لست المذنب

البارت الرابع والعشرون

لست المذنب
الحلقه الرابعه والعشرون
------------------------&
ريتال : يبقي انا ما دام انانيه ومليش حد يحبني..... واني كدابه وبشمت ف الناس.... يبقي اي لازمتها اعيش... ملهاش لازمه مليش حد هنا اعيشله..... حتي انت مش عايزاك.  وصوت بوق العربيه عاااالي وهي بترجع
زين : ريتال ارجعي
ريتال : بكرهك. وجريت العربيه بسرعه والراجل بيحاول يوقفها وزين كان اسرع وسحب ريتال بسرعه من قدام العربيه ووقع ع الارض وهي فوقه وفضلوا باصين لبعض فتره وريتال زقته جامد
ريتال : ابعد عني بقي انت اي لا بترحم ولا بتسيب رحمه ربنا تنزل وقامت من قدامه وجريت ع الفيلا وهو جري وراها ومسك ايدها
زين : عايزه تنتحري عايزه تموتي كافره
ريتال : ما انت كده كده مكفرني فموته احسن مانا بموت ميت مره هنا
زين : هو الحقيقه بتوجع اوي كده
ريتال : لا اله الا الله حقيقه اي ها معاك دليل ع كلامك أن انا كدابه
زين ؛ سلمي سمعتني التسجيل
ريتال : وانا مشكتش يا سيادة المقدم ان ده مزور مثلا
زين : وسلمي هتعمل كده لي
ريتال : عشان بتحبك واللي بيحب بيعمل اي حاجه
زين : اديكي قولتي اللي بيحب بيعمل اي حاجه وأنتي معملتيش اي حاجه تدل ع حبك يا ريتال
ريتال : معملتش ابعد عني يا زين عشان والله كلامك بينرفزني
زين : مش إنتي اللي عايزه كده وعايزه الحقيقه تبان خلاص ادينا بنتكلم
ريتال : عايز تعرف اي ها..... تعرف أن انا البنت الصغيره ريتال إللي كانت بتحب زين جدا ..... وكانت بتحب تشوفه ف صغرها..... ولم رجعت اول واحد باعها هو مش سلمي ... سلمي مبعتنيش انت إللي بعتني
زين : محدش باعك إنتي اللي سبتي الكل
ريتال : ايوه بعدت .... الكلام إللي سلمي قالته كله غلط انا مكنتش بتكلم عليك حتي لو لاحظت اني كنت بقولها اي دخل ده لده الكلام مكنش عليك بس سهل أوي عمليه القص واللازق ده
زين : وأنتي معاكي دليل ع كلامك
ريتال: ايوه.  وطلعت اوضتها بسرعه وقعدت تدور في الادراج لحد ما جابت ال ميموري واخدت فونها ونزلت تحت
ريتال : اتفضل اسمع. وحطت الميموري ف الفون بتاعها وشغلت التسجيل
#فلاش
سلمي وهي بتقلب ف الفون : وأنتي اي اخبارك مع السمك بتحبيه
ريتال : بحبه ده انا بكره كره العمي
سلمي : لي يا بنتي ده بيحبك وقالك كده😁
ريتال بغلاسه : قالي قالي بس انا مبحبوش يحبني هو بقي دي حاجه خاصه بيه هو أنا مقولتش اني بحبه خالص قبل كده عشان يحبني
سلمي : طب وسيف
ريتال بصتلها باستغراب : اي إللي جاب ده لده يا بنتي بس أنا بحب سيف وبحبه اوي كمان اكتر من البتاع الثاني ده
سلمي : لي ده طيب
ريتال : طيب ده وحش اوي وتحسيه مغرور كده بلا قرف
سلمي : متقوليش عليه كده أنا بحبه
ريتال : بتحبيه هه حلال عليكي يا حبيبتي عقبال فرحكم
سلمي : اتريقي اتريقي ماشي
#باك
ريتال : سمعت ده التسجيل الاصلي
