لست المذنب

البارت الثالث والعشرون

لست المذنب
الحلقه الثالثه والعشرون
-----------------------&
تاني يوم الصبح صحيت ريتال ولقت نفسها ف البلكونه
ريتال : يا خبر انا لسه مكاني من امبارح. قامت ودخلت جوا ملقتش زين
ريتال : أحسن لم ادخل اخد شاور. وجت تدخل الحمام بس وقفت ع صرخه قويه من الاوضه إللي جنبها بالتحديد
سلماااااااااااااااااااااااااي   كان ده صوت زين إللي بتقدر تفرقه بين كل الناس جريت ع مكان الصوت ووقفت مكانها واتصدمت
ريتال بصدمه : سلمي.  دخلت لقت سلمي واقعه ع الارض ومفيش حركه وفيه دم نازل من فمها قربت منها ببطئ ونزلت ع ركبتها 
زين : سلمي ردي سلمي. وشالها ع ايده وجري بيها ع العربيه وريتال وراهبس وقفها
زين بصرامه : خليكي مع احمد
ريتال : بس
زين : قولت خليكي مع أحمد وشال سلمي دخلها العربية وركب ومشي بسرعه وهي دخلت وهي الدموع ف عينها مش قادره تعيط لي مش عارفه وطلعت لاحمد فوق وقعدت جنبه وهي قلقانه ع صاحبه عمرها  وبتتمني انها تكون كويسه
_______________&
ف الفيلا عند اياد صحي من نومه وفضل يتأمل ف شكل ياسمين بس قطع عليه احلامه دخول ياسين عليه (يلا اي خدمه عد الجمايل)
ياسين : بتبص ع اي
اياد : اي إللي جابك ياض انت بدري كده
ياسين : عايث انام عاكوا
اياد : تنام معانا غور ياض من هنا مفيش نوم
ياسمين بنوم : سيبه ينام يا ايودي الله
إياد : بس
ياسمين حضنته : بليز يا دودي
اياد بمحن (لان مفيش غير ده) : عيونه يا روحي تعالي ياخويا وقام شال ابنه وحطه ف النص
اياد بغيظ : مرتاح دلوقتي
ياسين : اه
اياد وهي بيخبطه بخفه : نام يا خويا نااام. وناموا هم الثلاثه تاني
________________&
Welcome to eygpt
وصلوا الي ارض القاهره أخيرا بعد ما اطروا ياجلوا السفريه وخلصوا الإجراءات وطلعوا برا وكان شخص مستنيهم
المجهول ٣ : نورت يا باشا
المجهول ٢ : اوك عملت اي
المجهول ٣ :كله تمام يا باشا
المجهول ١ : انا تعبانه يا بيبي
المجهول ٢ : يلا نروح البيت دلوقتي.
