لست المذنب

البارت الثامن والعشرون

لست المذنب
الحلقه الثامنه والعشرون
----------------------&
وصلت ع البيت ودخلت جوا

جاسمين : هال... بس سكتت بصدمه من الواقف قصدها وعينه كلها شوق وحب ولهفه جميع المشاعر اتجمعت ف عينيه
جاسمين بخفوت : زين. جري عليها وحضنها وسط زهول منها وتحت عيون سيف وهاله ورنا الواقفين
زين ؛ ياااا وحشتيني اوي. وحضنها اكتر من الاول وهي واقفه لوح صامت وبتسترجع كل حاجه من الاول وبعد عنها وبصلها وهي بصله بصدمه وفجاه زقته
جاسمين : انت مين   لثانيه حس أن اذنه بتخدعه بس اتاكد لم سمع مره تانيه
جاسمين : انت ميييين
زين : نعم ريتال متهزريش
جاسمين : ريتال مين إللي حضرتك بتتكلم عنها
زين : ريتاااال بلاش تلعبي ع اوتار أعصابي
جاسمين بنفاذ صبر : بردو ريتال انا مش ريتال انا مش ريتال حبيبتك
زين بشك : وأنتي اش عرفك انك حبيبتي مش يمكن اكون اخوكي.  فضلت تشتم نفسها ع غباءها
سيف : جاسمين إنتي تعرفيه.
ريتال بصت لزين بثقه : لا معرفوش
زين : كدابه إنتي ريتال دايما بتتحدي القدر لي.  دقيقه واحده لو فضلت مكانه هتنزل دموعها لانها نفسها تحضنه اوي
هاله : طب يلا احنا يا ولاد نمشي ونسيبهم
جاسمين هتعترض بس هاله بصتلها بمعني كفايه وشوفيه وهي سكتت وبصت للارض وزين قرب منها
زين : مشيتي لي يا ريتال بعدتي عننا لي
جاسمين : انا مش ر
قاطعها : متكدبيش
ريتال بصتله: خير يا زين
زين : بعد ده كله جايه تقولي خير سنه بعيده عننا منعرفش عنك حاجه سنه ف وسط عذاب للكل وألظروف كملت عليه وتقولي خير
ريتال : عرفت مكاني منين يا زين ورجعت لي
زين : شكلك نسيتي انا مين يا ريتال انا زين المقدم زين بعد سنه تعب عرفت اوصلك وحشتيني
ريتال : وحشتك طب كويس اني وحشتك ده أنا قولت نستني زي ما نستني كل السنين اللي فاتت
زين : انا عمري ما نسيتك
ريتال : منستنيش عشت سنين ف أمريكا لوحدي طفولتي ومراهقتي وشبابي ومحدش كان بيسال عني ومنستنيش...... لم عشت متغربه السنين دي كلها وكنت منعزله عن الكل وتقول منستنيش ....... رجعت مصر وانا قلبي موجوع ع مامتي اللي حتي ماخدتش الحق اني اعيط عليها ومحدش فيكم كلكم كان جنبي ساعه موتها ومنستنيش........ لم انت الوحيد اللي كنت قادر تخرجني من اللي انا فيه وبعد مخرجتني رمتني ف النار تاني ومنستنيش
زين ؛ ريتال لو سمحت أن..

ريتال بايدها بمعني اقف : استني ام اخلص كلامي ....زيي زي اي بنت عشت ف قصه حب وياريته اي حب كان حب حياتي الاول والاخير والحب ده هو اللي كسرني وحطمني من الاول ومنستنيش ...... لم اكتشفت أن اللي بحبه هيتجوز صاحبتي لا وفوق ده كله صدق عليا حاجات بالساهل كل ده تحت مبرر اني كنت عايشه برا ف طبيعي اتغيرت ومنستنيش........ انت عارف وجع قلبي لم روحت كتب الكتاب بعد صراع طويل مع قلبي وعقلي عارف انك ف اليوم ده بالذات حطمت قلبي ...... عارف لم كنت مبسوطه وبزغرط وعايشه عادي اكن مش فارق معايا حاجه ..... حسيت انت بكل ده ومنستنيش ....... عارف لم تندم ع قرار اخدته ف حياتك انا ندمت اني حبيتك ندمت أن قلبي اتعلق بيك...... كنت مستنيه السنه بتاعتي تخلص عشان ارجع امريكا لاني تعبت..... وف نفس الوقت احمي إللي حوليا ولم حسيت ان مبقاش ف خطر رجعت......  رجعت واكتشفت انك خلفت مستغربتش كتير لانك كده كده اتجوزتها ف طبيعي تخلف بس إللي فتح جروحي مره تانيه لم مراتك جاتلي وطلبت مني اني اقبل الجواز...... انا مقبلتش لا عشانها ولا عشانك انا قبلت عشان الولد الصغير وغير ده أنا مكنتش عارفه اشيلك من تفكيري طول المده دي وانا منستكش ........ واحلي يوم ف عمر البنت انت خليته ليا عذاب وتقولي منستكيش

