#ذات_إنتفاضهه20
،بعد مسافه من وقفتو وهو ساكت وبعاين لي قرب علي ومسكني وقال لي خلاص قلنا كفى وضماني عليييهه،،لزيتو مني وقلته ليهو خليني في حالي ي صهيب،رجع مسكني وقال لي انا عارف انو انتي استحملتي كتير ويمكن وصلتي الحد حتى،بس باقي القليل ي شهد خلي الفترة دي تعدي وانا إن شاءالله حأحل كل شي،قلته ليهو لمتين؟لمتين بس ي صهيب؟انا وصلته الحد خلاص انت قلته لي بصريح العبارة انو نحن وصلنا لطريق مسدود وفعلاً ي صهيب نحن وصلنا لطريق مسدود ياخي خلاص اختصر كل دة واديني ورقتي،فضل ساكت وبعاين لي وانا ببكي بعد مسااافهه قلته ليهو يعني فوق كل الانا متحملاه بتهان وبسمع وسخ إضني ليييهه بس وعشان شنو دة كلو؟قال لي ششششش ورجع ضماني بكل قوتو وقال لي انتي عارفه انو قبل كدة انا طلعتك من بيتنا وجيت بيك هنا لييه صح؟يعني لو بتهوني علي من اليوم داك كان هُنتي،واليوم م كنت محتاج جيتهم معي هنا لأنو وجودك انتي بكفيني واظن ردي ليهم كان واضح بالنسبه ليك،عايزة اتفك منو ضماني عليييه اكتر قال لي خلاص بطلي،بقى يمسح لي في دموعي، قال لي عايني اسي حتصدعي وحتحتاجي بندول وانا ي دوب قادر امشي خطوتين حأجيب ليك حبوب من وين بالليل دهه ،بعد مسافه قال لي طيب البكى حيريحك؟طالما حيريحك ابكي إنشاءالله نقيف كدة للصباح ورجع تاني ضماني عليييه مرة تانيه ،انا من هنا خليت دمعه م نزلتها مكاني وقالو لي ابكي فيييهه عااد😂😂😂😂😂🙈
بعد مسااافه رفع راسي ومسح لي دموعي وانا بتنهد زي الشافعه ،قال لي كفى واسمعيني عايز اقول شنو،الوضع النحن فيهو دة م حيطول ابداً والله العظيم كل شي حيتحل بإذن الله بس اديني شويه وقت اتفقنا؟رفع راسس وقال لي هااااا اتفقنا ؟كان لسه خاتي يدو في خدي،زحيت من جمبو وحسيت بنفسي محرجه وهو شكلو حسسه بي ،بقى يتلفت قال لي جعان انا في حاجه تتأكل؟مشى فتح التلاجه،قلته ليهو خليك انا بجهزو ليك انت اقعد،قال لي طيب ،
افتكرتو حيطلع بس قعد في صفرة المطبخ وبقى يعاين لي وانا بعايين لي،قال لي مالك مش قلتي حتجهزي الاكل؟م رديت علييه طلعته الأكياس الجابهم احمد الحمدلله انو كان اكل جاهز دخلتو المايكرويف وختيتو ليهو ،قمت طالعه مسكني قال لي دقيقه دقيقه انتي مش بكرة صايمه؟قلته ليهو ايوة،قال لي طيب في زول صايم م بياكل؟قلته ليهو م عايزة انا قال لي عايني لو م جيتي قعدتي واكلتي معي انا م حأكل ،قلته ليهو صهيب م تضغط علي عليك الله والله انا م عايزة وم نفسي اكل انت ماف زول بياكل بالغصب،قال لي طيب فكه يدي وعلى طول قام يلم في الأكل،قلته ليهو بتعمل في شنو انت؟قال لي مش قلتي م عايزة؟قلته ليهو صهيب بطل حركاتك دي،قال لي م حركات ولا اي شي كلامي واضح ،