المجهول ٣ : انت تؤمر يا باشا اتفضلوا. وواخدهم للعربيه وركبوا معاه عشان يروحوا للفيلا بتاعتهم (الهي تولع بيكوا يا قادر يا كريم)
__________________&
وصل زين ع المستشفي ودخل بسرعه ع الدكتور وفضل واقف برا ربع ساعه متوتر وبعدين طلع الدكتور وع وجهه علامات الاسي
زين : خير يا دكتور
الدكتور : شد حيلك يا استاذ زين
زين اتصدم : ماتت
الدكتور : البقاء لله. وسابه ومشي وزين واقف مكانه مصدوم ماتت جوزته وماتت دخل ببطء ليها جوا كانت متغطيه بالملايه قرب منها وشال الملايه من ع وشها
زين : مشيتي مشيتي خلاص كده..... حتي مودعتنيش..... إنتي بتكرهيني اوي كده لدرجه انك مش عايزني اودعك...... واحمد ابنك سيبتيه من غير وداع ...... جوزتيني لريتال وبعدتي انتي ...... أنا انا عارف اني مكنتش بحبك بس بردو مكنتش بكرهك ..... كان بينا احترام وتقدير طول معاملك ع انك صاحبتي وام ابني بس إنتي روحتي من غير اي كلام....... انا مش هسامحك يا سلمي مستحيل اسامحك. وباس راسها بحزن وطلع ومسك تليفونه
_____________&
كان نايم هو ومراته وصحي ع صوت الفون
حمدي : زين خير. ورد عليه
حمدي : السلام عليكم ازيك يا زين
زين : الحمدلله وحضرتك وطنط
حمدي : الحمدلله يا حبيبي سلمي عامله اي
زين : اااااااااا
حمدي بقلق : ف اي يا زين قلقتني
زين : بنتك تعيش انت
حمدي بصدمه : سلمي ماتت
سماح بصدمه وهي لسه صاحيه : يالهووووووووووووووووووي
زين : حضرتك تقدر تيجي ع الفيلا سلام وقفل معاهم بسرعه وخلص الإجراءات كلها بتاعت الدفن واتصل ع اياد وسيف إللي اتصدموا لم عرفوا الخبر وخافوا اكتر ع ريتال لو عرفت وراحوا لزين يساعدوه وياسمين اتصدمت وراحت لريتال
ريتال : ياسمين مالك. لانها لقتها لابسه اسود وع وشها علامات الحزن والدموع
ريتال : ف اي لابسه كده لي
ياسمين بدموع حضنت ريتال وقعدت تعيط ف حضنها
ريتال : أهدي ف اي بس. وافتكرت زين وسلمي
ريتال بصدمه : سلمي وبعدت ياسمين عنها سلمي جرالها حاجه
ياسمين بصت ف الارض
ريتال مسكتها من كتفها : سلمي جرالها حاجه ردي عليا
ياسمين : سلمي ماتت يا ريتال ماتت 😭😭😭 ماتت يا ريتال. ريتال سابتها وسكتت متكلمتش وقعدت تفتكر مواقفهم سوا مهم عملت فيها هي بتحبها وحتي لم سافرت امريكا وهي صغيره كانت بتكلمها ع طول دي مرضيتش تقول الحقيقة لزين عشانها هي تقوم تسيبها بالسهوله دي لا
ريتال : قولي انك بتكدبي يا ياسمين قولي كده لو سمحت متقوليش انها سابتني
ياسمين : ااااه صاحبتنا ماتت يا ريتال خلاص راحت لربها😭😭ماتت من غير ما تودعنا يا ريتال.... ااااااه ع وجع قلبي.  ريتال بتسمع كل ده بس مبتعيطش مبتتاثرش
سماح من ع الباب : انتي بوز فقر ع بنتي
ريتال بصتلها بوجع
سماح : من اول ما بنتي عرفتك وهي مشفتش يوم عدل ف حياتها.... منك لله يا شيخه دمرتي حياه بنتي اي اللي رجعك تاني..... انتي واحده نحس نحس يا ريتال كل إللي يعرفوكي بيتصابوا بلعنتك إنتي لعنه.  الكلام ده كله كان بيوجع ريتال من جواها
