لست المذنب

البارت الثامن عشر

لست المذنب
الحلقه الثامنه عشر
$----------------$
تاني يوم الصبح ف فيلا زين صحي بدري واخد شاور وطلع البلكونه
زين لنفسه : انت غلط لم اتجوزتها أنت مبتحبهاش.....لا الحب بيجي بالعشره مش يمكن أن ابعد هعرف أن انا مكنتش بحب ريتال من الاول..... بس.... مابسش ريتال هطلعها من دماغي انا خلاص دلوقتي متجوز ....انا بكرها بكرهااااا
قامت سلمي وبصت حاوليها لقت زين ف البلكونه ابتسمت أن ده كله حقيقي وقامت بسرعه اخدت شاور وطلعت قربت منه وياسته من خده
سلمي : صباح الخير يا حبيبي
زين اتفاجئ ورسم ابتسامه : صباح النور يا حبيبتي
سلمي بفرحه ؛ بجد يا زين انا حبيبتك
زين : سلمي انا مش هكدب عليكي فحاجه لاني مش من النوع ده ..... أنا مش بحبك ....بس صدقيني مع الوقت أن شاء الله يحصل تجاذب ليا من ناحيتك
سلمي بصت للارض بحزن : طيب
زين رفع وشها ؛ متزعليش إنتي عارفه اني بعتبرك صاحبتي ومش عايز اكدب عليكي
سلمي بتحدي ؛ ماشي يا زين وانا هفضل وراك لحد ما تحبني زي ماانا بحبك
زين بابتسامه : ماشي يا سوسو وسكت شويه بقولك
سلمي : امم ذ
زين : ما تيجي نروح لاياد نغلس عليه
سلمي بضحك : هههههه فكره انا كده كده كان نفسي اول ما ياسمين تتجوز اغلس عليها
زين : طب يلا البسي. واخدت هدوم ودخلت الحمام تلبس وزين اتنهد يااارب ولبس هو كمان
سلمي : اي رايك
زين : قمر يا حبيبتي يلا بينا
سلمي : اوك. ونزلوا تحت كان كريم صاحي
كريم باستغراب : صباح الخير رايحين فين
زين : رايح لاياد
كريم : لي ف حاجه
زين : لا غلاسه
كريم : انتوا لو مولدين ع راس بعض مش هتعملوا كده
زين : معلش بقي
سلمي: ازيك يا انكل
كريم : ازيك يا عروسه
زين : يلا بقي سلااام يا كيمووو
وطلعوا ركبوا العربيه وراحوا ع الفيلا بتاعت اياد
_______________________&
ف الفيلا بتاعت سيف الكل صحي ونزلوا يقعدوا مع بعض
سيف : ريتال
ريتال : نعم
سيف : عايز اتكلم معاكي
ريتال : قول
يوسف : احم يا ذكاء عايز يتكلم معاكي لوحدكم نقوم إحنا بقي يا نور
نور : اشطات بس تعرف هااا. وقاموا بعيد
ريتال : اي بقي
سيف : انا كنت عارف ان سلمي بتحب زين
ريتال بصدمه : كنت عارف
سيف : ايوه
ريتال : عشان كده بعدت عنها صح
سيف : ايوه انا عارف ان كان المفروض اقولك بس
ريتال : بس اي يا سيف حرام عليك انت عارف وجعي زاد الضعف انل لو كنت اعرف كنت بعدت عنهم خالص حرام عليك
سيف : انا شوفت الحب ف عيون زين قولت ملوش لازمه اقولك
ريتال : واهو الحب اختفي وبسبب سلمي
سيف : ازاي
ريتال : سلمي وصلت لزين أن انا كدابه لا وغير كده بحبك انت
سيف : نعم 
ريتال بدموع محبوسه ؛ ايوه وحكتله إللي عملته سلمي
سيف : مستحيل سلمي تعمل كده إزاي
ريتال : كل شئ مباح ف الحب والحرب يا سيف
سيف : بس هي غلطت اوي
ريتال : عادي بقي ربنا يسعدها لان كده كده لو كان ف خير للجواز ده كنت بقيت لزين مش يمكن قدره بيحميه مني وميبقاش حياته ع المحك زيي
سيف : ريتال ده ظابط اكيد كل شويه ف خطر ع حياته
ريتال : خلاص يا سيف بس متخافش انا مش زعلانه منك خلاص هم اتجوزوا ربنا يسعدهم
سيف : ماشي يا ريتو
يوسف : خلاص كده
ريتال : جو متسافرش خليك معايا
نور : تخافيش روتيتا هنجيلك كل فتره
سيف : انتي مش عاجبك كيس الجوافه إللي هتقعدي معاه
ريتال : هههههه لا أنا بحب جو
نور : بنت زيف حلو بردو ويتحب
سيف : قوليلها والنبي يا نيون
نور : وواطي ومحدش يطيقه
يوسف وريتال :  ههههههههه
نور : اي رايكم نرخم ع حد من العرسان
سيف : اياد العاشق الولهان
يوسف : هههههه كويس بس انا عايز ارجع لجيسي سليم
ريتال : متخافش ع ضمانتي😂✋
نور : طب يلا نلبس   وطلعوا يلبسوا
ريتال : نور أنا هقعد مع جو بقي لانه هيمشي
نور : وانا اقعد فين
سيف : لا واضح اني شفاف
يوسف : مع سيف يلا بااااي. وطلع هو وريتال برا
نور : زيف
سيف : ....
