لست المذنب

البارت الاخير الجزء الثاني

لست المذنب
الحلقه الثلاثون والاخيره (الجزء الثاني والاخير)
★★★★★★★★★
اياد بصدمه : بابا
ريتال باندهاش لأنها مشفتش صورته لان فريده كانت مانعه صورته ف البيت : بابا مين
محمد : ابوكي يا ريتال   سكتت ريتال بصدمه
سيف بصدمه : ااا انت عايش
محمد بابتسامة : ايوه كبرت يا سيف
اياد : ازاااااي انت عايش ازاااااي.  زين بص لريتال وقرب منها وحضنها وهي بصتله بوجع
محمد لزين : اي مش هتسلم ع حماك يا زين
زين : انا معرفكش عشان اسلم عليك
محمد : عيب عليك ده انا ابو مراتك
ريتال بحده : متقولش ابويا
اياد : سيف خد الكل وامشي من هنا
سيف : بس
اياد بحده : بقولك امشي.  خد الكل وفضل هو وريتال وزين إللي ريتال مسكت ف ايده وسيف رجع تاني
محمد : عاملين اي
اياد : لم انت عايش كنت فين الفتره دي كلها
محمد ببرود : كان عندي شغل واكمل بحنيه : بس رجعتلكم
ريتال بدموع : كنت فين لم احنا سافرنا ها كنت فين ساعه ...موت أمي
محمد : كنت موجود معاكم  وحواليكم بس مقدرتش اوريكم وشي وبص لسيف حتي ف موت اهلك اخويا ومراته كنت موجود
سيف بحده : ومظهرتش لي وجعت قلوبنا كلنا لي بسببك أنت اتعذبنا كام سنه
زين : حضرتك استفدت اي بالبعد عننا
محمد : شغلي كان بيوجب عليا كده شغلي كان لازم اختفي من حياتكم
إياد : شغل شغل شغل نفسي افهم اي المبرر ف الشغل عندكم الكل بيفضل يقول شغل شغل ......شغل اي اللي يبعدك عننا كل السنين دي ها ..... شغل اي إللي يخليك تسيب ابنك وهو صغير وتمنعه منك زيه زي اي طفل نفسه يعيش مع ابوه ها ....... شغل اي اللي يخليك متشوفش بنتك وهي بتتولد
محمد : انت لسه ظابط صغير مش هتفهم اي حاجه ف الشغل
سيف : الظابط الصغير ده حاصل ع رتبه مقدم وده اصغر واحد يحصل ع الرتبه دي
محمد : بس بردو لسه ميفهمش اي حاجه ف الشغل
زين : وحضرتك راجع بعد كل السنين دي تعمل اي
محمد : راجع اعيش بينكم ووسطكم
ريتال : بس إحنا ابونا مات من يوم ولادتي مش كده ولا لا يا محمد باشا
محمد : ريتال اتكلمي عدل
ريتال : اتكلم عدل ف اي ها لم أنت عايش كل السنين دي بقالك ٢٧ سنه ٢٧ سنه يا محمد باشا مش وسطنا ٢٧ سنه نفسي ابويا يكون موجود معايا....٢٧ سنه نفسي اني اترمي ف حضنك ..... ٢٧ سنه نفسي البس الفستان الابيض وابويا يسلمني لعريسي بايده ...... ٢٧ سنه واني معنديش اي دي بقت تتقالي واتعودت عليه ..... انت تقدر تعوض كل السنين دي ها....... تقدر تحس بوجعي والمي ...... تقدر تحس بمعني أن كل واحد يقولي هتجيبي مين يدافع عنك ابوكي الميت ولا امك الضعيفة ها ...... ام الكل كان فاكرني كوره ..... تقدر تعوضني عن ده ...... تقدر تعوضني عن مامتي....... تقدر ترجعلي ايام طفولتي .... تقدر تخليني اعيش حياتي طبيعي زي كل الناس........ مش هتقدر صح مش هتعرف تعمل حاجه ..... شايف دي. وشاورت ع ايدها شايف الحرق ده ها ده عشان انقذ ابني اللي مش من لحمي انت فاهمني ولا لا ...... لا هو من لحمي ولا يقربلي بس حسيته ابني حسيت اني مسؤله عليه....... ما بالك انت كنت عارف اني بموت كل يوم بكلام الناس وصممت تفضل بعيد .... واكملت بصوت عالي مليان بالغضب والوجع وجميع المشاعر تقدر تعوضني عن كل ده يا محمد باشا رد عليا متفضلش ساكت
الكل سكت بعد كلام ريتال هي لخصت كل حاجه وزين ضمها ليه اكتر وحضنها وهي عيطت ف حضنه
اياد : ات سمعت منها صح بس مسمعتش مني اي حاجه بس عندك استعداد تسمع ولا لا