حمدي : بس ياسماح أهدي
ياسمين : عيب يا طنك كده ميصحش
سماح بدموع : أهدي اي وميصحش اي ..... بنتي راحت مني..... ضنايا راح مني يا حمدي..... سلمي إللي مليش غيرها كل حلمها انها تعيش مع إللي بتحبه وبس..... انما البنت دي وشاورت ع ريتال لعنه وبتصيب كل اللي حواليها فضلت ورا سلمي لحد ما خطفت منها جوزها..... هي إللي موتت بنتي بحسرتها ..... حسبي الله ونعم الوكيل فيكي يا ريتال...... الهي ما تشوفي الخير ف حياتك ابدا يا ريتال يا بنت فريده ..... يارب قلبك يتحرق ع حد غالي زي ما قلبي محروق كده
كفااايه   كان ده صوت زين الجمهوري اللي وقف الكل عن الكلام واياد وسيف بيبصوا لسماح بغضب
زين : اللي انتي قولتيه ده ميصحش أنا ساكت يمكن عمي يتكلم بس متكلمش ومسمحش انك تغلطي ف مراتي نهائي وبنتك كانت مراتي بردو
سماح : ابعد عن ريتال هتموت بسببها ف يوم عيد ميلادها مات ابوها
ريتال بصدمه : نعم اي الكلام اللي بتقوليه ده
سماح : لهو إنتي مكنتيش تعرفي
سيف : لو سمحت يا طنط عيب اوي كده
سماح لم تعيرهم اهتمام : لي يا كتكوته انتي مكنتيش عارفه ف اليوم النحس إللي انتي جيتي فيه ابوكي مات وسيف انضرب بالنار بسببك والكل بعد عنك لانك انانيه ويمكن فريده كمان ماتت بسببك ما انتي نحس عليهم
اياد بغضب : بس بقي إنتي اتكلمتي براحتك ع الاخر قبل ما تتكلمي ع اختي كده شوفي بنتك اللي. ريتال مسكت ايده وهزت راسها بمعني لا وزين استغرب
اياد : إنتي وليه كبيره وقد امي وغير كده ام مرات اخويا وصاحبتي فياريت تسكتي
حمدي : عجبك الكلام ده يا زين
سيف : يعني انت مدايق من كلام إياد ومسمعتش كلام مراتك
سماح : حسبي الله ونعم الوكيل فيكي يا ريتال ..... ربنا يرحمك يا سلمي يا رب ...... أنا همشي انا من البيت النجس ده أن من ساعه ما البتاعه دي دخلته وهو بقي فقر.  ومشيت وهي بتعيط وياسمين قربت ع ريتال وحضنتها
ريتال : أن لله وان إليه راجعون إن لله وإن إليه راجعون إن لله وإن إليه راجعون وفجاه وقعت من طولها
الكل صرخ : ريتااااال.  اياد شالها بسرعه وطلعها الاوضه  وسلمي جت وطلعت ع اوضتها عشان يغسلوها وزين والكل واقف مع ريتال إللي بتترعش جامد وفجاه قامت من نومها بعد مايه كتير ع وشها
ريتال : أنا عايزه اشوف سلمي
ياسمين : ريتال مينفعش
ريتال : قولت عايزه اشوف سلمي
زين : ريتال قولنا مينفعش إنتي تعبانه
ريتال بصراخ : بقولك هشوفها.  وقامت من مكانها وهي حاسه بدوار واياد سندها لحد اوضه سلمي ودخلت جوا وقفلت الباب ف وش اياد وقربت من سلمي
