لست المذنب

البارت الثالث عشر

لست المذنب
الحلقه الثالثه عشر
------------------&
ياسمين : ياااابنات انتوا فين اووف بقي راحوا فين دول. بس فجاه خبت عنيها بسبب الضوء المفاجيء و بعدين فتحت عينها ببطء لقت ريتال وبسنت ونور وسلمي واقفين قدام ووراهم زين وسيف ويوسف ومجموعة من الناس
ريتال : احنا هنا اهو
ياسمين باستغراب : اي ده ف اي قطع كلامها صوت بيغني من وسط الناس دي ومكبرات الصوت موضحه صوته اوي

اياد بصوته العذب : تملي معاك ولو حتى بعيد عني في قلبي هواك تملي معاك تملي في بالي وفي قلبي ولا بنساك تملي واحشني لو حتى بكون وياك تملي حبيبي بشتاقلك تملي عنيا تندهلك ولو حواليا كل الكون بكون يا حبيبي محتاجلك تملي معاك معاك قلبي معاك روحي يا أغلى حبيب يا أغلى حبيب ومهما تكون بعيد عني لقلبي قريب يا عمرى الجاي والحاضر يا احلى نصيب تملي معاك معاك قلبي معاك عمري يا اغلى حبيب يا اغلى حبيب ومهما تكون بعيد عني لقلبى قريب يا عمرى الجاي والحاضر يا احلى نصيب  وابتدا الناس يوسعوا ليه وطلع من وسطهم ف وسط صدمه ياسمين والدموع اللي محبوسه ف عنيها
ياسمين بدموع : اياد
اياد قرب منها ومسحلها دموعها : من واحنا صغيرين وانا معتبر مربيكي ع أيدي اي حاجه كنتي بتعمليها كنت عارفه يمكن اكتر من اخوكي.... إنتي حب الطفوله وحب المراهقه وحب الشباب.... وأنا كنت واخد وعد ع نفسي انك اول ما تخلصي جامعتك هتجوزك فورا .... ياسمين تقبلي تتجوزيني
ياسمين برقت جامد وبصوت مرتعش : اي
اياد بصوت عالي : تقبلي تتجوزيني
ياسمين بدموع وابتسامه ف نفس الوقت : بحبك وحضنته وهو حضنها جامد ولف بيها والناس واصحابها عاملين يسقفوا
اياد : بحباااااااك ونزلها ع الارض وهي خدودها شبه الطماطم من إللي حصل وطلع خاتم سوليتير ولبسهولها ف وسط صدمه منها ووقف وقال للناس
اياد : ميرسي يا جماعه ع الوقفه دي
احد الاشخاص : الف مبروك يا جماعه
ياسمين : ميرسي
أحد الأشخاص : ربما يخليكم لبعض
اياد : أمين متشكرين أوي يا جماعه بجد واشتغلت موسيقى هادئه
ريتال وهي تحضنها : يااااسمينا مبروووك يا حيااتي
ياسمين : الله يبارك فيكي اخوكي طلع بيحس هههههه
ريتال : هههههه بس ابت ده اخويا
سلمي : مبروك يا حبي وحضنتها
ياسمين : ميرسي انتوا كنتوا عارفين صح
زين : اه بصي الترتيبات دي كلها اصلا كانت النهارده
ياسمين : نعم عايز تقنعني انها كانت النهارده
اياد : ايوه كانت النهارده
زين : بصي اللي حصل
#فلاش
اياد : بص بعيد عن أني مضايق منك وكده بس هقولك
زين : معلش يا اياد بش انا متنرفز شويه
اياد : عادي بص بقي انا ناوي النهارده اعترف لاختك قدام العالم كله أن أنا بحبها و افجئها واغني ليها قدام الناس بس
زين : امممممممم وانت متاكد من الخطوه دي مش ممكن لا
اياد : اكيد يابني انا بقولك بس عشان يكون عندك علم
زين : امممممممم طب فين
اياد : ف الجنينه لأنها بتحب المكان ده اوي
زين : امممممممم ماشي
#باك
زين : بس يا ستي
ياسمين : وانتوا يا بنات عرفتوا منين
سلمي : انا لقيت اياد بيتصل ييا وصلت الفيلا وكده وقالي ع الموضوع ده وأنتي عرفاني مسكت لساني بالعافيه
ياسمين : عشان كده غيرتوا الموضوع
بسنت : إحنا هنقعد نرغي ولا اي خد خطيبتك يا ابني
اياد : عليا النعمه البت دي بتفهم
الكل : ههههههههه
نور : مبروك يا ياسو
يوسف : ابقوا باركوا ليها لم يروحوا يلا
اياد : هسرق منك ياسمين بقي يلا سلام
ياسمين ؛ استني بس بس مفيش اياد اخدها من ايديها ومشي وهم واقفين يضحكوا وبعدين قعدوا ع الارض
بسنت : لايقين ع بعض اوي
ريتال : فعلا ولا اي رأيك يا زين
زين : ...
