لست المذنب

البارت الثاني

لست المذنب
الحلقه الثانيه
&----------&
احمد : خير يا فريده قولتي انك عايزنا
فريده : ايوه اياد زين وسيف اطلعوا مع البنات برا
اياد : لا يا ماما اي حاجه إحنا لازم نكون فيها
فريده : بس
مياده : خلاص يا فريده قولي وخلاص
فريده : طيب واتنفست جامد أنا قررت أن انا واياد وريتال هنسافر امريكا
الكل : ااييييييييييييييييي
فريده : زي ما سمعتوا
مياده : لي يا ديدا
فريده : معرفش مزاج
إياد : بس انا مش هسافر
فريده : وليه ده بقي
إياد : أنا عايز اكمل تعليمي ف بلدي
فريده : هتكمله ف امريكا
ريتال : ماما انا مش عايزه اسيب بيتنا
فريده : حبيبتي إحنا هنسافر وهنبقي نرجع تاني
احمد : أمتي
فريده : ربنا وحده اللي يعلم
اياد : براحتك يا ماما بس انا وريتو هنفضل هنا
فريده : قولت لا يا اياد هتفضل هنا هتقعد فين فهمني
سيف : هيقعد معايا يا ماما فريده ف البيت
فريده : امممممممم
مياده : خلاص سيبي اياد معانا ف البيت
زين : طب وريتال
سلمي : ريتال هتسبنا وتمشي
ياسمين : لا متخليهاش تمشي يا ماما
فريده : بس أنا مش هطمن لم اياد يبعد عن حضني
اياد : وأنا مش مسافر
احمد : خلاص يا فريده خليه مع سيف
فريده : ماشي اياد هيفضل هنا بس ريتال هتيجي معايا
ريتال بدموع : لا أنا مش عايزه ابعد عن ايدي
احمد : حرام عليكي يا فريده ما تفضلوا هنا وخلاص
فريده : لا انا هتابع كمان الشركات بتاعتنا إللي هناك
ريتال : مامي بليز خليني مع ايدي
سلمي راحت لريتال : بليز ماما خلي ريتو معانا
فريده بتصميم : لا كده كده فاضل اسبوع ع الامتحانات بعد الامتحانات هسافر انا وريتال واياد هيفضل زي ما هو عايز بس ف الاجازات هيجي يعني معني ذالك انه هيجي معايا ف الاجازه وهيبقي ينزل ف شهر الدروس
اياد بدموع: اسف ماما بس انا مش هسافر هناك غيربمزاجي ومشي وطلع وراه سيف وزين وهم كمان زعلانين
ياسمين : مامي متبعديش عننا خليكي معانا هنا
مياده : حرام عليكي يا فريده بجد
فريده : اطلعي يا ريتال ع اوضتك يلا
ريتال بدموع : ماما
فريده بحزم : قولت يلا وانتوا كمان معاها
وطلعت ريتال والبنات كلهم بيعيطوا
احمد : فريده ينفع افهم السبب لان كاامك مش مقنع
فريده : انا حياه ريتال ف خطر هنا
مياده وأحمد : ايييييييييي
فريده : الحقيقة ان انا كان جالي شحنه كبيره وأنا لازم اعرف كل حاجه  قبل ما استلم وعرفت أن وراها تجاره مخدرات هتدخل البلد
احمد : اي وبعدين
فريده : انا رفضت الموضوع تماما ومن ساعتها حسه اني قلقانه لحد ما
#فلاش_باك من اسبوع
فريده قاعده ف المكتب ومنشغله بالأعمال ويقطع ذلك صوت هاتفها يعلن عن مكالمه
الشخص : ازيك يا فريده هانم
فريده باستغراب : مين حضرتك
الشخص : ملكيش دعوه بقي أنا بس عايز اقولك خلي بالك من الكتكوته الصغيره ريتال بردو
فريده : أنت مين يابتاع انت.....وتعرف بنتي منين
الشخص : اللي عايز اقولهلك ان الحظ خدم بنتك المره الجايه لا وابقي خلي بالك من بنتك لا ترجعلك من غير راس ف مره تشاااو.