محمد بحزن : قول يابني قول
اياد : اول حاجه متقولش ابني لان ابويا مات من يوم ما كان عندي ٦ سنين ....... ابويا اللي فضلت السنين دي كلها واخده قدوه ليا  ....... فضلت طول طفولتي اتجنب الكلام مع الناس عارف لي ..... عشان مسمعش كلمه انت من غير اب ...... من غير سند ..... كل يوم اسمع بكاء مامتي ف اوضتها ومش قادر اعمل حاجه غير اني اعيط وبس...... طفل عنده ٦ سنين شال مسؤليه اخته الصغيرة ....... أخت إللي كانت هتموت قدام عينه ولولا سيف ده كان زمنها ماتت ....... انا الطفل اللي معرفش يعني اي احساس ابوه ....... أنا إللي بسببك انت اتحرمت من حضن امي
محمد : وانا ذنبي اي ف ده مش انت إللي قولت هتقعد هنا
اياد بغضب : مهو عشانك..... عشان انتقم ليك انت ...... عشان ارجع حق أبويا اللي مات ...... ادخل شرطه وابقي انجح ظابط ...... بعدت عن اختي بسببك انت بردو اختي فضلت ١٥ سنه مبتكلمنيش ...... عارف لي ..... عشان حست انها بقت من غير ظهر ...... ابوها مش موجود واخوها هو كمان بعيد ....... عشت سنيني دي كلها وانا بدعي ربنت انك تكون مرتاح ف قبرك ....... كل الوقت ده وفاكر انك ترجع تاني ...... فاكر اني هقبل انك تعيش وسطنا ...... لا انسي انت حرمتنا من وجودك واحنا صغيرين ودلوقتي انا اللي هحرمك من انك تقعد معانا واحنا كبار .... ابن عاق اي مسمي متفرقش معايا   
دمع بغضب وياسمين والكل دمع عليه لانهم واقفين وسامعين كل الحاجه وريتال قربت من اخوها وحضنته
زين : حضرتك كسرت اي حاجه حلوه ف قلبهم .... تعرف ياريتك كنت ميت .... ع الاقل يفضلوا فاكرين ليك حاجه عدله
محمد : كنتوا عايزين أعمل اي ها ... افضل قاعد معاكم طب وبعدين..... هتعيشوا اواي ….. هتصرفوا منين......امكم كانت هتعيشكم إزاي انا السبب ف كل الغني إللي انتوا فيه انا السبب ف أن بقي عندكم اكتر من شركه بفي عندكم مجموعة شركات
سيف : لا انسي بابا وامي ومراتك هم السبب ف كل ده هم السبب انهم بقي من أكبر مجموعة شركات ف الشرق الاوسط
محمد بضحك ؛ عشان انتوا اغبيه عمركم ما هتفهموا حاجه
جيسي من الخلف : نفهم انك تاجر مافيا.   الكل بص لجيسي بصدمه
ريتال بصدمه : مافيا
جيسي : ما تقولهم يا محمد...بيه
محمد : انتي
جيسي : اي متوقعتش اني هاجي ولا اي.  الكل نزل تحت ساعتها
اياد : انت شغال ف المافيا
جيسي لاياد : قصدك رئيس المافيا مش شغال بس
زين : انتي بتقولي اي
جيسي بصت لمحمد : ما تقولهم قولهم ع حقيقتك الوسخه
محمد بغضب : جيسيكا
جيسي : اوع تعلي صوتك انا صوتي اعلي منك مليون مره
محمد : ههههههههه كنتي قدرتي تتحكمي ف جوزك
جيسي : جوزي اللي جريته لطريقك جوزي اللي خليته تاجر مخدرات وعرفته ع المخدرات وخليته يتعاطى
محمد : ما طباخ السم بيدوقه
ريتال بدموع ممزوجه بالحد : يعني انت السبب ف ان شادي بقي كده المفروض انك ظابط
جيسي : ظابط ده مجرد قناع محمد لابسه عشان يداري فيه نفسه ده انت خساره فيك الاسم يا جوزيف
اياد : جوزيف
جيسي : ما تقولهم ساكت لي
محمد : ايوه انا اسمي الحقيقي  جوزيف جوزيف موسي
سيف : ازاي ازاي اسمك جوزيف ومحمد
محمد : ده اسم مصطنع مش اكتر
جيسي : انت اي انت قتله غباء
نور : جيسي إحنا مش فاهمين حاجه
جيسي لمحمد : تحب اقول الحقيقه
محمد ببرود: قولي متفرقش
اياد : حقيقه اي
جيسي : احمد ده مش عمك ولا يقرب ليك بصله
الكل : نعععم
محمد : احمد مكنش اخويا بالدم كان اخويا بالروح