سلمي : زين
زين : نعم
سلمي : ف اي
زين : مفيش يا سوسو عادي بقولكم اي انا هروح اقف بعيد شويه. وسابهم وقام
سيف : ماله ده
سلمي : معرفش
ريتال : احم طب عن اذنكم يا جماعه
نور : رايحه فين
ريتال : هتمشي شويه عن اذنكم. وقامت وسابتهم
يوسف : هم مالهم الاثنين دول
بسنت : تقريباً من ساعه ما عرفت ريتال وهي غامضه كده
سلمي : صح. ام الناحيه الثانيه ريتال قعدت تدور ع زين لحد ما شافته
ريتال : زين. بس زين مردش عليها فقربت منه
ريتال : زين بكلمك
زين : خير
ريتال :sorry
زين بسخرية : ع اي
ريتال : ع إللي إنا قولته الصبح مكنش قص...
زين : مش لازم تعتزري يا ريتال عادي الحقيقة مبتزعلش
ريتال : باستغراب حقيقه اي
زين : إنتي مقولتيش حاجه غلط ما إنتي قولتي الحقيقه ولا اي يا أكبر كذبه ف حياتي
ريتال بصدمه : اكبر كذبه ف اي يا زين
زين مسكها من كتفها جامد : بس لي يا ريتال لي تعملي فيا كده تكدبي عليا ليييييي عملتلك اي
ريتال : انا أنا مش فاهمه حاجه هو ف اي
زين : اعملي نفسك بريئه وانتي طلعتي اوسخ خلق الله
ريتال بحده : زين الزم حدودك
زين : وانتي ما احترمتيش مشاعري لي ها انتي معملتيش ليا اي اعتبار
ريتال: أنت بتتكلم ع اي فهمني
زين : هقولك يا هانم
#فلاش
بعد ما زين نزل مع سلمي من الشركه ركبوا العربيه واتحركوا وزين شغل اغاني كئيبه
سلمي : اي الكأبه اللي انت فيها دي
زين : يعني اعملك اي يعني
سلمي : اطفي البتاع ده هشغلك انا اغاني عنب
زين : مبقلقش غير من كلمه عنب دي
سلمي : بلاش عنب عسل حلو
زين : اي يا بت الخفه دي
سلمي : مش اخف منك يا ظريف اسكت بقي وشغلت اغنيه وكانت كويسه نوعا ما بس وهي بتقلب اشتغل
سلمي : زين بتحبيه
ريتال : بحبه ده انا بكره كره العمي
سلمي قفلت البتاع بسرعه وزين بصلها بصدمه
زين : شغلي البتاع يا سلمي
سلمي : لا ده اشتغل غلط أصلا
زين : سلمي شغليه ومتنرفزنيش
سلمي : لا يا زين مش هينفع دي أختي و
زين بحده : قولتلك زفتيه
سلمي بخوف : حاضر. وشغلت مقطع الصوت
سلمي : لي يا بنتي ده بيحبك وقالك كده
ريتال بغلاسه : قالي قالي بس انا مبحبوش يحبني هو بقي دي حاجه خاصه بيه هو أنا مقولتش اني بحبه خالص قبل كده عشان يحبني
سلمي : طب وسيف
ريتال بصتلها باستغراب : اي إللي جاب ده لده يا بنتي بس أنا بحب سيف وبحبه اوي كمان اكتر من البتاع الثاني ده
سلمي : لي ده طيب
ريتال : طيب ده وحش اوي وتحسيه مغرور كده بلا قرف
سلمي : متقوليش عليه كده أنا بحبه
ريتال : بتحبيه هه حلال عليكي يا حبيبتي عقبال فرحكم
سلمي : اتريقي اتريقي ماشي. وخلص التسجيل
زين وقف ع الطريق وهو مصدوم معقول معقول دي ريتال
سلمي : زين أنا أسفه بس بجد أنا معرفش ده اشتغل إزاي ولا اتسجل ازاي اصلا
زين : ريتال قالتلك كده امتي؟
سلمب باسي : امبارح بعد ما رجعتوا مع بعض. زين سكت وافتكر ريتال وهي بتقوله انها بتكرهه يعني مكنتش ساعه نرفزه ولا حاجه.