زين باستغراب : وأنتي جبتيه منين
ريتال : يوم كتب كتابكم
#فلاش
قامت من اوضتها وراحت ع اوضه سلمي كانت ف الحمام مسكت الفون بتاعها وسمعت التسجيل وعيطت سلمي طلعت شافتها بتعيط صعبت عليها
سلمي : مالك يا ريتو
ريتال بصت ع سلمي إللي واقفه لابسه الفستان خلاص كتب الكتاب بعد شويه وهي لازم تطلع حلوه بس ريتال واقفه وراها وبتعيط
ريتال : لي لي عملتي معايا كده
سلمي : عملت اي مش فاهمه
ريتال : سلمي انتي فهماني لي عملتي كده
سلمي : انتي كل حاجه كانت ليكي وبعدين انا ماخدتهوش من رواكي ولا اخدته منك
ريتال : ما اخذتهوش مني آمال ده اسمه اي ها اسمه اي
سلمي : اسمع حب جنون سميه اللي تسميه ريتال يا حبيبتي كل حاجه كانت برضاكي وبعدين انا أخدته بعد ما عرفت انك مش عايزه فليه عامله كده دلوقتي مش إنتي إللي قولتي انك بتكرهيه وكان قدامنا كلنا. وهي كانت بتكلم سلمي كانت بتنقل الريكوردات المزيف والحقيقي
#باك
زين : ومقولتيش ليا لي
ريتال : انت مصدقتنيش اقولك لي وسلمي كانت بتحبك بردو ف عادي
زين : إنتي سكتي بس إنتي كمان اتجوزتي وكان زمانك عندك طفل بس هو اللي منع
ريتال : انا متجوزتش من ساعه ما سافرت امريكا وانا حياتي ف الشغل وبس انا كل يوم كنت بموت ميت موته وبقنع نفسي انك واحد متجوز بس مقدرتش مقدرتش مفكرش فيك فكرت اني اتجوز بس مكنش هينفع كنت هظلمه معايا
زين : بس القدر كان ليه راي تاني واتجمعنا من تاني
ريتال : اتجمعنا من تاني بس انت معملتك ليا كانت اسوء من الاول ولا كان إللي قدامك مجرمه مش مراتك .... معملتك كانت وحشه ليا
زين : انا اسف بس إحنا ممكن نصلح كل ده ونرجع زي الاول
ريتال بدموع: انا حبيتك حبيتك من قلبي سافرت وشوفت كتير برا بس منستكش فضلت متابعه اخبارك اذا كان من ع الاكونت بتاعك أو من ياسمين ومكنش حد بياثر فيا.....انت حكمت عليا بالاعدام يا زين
زين : انا اسف ممكن نصلح إللي حصل
ريتال : انت موتني عارف انت كنت بتعاقبني جامد بجوازك من سلمي ..... اتجوزتها قدامي وانا المفروض عليا امثل ونجحت في المشهد..... عارف شعور انك تجهز الفرح بنفسك لحبيبك ....عارف لم تنزل مع مرات حبيبك المستقبليه عشان تختار معاها الفستان ولازم تكون مبسوط....عارف انت بقي لم تكون عارف الحقيقة وساكت... صعب صعب يا زين
زين : ريتال انا ظلمتك عارف انا كنت بتعذب اكتر منك صدقيني
ريتال : استحاله اصدقك لانك محستش بوجهي مشوفتش دموعي إللي كانت ف عيني وانا ببارك ليكم.....كل إللي عملته انك تكسرني
زين : بس ف الاخر ادبنا اهو متجوزين
ريتال : اتجوزتني لاي مش عشان ابنك مفيش اعذار يا زين….عارف الاصعب من كل ده...أن ده وشاورت ع قلبها لسه بيحبك لسه بيدق ليك انت وده إللي مكرهني ف نفسي اني مش قادره اكرهك