جيسي: عشان كده قتلته صح
سيف : اي قتلت أبويا
جيسي : دي الحقيقه الاستاذ جوزيف هو السبب ف قتل والدك عارف لي ها عارفين كلكم لي عشان عرف حقيقته هو ومراته عرفوا انه لسه عايش عرفوا انه رئيس المافيا
ريتال بصراخ : إزاي ده اخوك
محمد بغضب : مش اخويا مش من دمي ولا من لحمي انا شخص بن حرام الاستاذ فاروق الحناوي خدني لم لقاني مرمي ف الشارع وانا مكملتش ال ٤ سنين ورباني هناك لان المدام بتاعته مكنتش بتخلف وبعدها بسنه : اكتشفت انها حامل والفرحه كانت كبيره واتركنت ع الرف مره ثانيه والحب رجع لاحمد أنا منكرش اني كنت بحبه بس هو خد كل حاجه والله الحاجه اللي يشكر أن فاروق باشا معملهاش انه مقلش اني اخوه يالتبني
سيف بغضب: يعني انت إللي قتلت ابويا انت قاتل والدي.  وجيه يتهجم عليه بس زين مسكه
زين : اهدي يا سيف
سيف بعصبية : اهدي ازاي ده واحد قتال قتله
محمد : انا مكنش نفسي الأمور توصل لكده بس هو إللي عرف حاجات مكنش لازم يعرفها وبغبائه خد مراته معاه وعرفها كل حاجه فكان لازم اخلص منهم هم الاثنين
يوسف : يا بجاحتك يا اخي انت اي معندكش دم
محمد بضحك : زي ابوك بس ف الاول مش بعدين ابوك كان صاحب مبادئ بردو
جيسي : بس البركه ف سيادتك بقي وزي ما قتلت مياده قتلت فريده
الكل سكت بصدمه وريتال فضلت واقفه ومر قدامها اليوم المشؤم إللي عمرها ما تنساه وموت امها معقول ابوها هو السبب
ريتال بعدت وقربت لجيسي : جيسي قولي ان الكلام ده غلط مش صح. قولي كده يا جيسي متخلنيش اتجنن قولي يا جيسي أن كل ده كدب
جيسي بدموع : لا مش كذب هو السبب ورا موت فريده لأنها كانت عارفه انه لسه عايش وعرفت أنه تاجر مخدرات بس مكنتش تعرف أنه رئيس المافيا بتاعت الادويه والسلاح مسألتيش نفسك مره لي مخلتكمش تشوفوا صورته ولا مره لي لو ذكرته كانت بتبقي مره وبس
ريتال دار ف دماغها كل حاجه والسؤال اللي كان ف دماغها اديها اخدت اجابته لي مبتشوفش صوره باباها لي لم مامتها كانت بتحكي عنه كانت بتشوف نظره غريبه كره احتقار واياد واقف مبيعملش اي رده فعل متوقعش أن يكون سبب كل حاجه حصلت معاهم هو والده
جيسي : مياده اول ما عرفت خافت ع ابنها عشان كده منعت سيف من السفر وحمدت ربنا أن اياد مجاش .......ددد لانها استخدمته كحجه ...... لانها كانت حاسه ان ف حاجه هتحصل قبل ما تموت كتبت رساله لفريده ..... فيها كل حاجه وكلمتني وقالتلي ع الحقيقه انا مردتش اتكلم لان عارفه فريده وكرامتها وتربيتها مش هتسمح انها تتسطر ع مجرم ....... متكلمتش ولا قولت حاجه .... وف اليوم اللي جم يسافروا فيه مياده بعتت الرساله دي لفريده ...... وساعتها العربيه اتقلبت بيهم  وماتوا ...... بعدها بفتره جوزيف عرف أن فريده عرفت الحقيقه كلها مني ومن رساله مياده اللي شافتها ..... بعتلي شادي وهددني بولادي أنه يعرف يوصل لفريده لانها عرفت حاجات اكتر من إللي المفروض تعرفه .......مكنش يعرف اني عارفه كل حاجه بس فضلت الصمت...... وف اليوم اللي دخلوا عليكم كان جوزيف قاعد ف عربيته وبيتابع بصمت..... وهو إللي قالهم ميجوش جانبك ولا يلمسوكي ……. ساعتها انتي كنتي منهاره فاكره انا قولتلك اي قولتلك انك لازم تتنقمي منه لان عارفكي يا حي وعارفه إنتي تقدري تعملي اي ...... واول ما جوزيف حس انك قربتي توصلي لحاجه نسي عاطفه الابوه وكان هيقتلك ....... ولم عرفت ساعتها شادي اخدني عشان مقولش لحد ع حاجه....... كنت خايفه عليكي هم وهموكي أنهم عايزين الشركات بس كانوا عايزينك انتي تحت ايدهم وطوعهم...... عشان كده لم معرفوش كانوا هيخلصوا عليكي...... بس جوزيف اللي المفروض ابوكم انتوا اتظلمتوا كلكم .... كلنا اتظلمنا ...... اقولك ع حاجه يا زين أنت كمان ...... ابوك عارف بامر جوزيف وعارف انه عايش وعارف انه رئيس المافيا بس ابوك طيب وجوزيف فهمه انه تاب ميعرفش أن ديه خطه عشان يساعده ينزل مصر بالتخفي