وقفل الهاتف بل حطم الخط بأكمله ف هذه اللحظه تذكرت فريده عندما اتت اليها ريتال وهي تبكي بزعر وخلفها اياد وسلمي
فريده بخضه : مالك يا حبيبتي
اياد : ف عربيه كانت هتخبط ريتو
فريده : اي وانتي كويسه يا حبيبتي فيكي حاجه
سلمي : هي بتعيط وبس مش راضيه ترد علينا. وفضلت ع الحال ده لحد ما ريتال نامت
#باك
احمد بغضب : مين الشخص ده
فريده : معرفش انا خايفه ع ولادي بس انت عارف اياد مش هيوافق انه يسافر
مياده : متخافيش يا فريده بس مش ممكن ده مش هو
فريده : لا اكيد لان مين ف مصلحته يعمل كده
احمد : طب ما قولتيش ليا لي ولا لزمايل محمد الله يرحمه
فريده : انا خوفت ع ولادي يا احمد عشان كده انا عايزه اسافر بيهم برا البلد بس اياد
مياده بحنيه : متخافيش انا هخلي بالي من اياد كويس جدا إنتي ناويه تسافري امتي
فريده : بعد امتحانات اياد
احمد : ماشي خلينا نمشي بقي وناخد الولاد نوصلهم معانا
فريده : اقعد شويه يا احمد
احمد : لا شكرا. وبصوت عالي سلمي زين ياسمين سيف. كلهم نزلوا
سيف : نعم يا بابا
احمد : يلا عشان نروح وانتوا كمان تعالوا معايا ف طريقي
زين : مفيش مشكله هنروح مشي
مياده : يلا يا زوز بلاش غلبه يلا يا سلمي يلا يا ياسمين
ياسمين وسلمي راحوا لريتال وحضنوها
ياسمين : خلاص يا ريتو أن شاء الله هترجعي لينا قريب
سلمي : صاحبتي قويه مبتعيطش صح
ريتال مسحت دموعها : ايوه صح
زين راحلها ونزل لمستواها
زين : روتي  اوعي تعيطي قدام حد مهم كانت الأسباب واوعي تستسلمي لو حصل اي أنا روتي صاحبتي قويه ومش ضعيفه ومفيش حاجه تكسرها اوك
ريتال بابتسامة : اوك  ومشي الكل وفضل فريده واياد وريتال
فريده : اياد صدقني ده ف مصلحه اختك
اياد : انا سمعت يا ماما إللي قولتيه لانكل وانطي مياده
فريده بصدمه : سمعت اي
اياد : مينفعش بقي إنتي عارفه انتي قولتي اي يا ماما وما دام ف مصلحه ريتو خلاص
ريتال : بتتكلموا ف اي
فريده : ولا حاجه مش هتاكلوا
ريتال واياد : لا
فريده : اوك يلا ننام بقي
ريتال : اوك وطلعوا فوق وناموا.  ام عند زين فدخل هو واخته وسمعوا هذا الصوت
فوفا : يووووووه انت كل شويه خناقه اي مبتزهقش
كريم : مترفعيش صوتك إنتي فاهمه انتي ع طول مع الزفت ده ومعرفش بتعملي اي عليه وكل شويه سفر
فوفا : يخربيت الفون اللي مدايقك ما أنت ليل ونهار بره انا بتكلم ولا بعمل حاجه
كريم : انا راجل إنتي فاهمه
فوفا : هيهيهيه شالله يا راجل كريم طلقني واخلص دي مبقتش عيشه
كريم : والولاد ارميهم ف الشارع
فوفا : كلهم ياخويا مهم شبهك
كريم : انتي استحاله تكوني ام أصلا
فوفا بتافف : معلش ابقي شوفلهم ام ثانيه ارتحت كده
زين طلع أخته ع الاوضه ونزل تحت
زين : طلقها يا بابا
فوفا : زين ابني
زين : انا مش ابنك انا شبه مش إنتي لسه قائله كده إحنا بقي مش عايزينك
