#ذات_إنتفاضهه27
لا معليش ماف إنسان طبيعي بمشي وبخلي روحو المتعلق بيها وراه،وبعدين دي شنو كفاك دي ي زوله انا يوم متين كنت بكتفي منكك؟
بقت ساكته وبتعاين لي ،بعد م سكتت فترة قالت لي حبوبه والبقيه وين؟
قلته ليها افهم من سؤالك دة إنك زهجانه مني صح؟قوليها بصريح العبارة م تدخلي بجاي وتطلعي بجاي،ضحكت مسااافهه حتى قالت لي م تفهم غلط انت يااااخ...
شوفتها وهي بتضحك كانت عندي بالدنيا وردت فيني الروح بعد إكتئاب شهر تقريباً ي دوب حسيت بنكهه الحياة وانو انا عايش بجد بقيت م قادر ارفع عيني منها خالص،قالت لي انا فترته من الرقدة دي يخخخ وضهري واجعني💔 قلته ليها طيب دقيقه رفعته منها المخدة براحه وعليتها وحركتها هي وقعدتها قلته ليها كدة احسن؟قالت لي ايوة،قلته ليها طيييييب عايني انا جعان وشديييييييد،قالت لي بجد ؟طيب امشي اكل وتعال راجع م اتغديت صح؟قلته ليها ايوة جعان بس م نفسي اكل يخخ،قالت لي ليييهه م نفسك؟قلته ليها عشان مفروض يكون في سبب اكل عشانو ،قالت لي م فهمته كيف يعني الجعان دة بس بياكل الجوع براهو سبب،قلته ليها لا انا طماع وعايز زول ياكل معي،قالت لي طيب شوف زول ياكل معاك وين المشكلهه؟قلته ليها بس انا م عايز اي زول ياكل معي دي المشكله عندي زول معين ممكن يفتح نفسي للأكل،بقت تعاين لي وهي مبتسمه بس بتحاول تخفي بسمتها وقالت لي والزول دهه منو شوفو وخلي ياكل معاك،قلته ليها يعني اطلب حتاكلي معي من غير دلع وحركات؟قالت لي بدهشهه اناااااااااااا؟قلته ليها ااااااااايواااااااان إنتيييييي يعني عندي منو في حياتي ممكن يفتح نفسي لأي شي في الدنيا دي غيرك؟؟بقت تضحك قلته ليها معناها اطلب صح؟
قالت لي طيب،طلعته على طول م تميت 10دقايق جيت راجع ،قلته ليها قالو بياخد نص ساعه كدة ،قالت لي ماشي،بعدها سكتت مسااافه وقالت لي اممممممم صهيب!!قلته ليها عيوني احكي،قالت لي بلسم كيفها؟قالت كدة ودموعها في طرف جفونها،نسبه للحصل ليها م عرفته اجاوبها اقول ليها شنو بالزبط م اعتقد اني حأنجح في مواساتها حتى لو حاولته،
مسحته دموعها وقلته ليها يومي من الصباح بتكون هنا وم بترجع الا المساء،احكي ليك عن قدرة ربنا بتتمثل وين؟الحصل ليك انتي نساها نفسها والحصل معاها بقت تفكيرها وهمها ووقتها كلو معاك وشايله همك حالتها م كانت بتقل عن حالتي بشي من خوفها عليك،اخوها وابوها نزلو من السعوديه بسبب الحصل ليها دة كانو عايزين يسوقوها من البلد دي بس رفضت السفر عشان الحاله الانتي كنتي فيها،شهد بقت تبكي وتتنهد قالت لي كسروها ي صهيب انا اخر شي إتوقعتو انو يحصل كدة ولبلسم كمان م عارفه الناس دي جاها قلب من وين يعملو كدة حسبي الله ونعم الوكيل فيهم😭😭قلته ليها إ متثال داعماها نفسياً وشبه اتقربت منها ومتكفله بحالتها وبعدين دة م كسر ليها ابداً لانها م غلطت المفروض يخجلو العملو كدة والجيش السمح بحاجه زي دي تحصل قدام قياداتو وسكت عليها م اظن في عار على جيشنا السوداني اكتر من كدة💔اما هي الحاجه دي لو م زادتها شرف م بتقلل من شرفها ابداً وي ستي نحن محتاجين نبطل عقم الفكر النحت فيهو دة ابداً مقياس