كم الحقائق إللي قالتها جيسي كفيله تقضي عليهم كلهم ومتخليش حد منهم ع وش الارض
اياد بعيون بطلع شرار : انت إللي قتلت امي
محمد ببرود تام : ايوه انا اللي قتلتها.   اياد قرب منه وضربه بالبوكس جامد ووقعه ع الارض ونزف من مناخيره
اياد بشر : انا هقتلك يا جوزيف هقتلك.   وطلع ع اوضته بسرعه يجيب مسدسه وهو اتعدل وف لمح البصر كان ماسك ريتال تحت ايده والكل بيصرخ
زين : ريتااااااااااااااااال ابعد عنها
محمد : ههههههههه ابعد عن مين بس دي تعبتني ف التدوير عليها
ريتال : انت مش طبيعي انت انسان مريض
محمد : حقك تقولي كده ما انتي تربيه فريده
جيسي : ابعد عنها يا جوزيف وسيبها ف حالها وروح لحالك
محمد : ده ع جثتي يا حلوه بعد كم المعلومات إللي عرفتوها مفيش حد لازم يفضل عايش
سيف : تعرف انا كنت بحتقرك دلوقتي انا بكرهك اكتر مما تتخيل
محمد : وانت مش مستني منك حاجه يابن الحناوي
يوسف : ابعد عنها.  وجيه يقرب بس هو ضرب نار جنب رجل يوسف
بسنت ونور وجيسي : يوووسف   وجريوا عليه واياد نزل ورفع مسدسه ف وشه
اياد : نزل المسدس بتاعك
محمد : ههههههههه لا عجبتني يا حضرة الظابط
اياد : بقولك نزل مسدسك
محمد : نزل انت مسدسك لتخسر اختك نهائي
ريتال لنفسها ؛ مش هيقدر يعمل حاجه إنتي قويه نسيتي تدريياتك ف أمريكا ولا اي ده مش ابوكي ده قاتل قاتل وضربته برجلها تحت الحزام وهو رجع لورا
احمد بجري ناحيتها : ريتو.
ياسمين بصراخ : احمد.  بس محمد خده تحت ايده
محمد : قولتلك انا مبيفرقش معايا حد نهائي
احمد بصراخ ودموع : ماما ماما
ريتال : ياسين
زين: اللي بتعمله ده مش هينفعك
محمد : انا مكنتش عايز الأمور توصل لكده بس انتوا إللي خلتوني اعمل كده ويلا صف بقولكم صف بدل ما تخسروا الواد ده
سيف : مش ده المفروض حفيدك
محمد بغضب ؛ قولتلك انا مبيفرقش معايا حد
ياسمين : سيب ابني ف حاله
جيسي : كفايه لحد كده وأبعد عن عائلتنا بقي
محمد : مش إنتي بردو إللي كنتي مشاركه ف موت فريده ها
نور: كله بسبيك انت بسببك كلنا اتعذبنا
زين : بسببك أنت ريتال اتعذبت طول حياتها وبسببك بردو يوسف ونور وجيسي خسروا شادي وخليته مجرم زيك ومش بعيد أن انت اللي كنت هتقتل ريتال وهي صغيره
محمد : ده صحيح مش هكدب مهو كل حاجه بقت ع المكشوف انا اللي بعتهم عشان يقتلوها لان ريتال بالنسبة لفريده كانت مهمه اوي وكان صعب خسرتها عليها بس سيف بقي هو اللي انقذها واول لم كبرت قولت هستفيد منها بس للأسف كل حاجه جت عكس وطلعت غبيه زي امها
ريتال بحقد وغل وغضب : بسببك انت حياتي اتدمرت...... بسببك انت بعدت عن اهلي وناسي هنا..... بسببك انت حياه ناس كتير اتدمرت ...... انت دمرت نفسك بغبائك ودمرتنا كلنا ....... بسببك انت انا بقيت نحس وابويا مات يوم ولادتي...... بسببك انت سيف كان هيتصاب بالشلل ..... بسببك انت صاحبتي كانت هتقتلني مش كده
محمد : انا بس كنت عايز اساعد مش اكتر منها اساعدها وهي تساعدني بس السبب ف جوزك بقي بس بجد طلع ممثل شاطر وقدر يقنعك انه لا بيحبك وبقي يكرهك