كريم : زين متدخلش ف الحاجات دي انت لسه صغير
زين : لا يا بابا انا مش صغير انا كبرت وبعدين ماما مبتقعدش معانا سفر شوبينج نادي مبتقعدش متعرفش حاجه عننا
فوفا : بقي كده خلاص مش عايزني ماشي طلقني يا كريم
كريم : ماشي انتي طالق يا  فاديه وامشي اطلعي من البيت
فوفا بتكبر : انت نسيت انك كتبت الفيلا دي باسمي لم اتجوزنا
كريم هيتكلم بس زين سبقه : خلاص اشبعي بيها احنا هنمشي من هنا
فوفا بصدمه : زين أنت بتقول اي انت بتكلم مامتك اتكلم كويس
زين بسخريه : مامتي هه قولي كلام غير ده يا فوفا هانم انتي أصلا مش ام ده إحنا كنا مبنشوفكيش غير ف السنه مره او مرتين بالكتير وياسمين مش ملاحظه حاجه بس عادي لو عايزه تبقي تيجي تزوري ياسمين براحتك بس انا انسي. يلا يا بابا
كريم : ماشي يا زين اطلع ظبط شنطتك وشنطه اختك وانا هخدكم ف الفيلا الثانيه بتاعتي
فوفا بغضب : زين لو سبت البيت ومشيت مع ابوك انسي أن ليك ام
زين بسخرية : أنا أصلا ناسي ان عندي ام يلا بعد اذنك يا يا فوفا هانم  وطلع لأخته
زين : ياسمينا
ياسمين : اي يا زين
زين : يلا عشان هنمشي
ياسمين : هنروح فين
زين : مشوار طوووويل طولك كده
ياسمين بصت لنفسها : يبقي قصير عشان انا قصيره
زين بضحك : طب يلا يا اوزعه نجهز شنطتك بقي
ياسمين : ماشي وظبط شنطتها ونزل يغير هدومه ويظبط شنطته وعدا نص ساعه ونزلوا تحت كان كريم ظبط هدومه
زين : يلا يا بابا
ياسمين : اي ده ماما مش جايه
زين : لا يا حبيبتي يلا بقي نمشي
ياسمين : اوك باي مامي ومشيوا مع ابوهم وطلعوا من البيت وراحوا قدام فيلا تانيه قصاد الفيلا القديمه
زين باستغراب : إحنا وقفنا هنا لي يا بابا
كريم : ده البيت
زين فتح بوقه : نعم قدام البيت الثاني
كريم : ايوه اتفجئت مش كده
زين : طبعا
ياسمين : احنا هنا لي
زين : حبيبتي يا ياسمين إحنا ده بيتنا الجديد
ياسمين : والبيت ده وشاورت ع الفيلا بتاعتهم
زين : لا خلاص ده مبقاش بتاعنا
ياسمين : طب ومامي
كريم : مامي مش عايزانا يا ياسمين هي عايز تعيش مع نفسها
ياسمين : احنا كمان نسيبها يعني
زين : ايوه واحنا عملنا كده ولازم ننساها
ياسمين بحزن : ماشي. وفتح كريم الفيلا ودخلوا وكانت نضيفه والاثاث جميل لان كريم كان عامل حسابه ع يوم زي ده عشان كده كان كل يوم حد بيجي ينضفها وزين ورا ياسمين اوضتها وطلع اوضته يحط حاجته هناك وهو مدايق من امه جامد ونام لأنه تعبان بس قطع عليه نومه صوت ياسمين وهي بتعيط
زين بقلق ،: ياسمينا مالك يا حبيبتي
ياسمين : زين أنا خايفه
زين : من اي يا حبيبتي
ياسمين : مش عايزه انام لوحدي
زين طبطب عليها : خلاص تعالي نامي معايا النهارده
ياسمين : ماشي وطلعت ع سريره ونامت وهو نام ع الكنبه  أم عند سلللمي
