#ذات_إنتفاضهه31
إنتهى البينا دة ي صهيب وبيني وبينك تاني بس عرس محمد اخوك وبعدها غير ورقتي م دايرة منك شي ابداً دة اخري معاك وطرفي منك ي صهيب،قال لي طيب وقفل الخط...
بقيت م بتفاجأ من ردود افعالو ابداً ،انا حرفياً مرهقهه وتعبانه من تصرفاتو وتناقضو،م عندي زول ابكي ليهو طبعاً بلسم ومافي بكيت براي وابداً هو م رجع إتصل علي تاني،عدت الايام وهو سافهني ،والعرس كان تالت يوم في العيد إتحبسته وعماتي عملو لي موضوع بتاع دخان مع الحبسه 😂💔المهم في الايام دي كان تقريباً الاتفاقيه على التفاوض تمت والناس طلعت إحتفلت والتوقيع النهائي كان بعد العيد،
كنت متواصله مع بلسم على الدوام حتى هي الاختارت لي الفستان ولونو والقصه بتاعتو بقيت جاريه براي من هنا لي هنا ومشغوله مع نفسي وجيهتي موضوع صهيب بقى بالنسبه لي محسوم،
جهزنا للعيد طبعاً عماتي وخالي ومرتو كلهم معيدين معانا نسبه لعرس محمد وكدة ماف طريقه سفر للبلد💔
إشتريت كل الحجات اللازماني توب وشبشب وقصيت فستان ودة كلو بمساعدة امتثال طبعاً ،احمد اخو صهيب جانا قبل العيد بيوم انا كنت مافي لما جيت حبوبه قالت لي الظرف دة جابو ليك راجلك مع اخوه،شلتو لقيتهم قروش م عديتهم اصلاً اتصلته عليه م رد على طول رسلته ليه رساله قلته ليهو فيها تعال استلم قروشك الجبتها لاني في غنى عنها.
يوم بكرة العيد مشيت مع عماتي الكوفير ظبطنا شعرنا وانا طبعاً بما اني هكون في عداد المطلقات م اتاڤورته في الرسم وعماتي اصرو علي اخترته شكل بسيط ويدي بس رسمته في صوابعي رسم رفيع ونضفو لي حواجبي اصلا قبل كنت عامله جلسه لظفوري مع إمتثال حتى الناس كلها بقو يسالوني عملتهم وين االمهم م خليت شي بعملوهو وم عملتو اول 😍❤
يوم العيد نهااائي م صحيت بدري لانو كنت مرهقه ومحمد كانت اليوم حنتو المساء،لمن صحيت استحميت وحميت كريم ولبستو العلى الله بتاعتو والمركوب حقتو وقلته لي ايات يلا سوقيهو وقلته ليهم انا مصدعه ماف زول يجي يصحيني او يدخل لي هنا تاني💔مرت خالي قالت ليهم دي مالها متنفشه صباح العيد؟اتجاوزتها ودخلته الغرفه وقفلته الباب ورجعته نمته،وانا في سابع نومه حسيت بحركه يد زول في وشي وقاعد جمبي،م بين صاحيه ونايمه فتحته عيوني وسرحته مسااافهه حتى استوعبت انو في كائن ملتحي وحواجبو غزيرة وياهو صهيب الما بغباني،حسيت نفسي بحلم وبتوهم غمضتهه عيوني بس ريحهه العطر القويهه كانت معشعشهه في مناخري وعقلي ،على طول سمعته صوت زول بقول لي"صح النوم ي حلو"ويدو في وشي لسسه م مستوعبه طبعاً فتحته عيوني لقيتو فعلياً دة هو بشحمو ولحمو،قال لي في زول بنوم للزمن دة يوم العيد؟