ريتال بدموع وجع : انا شوفت امي وهم بيضربوها بالنار...... هي بتعيط وانا بعيط ومش قادره اعمل حاجه...... ضربوها بالنار قدامي ف صدرها وكله بسببك انت
محمد ؛ خلصنا كلام بقي اتشهدي يا ريتال.  ووجه مسدسه قدام ريتال وف نفس الوقت احمد ف ايده
زين : ريتال ارجعي
سيف : ريتال
يوسف : لا يا ريتال ابعدي من هنا    ريتال قربت منه جامد لدرجه ان المسدس بقي ف نص دماغها
ريتال لاحمد : فاكر يا أحمد ساعه ما قولتلك اني هعوضك عن مامتك ...... فاكر لم قولتلك أني هفضل معاك ومش هسيبك ابدا...... انا اسفه بس انا مقدرتش اوفي بوعدي ليك ....... مقدرتش أفضل جنبك طول العمر .... سامحني يا ابني 😥😥
احمد بدموع : ماااااماااااااا
ريتال ف نفسها : اشهد ان لا اله الا الله واشهد أن محمداً رسول الله.
.١
.٢
.٣
وطلعت صوت الرصاصه بس مكنتش ف ريتال كانت ف دماغ محمد من اياد وهو مغمض وخايف لتكون صابت اخته ووقع محمد ع الأرض
الكل : ريتال.  ريتال فضلت واقفه مش مستوعبه اللي حصل احمد جري عليها وحضنها جامد وهي ضمته واستحملت الالم إللي ف كتفها ضمته جامد زين جري عليها وحضنها وهي بادلته الحضن جامد للحظه حست انها النهايه وانها هتخسرهم كلهم وخصوصا هو هي معندهاش اي استعداد للحظه دي حضنته بكل الحب إللي جواها والشوق والعتاب والخوف والكل جري عليها وحضنها وحضنوا احمد الصغير
اياد بخوف وقلق : ربتاا انتي كويسه
ريتال : ايوه وانتبهت انت موته كده هتتحبس عشان كلب زي ده صح
سيف : لا محدش هيجي جنبه لانه دفاع عن النفس وف نفس الوقت خلص العالم من شره
ريتال بصت لسيف بدموع وقربت منه : انا اسفه يا سيف .... الراجل ده لاني مقدرش اقول انه والدي كان السبب في موت اهلك أنا اسفه أنت دلوقتي تقدر تعمل إللي انت عايزه
سيف بحنيه: اول حاجه إنتي او اياد ملكوش ذنب ف ده كله ده نصيب ربنا وثاني حاجه بقي حتي ف لو مكنتوش ولاد عمي ف انتوا لسه ولاد خالتي وهتفضلوا اخواتي.  حضنته واياد حضنه
نور: إنتي كويسه صح انا كنت هموت عشانك
ريتال : اهدي اهدي انا كويسه
نور حضنتها بدموع : الحمدلله الحمدلله
بسنت : ده انسان مريض الحمدلله اننا خلصنا منه
يوسف : شكرا ليكي يا مدام جيسي انك عرفتينا الحقيقة.  بصتله جيسي بحزن وريتال بصتله باستغراب
ريتال : مدام جيسي
سكتوا كلهم ومتكلموش
ريتال بشك : هو ف اي هنا اي اللي حصل ف فتره غيابي
ياسمين : ريتال إنتي عارفه أن جيسي ورا موت ماما فريده وهي اللي بلغتهم بكل حاجه
ريتال بجمود : ايوه عارفه
الكل بصدمه : نعم
ريتال : مالكم انا عارفه أن جيسي ورا موت ماما
اياد : وهاديه كده
ريتال : هي عملت ده كله عشان ولادها طبيعي وغير كده هي عملته تحت ظغط لا وفوق ده كله ان ماما إللي قالتلها تقول كده
يوسف باستغراب : ازاي يعني
ريتال : جيسي كانت عندنا ف يوم ف الفيلا بس انا طبعا مكنتش فاهمه حاجه سمعت حاجه من اللي كانوا بيتكلموا فيها
#فلاش
جيسي وفريدة قاعدين ف المكتب ف الفيلا وقافلين الباب شويه وريتال عدت وسمعتهم بالصدفة
فريده بحزن : قولي ليهم يا جيسي
جيسي بغضب : انتي اتجننتي يا فريده
فريده : لا متجننتش بس ده عشان مصلحه الكل والاخص بنتي
جيسي : فريده اترجعي عن قرارك ده حرام عليكي ولادك
فريده بعصبية : اعملي إللي عايزينه وخلاص يا جيسي   جيسي قامت وحضنتها وبصوت خافت
جيسي : هتوحشيني يا صاحبتي
فريده : اهتمي بريتال يا جيسي.
