بصرخه انتو بتبكو على شنو؟قولته ليكم دة م صهيب م صهيب ي ناس افهمو والله العظيم م صهيب اعدم جناااااي م صهيب ي ناس،جا احمد مسكني قال لي شهد وهو ببكي،
قولته ليهو احمد احمد كويس انك جيت،يلا اسمعني اسي انا دخلته جوة هناك مكان الزول الميت،الدكتور دخلني شوفته الجثه ،دة م صهيب ي احمد،بقى يبكي،
قولته ليهو انت بتبكي لشنو؟انا بقول ليك دة م صهيب م صهيب اقسم بالله لا وش صهيب ،لا ملامح صهيب،ولا راس ولا شعر صهيب ولا جسم صهيب حتى ،صهيب ماف زول حافظو وحيحفظو اكتر مني،
قال لي شهد استغفري
قولته ليهو بنهرة م تقول لي استغفري انا بقول ليك حاجه انا متأكدة منها الجوة دة م صهيب م صهيييييييب افهم،
قعد في الارض وبقى يبكي
قولته ليهو افهمكم كيف انا افهمكم كيف؟
بقيت لافه وسط الناس وبقول ليهم ي جماعه الميت دة م صهيب ،صهيب م مات والجوة دة م هو والله العظيم،فجأة عيني وقعت على محمد وفي دكتور قاعد جمبو بهدي فيهو مشيت عليهو قولته ليهو محمد،مش انت دكتور؟معناها اكيد في حاجه بتوري اذا الميت دة هو كان المقصود ولا لأ،انا متأكدة انو الجوة دة م صهيب،والله م صهيب ي محمد شوفتو بعيوني ديل انت زاتك امشي شوفو وإتأكد حتلقاهو م هو ،ي دكتور ساعدو وامشي معاهو عشان تتاكد انت زاتك يخواني والله م صهيب،محمد قام حضني وبقى يبكي بأاااااخر نفس ليهو زي الطفل،
قول ليهو محمد انا واعيهه،واعيهه انا م جنيت لو انت فاكرني كدة والله واعيه وبرضو بقولها ليك الجوة دة م راجلي ،م صهيب،
شويه كدة جا عمي سمير طالع من المشرحه قال لي احمد ومحمد يلا سوقو الجماعهه ديل على البيت يلا ي جماعه كل النسوان الموجودين على البيت،جات مرة كبيرة حضنتنو بقى يبكي معاها بصوت عالي ويقول ليها لله م اعطى ولله م اخذ،إنا لله وإنا إليه راجعون،
اتفكه منها ومشى اتكلم ليهو مع كم نفر من الحرس وجا راجع لي احمد ومحمد،ومشى على خالتو عواطف اتكلم معاها،
قالت ليهو ولدي افوتو وين م بفوتو م بمشي بخليهو انا ولدي م بمشي😭😭😭😭😭😭😭😭قال ليها ولدك م بطلع اسي بنجيبو ليكي البيت يلا محمد واحمد تعالو سوقو امكم دي،يلا ي امتثال قومي على حيلك،امتثال قالت ليهو نمشي وين ي سمير ي اخوي نمشي وييييين وصهييييب بين الاموات هنا😭😭قومها على حيلها بقت تبكي وهي متسندة على كتفو وهو دموعو جاريه،قال ليها امتثال إنتي العاقله،خليك متماسكه شويه امشو البيت نحن حننتظر الجثه تتشرح وبنجيبها البيت م بنمشي بيها المقابر امشو جهزو البيت اسي في ناس كتيرة في البيت م معاهم زول الكلام دة كدة م بجي،
اجمد ومحمد جو رفعو امهم وهم نفسهم م قادرين يشيلوها ركبوها العربيه وساقو امتثال وانا واقفه بعاين ليهم ،جا محمد قال لي يلا ي شهد تعالي مسكني من يدي وركبني العربيه، محمد قال لي احمد حبوبه وصلوها البيت من المستشفى قبل شويه انت وصلهم وتعال تمام؟قال ليهو تمام،