ريتال : هتوحشيني يا صاحبتي... هانت عليكي العشره انك تسيبيني كده..... إنتي حققتي وعدك لم قولتي انك عايزه يومك قبل يومي عشان متتوجعيش.... بس انا دلوقتي إللي بتوجع يا سلمي..... فراقك صعب اوي عليا..... جوزتيني لزين ومشيتي..... انا مش عايزه الجوازه دي.... انا وش فقر عليكم ع راي طنط.... موت بابا وانتي وماما وكل إللي بحبهم اتاذوا ولسه بيتاذوا .... أنا اسفه يا سلمي سامحيني لو كنت زعلتك ف يوم .... هتوحشيني اوي   وطلعت برا من غير ما تعيط ولا تعمل اي حاجه
سيف بشك : ريتال إنتي كويسه
ريتال : ايوه انا كويسه
اياد : ريتال متعمليش زي ماما عيطي وطلعي إللي ف قلبك
ريتال بصتله : تعبت من العياط الوجع ف القلب مش ع الوش انا هنزل اشوف احوال العزا اي. وسابتهم ومشيت
ياسمين : انتوا متأكدين انها كويسه
زين : لا ريتال تعبانه وتعبانه اوي بس هتعاند ويمكن اكتر من موت طنط فريده
سيف : نور وجو لازم يعرفوا بالموضوع انا هبعتلهم مسدج عشان يحاولوا ينزلوا مصر
زين : لا مفيش داعي حد يعرف حاجه
سيف : بس يا زين دول اصحابنا
زين : هيعرفوا بعدين مش لازم دلوقتي يلا نمشي من هنا. ياسمين لسه ع حالها بتعيط وريتال واقفه تحت وظبطت الجنازه وقالت للكل واياد قال لزمايله ف الشغل وفون ريتال رن
ريتال : سلمي ماتت يا بوسي
بسنت : اي بتقولي اي
ريتال : سلمي ماتت والدفنه النهارده
بسنت : انا جايه حالا.  خرجت وادت الموظفين اجازه وراحت ع بيت زين فورا ومن الحظ انها كانت لابسه اسود ووصلت هناك وقبلت ياسمين ف وشها وجريت عليها وحضنتها وياسمين كمان حضنتها
بسنت : بس يا ياسمين بس
ياسمين : اهي اهي سلمي مااتت يا بسنت ماتت
بسنت : ربنا يرحمها يا حبيبتي
اياد : اهلا يا بوسي ياسمين ريتال فين
ياسمين : معرفش كانت واقفه مع احمد وياسين من شويه
سيف : متخليهاش تيجي عشان هناخد سلمي وندفنها
بسنت : أنا هفضل معاهم روحوا انتوا.  وطلعت هي وياسمين عند ريتال اللي عماله تلعب معاهم ولا اكن حاجه حصلت
بسنت : ريتال. ريتال بصتلها بوجع
ريتال : اهلا يا بوسي اتفضلي.  دخلت بوسي وحضنت ريتال
ريتال : أن لله وان اليه راجعون
بسنت : إنتي اكيد تعبانه دلوقتي نامي
ريتال : لا مش عايزه وقامت وقفت وطلعت البلكونه وشافتهم وهم بيطلعوا جثه سلمي عشان تتدفن وكانت بتشوفهم وجواها ميت حاجه بتتكسر بس لسه زي ما هي صلبه
ياسمين: عيطي يا ريتال كده مش كويس عليكي.  ريتال بصتلها وابتسمت بوجع
ريتال : تصدقيني لو قولتلك اني مش قادره اعيط
بسنت : ريتال انا عرفت اللي قالته ام سلمي سيبك منها نهائي يا ريتال
ريتال : هي ام حقها تقول كل حاجه هي موجوعه عشان بنتها عادي
سكتوا كلهم واتعملت جنازه لياسمين ومحدش قال ليوسف ونور حاجه نهائي وعدا شهر وزين معاملته جافه جدا مع ريتال لي هو خايف عليها من اي ميعرفش المهم أنه يبعدها عنه نهائي وريتال هي كمان بتبعد عن زين نهائي وبتقعد مع احمد كتير وزين بينام ف اوضه سلمي عشان يبعد عن ريتال بس إللي ميعرفهوش أن هي بتستني انه يطلع من عند أحمد وتدخل تنام معاه
