#ذات_إنتفاضهه21
،هو زاتو لو م جبر ابوهو داير بعرس العزبات وتربيه عيالهم والعفن شنو؟
انا كان ممكن ارد عليها بس انا عارفه هي بتمر بشنو والوضع الهم فيهو حالياً فهي بتتفشى فيني ولو رديت حتطور الموضوع اكتر لانها واقفه لي على الواحدة،فضلته ساكته وانا بعاين ليها واصلاً دمعتي م نزلت،لزتني ودخلت ،وانا على طول طلعته علشان لو قعدته م معروف الحيحصل شنو وانا حسيت بيها هي جايه بس علشان تعمل مشكله معي،نزلته على طول واقرب امجاد ركبتها وصلتني البيت ،حتى قروش الامجاد شلتها من البيت،
حبوبه قالت لي جيتي خليتي راجلك براهو؟قلته ليها لالا خليت معاهو امو،قالت لي حتى ولو برضو م تخليهو براهو ولا جيتي تغيري وراجعه تاني؟قلته ليها لا تاني م.راجعه وهو زاتو بقى كويس اسي م محتاج زول معاه،بعدين فترانه انا زاتي عايزة انوم،قالت لي سمح نومي شويه وقومي امشي ليهو،قلته ليها م ببقدر امشي والله ي حبوبه امو معاهو كفايه جداً
حبوبه قالت لي انتي امو جات سمعتك كلام ولا شنو مابيه المشيه؟قلته ليها لالا كلام شنو ي حبوبه ياخ ساااي بس والله ،كنت شايله كريم وبلعب فيهو نزلتو قلته ليهو تجي تنوم مع ماما ؟هزة لي راسو،حبوبه قالت لي م بنوم ولا بخليك تنومي ها،دخلته خليتو برة ودخلته غرفتي ورقدته وبعدها إتفقعته بكى،م واجعني اي شي غير حاجتين قالتهم في كلامها اولها انها قالت صهيب م طلق يعني هو واهمني وبغش فيني وبقول لي محتاج وقت علشان اصلا هو م عارف نفسو حيعمل شنو،واكتر حاجه بتوجع اخر كلام قالتو يعني والله انا ابداً تربيه كريم ولدي م غالباني ولا محتاجه زول يربيهو معي ابداٌ، ،رقدته واتجهته على الحيطه وبقيت غرقانه في دموعي،،م تميت ساعه فجأة حسيت بالباب فتح،قلته بكون دة كريم احسن اعمل نفسي نايمه علشان لو شافني ببكي م حيخليني،فجأة حسيت بزول قعد.جمبي في السرير ومسك يدي،طبعا ملمس اليد م كان ملمس يد كريم،بعدها قال لي شهد،عرفته انو دة صهيب،،بقى يقول لي شهد ويضربني في كتفي،عملته نفسي نايمه واصلي م فتحته عيوني،فجأة احس بيهو بلفني عليهو واصلا انا سلفاًٌ دموعي في عيوني،بقى يعاين لي وانا بقيت امسح في.دموعي قال لي حسيت إنو حألقاك بتبكي،ومتاكد كمان،م جاي اعرف امي قالت ليك شنو ابداً،لكن جاي اقول ليك اياًٌ كان القالتو ليك امي إعتبري نفسك م سمعتيهو،بقى يمسح لي في دموعي ، قعدته في السرير وسكتته مسااافه حتى قلته ليهو انا بس عايزاك تفهم حاجتين انا م فارق معي اذا انت اتزوحته ولا لا انت حر ان شااءالله تجيب نسوان قطر كامل انا في النهايه م عايزة منك غير انو انو تسلمني ورقتي وقلته ليك الكلام دة بدل المرة الف،و...قبل م اتم كلامي قاطعني قال لي هشششششش انا م جيت اسمع منك شي ولا جيت اعرف امي قالت ليك شنو لانو في النهايه انا عارف نفسي عايز شنو والانا عايزو هو الببقى ،انا جيت اتطمن عليك وم عايز اشوفك تبكي ابداً فهمتي؟فضلته ساكته وانا بعاين ليه،محتارة اقول ليهو شنو ،ياخي نفسي اسألو هو لييييهه كدهه ودة شنو البعملو فيني دة😭💔قام على حيلو قال لي حاولي إرتاحي ونومي وبطلي بكى انا طالع،م رديت عليهو طلع مشى،طبعاً حسيت نفسي كأني بحلم،هو جا علشان يراضيني بس برضو غموضو الهو فيهو دة م مبرر ودي الحاجه المموتاني تدريجياً ،بقت م عندي ثقه فيهو ابداً،اليوم التاني جاتني بلسم حكيت ليها الحصل قالت لي ي بت انا عمار من الغضب قرب يضربني ،غايتو حسبي الله عليهم كتلو اولاد متاريس شارع النيل كلهم😭😭😭قلته ليها ربنا ينتقم منهم ياااخي،قالت لي كل مرة وجعنا منهم بزيد والله العظيم ميته الشافع الصغير دة واجعاني وجع تقول بعرفو،قلته ليها م شوفتي االمستشفى كان شكلها كيف انتي والله ي بلسم شوفتي الغرق؟المستشفى كانت غرقانه دم عديل،قالت لي شوفت الفديو والاولاد الببكو على اصحابهم وجثثهم قاعدة قدامهم يكسرو القلب،لكن قالو المدفعيه عطبرة الليله جايه ،قلته ليها ويعني؟قالت لي ي بت المدفعيه عطبرة دي لو جات حتحسم الفارغه دي كلها ،قلته ليها بجد؟قالت لي اااي