اتحركنا في العربيه عمتي عواطف تشيل وتبكي وتصرخ وتقول وااااااي من الجاتك ي ولدي،واااااااااااي من ميتك ي ولدي وااااااااااي،امتثال بتبكي وسانداها وبتقول ليها استغفري ي اختي استغفري إنا لله وإنا إليه راجعون"فضلنا على الحاله دي لغااايه م وصلنا شارع البيت،لما وصلنا شارع البيت م كان في نفس في الشارع ندخل بيهو العربيه كميات حقت عربات م طبيعيه،وكميات بتاعه ناس للصيوان دة ركبوهو،
طبعاً انا مصدومهه هم بجد مصدقين انو دة صهيب بحق وحقيقهه؟
بقيت اعاين للناس،واحمد وامتثال ساندين عمتي عواطف،جينا ماشين م لأي زول في الشارع ودخلنا على طول،اول م دخلنا نلقى ليك الناس دي اكوام اكوام جوة البيت،وفي واحدة اول م شافتنا قامت تصرخ ومن هناك الصريخ بدأ وهاك ي احضان وولولات،وانا البحضني بتفك منو،عمتي عواطف قعدت في الارض وبقت تصرخ وتقطع في النجيلهه وتقول للناس ولدي مات ي ناس،ولدي لقوهو غرقاااان غرقاااان اسبوع كااامل ماف زول جايب ليهو خبر،ولدي إتعذب ولدي ميتو شينهه ولدي مات زعلان مني ولدي م ودعني م ودعني😭😭😭إمتثال فجأة اغمى عليها،شالها احمد وانا وراهو دخلنا بيها جوة اول م وصلنا الهول كمان لقينا ناس اول م شافونا بقو يصرخو رقدها في الكرسي واتلمو فيهو نسوان وبقو يبكو فيهو وهو ببكي لمن م قادر يطلع نفس،واحدة قالت ليهم خلاص ي اخواتنا،خلاص إنا لله وإنا إليه راجعون م تعذبو الولد لسه م دخل قبرو ادعو ليهو ربنا يتقبلو قبول حسن من عندو إن شاءالله،
مشيت جبته مويه رشيت بيها إمتثال،واحدة قالت لي انا عندي عطر دقيقه،طلعتو رشتو عليها وبقت تصحي فيها لغايه م بدت تفتح عيونها وهي بتبكي ،بقت تقول ليها استغفري،قعدته جمبها قولته ليها امتثال،فتحي عيونك ي امتثال بطلي البتعملي فيهو دة،انا قولته ليك الميت دة م صهيب انا شوفتو إنتي م شوفتيهو ،والله العظيم شوفتو بعيني،لما استمرت في البكى مشيت خليتها،قعدته في السلم وبقيت اعاين للناس والناس بتعاين لي،عيوني كانت مع الناس بس عقلي كان مع صهيب،مع كل لحظهه مرت علينا ونحن مع بعض ،شريط حياتنا كلو مرة علي وانا قاعدة قعدتي دي،فجأة اشوف حبوبه عشهه قدامي وهي بتقول لي لا إله الا الله ي بتي ،حسبي الله من الوجعه الجاتك تاني ي بتي حسبي الله حضنتني وبقت تبكي ،قولته ليها حبوبه م تبكي،صهيب م مات،
قالت لي دة كلام شنو دة ي بتي؟
قولته ليها انا شوفتو بعيوني البتاكلهم الدود ديل دة م صهيب ،م هو والله،