نور بدلع : زيف
سيف : نعم
نور : يلا نمشي
سيف : لا روحي لوحدك انا شفاف
نور : خلاص يا  سيف كنت بهزر
سيف : ماشي يا نور يلا. وركبوا مع بعض وريتال ويوسف بيضحكوا
يوسف : تفتكري الغبي ده هيحس
ريتال : عيب عليك هو حاسس اصلا
يوسف : حاسس وبيعمل كده امال لو مش حاسس
ريتال : عشان انت عارف أنه كان بيحب سلمي بس هي محبتوش واتجوزت فهو لقي الموضوع عادي حس انه كان عادي متجرحش اوي شوف انت بقي أو نور عملت حاجه غلط بيعمل فيها اي واكبر دليل ع ذلك امبارح
#فلاش
نور واقفه ف الفرح عماله ترقص والفستان واصل لحد الركبه والشباب حواليها سيف قرب منها وسحبها من ايديها جامد كل ده تحت نظر من ريتال ويوسف
سيف بغضب : اي إللي إنتي بتعمليه ده
نور باستغراب : عادي يا سيف برقص
سيف : بترقص للشباب
نور بصدمه : انا
سيف: انا متكلمتش ع الفستان القصير إللي إنتي لابسه وقولت عادي اهو فرح انما كمان نازله رقص والشباب حواليكي مسمحلكيش
نور بصوت شبه عالي : أنت بتكلمني كده إزاي أصلا
سيف : وطي صوتك يا نور
نور : انت غريب يا سيف انت مالمك بيا انا حاجه ف حياتك
سيف : لاني بعتبرك زي اختي ومرضاش أختي تعمل كده. نور الدموع اتجمعت ف عينيها وسابته ومشيت وهو اتنهد بحزن ورجع مكانه
#باك
يوسف : زي اختي غبي
ريتال : وهو عارف انها مش زي اخته بس مش عايز يعترف بده
يوسف : صح وكملوا الطريق. ام عند سيف ف الوضع مكهرب شويه نور ساكته ومبتتكلمش
سيف : نيون
نور : نعم
سيف : مالك
نور : مفيش
سيف : نور إنتي عارفه اني بفهمك ف اي
نور : مفيش يا سيف عادي
سيف : اممم طب انا اسف
نور : من اي
سيف : من إللي عملته امبارح غ الفرح
نور بسخريه : لا عادي ما ده إللي الاخ لازم يعمله من ناحيه اخته
سيف : يا نور انا
نور : خلاص يا سيف أنا كنت غلطانه اقولك ع حاجه انا
سيف : انتي اي
نور اتنفست اوي وقررت انها تتكلم لانها خلاص تعبت : انا بحبك
سيف بصدمه من جرأتها : نعم
نور : ايوه بس عادي انت قولتلي كذا مره أني زي اختك بس انا إللي غبيه معلش فعادي وانا كمان هعتبرك زي اخويا يا سيف. وبصت للشباك ودموعها نزلت ف صمت وسيف مصدوم من إللي هي قالته وساد الصمت لحد ما يوصلوا ع فيلا اياد
_________________________&
ف الفيلا بتاعت اياد ف هم ف عالم تاني عالم الحب وبس صحيت ياسمين الاول وشافت اياد ابتسمت وفضلت تبصله جامد مش مصدقه انه خلاص بقي بين ايديها واياد فتح عينيه وقرب من شفايفها وباسها برقه
اياد : صباح الخير ع أحلي ياسمينا ف الدنيا
ياسمين بعدت عنه بخجل : صباح النور
اياد : لو تصدقي كميه الفرحه إللي انا فيها
ياسمين : وانا كمان مبسوطه اوي
اياد : كفايه عليا اصحي ع وش الجميل مش اصحي ع وش العفريت اخوكي
ياسمين : ههههههههه
اياد : بمناسبه الضحكه تعالي عايز اقولك حاجه
ياسمين بخجل : لا أنا جعانه
اياد : وانا كمان
ياسمين : خلاص وسع ام اروح أعمل فطار وجت تقوم بس اياد شدها لحضنه وياسمين شهقت
اياد : انا مش عايز من الفطار العادي
ياسمين : امال عايز اي