_____________________&
ف صباح يوم جديد  قامت ريتال من نومها وجريت ع الحمام وفضلت فيه كتير تفضي معدتها
ريتال : ااااه هي ناقصه بكره البرد ام اطلع اجهز فطار ليا انا واحمد.  فضلت ف الحمام اخدت شاور سريع وطبعا اتشوووو مخلصتش طول الشاور ولبست بسرعه ونزلت تحت كان زين واقف ف المطبخ وقفت شويه بصت عليه بس قطع التصنت ده
ريتال : اتشووو اااه.   زين بص وراه لقي ريتال واقفه
زين بحزم : صباح الخير
ريتال: صباح النور. وحطت خصله شعرها ورا وذنها ودخلت المطبخ عشان تجهز الفطار
زين : متعمليش حسابي
ريتال : انا مكنتش هعمل ليك اصلا. (أحلي قصف جبهه ده ولا اي). زين بصلها بحرج وهي جهزت فطار خفيف
ريتال: اتشوووو بس كفايه
زين ابتسم بلطف : تقدري تروحي تكشفي
ريتال : لا متشكره مش عايزه وجت تمشي بس هو مسك ايدها
زين : انا مبقولش ده ليكي انا بقول كده عشان ابني ميتعبش بسببك وهتروحي ياريتال
ريتال وهي بتشيل ايده عنها : ابنك انا هعرف اخد بالي منه يا سيادة المقدم عن اذنك.  وسابته ومشيت وهو وقف مزهول مكانه مستغرب منها بس عارف انها هتروح تكشف وطلع عشان يدخل لاحمد بس وقف لان شاف ريتال عماله تهزر معاه
ريتال : انت يا شقي يلا قوم بقي كده ريتو تزعل
أحمد قام باسها : دي البوسه عشان ريتو متزعلش. زين ابتسم أن ابنه قال الحروف مظبوطه
ريتال ابتسمت : اه يا لئيم بتعرف تضحك عليا طب يلا بينا بقي عشان ناخد الدش بتاعنا
أحمد : اوووك. وقام معاها وهي قامت وراه للحمام وزين ابتسم ونزل تحت وراح ع شغله
__________________&
صباح الخير. قالها ياسين إللي نزل وجري ع مامته
ياسمين : صباح الفل يا روحي
اياد : صباح الجمال
ياسين : النونو عامل اي
ياسمين بابتسامة : لسه صغير اوي اوي بس هو كويس. (ايوه ياسمين حامل ف أسبوعين)
اياد : هيجيلك اخ زي العسل
ياسين : لا عايز بنت
ياسمين باستغراب : اشمعنا
ياسين ببراءه : عشان العب معاها
اياد بضحك : طب مهو لو ولد خالتي معاه بردو
ياسين : لا عايز بنت
ياسمين : حاضر يا حبيبي هجبلك بنت
ياسين : ايوه بقي حبك انا.  وقام طلع يجري ع برا
اياد : ده مفطرش حتي
ياسمين : هو إللي بيجي لوحده وبيقول انا جعان
اياد قام : ماشي يا حبيبتي عايزه حاجه. وباسها بوسه سريعه
ياسمين بخجل : تؤ سلامتك.  اياد ابتسم وطلع علشان يروح ع شغله
___________________&
سيف مسك هو الشركه بتاعت ريتال وبسنت طبعا معاه ف كل حاجه ومبيتكلمش هو ونور بقالهم شهر بسبب شغله الكتير  وهو قاعد ف الشركه جاله اتصال من أمريكا
سيف : الو
نور : ازيك يا زيف
سيف بفرحه : نور حبيبتي وحشاني
نور بزعل : مهو باين ده أنت بقالك شهر مكلمتنيش
سيف باسف : يا حبيبتي والله الشغل ف الشركه صعب اوي ولم برجع بيكون ٩ ١٠ بالليل بكون مقتول واكون عايز اتصل بيكي الصبح بس بفتكر أن زمانك نايمه
نور : ماشي هسامحك عامل اي
سيف : تمام وجو وجيسي اخبارهم
نور : تمام اخبار ريتال اي مع سلمي