سماح : يا سللللمي
سلمي : نعم يا ماما
سماح : حبيبتي اطلعي هاتي العصير من انطك بوسي
سلمي : متجيبه هي يا ماما اووووف
سماح : بنت عيب يلا
سلمي : حاضر. أنا لي مش زي ريتال كده مبعملش حاجه. وطلعت جابت العصير ونزلت (معلومه هم ساكنين ف مكان راقي جدا بس امها بقي مش عارفه تتاقلم )
سماح : ماشي إنتي هتروحي المدرسه بكره
سلمي : لا هروح ع الامتحان ع طول الميس قالت مش لازم نيجي
سماح : ماشي يا حبيبتي تصبحي ع خير
سلمي باستها : وانتي من أهله. ودخلت نامت. وطبعا الايام بتمر بسرعه وجي وقت الامتحانات وخلصوا كلهم امتحانتهم
فريده : احنا بكره هنسافر يا ريتو
ريتال بمضض : ماشي
سيف : امتي يا ماما
فريده : بعد العصر ان شاء الله
اياد : احم احم امي العزيزه اصدقائي الاعزاء ام بعد يسعدني أن اقول لكم انا اياد محمد الحناوي انني سوف اصرف كل ما ف جيبي من أجل الخروج الي نزهه والسلام عليكم ورحمه الله وبركاته
الكل ف صوت واحد : هييييييييه يعيش ايااااااد
فريده : حلو أنا هاجي معاكم بس انت معاك كام يا اياد
اياد : احم والله يا ميس فريده انا معايا ٣٠٠ جنيه وطبعا سيف وزين هيتبرعوا هيبقي معانا فلوس كتير
سيف وزين : يسقط اياد
الكل : هههههههههههه
فريده : وأنا هشارك معاكم
الكل : هييييييه تعيش ماما فريده
فريده : هههههههههههه ماشي يلا بينا
الكل : يلا.   وراحوا ع الملاهي هناك وكان كالاتي :
(زين وريتال واياد وياسمين وسيف وسلمي)
زين : روووووتي
ريتال : اي يا زيزو
زين : تعالي نجيب ايس كريم
ريتال بفرحه : ماشي
ياسمين :  رايح فين يا زوز
زين : رايح انا وروتي نجيب ايس كريم
اياد : اووووبا وانا كمان عايز
سيف وسلمي : واحنا كمان
زين بص لريتال : روتي بتعرفي تجري
ريتال : ايوه 
زين : طب أجري بسرعه.  وجريوا بسرعه واياد وسيف وسلمي وياسمين وراهم وعمالين يجروا
(طبعا انتوا مستغربين أن الكل بينادي فريده بماما فريده طيبه وبتحب الاطفال اوي عشان كده قالت ليهم ينادوها بماما أم ع علاقه زين وياسمين بيهم ف ابو زين (كريم) كان صاحب محمد جدا عشان كده العلاقه كويسه)
بس ف نفس الوقت إللي كانوا بيجروا فيه كان واحد واقف وسلاحه ع ريتال  وفجأة ضرب النار بس مجتش ف ريتال جت ف
سيف : اااااااااه
الكل : سييييييييف. وفريده جريت عليه
فريده بقلق وخوف : سيف سيف ابني انت كويس
اياد : سيف رد ومسكه من ضهره بس حس بحاجه سقعه ع ايده بص ع ايده لقي دم
اياد برعشه : م ماما ش شوفي. ووراها الدم
فريده بصراخ : لااااااا سييييف فوق يا ابني اسعااااااف
زين بدموع : سييييف فتح عينك. بس سيف كان فاقد الوعي تماما والبنات بيعيطوا وجه فون لفريده
فريده بصوت مرتعش : ا الو
الشخص : الحقيقه مكنش القصد الولد ده لو لاحظتي أنه واقف ف وش ريتال.