اياد باسها ع خدها : عايز من الفطار الخاص بتاعي
ياسمين : يا اي.. بس مكملتش لان اياد قطعها بطريقته الخاصة وغابوا مع بعض ف دنيا تانيه
_____________________&
وصل زين وسلمي الاول وفضلوا يرنوا ع الجرس ومحدش ييفتح
سلمي : يمكن لسه نايمين
زين : مش مشكله نصحيهم
سلمي : هههه واضح انك بتعزه اوي
زين : فوق ما تتخيلي هو واختي
سلمي : واضح واضح. وشويه وجيه الباقي وكانوا يوسف وريتال إللي وصلوا ف الاول
يوسف : ههههه صباحيه مباااركه بتعملوا اي هنا
زين : ازيك يا جو ازيك يا ريتال
ريتال : الحمدلله وراحت لسلمي حضنتها ازيك يا سوسو صباحيه مباركه يا عروسه
سيف من وراهم : ازيك يا زوز أي نزلك من بيتكم
زين : غلاسه ع اياد
نور : طب احنا واقفين برا لي
سلمي : قعدنا نرن محدش فتح
ريتال : وسعي كده وفضلت دايسه ومفيش رد
ريتال : كده مفيش غير حل واحد
الكل : اي
ريتال طلعت مفتاح من جيبها : ده
يوسف : طب افتحي. وفتحوا الباب والفيلا هووس خالث
زين بصوت جمهوري : ايااااد.  اياد فوق كان بيلبس
إياد : ده صوت زين دخل ازاي وافتكر ريتووو
يوسف : هو مفيش نفس لي
سيف : مش عارف. وشويه ونزل اياد
الكل : صباحيه مباااركه
اياد : حسبي الله ونعم الوكيل
وضحكوا وريتال جريت عليه حضنته : مبروك يا ايدي
اياد ابتسملها : الله يبارك فيكي حبيبتي
نور : مبروك اد
سلمي وزين : مبروك
اياد : الله يبارك فيكم بس دخلتوا ازاي. الكل شاور ع ريتال
ريتال : خووونا بس يا اياد يا حبيبي خوفت عليك
اياد : خوفتي عليا هاا
ريتال ببراءه : طبعا 😇
ياسمين نزلت : زين. وجريت ع اخوها
زين : حياتي انتي الف مبروك يا عمري
ياسمين : الله يبارك فيك امال بابا فين
سلمي : طب سلمي عليا الاول كله زين يعني
ياسمين حضنتها : بابي فين
زين : محبش يزعجكم اول يوم
اياد : والله حمايا بيفهم وبعدين انت مش عريس بردو جي لي هااا
زين : وحشتني واختي وحشتني
ريتال : طب انا هطلع اوضتي بسرعه ونازله
نور : وانا كمان وكل واحده طلعت ع اوضتها عشان تاخد هدومها. ويوسف لحقهم
سلمي : مالهم
سيف: اصل نور وجو مسافرين
اياد : بالسرعه دي
سيف : شغلهم متعطل
زين : امممم
ياسمين : وريتال طلعت لي
سيف حرك كتفه بمعني معرفش. ونزلوا التلاته وف ايديهم شنط
اياد : اي ده
ريتال : شنط
ياسمين : ايوه لي
نور : انا وجو هنسافر
زين : وريتال
ريتال : هقعد مع سيف
اياد : نعم وده لي أن شاء الله
ريتال : عادي يا ايدي
ياسمين : لا اقعدي معانا هنا
سيف : سيبوها ع راحتها
سلمي : اممم ماشي
يوسف : طيب هنمشي احنا
ريتال حضنته : هتوحشني يا جو
يوسف : وانتي كمان
نور : هتوحشيني روتيتا
ريتال : وانتي كمان يا نونو ودمعت بس مسحت دمعتها بسرعه
سلمي وياسمين : هتوحشينا
نور : وانتوا كمان. وسلموا ع بعض ومشيوا
سيف : هيوحشني
اياد : فعلا
سلمي : مش هناكل ولا اي
ياسمين : معندناش اكل هنا اتكلوا ع الله
اياد : مراتشي حياتشي
ريتال : حياتشي خليها تنفعك
اياد : ده انتي اختشي حبيبتشي
زين : انا لم اقول ان ده مش منظر ظابط محدش بيصدقني