سلمي : زين متعملش حاجه اكيد ريتال كانت بتهزر و
زين : بس متتكلميش ف الموضوع ده اسكتي خالص. ومشي بهدوء وصل سلمي ع البيت
#باك
ريتال بصت لزين بصدمه ازاااااي هي فعلا قالت الكلام ده بس مكنش ع زين نهائي دي هي وسلمي كانوا بيهزروا ع البقدونس
زين : اي قولي أن مش انتي اللي عملاه اتكلمي
ريتال : ايوه انا بس
زين : بس اي انتي اكبر غلطه انا غلطها ف حياتي يا ريتال انتي دمرتيني إنتي زيك زي فاديه هانم بس إنتي كنتي اشد لان ده وشاور ع قلبه كان بيدق باسمك إنتي وبس
ريتال بدموع محبوسه : زين اسمعني أنا اتكلمت ف الموضوع ده بس مكنش عليك نهائي أنا كنت بكلم سلمي ع البقدونس
زين : هههههههههههه إنتي هبله يا بت ولا اي بقدونس اي ان شاء الله بتستهبلي صح
ريتال : وحياه ماما فريده ما بكدب
زين : اخرصي متجبيش سيره ماما فريده ع لسانك الوسخ ده بس انتي استفدتي اي لم جرحتي قلبي ها اتبسطي كده
ريتال سكتت ومتكلمتش لانها ف عالم تاني خالص صاحبتها الوحيده تعمل فيها كده لييي دي عمرها ما اذتها ف حاجه
زين بغضب : سكتي صح بس انا بقولهالك اهو يا ريتال انا مش عايز اعرفك ف حياتي تاني إنتي فاهمه ومسكها من اكتافها جامد وهزها فاااهمه
ريتال كل ده باصه ف الارض مش قادره تتكلم زين زقها جامد لدرجه كانت هتفقد توازنها بس اتمسكت زي ما دايما كانت متمسكه وكر الدموع اللي ف عنيها زي ما تكون اتبخرت واتحط مكانها برود تام
ريتال بصتله : أنت إللي حكمت ماشي يا حضره الظابط زين أنت تعتبر صديق اخويا واخو مرات اخويا المستقبليه أن شاء الله واه انا كنت بكدب وبمثل عليك لاني انجرحت وعايزه اجرح الناس كلها معايا وأنت إللي وقعت في طريقي وسيف فعلا احسن منك
زين بصلها بغضب شديد : امشي من وشي امشي
ريتال : أنا همشي كده كده يا حضره الظابط وياخساره عرفت لعبتي بدري بعد اذنك ومشيت من قدامه وهي مش حاسه بحاجه اصلا وراحت هناك للجماعه
يوسف : مالك يا روتيتا
نور : ف اي يا ريتو
ريتال بصت لسلمي : مفيش تعبانه شويه
سيف : مالك اوديكي لدكتور
ريتال : لا ملوش لزوم انا هروح وابقي تمام بعد اذنكم. واخدت شنطتها ومشيت من غير ما تدي لحد فرصه أنه يتكلم  وشويه وزين جيه
سلمي : مالها ريتال يا زين
زين : معرفش بعد اذنكم. وسابهم وطلع ع الفيلا بتاعت سيف لانه زهقان
سلمي: انا كمان ماشيه يا جماعه باااي. ومشيت وسبته ومبقاش غير سيف ويوسف ونور وبسنت
بسنت : امشي انا بقي
سيف: طب اوصلك
يوسف : لو مفهاش ازعاج ينفع أنا أوصلها ومنها اشوف الشوارع هنا
نور : اي ده وانا مين هيوصلني
سيف : جيس جوافه قاعد قدامك يعني
نور : مبحبهاش😜
سيف : باااارده
نور : زييييك
بسنت : اي والله اقعدلكم ف الجنينه مروحش هتتخانقوا
يوسف : لا وع اي تعالي اوصلك
سيف : دقيقه بس انت مش معاك عربيه
نور ف خفوت سمعه سيف : خايف ع سلامه الهانم اوي
سيف كتم ضحكته بالعافيه
بسنت : أنا معايا العربية بتاعتي
يوسف : تمام انا هسوقها
بسنت : اوك يلا باي ومشيوا
سيف :  نمشي بقي
نور : ماشي. وقاموا ركبوا وهم ف العربيه
نور : زيف
سيف : نعم يا نيون