#باك
ريتال: ساعتها انا كنت ناويه اكلمها ساعتها بس قولت اكلمها ف وقت تاني ..... بس بعدها بيومين حصل موضوع موتها ونسيت الموضوع نسبيا ...... لحد ما لم سافرت اخر مره روحت الفيلا بعد موتها وكل حاجه اتعادت قدامي ..... وعيطت .. طفولتي اللي مقدرتش اعيشها زي ما كنت عايزه .... ابتسامتي المزيفه اللي كنت بوزعها ف اعياد ميلادي..... وانا بحلم بحاجه تانيه بحلم اني اكون مع اخويا واصحابي واب..وابويا معايا .... افتكرت تعب ماما وهي راجعه من الشغل تعبانه وبترسم البسمه ع وشها عشان متبنش انها تعبانه وعشان محسش اني وحيده ..... وساعه موتها إللي انا اصلا منستوش عشان افتكره .... ساعه ما قعدت توصيني ع حاجات كتير ..... ساعه ما كنت بتعيط من الالم وانا مش قادره اعمل حاجه .... ساعه ما قولت ليوسف ونور يفضلوا يشوفوا بيتنا لان انا خايفه .... ساعه ما حسيت بجد اني لوحدي ..... حسيت اني مليش حد ساعتها .... مش قادره اعمل حاجه .... موتوها وانا كل اللي بعمله انا بدعي حد يجي ينقذنا..... افتكرت فرحتها انها اخيرا هتنزل مصر وتعيش معاكم هنا ..... انها اخيرا هتعيش وسط اهلها ..... عارفين انتوا وجعي ف اللحظه دي وجع بنت لسه مخلصه امتحاناتها عايزه تفرح ومش قادره..... وحع واحده شافت الرصاص بيدخل ف قلب امها ومش قادره تمنعهم ...... دخلت المكتب بتاعها لقيت هديه ملفوفه مكتوب عليها كل سنه وانتي طيبه من حبيبتك مامتك فريده ...... قد اي الوجع وحش كل الذكريات هجمتني فتحت الهديه كانت عباره عن مصحف كبير لونه بينك وفيه رساله فتحت الرسالة وكان مضمونها الاتي

"ريتال حبيبتي .... معرفش دلوقتي عدا قد اي عشان تشوفي هديتي دي .... ممكن يومين ع موتي ممكن سنه اثنين خمسه ...... بس إنتي وحشتيني اوي يا ريتال ..... عامله اي ف حياتك الجديده ..... اكيد قدرتي تعيشي مع اخوكي مش كده ..... وزين بقي معاكي زي ما كنتي عايزه ....... انا اسفه يا بنتي اني سبتك كده ..... اسفه أني مش قادره دلوقتي ابقي واقفه جنبك بسلمك لعريسك بايدي ..... عارفه انك كان نفسك اكون جنبك انا وباباكي ونسلمك لجوزك وندمع ع بعادك عننا ...... بس دي حاجه مش بايدي يا ريتال ..... بس انا عملت كل ده لمصلحتك ..... اكيد موتي كان صعب عليكي مش كده ..... انا معرفش انا هموت إزاي بس متاكده أني مش هموت موته عاديه...... كل اللي بتمناه انك متكونيش شوفتيني لاني عارفه إزاي هياثر ع بنوتي الحلوه .... وازاي اخوكي اتجوز ياسمين صح انا كنت عارفه من الأول انه بيحبها ..... وخلفوا وزمانهم عايشين حياه سعيده .... ربنا يخليهم لبعض ..... وانتي هتتجوزي زين مش كده كان نفسي اكون جنبك يا حبيبتي ...... بس اللي لازم تعرفيه اني معاكي ف قلبك..... انا جزء منك اللي هيمدك بالقوه طول ما أنتي عايشه .... عايزه اقولك ان جيسي عارفه بحكايه موتي ..... متستغربيش ..... واسمعيها ومتاخديش كلامها بالغضب افهمي كلمها يا ريتال ..... وحشتيني يا حبيبتي    حبيبتك ديدا"