اياد : لولا انك عريس جديد كنت زعلتك. ريتال ابتسمت بحزن وسلمي لاحظت ده وزعلت هي كمان بس هي بتحب زين
ياسمين : هنروح فين ف شهر العسل
زين ؛ نروح تركيا
اياد : هههههه تركيا
زين : ايوه بتضحك لي
اياد : هو انا مقولتلكش
زين : محصليش الشرف
اياد : مش معتز باشا ادنا اجازه ثلاث ايام بس
زين : ياشيخ عبوشكلك دي اخبار
سيف : هههههه شهر عسل في الفيلا بقي
ياسمين : اي مكان مع حبيبي جنه
سلمي قربت من زين : فعلا
ريتال : الله يسهلو 😁
زين : عقبالك
ريتال : مش عايزه اتجوز
اياد : بس يابت ال مش عايز اتجوز ال ده انا اللي هجوزك بنفسي اي رايك في الواد سيف
ريتال : هو انا هرمرم ههههههههه
سيف : ع اساس اني هبصلك إنتي يا معفنه
سلمي : هههههه ده منظر
ريتال : ع فكره يا سلمي إنتي المفروض تحسدي ياسمين
ياسمين : لي
ريتال : لان يا حياتي عندنا جامعه بعد ثلاث ايام
سلمي : احييييه ده انا نسيت
زين : ولا فيه مشكله حبيبتي هتقعدي ف البيت وتروحي كل شهر ثلاث مرات بالكتير والباقي يجيلك ف البيت
ياسمين: ايوه يا عم محدش قدك
سلمي باسته من خده : ميرسي حبيبي   ريتال بعدت وشها بالم وقعدوا يهزروا شويه
اياد : اشتريتي الحاجه ريتو
ريتال : لا انا مش هروح
ياسمين : نعم ازاي
ريتال : زي الناس هتفق مع الدكاترة والمعيدين ع كده
سلمي :  وهم هيوافقوا
سيف : يا بنتي دي ريتال الحناوي اكيد هيوافقوا
زين : هنا مش زي امريكا
ريتال : هنا اقل من امريكا..... امريكا كان فيها نظام كمان ونظافه بلد متقدمه انما هنا الكل بيدور ع الفلوس محدش بيدور ع مصلحه البلد ..... فعلا اكتر البلاد المتقدمه البلاد الأوروبية........ مع اننا نقدر نتفوق عليهم بمئات المرات...... بس احنا شعب كسول ... وكله بيصقف لكله .... ننزل ونقتل بعض ف الشوارع .... طب ما نقتل إللي السبب في ده كله .... لي اقتل اخويا وعمي واي حد قريبي ..... عرفتوا بقي أن هنا اقل من أمريكا   الكل بص لبعض
اياد : تعرفي ان انتي لو كنتي قدام القسم كان زمانك مختفيه دلوقتي محدش عارفلك اثر
ريتال : عشان هم مش عايزين اللي بيفهم ف البلد دي...... اي حد بيطالب بحقه يبقي خاين .... أنت فاكر أن الناس اللي بتتطلع ف الفيديوهات دي ليهم لازمه..... ولا ليهم اي لازمه...... جايين يدافعوا عن البلد وهم برا .... طب ما تيجي انت وطنك وهات كل إللي تعرفهم ودافع ..... إنما مستخبي ف حصن الغرب ويقولك حرام عليك وحسبي الله ونعم الوكيل متدخلش دماغ
ياسمين : اي يا جماعه احنا قلبنها سياسيه كده لي
سلمي : معرفش
زين : بس ده كده بتحرضوا ع ثورات ف البلد مش انا إللي بقول كده اي حد هيقولك كده
ريتال : ثورات اي .... الشعب بيخاف .... شوف كام مره قالوا ثوره ..... تيجي تشوف مفيش نمله اصلا ف اليوم ده..... الثورات دي كانت ع الناس زمان انما دلوقتي .... انا ف حالي وانت ف حالك
سيف : خلاص يا جماعه ف اي ع ما اعتقد ان النهارده صباحيه العرسان ولا اي
ريتال : اه صحيح نستني لوووووووولي مبروك