البت م كان ولا حيكون في حاجه زي دي،وي ستي صحبتك وكل الحصل اخواتنا الحصل ليهم كدة انا واثق انهم ب1000راجل ،ولما حصل ليهم كدة في المكان الهم كانو قاعدين فيهو معانا الكسرة م جاتهم هم بس،نحن الحاجه دي بقت لينا زي الذنب الواحد كل م يقعد مع نفسو بيقول ليييه م قدرته احميهم واطلعهم من المكان داك،كسرة النفس الجواهم هم جوانا مضاعفه اقسم بالله💔فضلت تبكي،قلته ليها بطلي بكى كفى،قالت لي يعني كدة خلص ؟حصل الحصل وفضو الاعتصام والناس رجعت لحياتها بشكل طبيعي صح؟قلته ليها منو القال ليك الناس رجعت لحياتها بشكل طبيعي؟لسسسه ي ستي الشعب دة نفسو طويل والوعي بقى مضاعف في 1000امس كان في مليونيه يوم30 رغم انو السودان مقطوع منو النت بس ااااه وين يااا الشعب كلو طلع الشارع مواكب م حصلت في تاريخ السودان من غير اي اعلام او غيرو ،
قالت لي وخلوهم؟
قلته ليها في رغابه دوليه وفي تحذير للمجلس من انو يستخدم العنف ضد. المتظاهرين السلمين،المجلس مضغوط وحميدتي داير ينضف ويلمع لنفسو بعد العملو هو افتكر انو بكسر مجاديف قوى الحريه والتغير والتجمع بس لقى الشعب زاتو إستلم الرصه م فاضي لي اعلام ولا نت ولا توجيهات اساساً لانو الوجعه الدخلوها فيهو م بتبرد حتى لو سلموها مدنيه من غير تفاوض،قلت ليها دقيقه،مشيت على الشاشه شغلتها وقلت ليها يمكن يجيبو احداث امس في قناة الجزيرة،شغل الجزيرة وبقى يحضر معي م فيها شي نافع،
شهد كانت مركزة معي حسيت بيها عايزاني اكمل واحكي ليها الحصل في القيادة بالزبط بس اتجاوزتها وشغلتها بالتلفزيون،اثناء م انا قاعد معاها فجأة جاتني مكالمه شلته التلفون وطلعته برة وبرضو هي تركيزها زاد معي من لحظه م التلفون رن لغايه م قلته ليها راجع وطلعتهه ملامح وشها كانت غير الكنت معاها اسي💔المكالمه كانت جاياني من صحبي عمدة كان اقرب زول ممكن اطلب منو يجيب لي عشاء بي فهم،اول م رديت علييه قال لي في الباب انا وجاي عليك بس م حأدخل الغرفه اطلع علي برة،بالفعل لمن طلعته وانتظرتو جا سلمته عليه اتطمن على شهد وسأل عليها ،قال لي إتفضل ي معلم ،قلته ليهو خليك إتعشى معانا،ضحك قال لي من قلبكك😂😂😂🚶👊💔قلته ليهو يااخ معقولهه!!!قال لي بالهنا ي مان نحن م صدقنا انك حتاكل البركه في شهد يلا انا ماشي معي مزتي تحت🚶قلته ليهو م بتفتر انت يومي بي مزة،قال لي كنت فايتني بدرجه م ترغي كتير يلا في امان الله،طلع مشى وانا دخلته لقيتها بتعاين بإتجاه الباب كأنها منتظراني وبعديها عملت روحها م مركزة لما شافتني داخل😂💔قلته ليها عمدة بسلم عليك❤قالت لي بجد؟قلته ليها دقيقه،جبته الطربيزة جهزتها والشاورما شكلها كان بشهي خصوصاً انها مقطعه لاجزاء ،قلته ليها يلا،قالت لي م كنت جعانه بس جعت بشوفه المنظر،قعدته جمبها وقلته ليها وانا عارف انو في زوله نقطه ضعفها الشاورما والبيبسي وم حتقاوم ابداً وحتفتح نفسياتي للطقهه😅 ضحكت وبدينا ناكل مع بعض كل م توقف بلقى نفسي بأكل فيها،تقريباً من يوم فض الاعتصام اول يوم اكل فيه من غير م زول يغصبني على الاكل،قلته ليها م عارف هل مفروض تشربي مشروبات غازيه ولا لأ بس يلا ..