زين قرب منها : ريتال انا ظلمتك بس انتي محستيش بشعوري محستيش بوجع كل الظروف كانت ضددي.... امي طلعت تاجره اسلحه ومخدرات وابويا كان اتجوز واحده عقربه والبنت اللي حبتها طلعت بتكدب عليا... او انا افتكرت كده
ريتال بدموع : انت فاكر أن ده وجع ها..... عارف يعني اي طفله صغيره تبعد عن إللي بتحبهم ..... عارف يعني اي ف المدرسه اصحابي يقولوا ليا اني معنديش اب ...... عارف انت لم شخص قريي ليك يتاذي بسببك.... عارف انت بقي لم مامتك تموت قدامك وانت مش قادر تعمل حاجه عارف انت كل الحاجات دي
زين بصدمه : ماما فريده اتقتلت
ريتال : قتلوها قدامي.... امي اضربت بالنار قدامي.... وانا واقفه ومش قادره اعمل حاجه..... مقتلونيش لي معاها..... كانت بتودعني قبلها وقالتلي اعيش حياتي واكون اسره وبيت ....... وارجع اعيش ف وسط اهلي ف مصر.... عارف لم تتحرم انك تعيط ع اعز الناس ليك ..... انت مظلوم انت متعرفش حاجه عن الظلم يا زين ولا تعرف اي حاجه...... عارف كل ما اكلم جيسي بحس بقلبي بيوجعني انا بغير من كل واحد عنده اب وام...... أنا تعبااانه والكل نازل فيا اتهمات...... عارف انت بقي لم تكون يوم كتب كتاب حبيبك وانت رايح وتضحك وترقص وتغني وانت جواك بتعيط ميت مره وبتتكسر..... الناس اللي اذت ياسمين وسلمي قبل كده والناس اللي انتوا شوفتوهم مقتولين ف الفيلا دول هم إللي قتلوا ماما وهم نفسهم عايزين يقتلوني...... عارف لم متقدرش تكون اسره عشان خايف خايف أن عيالك يتيموا بسبيك..... لم كل فتره تهرب عشان متاذيش اللي حواليك..... لم تعرف كل ده ابقي كلمني يا زين
وسابته وجريت ع اوضتها وهو واقف مكانه مصدوم من كل الكلام اللي قالته حياه حبيبته ف خطر ازااااي ولي محدش قاله لييييي هو ظلمها اوي اوي لازم يرجعلها
زين : صدقيني يا ريتال انا هعمل كل حاجه عشان ارجع حبك ليا واخليكي تحسي بحبي مش هخلي حد يقربلك طول ما انا عايش
ريتال طلعت اوضتها وفضلت تعيط من قلبها
ريتال : مامااااا تعااالي ارجووووكي تعاااالي خديني من هنا انا تعبت يا ماما تعبت زهقت من كتر الدموع
____________________&
عدا يومين وريتال قافله ع نفسها الباب بتنزل لم زين يمشي وتفضل مع احمد وبتطلع لم هو يجء من الشغل لحد ما جيه يوم الجمعه يوم التجمع بتاعهم
اياد : ازيك يا ريتو
ريتال : اهلا يا اياد ازيك يا سيف
سيف : تمام يا حبيبتي
زين : تعالوا
ياسمين : احمد روح انت وياسين العبوا بره شويه
احمد وياسين : حاضر. وطلعوا يلعبوا برا
ياسمين : اخبارك اي يا ريتال
ريتال : تمام نور وجو اخبارهم اي
سيف : كويسين وهينزلوا قريب
ريتال : اوك.  وقعدوا يتكلموا بس قطع كلامهم فون ريتال
ريتال : دي جيسي
اياد : ردي
ريتال: هاي جيسي
جيسي برعب : ريتال
ريتال بقلق : جيسي مالك
شادي اخد الفون : هاي سنيوريتا
ريتال بصدمه : انت
شادي : ايه رايك في المفاجأة عجبتك
ريتال : عايز اي.  الكل واقف مستغرب