اياد : يخربيتك وداني طارت
ياسمين : أنا جعانه يا ايودي
زين : ايودي😂
سلمي : ده دلع الطفوله أساسا
سيف : دي غلاسه سبوهم براحتهم الله
ريتال : ع اساس اننا بنقشر بيض ما احنا كمان بنغلس
اياد : هردهالك يا سيف انت واختي
زين وسلمي : احنا نفدنا😂😂😂
وقعدوا مع بعض يهزروا وريتاال لازالت مستمرة ف تمثيل دور السعاده واي كلام بين زين وسلمي كان بيوجعها وخلص اليوم والكل رجع ع بيته وناموا بعد ما كل واحد خطط مستقبله
_________________________&
بعد مرور ٤ سنوات بالتحديد ف نيويورك
نور : يا زفته انتي اوووف ريتاااال
ريتال : نعم يا نور نعم
نور : قومي ده إنتي نايمه ولا القتيل
ريتال وهي بتحط المخده ع دماغها ؛ ماشي روحي انتي
نور بسخريه : هه اه عشان جيسي تجري ورايا
ريتال : يابااارده وسعي النوم طار من عيني   وقامت دخلت الحمام ونور طلعت لها هدومها ونزلت وهي طلعت لبست هدومها ولبست فوقهم الاسدال وصلت وبعدين ظبطت نفسها ونزلت
ريتال بابتسامة : صباح الخير
الكل : صباح النور
يوسف : روتيتا تعالي يا اختي جنبي
نور. : والله ما يحصل انا إللي هقعد جنبك
يوسف بفزع : لا والنبي ريتال
جيسي : بااااس ريتال هتقعد جنبي
ريتال : وأنا موافقه. وقعدوا مع بعض يفطروا
جيسي : نمتي كويس
ريتال بفرحه : حد ينام ع صوت ياسين وميصحاش كويس
نور : وحشني اوي
ريتال : وانا كمان كلها يومين وانزله
يوسف : هتنزلي بردو طب وشادي
جيسي : يا باااي افتكر سيره عدله الله يخليك ده ملوش اثر من اربع سنين
نور : بس اكيد ف حاجه
ريتال : اقعدي انتي واخوكي قروا عليا لحد ما يجي
جيسي : بعد الشر يا حبيبتي
ريتال قامت : طب يلا بقي يا اساتذه عندنا شغل يوسف ونور : اوك
جيسي : مع السلامه
ريتال ويوسف ونور : باي جيسي. ومشيوا ع الشركه وسابوا جيسي اللي ريتال اصرت انها ترتاح
______________________&
ف مصر بالتحديد ف فيلا اياد الحناوي
اياد : ياااااسين متضيقش مامي
ياسين : هي مث عايزه تيعبني مع امد (هي مش عايزه تلعبني مع احمد)
ياسمين : يا حبيبي احمد شويه ويجي وتلعبوا سوا
ياسين يتذمر : يء انا عايز ايعب مع امد ناك (لا أنا عايز العب مع احمد هناك)
اياد : ابنك ده محتاج مترجم
ياسمين : مش لسه صغير يا ايودي
ياسين بغضب : انا مث صغيي (أنا مش صغير)
ياسمين : عارفه حبيب مامي عارفه
اياد : أنا عايز انام هو اخوكي اتاخر لي
ياسمين : مهو صاحبك بردو انا مالي
زين من وراه : ازيك يا سيادة المقدم
اياد : اهلا بيك يا سياده الزفت كل ده تاخير
زين بيشاور ع سلمي : مهو المدام بقالها ساعه بتلبس ف احمد
سلمي : يعني البسه هدوم اي كلام
ياسمين حضنتها : حبيبتي وحشتيني
سلمي : وأنتي كمان
أحمد بغلاسه : ما انتوا كنتوا مع بعض امبايح
زين : الواد ده غلس لمين
اياد : مش محتاجه لعمته طبعا
ياسمين : لا والله انا غلسه
اياد : أحلي غلسه ف حياتي
زين : لولا العيال واقفين يلا ندخل
ياسين : هيعب انا مع امد ماثي(هلعب انا مع احمد ماشي)
ياسمين : ماشي يا حبيبي. ودخلوا جوا