نور : اي أخبار زلمي
سيف : خلاص مبقتش تهمني
نور بعدم فهم : قصدك اي
سيف : يعني هي مبتحبنيش وأنا تقبلت الموضوع وشلتها من دماغي
نور بفرحه : بجد
سيف باستغراب : اه بجد مالك فرحانه لي
نور بارتباك : ها ولا حاجه بالعكس أنا زعلانه لانها مطلعتش بتحبك وانت كنت بتحبها بس ع راي المثل إللي بعنا خسر دلعنا
سيف : ههههههه الله عليك يا جميل
نور : هههههههههههه
سيف : بس طالعه حلوه النهارده
نور : طول عمري حلوه اصلا بس انت اعمي
سيف : تصدقي انا غلطان لاهلك انزلي يا بت
نور : لو أعرف الطريق كنت نزلت وأنت عارف
سيف : ههههههه ماشي يا لمضه ووصلها ع الفيلا وسلم عليها ومشي ع الفيلا بتاعته وعرف أن زين جوا بسبب العربية بتاعته بس مرضاش يكلمه وقال يسيبه يهدي
________________&
يوسف ركب العربيه وبسنت ركبت جنبه ف سكوت تام
يوسف لقطع هذا الصمت : إنتي متجوزه
بسنت رفعت أيديها قدامه بمعني مفيش دبل ف ايديها
يوسف : غريبه لي إنتي كام سنه
بسنت : ٢٥
يوسف : ولسه متجوزتيش حسب تقاليد مصر المعروفة أن كده تبقي
بسنت بمقاطعة: عانس عارفه بس مش بيهمني
يوسف باستغراب : لي
بسنت : مبفكرش ف الجواز ولو يوم فكرت اتجوز يبقي اتجوز إللي بيحبني مش كمان اللي انا احبه
يوسف : اشمعنا
بسنت : عشان اللي انا بحبه هيتقي ربنا فيا وهيخاف ع زعلي وهيعمل المستحيل لو شافني زعلانه عشان يسعدني انما لو أنا اخدت واحد انا بحبه مش هكون مبسوطه معاه انت فاهمني
يوسف : ايوه فاهمك البيت فين
بسنت : اه معلش سرحت هنا اهو
يوسف : ماشي يا انسه بسنت
بسنت : الكل بيقولي بسنت مش لازم انسه
يوسف بابتسامة : تمام يا بسنت باي
بسنت بابتسامة : باي. ونزل م العربيه واداها المفاتيح
يوسف : ينفع سؤال
بسنت : اتفضل
يوسف : اركب اي عشان اروح الفيلا بتاعت ريتال
بسنت : انت ممكن تاخد عربيتي عادي و
يوسف بمقاطعة : لا معلش اوصفيلي الطريق وأنا هتصرف
بسنت : ماشي بض. ووصفتله يروح ازاي وبعد معاناااه وصل ع الفيلا ودخل بعد ما سيده فتحتله وطلع ع الاوضه اللي كان قاعد فيها قبل كده ونام
__________________&
اخد إياد ياسمين ع المطعم ودخلت وكان المطعم مفروش كله ورد وف الوش مكتوب بحبك يا ياسمين بخط كبير وصوره ياسمين محطوطه وموسيقى هاديه ورومانسيه اشتغلت اول ما دخلوا
ياسمين : بجد انا حاسه اني بحلم
إياد بابتسامة : لا يا حبيبتي مش بتحلمي
ياسمين : انت قولت حبيبتي صح
اياد بضحك : مالك يا سوسو هي المفاجاه اثرت عليكي ولا اي
ياسمين : الصراحه اه انت يا اياد اخيرا قولتلي بحبك ده انا كنت هتشل يا رااجل
إياد : سلمتك من الشلل يا ست
ياسمين : ست😏
اياد : زي راجل 😉👊
ياسمين : ماااشي تعالي نرقص
اياد بانحناء : طبعا يا اميرتي واخدها من ايديها وراحوا يرقصوا سلو وياسمين سندت براسها ع صدر إياد
ياسمين : انا بحبك اوي يا اياد
اياد : وأنا كمان يا قلب اياد
ياسمين : تعرف انا كنت بحلم بكده من ايام الثانوي
إياد : ما بالك انا من وانتي ليه كنتي عيله بضفاير ف ابتدائي وكنا صغيرين ومقدرش اتكلم وف حاجه