عايزة ارفع راسي واتحرك مسكني قال لي كل عام وانتي معي ومني ولي وعساها الايام م تعود بلاك والسعادة م تدخل حياتي بدونك ي احلى حاجه حصلت في حياتي❤لسسسه مطشششه طبعاً 😐قمته قعدته على حيلي قلته ليهو انت الجابك هنا شنو؟قال لي بحبك،قلته ليهو صهيب...!!قال لي برضو بحبك،سكتته وبقيت اعاين ليهو قال لي لسهه بحبك وحأفضل احبك ومصر عليك ليوم الدين والبينا عمرو م مكتوبه ليهو نهايه فهمتي؟انا بلاك م بكون ابداً وقرب علي اكتر وباسني🙈🚶فضلته ساكته وهو بعاين لي مسااافه بعدها قام على حيلو وقال لي يلا صح النوم وبطلي كسل❤انا في اللحظه دي م عارفه حصل لي شنو إتهبلت ريحه عطرو ، العلى الله اللابسها ،والهيبهه الهو فيها إتلخبطتهه م عرفته اعمل شنو م اتحرك لي ساكن ابداً،قال لي ماف اي شي غلط صح م ملاحظه حاجه كدة ولا كدة؟لسه كنت متنحه فيهو،قال لي صح الهديه إتلقت وإتفتحت متأخرة بس كالعادة م عندي شي اقولو غير الله يديمك لي ويديم لي نعمه إهتمامك بتفاصيلي الما مهمه حتى رجع مسكني وباسني في راسي مسااااافه وقال لي حقك علي واسف على كل لحظه جرحتك فيها ودمعتك نزلت بسببي ،هنا انا ما قدرته امسك دموعي بكيت ،ضماني وقال لي ششششششش خلاص كفى عايزة تخلي اهلك يطلعوني مبكيك حتى في يوم العيد؟بعد مسااافه رفع راسي ومسح لي دموعي وقرب وشو علي لصق انفو مع انفي وقال لي خليك عارفه إنو انا عمري م إتخيلته ولا حاتخيل في يوم إنو حياتي ممكن تمشي بلاك،انا ليك وإذا في يوم وقفت مشكله في نصنا وعقدت علينا حياتنا حاعمل كل البطلع بيدي عشان احل المشكله وانهيها بس ابداً م حأنهي علاقتنا فهمتي حبيبي؟سكتت مسااافه بعاين لي بعدها قال لي يلا عشان انا منتظرني برة ومستعجلين عشان ماشين اهل خطيبه محمد، محمد حيصرف لي بركاوي بعد كدهه هههههه😂🚶💔قام طالع قال لي عايني بطلي هبل وم تبكي فاهمهه؟إتفقنا؟فضلته ساااكته،قال لي م انسى اقول ليك إني حأسوق معي ولدي م ممكن امشي اعيد براي وم اسوقو معي ،وعلى فكرة التسريحه دي حتاكل منك حته😅، بعد م طلع حتى استوعبته الحاصل صهيب ولابس العلى الله الجبتها ليهو في بدايه رمضان ديك لا وكمان باسني وضماني عليه وانا م قاومته ابداً ولا ابديت ردة فعل عكسيه 😐 عاينته للتسريحه لقيت عليها كيس هداياااا كبييير،إستغربته طبعا مشيت عليهو لقيت جواهو بوكسين طلعته الاول فتحتو كان صغير لقيتو ميك اب 😍،طلعته التاني لقيتو شبشب وفستان خررافي شكلهم م من السودان اساساً ومجموعه منكير كامله وعطر وطقم فضه رفيع فيهو خاتم وسلسل وحلق،ووردة وورقه مكتوب عليها"الاحتفال بالعيد بالنسبه لي تقديساً لشعائر الاسلام وكلام ربنا بس عموماً انا حياتي كلها عيد معاك إنتي والعيد لو م كان معاك م ليهو ليهو نكهه وم بتسمى عيد اساساً ،الله يمد في عمري واقدر اكتب السعادة على جبينك لغايه م اشيب او ادخل التراب"