زين : اوووف دي آخره إللي يدخل شرطه
إياد : هنعمل اي يعني ده حظنا
ياسمين : يلا تشربوا اي
سلمي : تعالي ندخل انا عارفه جوزي بيشرب اي تعالي
زين : حيااتي انتي روحي. ودخلوا ع المطبخ
اياد : اي الأخبار
زين : زفت مش عارفين ممسكه مع أنه ايده اليمين
اياد : اديك قولت يعني عامل زي العفريت
زين : انا معرفش لي ساعات بحس انك عارف حاجه
اياد بتمثيل : والمصحف ما انا يا زين باشا
زين : خلاص خلاص سامحتك
سيف وهو داخل ييتكلم ف الفون : ماشي يا حبيبتي ماشي... خلاص خلي بالك ماشي....يلا سلام يا حياتي امووه
زين واياد : عم رووووميو😂😂
سيف : اخرص يا كلب انت وهو خسئت
زين : الحب ولع ف الدره
سيف وهو بيمثل الرقص : اه الدره الدره الدره💃
ياسمين وهي طالعه : كان قلبي حاسس انك هتنط عشان كده عملت كوبايه زياده
سيف : قلبك دليلك يا اختي وسعي واخد الكوبايه وحط رجل ع رجل وقعد
اياد : بيت ابوك هو
سيف : افتكر انه عمك هاا😎
سلمي : سيبه سيف محدش بياخد منه لا حق ولا باطل
سيف : بالظبط😎
زين : طيب يا عم الحبيب اترزع يلا
وقعدوا يضحكوا مع بعض
ياسمين باشتياق : ريتال وحشتني اوي اوي
اياد : وانا كمان
سلمي : دي خلصت السنه من هنا وحجزت ع طول
سيف : لا لا سوري استنت لحد ما النتيجه طلعت
زين : وبقت المذيعه وصاحبه شركات الحناوي للادويه ريتال الحناوي
اياد : ااه ثلاث سنين بعيده عننا
سيف : بس كنتوا بتروحوا زيارات الاول مكنش فيه خالص
ياسمين : صح ياسين عايز يشوفها
سلمي : هي مشفتش احمد ولا مره
زين : شافته وهو شهرين احنا فعلا إللي مشوفنهاش بقالنا ٣ سنين
سيف : هانت هي قريب هتنزل
اياد : وده إللي مصبرني
سيف : مش هناكل ولا اي. ياسين واحمد دخلوا
ياسين واحمد بفرحه : زيييييف
سيف وهو بيشلهم هم الاثنين : حياااااااااااتي
ياسين : حثتني يا زيف
سيف مقلدا : وانت كمان يا قيب زيف
احمد : مث تتييق عينا (مش تتريق علينا)
سيف : مث هتييق حاضي
زين : يالهوي دول بيحبوك اكتر مننا
سيف : ده أنا زيف يا ابني
سلمي : ههههههههه اتعديت
ياسين : تعايي ايعب معانا (تعالى العب معانا)
سيف : يلا بينا   وراح يلعب واياد وزين انضموا وقعدوا يلعبوا وياسمين وسلمي بيضحكوا وخلص اليوم وكل واحد راح ع بيته وناموا
_______________&
وف امريكا ف الشركه
يوسف : بوووسي وحشتيني
بسنت ف الهاتف : وانت كمان يا جو
يوسف : عامله اي
بسنت : الحمدلله
يوسف : يااااه ارجع بس ونتجوز
بسنت: بجد يا يوسف
يوسف : بجد يا قلب يوسف
بسنت : ماشي
يوسف : طب مفيش حاجه كده
بسنت : ام نتجوز باااي عشان انام. وقفلت ف وشه
يوسف : جزمه والله جزمه. وساب الفون وركز ف الشغل. وعدا الوقت بسرعه ورجعوا ع البيت وناموا ع طول من غير اكل. وخلص اليوم
_________________&
تفتكروا اي إللي هيحصل
سيف كان بيكلم مييييين
زين بقي يحب سلمي
اياد وياسمين الحياه هتبقي عادي كده
يوسف وبسنت اي إللي بينهم
نور هتعمل ايه او سيف بيحب واحده تاني وهل نسيته اصلا
ريتال هتعمل اييييي
توقعاتكم
#Nemo