شادي : كل خير البضاعه تدخل المخازن لاما   وسمعت صوت جيسي بتصرخ
ريتال بصراخ : جيسييييييييييييي. الكل اتفزع
شادي: سلام يا قطه
ريتال : لا لا جيسي لا
اياد : ف اي يا ريتال
زين : ريتال ف اي
ريتال فتحت الفون : الو ...بسرعه ع بيت جيسي انتو فاهمين..... بسرعه     وطلعت ع اوضتها بسرعه والكل وراها بيخبط عليها
ياسمين : ريتال ريتال افتحي
سيف : ريتال متخوفناش عليكي. ريتال طلعت من الاوضه بعد ما خلصت دموعها
اياد مسكها : ف أي
ريتال : ابعد يا اياد
سيف : ريتو انطقي جيسي مالها
ريتال بصتله بدموع محبوسه واعلن هاتفها عن وجود اتصال
ريتال : اي ...وكملت بصراخ.... اييييي ازاااي.... اااااااه ياااارب. وقفلت الفون
اياد مسكها من كتفها : أهدي وقوليلي ف اي ريتال بدموع : جيسي ف خطر
والفون بتاعها رن تاني وكان من رقم جيسي
ريتال : الو
جيسي بصوت خافت جدا لأنها قدرت بصعوبه تاخد الفون : ريتال اوعي توافقي ع اي حاجه يقولها..... أنا هبقي كويسه صدقيني......انا اااااه
شادي : ها يا ريتو خططي هتعملي اي
ريتال بغضب : شادي يا خولي ملكش دعوه بيها نهائي انت مشكلتك معايا انا هي ملهاش ذنب تعالي من أمريكا وخلينا نتفاهم
شادي بضحك : ومين قالك أني ف أمريكا انا هنا ف مصر
ريتال : مصر وجيسي
شادي : جيسي بردو ف مصر
ريتال : انت حيواااان
شادي : وأنتي غبيه وهتندمي ع إللي عملتيه كله يا ريتال. وقفل ف وشها
زين : انتي تعرفي اي عن شادي الخولي
ريتال ساكته
زين : بقولك تعرفي اي عن شادي الخولي
ريتال : شادي هو نفسه إللي قتل ماما
ياسمين: انا مش فاهمه حاجه
سيف : انا هتصل بجو دلوقتي.  واتصل بيوسف
يوسف : سيف ازيك
سيف : مش وقته جيسي ف خطر
يوسف بفزع : انت بتقول اي
سيف : شادي لسه مكلمنا وهددنا
يوسف : هو عايز اي ده ها مش هنخلص منه
زين : احنا جايين فورا عندكم استنوا اوعوا تتحركوا.  وقفل معاه
اياد : خدوا بالكم من نفسكم كويس
ياسمين : اياد خد بالك من نفسك
ريتال : مش عايزه اخسر حد بليز
زين قرب منها وحضنها : متخافيش كل شئ هيبقي تمام يلا يا سيف.  ومشي هو وسيف واياد ع مكانهم
_____________________&
كريم إللي سافر من ساعه جواز زين برا مصر واقف مع شخص مجهول
كريم: ناوي ع اي
$كل خير
كريم : أنت متأكد من إللي انت ناوي تعمله ده
$لازم كفايه بقي لحد هنا
كريم : خد بالك لانك هتكون خطر جدا
$خليها ع الله يا كريم سلام
كريم : سلام   وسابه ومشي
كريم : دي هتبقي صدمه للكل ياااارب اقف معاهم ومعاه
___________________&
وصل الشباب ع المكان اللي فيه يوسف ونور ونور بتعيط جامد خايفه ع جيسي
سيف : نور.  نور شافته وجريت عليه واترمت ف حضنه وقعدت تعيط
سيف : اهدي ياحبيبتي اهدي
نور : هياذوا ماما يا سيف هياذوها
سيف : هتبقي كويسه
زين : شادي الخولي مش سهل وعارف هو بيعمل اي كويس
اياد : أنا خايف أن ده يكون ملعوب