فريده بصت ولاحظت ده فعلا والفون وقع من الخوف ع ولادها وجيه الإسعاف وخد سيف ع المستشفى والباقي ف العربيه وفريده اتصلت بمياده اللي صوتت اول ما عرفت وراحوا ع المستشفى بسرعه
مياده بدموع : فريده سيف سيف عامل اي ابني
فريده : معرفش انا اسفه يا مياده
مياده : لو حصل لسيف حاجه صدقيني مش هسامحك يا فريده
فريده كل إللي بتعمله تعيط والولاد كمان وبعد ساعه الا ربع الدكتور طلع
احمد بقلق : خير يا دكتور أبني أخباره اي
الدكتور : الحمدلله انه جيه بسرعه الولد كان فاقد دم كتير وغير كده الرصاصه كانت ف مكان مش كويس ليه نهائي كان ممكن يصاب بشلل لقدر الله
مياده بتنهيده عاليه : الحمدلله
فريده بقلق : يعني هو كويس صح
الدكتور : ايوه بس مش هيخرج الا بعد يومين
احمد : شكرا يا دكتور
ريتال بدموع : مامي وجريت حضنتها وزين حضن ياسمين اخته واياد وقف جنب سما إللي بتعيط
ريتال : مامي دي كانت ليا أنا صح. فريده بصتلها بصدمه
اياد : لا يا ريتو مش ليكي
ريتال : انا مش صغيره الكدب حرام ايدي دي كانت ليا أنا وسيف زقني ووقف قدامها الكل بصلها بصدمه ازاي الصغيرة دي فاهمه كل ده وفاهمه إللي حصل
سلمي : لا يا ريتو اكيد حاجه غلط
ريتال : مامي انا هسافر معاكي  مش هقعد هنا عشان محدش يتاذي
زين : روتي حبيبتي محدش بيتاذي ولا حاجه إنتي ملكيش دعوه. ريتال بصتله ومردتش عليه ولا كلمت حد وفضلت واقفه جنب مامتها
فريده : إحنا هنمشي عشان الولاد تعبوا أنا اسفه يا مياده اني عرضت سيف للخطر انا مستحقش اكون ام أصلا أنا اسفه
مياده : اي إللي بتقوليه ده يا فريده ده نصيب وأنتي عارفاني بقول اي كلام وانا قلقانه بس ده بردو ابني
فريد : عارفه يا مياده يلا تبقي طمنيني ع سيف مع السلامه يلا يا ولاد
زين : ماشي سلام يا انكل ياريت تبقي تطمنا ع سيف
احمد : ماشي يا حبيبي سلام
الكل : باي ومشيوا كلهم وفريده وصلتهم ع بيوتهم ورجعت البيت
فريده : يا اياد تعالي معانا امريكا وخلاص بالعكس الدراسه متطوره هناك
اياد : اسف يا ماما بس انا عايز اكمل تعليمي هنا
ريتال : عادي مامي ايدي خليه هنا براحته
اياد : ريتو متزعليش مني بس مش هينفع
ريتال : عادي تصبح ع خير وطلعت ع اوضتها
اياد : ريتال كبيره اوي علي سنها يا ماما
فريده : أنا معرفش مالها
اياد : هتمشوا بكره خلاص
فريده : ايوه
اياد : ماشي يا ماما تصبحي ع خير
فريده : وانت من اهله وطلعوا ناموا
____________
حمدي : مالك اسلمي فيكي اي يا حبيبت بابي
سلمي : عارف سيف أبن عمه وخاله ريتال
حمدي : ايوه
سلمي : لتضرب بالنار
سماح : يا ساتر يارب إزاي ده
سلمي: معرفش مره واحده لقيناه ف الارض
سماح : يبقي إحنا واجب نزورهم يابو سما
حمدي: ماشي بكره نروح يلا نتغدي وننام
سماح : ماشي واكلوا وطلعوا ناموا
___________________
رجع زين واخته اللي وشها اصفر من الخضه
كريم بقلق : زين ياسمين مالها
زين : حصل معانا مواقف كتير النهارده
كريم : حصل اي انطق
زين : سيف اتضرب بالنار
كريم بدهشه : اي ازاي
زين : معرفش يا بابا
كريم : لا حول ولا قوه الا بالله طب وهو عامل اي
زين : الدكتور قال إنه كويس
كريم : ماشي يا أبني خد اختك واطلعوا ع اوضكم
ياسمين بخوف : لا زين مش عايزه أنام لوحدي
زين : خلاص يا حبيبتي هتنامي معايا  بس نغير هدومنا الاول
ياسمين : م ماشي وطلع ع اوضته غير هدومه وياسمين غيرت هدومها ونزلت عند أخوها
كريم : مش هتاكلوا
زين : محدش ليه نفس عايزه تاكلي يا ياسمينا
ياسمين هزت راسها بالرفض
كريم : ماشي تصبحوا ع خير
زين : وانت من اهله. وناموا كلهم (اللي هيشوف او هيسمع كده هيقول دول استحاله يكون ا اطفال مفيش حد بيستحمل كده(
_______________
حلقه طويله نسبه بسيطه 
تفتكروا اي اللي هيحصل
توقعاتكم
#Nemo