الكل عيط ع الكلام ده وريتال عيطت اكتر من الاول وزين واياد قربوا منها وزين حضنها وهي اتشبثت ف حضنه افتكر انه حرمها من فستان اللي اي بنت بتتمناه ومن ليله الفرح إللي بتفضل مفتكرها عرف قد اي هي اتعذبت وحلف انه يعوضها
جيسي مكمله : ساعتها ريتال جتلي ودخلت عليا وهي ف قمه عصبيتها وواجهتني بالكلام إللي ف الورقه ده انا ساعتها اتصدمت ام عرفت أن فريده قالت كده ..... ساعتها انا عرفتها الحقيقة بس مش كامله عرفتها نصها بس النص اللي هي المفروض اصلا متعرفش حاجه منه بس مع اصرارها عرفت قاتل والدتها بس مش الأساسي عرفت القاتل الفرعي ..... انا ساعتها كنت خايفه معاملتها معايا تتغير بس لقيتها كلمتني ف الموضوع إللي كنا بنتكلم فيه انا وفريده قبل موتها..... وسامحتني بس انتوا مقدرتش اخبي عليكم انتوا كمان ....... كان عندي تكرهوني ومتعرضوش نفسكم للخطر
نور ويوسف اتقدموا منها بحزن ووطوا ع ايدها بسوها
نور بحزن وخجل : انا اسفه يا ماما .... اسفه ع كلامي وع جرحي ليكي بالطريقه دي ...... انا غبيه واستاهل انك تعاقبيني زي ما إنتي عايزه
يوسف : إحنا حكمنا عليكي غلط يا ماما ارجوكي سامحيني
جيسي : مسامحكم يا ولاد بطني انتوا حته مني مقدرش ازعل منكم اصلا  حضنوها والاسعاف جت واخدت الجثه والبوليس جيه واخد اياد
سيف : متخفش انا معاك وهطلع
اياد : سيبها ع الله   واخدوه ومشيوا
&&&&&&&&&&&&&&&&
عدا اسبوع والقضيه اتحكمت انها دفاع عن النفس وانه خلصهم من أكبر راس ف البلد وعدا وطلع اياد اللي فرح الكل برجعوه وقرر انهم يعملوا حفله عشان خلصوا من الشر ده كله وزين قلل كلامه مع ريتال وهي استغربت وايدها اتحسنت والعلامات كانت بسيطه جدا بشويه ميك اب تقدر تخفيهم وجيه يوم الحفله دخلوا البنات ع ريتال زي مكافحه المخدرات
نور : بت قومي يلا
ريتال بنوم : عايزه اي
بسنت : قومي ياختي واتحركي كده
ريتال: عايزين اي يا شويه بنات انتوا
ياسمين : يلا عشان تروحي معانا الكوافير
ريتال : روحوا انتوا
نور : لا يمكن ده أنا اصور قتيل هنا
بسنت : ما تقومي ياختي الله ده حفله اخوكي بردو
ريتال : يتحرقك انا عايزه انااام
ياسمين : أن شاء الله انتي متدعيش ع ايودي نهائي
نور : نفضل بقي ف شغل المحن ده كتير ما تقومي بقي يا بت
ريتال بتافف : اوف حاضر كتكم القرف. ودخلت اخدت شاور وطلعت لقتهم قاعدين سرحت شعرها ونزلت مكنش فيه حد
ريتال باستغراب : هم فين
بسنت بغباء : هم مين
ريتال : الشباب
بسنت : اها لا دول راحوا عشان يجهزوا لحفله اياد
ريتال : اه طيب
نور : يلا بقي ع الكوافير
ريتال : طب افطر طب
ياسمين : هنفطرك هناك
ريتال : انا حاسه ان الموضوع فيه انه
بسنت وهي بتزقها : يلا بقي.  وراحوا ع الكوافير ودخلوا جوا
الكوافيره : اهلا وسهلا اتفضلوا مين فيهم
البنات الثلاثة : دي.  وشاوروا ع ريتال
ريتال : دي اي
نور : هششش افصلي انتي بس
ياسمين : عايزينها مزه
بسنت : تتعاكس من الكل
الكوافيره بابتسامه : حاضر اتفضلي معايا.  دخلت معاهم وهي الشك بيكبر ف قلبها كل شويه ودخلت عليها الكوافيره بفستان ابيض مثير وجميل جدا
ريتال باعجاب : واو حلو اوي
الكوافيره : ده بتاع حضرتك
ريتال بصدمه : بتاعي