سيف سكت
نور : ف اي ريتال فيها حاجه
سيف : لا سلمي
نور : مالها سلمي يا سيف
سيف : سلمي ماتت.  نور اتصدمت
نور : اي ماتت
سيف : ايوه ماتت من شهر
نور : ومحدش قالنا لي انا وجو وجيسي
سيف : مكنوش عايزين انكم تقلقوا
نور : انت بتهزر يا سيف
سيف : هي الحياه والموت فيها هزار يا نور
نور : اااا.. انا هشوف جو وهنحاول ننزل مصر ف اقرب وقت
سيف : ماشي يا حبيبتي تصبحي ع خير
نور : وانت من اهلي باي.  قفلت معاه وهو ابتسم
سيف اتنهد : ربنا يرحمك يا سلمي.  دخلت عليه بسنت
بسنت : صباح الخير يا سيف
سيف : صباح النور اخبارك
بسنت : الحمدلله خد دول ورق عايزين امضتك
سيف : اي دول
بسنت : دول يا سيدي صفقه جديده صفقه ادويه خارج مصر
سيف : طيب انا هراجع الاوراق واقولك
بسنت : تمام ريتال عامله اي
سيف : كويسه كلمتها امبارح وكانت كويسه
بسنت : اوك.  وطلعت برا وسيف ركز ف الشغل
__________________&
ف أمريكا طلعت نور من اوضتها وراحت ع اوضه يوسف اللي كان بيشوف الانترنت
يوسف : ادخل
نور دخلت وقعدت ف حزن
يوسف بقلق : ف اي إنتي كويسه
نور بدموع : سلمي ماتت يا يوسف
يوسف بصدمه : إنتي بتتكلمي جد
نور : ايوه سيف لسه قايل ليت
يوسف : ماتت أمتي
نور : من شهر
يوسف : ومحدش قالنا
نور : سيف قال مكنوش عايزين يقلقونا
يوسف : وريتال عامله اي
نور : معرفش معرفش حاجه
يوسف : احنا لازم ننزل ف اقرب وقت
نور : ماشي عايز حاجه
يوسف : لا انا هنام تصبحي ع خير
نور : اوك. وسابته ودخلت اوضتها تنام
__________________&
وصلت ريتال ع المستشفي بعد ما وصت الداده تاخد بالها من احمد ودخلت كشفت
الدكتور : اهلا وسهلاً يا فندم اسمك اي
ريتال : ريتال حرم زين القناوي
الدكتور بتعجب : حضرتك حرم زين القناوي هو اتجوز تاني
ريتال باستغراب : ايوه حضرتك تعرفه
الدكتور : طبعا مراته كانت بتكشف عند دكتور زميلي
ريتال : سلمي
الدكتور : مش فاكر اسمها بس تقريبا كان عندها كانسر
ريتال بصدمه : نعم كانسر اي حضرتك كان عندها القلي
الدكتور ينفي : لا طبعا ولو مش مصدقه ممكن اوديكي للدكتور بتاعها
ريتال : ماشي.  ومشيت معاه لحد الدكتور إللي كشف ع سلمي
الدكتور ١ : دي حرم زين القناوي وكانت عايزه تسالك مش سلمي مرات زين القناوي ربنا يرحمها كان عندها كانسر
الدكتور ٢ : ده صحيح يا فندم مدام سلمي كان عندها كانسر ف المخ
ريتال بعدم تصديق : ازاي ده ده قالت إن عندها القلب مش كانسر
الدكتور ٢ : لا ده هي كاشفه عندي انا شخصياً وانا شوفت التحاليل بتاعتها
الدكتور ١ : صدقتيني بقي متستغربيش ده اخويا وكل حاجه مع بعض
ريتال سابتهم ومشيت وهي ف عالم تاني يعني كان كله كذب لازم تتاكد من زين لازم
__________________&
ف الادراه زين واياد ف اجتماع
اللواء معتز : عملتوا اي ف قضيه شادي الخولي
زين : شادي الخولي حسب معلوماتي انه هنا ف مصر