كملت بكاها وبقت تقول لي ي بتي م تعملي في نفسك كدة،كدة قومي تعالي معي،قولته ليها انا م ماشه محل الناس الببكو ديلك،م ببكي مع زول ولا ببكي في زول انا،صهيب م مات،وانا بتكلم معاها جات مرت خالي تكورك بصوت سكت كل الحواليها،مسكتني وبقت تبكي ووقعت جمبي وهي حاضنه كريم وبتقول ليهو إتيتمتهه تاني ي ولدي،رجعته إتيتمتهه تااااني الليله وووووووووووووب من حظ البت دي،قلعته منها ولدي وانا بعاين ليها بغيظ حضنته كريم ولدي وانا بعاين للناس وصريخها وبكاها،قدر م حبوبه حاولت تتكلم معي وتقومني حلفته م اقوم،جو بنات شافوني بالحاله دي وفي ناس كتيرة جات اتلمت حوالي على اساس انا مرت الميت لا ببكي ولا شي قاعدة وبعاين للحوالي وانا ساكته وحبوبه قاعدة جمبي على اساس انها تصبرني وكدة،
بدون مبالغه انا قاعدة للساعه7صباحاً على الحاله دي،7ونص كدة شايفه الناس بقت تتقاطع ورجعو يتباكو حبوبه كانت شايله كريم وحايمه بيهو لانو كان ببكي من الجوطهه الحاصلهه ،جاتني قالت لي ي بتي قومي من محلك دة الناس ديل جابو الجنازة خلاص،
قولته ليها اقوم امشي وين؟
قالت لي قومي امشي اتوضي صلي ليك ركعتين وادخلي على راجلك شيلي رضاهو اقري ليهو حبه قرءان على راسو
قولته ليها ادخل اقرا قرءان على راس زول م ميت بالنسبه لي ولا راجلي؟
م ماشه انا ي حبوبه وحات جنااااي دة الميت دة م راجلي،م بقوم بمشي عليهو انا م بقوم،
فضلته قاعدة ومرقدة راسي في طرف السلم وبعاين للناس،
جاتني امتثال قالت لي شهد صهيب جابوهو،في الصالون حيطلعوهو بعد 5دقايق م عايزة تمشي عليهو ي شهد،قولته ليها دة م صهيب ي امتثال
قالت لي شهد الموت دة علينا حق كلنا قلبنا محروق عليهو بس دة قضاء ربنا وقدرو م مؤمنه بقضاء ربنا انتي؟
قولته ليها علشان انا مؤمنه بربنا مؤمنه انو المات دة م صهيب ي امتثال افهميني
حبوبه قالت ليها م بتسمع ليكي ي بتي م بتسمع انا لساني نشف معاها،
قامت طلعت لقت محمد واقف وخاتي يدو في راسو قالت ليهو محمد شهد دي لغايه الان ولا دمعه م نزلتها،البت دي في حاله صدمة لو م طلعت منها مشكله خلينا نسوقها ندخلها لصهيب بحالتها دي تعال معي،جا وراها لغايه م وصلني،قالت ليهو محمد اتكلم معاها،
قعد في الارض قال لي شهد المات دة اخونا عارفه يعني شنو اخونا؟نحن اتربينا معاهو من صغار بس حنعمل شنو دة قضاء الله وقدرو م بنقدر...
سكت ودموعو جات جاريه،
قال لي قومي الله يرضى عليك قومي ادخلي عليهو شوفيهو عشان تطلعي من الحاله الانتي فيها دي،يلا ي شهد عايز يقومني اتفكيت منو
قولته ليهو محمد عاين لي هنا في وشي،انا واعيه واعيه شديد م مصدومه ولا شي،انا اسمي شهد وابوي اسمو عبدالله ودة ولدي كريم ودي حبوبه،ودي امتثال والبتقولو عليهو راجلي دة اسمو صهيب بس برضو م راجلي لو جبتو جنازتو قدامي هنا بنطها وبمشي بخليها لانو انا متأكدة عديل انو دة م راجلي وماف زول يجي يتكلم معي في الموضوع دة تاني عشان م اكفتو ،