الكوافيره : ايوه اتفضلي اقعدي عشان اظبطك.  الساعه دخلت ع سبعه والبنات خلصوا ونزلوا هم تحت
ياسمين : وااااو تحفه يا ريتال
بسنت : قمر يا بنت اللزينه
نور ؛ شكلك ناويه تتعاكس بجد ههههههههه
ريتال : يا شيخه اتنيلي بس
نور : طب يلا بينا ع الحفله
ياسمين : ايوه يلا
ريتال : مش هنخلص من البلونه دي بقي
بسنت : لسه بدري يا حبيبتي.  وركبوا العربيات ووصلوا ع مكان الحفله وكان ف قاعه كبيرة دخلوا جوا والكل صقف وزين بصلها وادهش بجمالها وقرب منها وهي بصتله واتصدمت مكانها والبنات بعدوا عنها وراحوا لاجوزهم وحضنوهم
زين : الف مبروك يا عروسه
ريتال بصدمه : عروسه
زين : احلي عروسه كمان
ريتال : ها
زين قرب منها وشالها ولف بيها وبصوت عالي بحباااااااااااك كل إللي ف القاعه سقف وهي حضنته جامد ودفنت راسها ف صدره وهو نزل بيها ع الارض
ريتال : انا مش فاهمه حاجه مش المفروض دي حفله اياد
اياد وهو جاي : حبينا نعملها مفاجاه وزين صاحب الاختراع الصراحه
سيف : وكده تبقي الفرحه فرحتين
ريتال بصتله : دلوقتي انا فهمت انا لي لابسه ابيض كده
زين : انا غلط ام معملتس ليكي فرح حبيت اعوضك باقل حاجه هو ان اعملك فرحك زي اي واحده ف الكون..... انا جرحتك وظلمتك معايا انا اسف يا ريتال
حضنته ريتال بقوه
ريتال : انا بحبك اوي يا زين ربنا يخليك ليا
زين : ويخليكي ليا يا حياتي من هنا ورايح هعوضك عن كل الاسي إللي شوفتيه
ريتال : انت كفايه عليا ودمعت
زين : لا والنبي كفايه بقي الفانز دول هيدونا بالجزمه وهيتحدف علينا بيض بسببك
ريتال : ههههههههه
زين بابتسامه : ايوه بقي هي دي الابتسامه الجميله عايز اشوف ابتسامتك دي ع طول
ريتال : طول ما انت جنبي هفضل كده اوعدني متبعدش عني تاني يا زين
زين : مش هبعد عنك نهائي
يوسف بمرح : طب نمشي احنا بقي
بسنت : انا بقول كده بردو
اياد : مبروك يا حبيبتي وحضنها
ريتال : ميرسي
نور : مبروك يا ريتو وقالت بهمس قولتيله الحقيقة ولا لسه
ريتال بنفس الهمس : لا خليه يتفاجئ
وانهال عليها التهاني ومر ربع ساعه وزين مقدرش يستني اكتر من كده قام شايلها قدام الناس وهي دفنت راسها ف وشه من الخجل والكل صقف ومشيوا وسابوا احمد مع جيسي والكل روح بيته بعدها
_________&
عند ريتال جوا دخلوا الفيلا الجديده إللي زين اشترها وكانت مزينه وريتال اتفجئت بالزينه والديكور ده وطلعوا الاوضه
زين : اخيرا بقيتي ليا لو عارفه انا استنيت اليوم ده قد اي
ريتال : انا بقيت ملك ليك انت وبس
زين بهيام : بحبك وانهال عليها بالقبلات وغابوا مع بعض ف عالمهم وبعد فتره بعد زين عن ريتال
ريتال : مالك
زين بصدمه : انتي
ريتال بابتسامة : بنت مش كده
زين : ازاي.  اتعدلت ريتال
ريتال : لاني ببساطه لا حبيت ولا هحب غيرك انت حبيبي العمر كله .... واذا مكنتش هبقي ليك مش هبقي لحد لاني هكون بظلمه معايا
زين : يعني انتي متجوزتيش
ريتال : تؤ تؤ مقدرتش
زين بصلها بحب وقرب منها وسكتت شهرازد عن الكلام المباح
وانسدلت الستاره ع قصتنا
(تمت بفضل الله)
#النهايه
اي رايكم في الرواية من اولها لاخرها واستمر ولا لا رايكم بيهمني جدا مع السلامه
#Nemo