اياد : فعلا بس مقدرناش نمسكه لان مفيش اي دليل ضدده ومعهوش اي حاجه وعملنا ليه تفتيش كامل ف المطار بس مكنش معاه حاجه تاني
اللواء معتز : واي أخبار فاديه
احد الظباط : مصدرنا اكدت انهم شافوا واحده طبق الاصل لفاديه عزام معني ذلك ان فاديه عايشه يا فندم
اللواء معتز. : وازاي قدروا يدخلوا هنا
زين : دي مشكله الحرس والأمن مش مشكلتنا فاديه اتقبض عليها مرتين مش مره واحده عشان كده دي مش تبعنا
اياد : وف حد خاين هنا معانا
اللواء معتز باستغراب : حد خاين انت بتشك فحد. اياد بص لمحمد نص بصه وبعدين بص لللواء تاني
اياد : دلوقتي مش هعرف اقول حاجه لان مش معايا دليل بس اول ما يبقي ف ايدي دليل هقول لحضرتك على الفور
اللواء معتز : تمام تقدروا تروحوا بس عايز اخلص من حكايه شادي دي نهائي وعايز اعرف هو رجع مصر لي اكيد ف سبب
اياد : تمام يا فندم عن اذنك. وطلعوا من هناك ومحمد راح لاياد بغضب وزين كان واقف مع اياد
محمد : انت كنت بتبصلي كده لي ف الإجتماع ها اي انت شاكك ان انا الخائن
اياد : انا كلمتك يمكن عيني جت عليك بالغلط مش اكتر
محمد : اياد يا حناوي بطل لعب معايا
اياد : لا حول ولا قوه الا بالله يلا يا زين. وسابوا محمد واقف هيولع
محمد : ماشي يا اياد ماشي. 
_________________&
عدا الوقت ورجع زين على البيت ولقي احمد جي يجري عليه
احمد : ريتو بتقولك انك هتتغدا معانا النهارده بليز بابي اتغدا معانا
زين ابتسم : حاضر يا حبيبي. وطلع غير هدومه كانت ريتال جهزت الاكل وحطته ع السفره واحمد خلص يعتبر طبقه بس زين لسه ف الاول وريتال قاعده باصه عليه مش اكتر
ريتال بأمر : قوم يا احمد ادخل اوضتك
احمد : حاضر. ودخل الاوضه وزين بصلها ومعلقش
ريتال : زين
زين وهو بياكل : نعم
ريتال : انت لي مقولتيش أن سلمي ماتت بكانسر
زين بصلها بصدمه ازاي عرفت
زين بصدمه : كانسر اي
ريتال : زين متكدبش أنا عرفت الحقيقة
زين بعد وشه : اه ماتت بكانسر
ريتال : ولي محدش قالي؟؟! لي قولتوا ليا انها بسبب انها اكتشفت انها عندها مرض  قلب سكتتي كده أن مكنش فيه مرض قلب أصلا
زين بجمود بيحاول يرسمه : أيوه
ريتال : طب لي محدش قالي لييييي
زين وقف : عشان متشمتيش فيها
ريتال بصدمه : اشمت
زين قرب منها : ايوه تشمتي إنتي مش كل حاجه كنتي بتشمتي فيها صح هي خافت لتشمتي ف مرضها بس ف نفس الوقت مكنتش عايزه ابنها يعيش مع أي حد عشان كده اختارتك انتي مع أني لا بحبك ولا بحب اشوف وشك اصلا
ريتال بصتله بصدمه ودموع متحجره ومشيت من قدامه بهدوء وطلعت من الفيلا خالص وزين واقف مكانه ومفقش غير وصوت باب الفيلا بيتفتح طلع يشوف لقي الباب مفتوح جاله شعور بالخوف عليها جري ع بره لقها واقفه ف مكان بعيد ومبتعملش حاجه قرب منها ببطئ بس وقف فجأة بسبب
ريتال بدموع ووجع : ااااااااااااااااااااااااااااااااه اااااااااااااااااااااااااه 😭😭ااااااااااااااااه وقعدت ف الارض وزين واقف مصدوم