قلته ليهو طيب م تلم الأكل مسكته منو الاكياس،،قلته ليهو اقعد،قعد وقعدته اكل معاه،وهو ياكل ويعاين لي وانا باكل من غير نفس،بعد م خلصنا حيت الم في الحجات بقى يلم معي،قلته ليهو خليها انا بلمها انت امشي ارتاح،قال لي انتي كمان ارتاحي م كان ضروري تنضفي البيت اساساً لاني م قاعد فيهو دايماً،قلته ليهو حتى ولو مفروض تنضفو،قلته ليهو عندك حبوب مفروض تاخدها بعد م تاكل م تنسى تخدها،قال لي طيب وبقى يعاين لي انا زاتي لما انتبهته ليهو اتلخبطتهه،قلته ليهو وانا بتمتم ،عايز حاجه تاني؟قال لي لا،قلته ليهو طيب تصبح على خير وعلى طول طلعته خليتو،اليوم دة بالذات م قدرته انوم الليل كلو بتقلب وبفكر في كلام ام صهيب الشين،وموقف صهيب معي والطريقه البحتويني بيها علشان م يخليني متضايقهه،بس في نص دة كلو هو السبب الاول والأخير في البحصل لي دة كلو 💔وم بين انا نايمه وصاحيه سمعته الباب بدق عملته نفسي نايمه فجأة اسمع صوت صهيب بقول لي شهد ودخل الغرفه،بقى يقول لي ي شهد وضربني في كتفي رفعته راسي لقيتو شايل مويه وقارورة عصير في يدو قال لي قومي إشربي عشان السحور م يفوتك،مسكتهم منو قلته ليهو طيب، وعلى طول طلع،
انا بحب الطريقه البيظهر لي بيها انو مهتم بي،بحب لهفتو وخوفو علي،طريقه معاملتو لي اليوم غيرت حجات كتيرة،على الأقل اتولد جواي شعور بالإطمئنان وحسيت انو كلها فترة والبينا دة كلو حيخلص زي م هو بقول،بقيت راقدة وسرحانهه وانا بفكر فيهو وفي الطريقه الضماني بيها وهو بحاول يهدي فيني بقى م في بالي غير اللحظه دي🙈❤
اليوم التاني صحيت حوالي الساعه9ونص كدة فتحته باب غرفه صهيب لقيتو نايم ،صليت الصبح قبل م اتم التسليم سمعته جرس الباب بضرب،استعجلته قمته قلته يمكن دة احمد ،مشيت على الباب اول م فتحتو اتفاجأ بأم صهيب في وشي ،لما شافتني وشها زاتو بقى م بتفسر،قالت لي انتي المقعدك هنا شنو للأن م مشيتي اهلك؟م رديت عليها،
قالت لي اسمعي هنا ي بت الناس 1+1=2 انا دي حاجه كدة بدسوها م عندي ولا عندي خساسه وخباثه العمات البقولو عليها دي،عدم ريدتي ليك دي لا من الليله لا من امبارح، لقيتك م بتنفعي معي ولا مع ولدي مسكتو عرسته ليهو بت الناس البستاهلها جدجد م كلام ساي واسي بقولها ليك عديييل ولا بدسها منك اأاي ولدي عرسته ليهو ي يمهه الدكتورة هديه ورضيهه وم فيها نضمهه ان قعدت في نص الضلام تضوي،زي م لقيتيهو راسو خفيف وفتنتي بيني وبينو ومسكتيهو مني،انا زاتي خفه راسو دي زاتها الخلتني اقنعو واعرس ليهو عرس يهز ويرز كل الناس تتكلم بعرسو وبمرتو، وكان غشاك وقال ليك طلقتها ولا انتي فاكرة انو طلقها عشان كدة متلصقهه فيهو ف والله انتي غلطانه لسسسسه البت في زمتو لغاااايه اللحظه دي وانا اصلي م ساعيه لخراب ولابقول ليهو يطلقك لكن ختيتها ليهو عديل لو طلقته بت الناس الاخترتها انا ورضاي عليهو بيها،م عافيه ليهو لا دنيا لا اخرة ،عشانز كدة كان عندك اي هلاويس ولا هو واهمك بحاجه اسمعيها مني ياهو الانا بقولو ليك دة الصح،هو زاتو لو م جبر ابوهو داير بعرس العزبات وتربيه عيالهم والعفن شنو؟
#كسرهه
امس الجدول كان دوام+موكب،لو جيت اعتزرت كنت اتردمت كالعادة😪💔
#نتلاقى®