زين : ازاي
يوسف : ريتال فين
اياد : ف البيت هي وياسمين
يوسف بزعيق : انتوا اغبيه سيبنها لوحدها ومفيش معاهم حد
نور : ريتال أكيد ف خط.. قطع كلامها صوت فون سيف
سيف : الو يا بسنت
بسنت بدموع : الحقني يا سيف محدش ف البيت والبيت كله مقلوب والعيال الصغيرة مغمي عليها
سيف بصدمه : إنتي بتقولي اي وبيت اي.  زين خد منه الفون بسرعه
زين : ف اي يا بسنت
بسنت بخوف : ريتال وياسمين مش ف البيت يا زين
زين قفل معاها وهو متعصب جامد
اياد : شادي الكلب نهايتك ع أيدي
زين : حسابك تقل اوي يا شادي.  ومشيوا كلهم بسرعه ع الفيلا بتاعت زين
__________________&
ف مكان شبه مظلم كانت جيسي مربوطه ف الكرسي وع وشها علامات الضرب  دخل عليها شادي وهو ع وشه علامات السعاده
شادي : تلعبي بيا انا يا جيسي
جيسي : انت انسان مريض يا شادي مريض.  ضربها بالقلم
شادي : مريض عشان حبيتك ها
جيسي : ده اسمه جنون انا استحاله اعترف اني مراتك
شادي مسكها من شعرها : مراتي غصبن عنك يا جيسي انا مطلقتكيش عشان متتجوزيش
جيسي : انت واحد كداااب رسمت عليا الحب وانت ف الاخر تاجر مخدرات وسلاح
شادي : كنتي عايزاني افضل شادي الموظف البسيط إللي إنتي عرفتيه
جيسي : انا حبيت الموظف البسيط ده حبيت شادي الطيب إللي كان همه يكون اسره شادي إللي كان بيحبني بجنون
شادي: ولسه بحبك
جيسي : انت كداب انت بتحب الفلوس حبيت السلطه بسببك ناس كتير ماتت
شادي بغضب : مش انا لوحدي يا هانم لو مكنتش عملت كده ف الف واحد يقدر يعمل كده..... إنتي فاكره أن الناس مواطنه وبيموتوا ف تراب البلد..... إنتي مبتشوفيش نسبه الهجره الشرعيه والغير شرعيه..... ومش احنا اللي بنغصب حد يشرب مخدرات هم إللي بيجوا بنفسهم عشان ينسوا القرف والهم بتاعهم ...... شوفي ليا واحد كده مبسوط وبيشرب مخدرات مش هتلاقي ..... كل اللي هتلاقيه اللي حبيبته سابته عايز ينسها إللي اهله مهملين فيه عيال الشوارع.... تجاره المخدرات مجتش من الهوا جت بسبب ناس كتير ونرجع ونقول الأمريكان لو ف وطنيه كان زمنا لم الأمريكان مشيوا نشيل حاجه من حياتنا اسمها مخدرات بس انتوا عالم بيحب يقلد الغرب بس ف الغلط مش الصح
جيسي : انت بتبرر لنفسك إللي بتعمله مع انك كان ممكن تمنع الناس دي انها تعمل كده
شادي : هتمنعي مين ولا مين ها
جيسي : انا بستحقر أن انت ابو ولادي
شادي : ما انا كنت موظف غلبان معجبتش السيد الوالد ولا اي يا جيسي اول ما اتقدمت ليكي مقبلنيش عشان مش نفس المستوي المادي والاجتماعي ..... الغلبان ده هو اللي الكبار بيدوسوائ عليه انما الكبار إللي زي ابوكي عايشين ف نعيم
جيسي بصراخ : انا بكرهك يا شادي بكرهك واللي زاد كرهي فيك لم اتهجمت عليا بس بشكرك لان بسبيك جت نور
شادي : ولادي إللي حرمتيهم أنهم يعرفوا ابوهم حرمتيني من اني اشوفهم