ريتال بصراخ : مااااااماااااا لي كده لييييييييييييي ...لي جبتيني ع الدنيا دي…. لي خلتيني اعيش ف دنيا كده لييي.... لي قولتلي أن العالم مبيخوفوش وهو أساس الخوف .....لي فهمتيني أن مبقاش خبيثه..... لي قولتلي اتعاملي بطبيعتك لييييي..... استفدت اي لم سمعت النصايح دي .....ما أنا كنت بعيده... لي قولتي نرجع وسبتيني انتي..... ليييي أنا قلبي موجوع اوي يا ماما ....لي سبتيني سبتوني كلكم أنا تعبت والله تعبت .....لي ربنا ميخدش روحي ويخلصني بقي... الكل كداااب مبقاش ف حد بيتعامل بطيبه ....اللي بيعمل كده بيتداس عليه زي الفران يا ماما ...بعدتي عني ليييي قولتلي حبي اتجوزي اخدت اي من كل ده اااااااه😭😭😭
زين واقف وراها مصدوم مش عارف يعمل اي كل إللي عمله انه قومها واخدها ف حضنه جامد وعينه دمعت عليها بس هي زقته جامد اوي
ريتال بصراخ : ابعد عني ابعد انت زيك زي الكل
زين : ريتال اهدي اهدي وخلينا نتكلم جوا
ريتال : مش عايزه ارجع البيت ده أنا عايزه ارجع بيتي بيت ماما وبابا واخويا أنا عايزه ارجع عندنا
زين : طب اهدي انتي لي عامله كل التمثيليه دي
ريتال سكتت وبصتله بصدمه يااااه انا بمثل
ريتال : صح أنت صح انا بمثل أنا ممثله شاطره اوي وانت إللي اكتشفت ده صح انا مبحبش حد أنا انانيه اي إللي مخليك تعيش معايا طلقني يا زين
زين : أنا مش قاعد معاكي حبا فيكي بس دي كانت وصيه سلمي اني اتجوزك
ريتال : سلمي سلمي سلمي كل شئ فيه سلمي كل موضوع فيه سلمي سلمي قالتلك اني مبحبكش سلمي بتحبك سلمي قالت اني واحده خاينه سلمي قالت أني يشمت ف الناس سلمي قالت انك تتجوزني عشان ابنها سلمي قالت انها تعبت من الحمل عشان مشمتش فيها انها عندها كانسر صح
زين : ياريت متجبيش سيرتها ع لسانك يا ريتال سلمي مكدبتش ف اي حاجه كل إللي قالته صح وانتي فعلا كنتي ممثله شاطره عرفتي تخليني احبك كويس كل ده عشان سلمي كانت أقل مننا  عشان كده انتي مبتحبهاش
ريتال : مبحبهاش انا بكرهها انل مبحبش اشوف وشها انت اي إللي مقعدك بقي مع واحده زيي ها
زين : مش عشانك عشان سلمي واحمد هي إللي قالتي اني اتجوزك
ريتال : وهي إللي قالتلك اني انانيه وبكرهك بس انت مسالتش نفسك انا هكدب عليك لي فلوس معايا زيك واكتر هضحك عليك وامثل الحب لييييييي
زين : لان انتي تربيه امريكيه والاجانب بيستمتعوا بكده انهم يكسروا القلوب.  ريتال فضلت ترجع لورا
ريتال : يبقي انا ما دام انانيه ومليش حد يحبني..... واني كدابه وبشمت ف الناس.... يبقي اي لازمتها اعيش... ملهاش لازمه مليش حد هنا اعيشله..... حتي انت مش عايزاك.  وصوت بوق العربيه عاااالي وهي بترجع
زين : ريتال ارجعي
ريتال : بكرهك. وجريت العربيه بسرعه والراجل بيحاول يوقفها ووو
____________________&
تفتكروا دي النهايه
اي رايكم في زين وسماح
فاديه عايشه صحيح
توقعاتكم
#Nemo