ياسمين : يااااه ربنا يخليك ليا
إياد : ويخليكي ليا يا احلي ياسمينا ف الدنيا وبعد ما رقصوا رجعوا ع التربيزه والجارسون جاب تورته صغنتوته عليها صوره ياسمين ومكتوب تحتها love you
ياسمين : الله دي ع صورتي
اياد : ايوه
ياسمين : انا أنا بجد بحبك اوي
اياد : وأنا كمان يلا بقي نقطع التورته انا اللي هاخد الشفايف
ياسمين بخجل : بس يا قليل الادب
اياد : إنتي فاهمه اي لا طبعا مش اللي ف دماغك اللون ده تقريبا فراوله فا انا بحب الفراوله عشان كده هاخد ده
ياسمين بمرح : وأنا إللي كنت ظلمااك
اياد : تفكير مش ولا بد هههههههههههه. وقعدوا كلوا التورته مع بعض وبعدين اتكلموا شويه وروحوا ع البيت يناموا
___________________&
ام ريتال فهي واقفه ع البحر وعماله تعيط
ريتال : ياربي لي كده لي أنا بيحصل معايا كده لي.....انا عملت اي يغضب ربنا عشان يعذبني العذاب ده.... صاحبتي عملت فيا كده وهي عارفه اني بحب زين وفرقتنا عن بعض...مش عارفه ازعل منها لانها فرقتنا ولا ازعل عليها لانها معميه بغشاء الحب..... يارب الهمني يارب ياااارب
وفضلت قاعده مكانها ع الشط لحد ما نامت مكانها
____________________&
ف الشركه اللي ف امريكا الامور ماشيه كويسه مفيش حاجه
_____________&
كريم بيحاول يوصل لاي حاجه من خلال سمير وسميره وعرف إللي عمله اياد وفرح لبنته واتمني ليها السعاده ووعد نفسه انه يصلح كل شيء
_________________&
وخلص اليوم ع كده وبدا يوم جديد بصباح جديد ابطالنا كلهم صحيوا متأخر لأنهم ناموا متأخر امبارح زين جيه الصبح هو وسيف ع الفيلا
زين : صباح الخير
الكل : صباح الخير
ياسمين : اي يابني كنت فين
زين : كنت نايم مع سيف شويه عادي
سلمي : تمام
سيف : آمال ريتال فين
نور : معرفش خبط عليها مبتردش قولت يبقي نايمه.
يوسف : غريبه طب اطلعي شوفيها تاني
نور : اوك وطلعت ع فوق ويعد خمس دقائق نزلت جري
نور. : ريتال مش موجوده
الكل : نععم
اياد : هتكون راحت فين
ياسمين : معرفش اصتبر هرن عليها رنت عليها بس الفون كان مقفول
ياسمين : لا بقي لنا كده قلبي ابتدأ يوجع..
قطع كلامهم فتح باب الفيلا بالمفتاح ودخلت بصت للكل بجمود وبرود
يوسف : روتيتا كنتي فين
ريتال : كنت ع البحر
نور : نعم بقالك اكتر من ساعه من ع البحر ولا انتي مرجعتيش البيت امبارح
ريتال : عادي يعني ولو مرجعتش فيها اي
سيف : ريتال مالك ف حاجه مدايقاكي
ريتال : لا عادي أنا هطلع اوضتي
زين: استني يا ريتال بس ريتال مسمعتش منه وكملت
اياد : ريتال اقفي. وهنا ريتال وقفت ع نص السلم وبصتلهم
ريتال: نعم ف حاجه
ياسمين : ريتو إنتي كويسه
سلمي : انتي مشيتي امبارح حتي ووشك مقلوب
ريتال : لاني خسرت. الكل بص لريتال باستغراب
ريتال بنفاذ صبر : مالكم بتبصوا لي محدش هيفهم ف خلينا ساكتين
زين : لا اتكلمي يا ريتال
ريتال لسه هتتكلم بس جري الفيلا رن والخدامه راحت تفتح ودخل ...
___________&
مين إللي دخل ده
تفتكروا اي اللي هيحصل
سلمي لي عملت كده
ريتال : هتقول لحد ع حاجه
زين هيعمل حاجه
كريم هيعمل اي ف سميره وسمير
توقعاتكم
#Nemo