جيسي : انت قتلت اعز صاحبه ليا
شادي : لانها عرفت معلومات محدش لازم يعرفها وكانت صاحبه مبادئ وده اللي خلنا لازم نخلص منها
جيسي : وبنتها ذنبها اي ها
شادي : ذنبها انها امها ذنبها انها بنت اللواء محمد
جيسي : ده مات انت مالك بيه
شادي ضحك بسخريه : مين قالك انه مات
جيسي بصدمه : انت بتقول اي
شادي : اقصد أن سياده اللواء محمد لسه عايش بشحمه ولحمه
جيسي : مستحيل فريده شافت جثته بنفسها
شادي : مش صعبه ع ظابط ولا اي
جيسي : انت حيواااان حيواااان رجعني لولادي يا شادي
شادي : نجوم السما اقربلك انا هخلص اللي ف ايدي وهاخدك ونبعد عن الكل
جاله فون
شادي : الو ..... عال اوي سلام
شادي : هرجعلك يا حياتي 😘
جيسي بصراخ : انا بكرهك بكرهاااااك
________________&
وصل زين والكل هناك واول ما بسنت شافت يوسف جريت عليه وحضنته
يوسف : أهدي أهدي
بسنت : خطفوا ريتال وسلمي
زين : تعالي يا اياد معايا يوسف وسيف خدوا البنات وحاولوا تشوفوا حوالين الفيلا لو لقيتوا اي دليل تعالوا.  ودخل هو واياد جوا وقعدوا يدوروا ع اي حاجه دليل بس ملقوش
زين : وبعدين بقي هنعمل اي
اياد : مش عارف اه تعالي نسال البواب. وطلعوا برا
زين : مشوفتش حد دخل الفيلا هنا
البواب : ف ناس جالوا انهم تبعك يا باشا
اياد : وكانوا عاملين ازاي
البواب : مخبرش يا بيه مشوفتهمش لأنهم ضربوني ع راسي يا بيه
زين بعصبية : يعني اي مشوفتهمش
البواب : يا بيه والله ما اخدت بالي انا لجيت الدنيا اسودت ف وشي ومعدتش شايف حاجه واصل
اياد : ياااااا الله يااااااا الله يعني ياسمين وريتال راحوا فين دلوقتي
زين : انا قلقان ع ريتال اوي. احمد فوق هو وياسين بس هي مش موجوده
اياد ؛ أنا مش عارف افكر مش عااارف. وخرجوا برا وكانوا الباقي جم
يوسف : اي لقتوهم يا جماعه أو لقيتوا اي دليل
اياد : لا يا جو
نور : خير ان شاء الله متقلقش اكيد ريتال كويسه اكيد وفتحت ف العياط
سيف : يعني ريتال او ياسمين محدش أتصل بيكم قالكم انهم خارجين يمكن يكون الكركبه دي من العيال
زين : لا محدش أتصل خالص والبواب قال إن ف حد جيه فعلا الفيلا
بسنت : أنا خايفه ع ريتال وياسمين اوي
زين : انا مش عارف اعمل اي مش عارف افكر
إياد : أحسن حاجه نروح ع الاداره
زين : ماشي وانت يا سيف انت وجو خدوا العيال وخليكم ف الفيلا بتاعت سيف كويس
الكل : اوك
________________&
ف مكان تاني شبه خالي ف الصحراء
ياسمين : ااه
ريتال: اي ده انا فين
ياسمين : ريتال إنتي كويسه
ريتال : ايوه احنا فين
ياسمين بدموع : معرفش اخر حاجه فكرها لم الناس دول دخلوا علينا وخبطونا ع دماغنا
ريتال : اااااه إحنا لازم نهرب من هنا
صوت جيه قدامهم : تهربوا فين بس يا ريتال هانم ده إحنا لسه مبدانش واجب الضيافة ده انا كنت مستنيكي يا شيخه
________________&
تفتكروا اي إللي هيحصل
توقعاتكم
#Nemo