واكملت بصراخ : ده انت عمرك ما افتكرتني ...... عمرك ما سالت عليا ولا حسيت بوجعي ..... لدرجه اني لم بقعد مع نفسي بحس انك عمرك ما حبتني
زين : ريتال انا اسف سامحيني هعوضك
ريتال : تعوضني عن اي ولا اي يا زين خلاص انا مش عايزه حاجه انا هنا مبسوطه ومرتاحه أنا مش عايزكم كلكم ف حياتي كده أحسن ليكم وليا شركات تغور الشركات مقبال ان ابقي سعيده امشي يا زين امشي وجودك جنبي بيوجعني أمشي   ولفت وشها الناحيه الثانيه
كل مره بتكلمه بتثبتله أنه ولا حاجه بتثبت ليه انه اساس حزنها وتعاستها مقدرش يقول حاجه تاني هي كده افضل وجودها معاه بياذيها وهيوجعه هو مشي من قدامها وهو موجوع معندوش رد وهي اجهشت ف البكاء وطلعت ع اوضتها وقفلت الباب وراها وقعدت تعيط هي مكنتش قصدها انه بيوجعها وجعها الحقيقي وهو قدامه ومش قادره تلمسه بايدها مش عارفه تترمي ف حضنه وتقوله خدني مكان اكون فيه انا وانت وبس  عايزه تقوله انها بتكره ضعفها قدامه عايزه تقوله انها قبلت تكون زوجه تانيه عشانه مش عشان حد عايزه تقوله حاجات كتير بس كده أحسن
دخل عليها سيف وهاله بصت ليهم وهاله قربت منها واترمت ف حضنها جت سلمي ورنا ووقفوا ع الباب
هاله : أهدي يا حبيبتي اهدي
ريتال : رجع لي تاني اي إللي رجعه انا كنت تخطيته خلاص
هاله : حبيبتي ده جوزك بردو وعمل المستحيل عشان يلاقيكي
ريتال : انا مش عايزاه انا بكرهه بكرهه وبكره ضعفي معاه بكره ضعفي وانا جنبه
سيف : بس يا ريتال مكنش ينفع إللي قولتيه ده
رنا : وكان باين جدا انه من ورا قلبك انتي بتحبيه يبقي لي البعد ده
ريتال: لان بقربنا من بعد الكل بيتاذي كله بيتاذي وانا وهو بنتاذي ما انا كان ممكن ارجع بعد ما مات السبب في ده كله بس تعبت والله تعبت. 
هاله افتكرت اسر والمواقف إللي حصلت بس الموضوع مختلف وبعدين اسر عبر عن حزنه كذا مره موضوعهم مختلف عنها
هاله : حبيبتي ادي فرصه لزين اديله فرصه من ثاني
سلمي : خايفه هي خايفه لتتجرح من جديد والجرح هيبقي بنهايه
ريتال مكنتش بترد غير بالدموع هم سابوها ومشيوا وهي قامت وطلعت صوره وفضلت تبص فيها صورتها هي وزين عيطت لدرجه انها نامت
$_________________
عامر ف الفون : تمام اوي تسلم يا حبيبي…….. ماشي يا برنس....... تشكر يلا سلام. وقفل معاه ومسك ورقه وكتب ف منتصف الورقه (ريتال / جاسمين) وحط صورتها وخرج سهمين احمد وزين
عامر : عال أوي ماشي يا جاس...يا ريتال ههههههههه. وقام اتحرك (بلاش شتايم هااااا)
_________________&
رجع ع الاوتيل إللي نزل فيه وهو مهموم ومخنوق طلع فوق لقي ابنه قاعد زهقان راحله وقعد معاه
احمد : فين ريتو
زين: مجتش
احمد : لي
زين : مش راضيه
احمد : انت فاشل صدم زين من رد ابنه
احمد : لو انا كنت روحت كانت رجعت
زين دار ف دماغه الجمله دي : لو أنا إللي كنت روحت كانت رجعت انا مش ضعيف عشان اتخلي عنها مش هسيبها تضيع من ايدي لازم ارجعها معايا لازم ومسك فونه واجري اتصال ما وبص لابنه
زين : هترجع وحياتك انت لترجع. وحضنه وناموا مع بعض
___________________&
قعدت رنا مع نفسها ومسكت الفون واتصلت ب
اسلام: حياتي وحشتيني
رنا : اممم وانت كمان
اسلام : وانا كمان اي
رنا بخجل : بس بقي يا اسلام الله
اسلام بهيام: يخربيت اسلام بت متنطقيش اسمي لاخطفك
رنا : ماشي يا بودي
اسلام : يا بنتي اتقي شري
رنا : ههههههههه خلاص
اسلام : نفسي افهم جاسمين كانت فين من زمان وانتي مصدره لينا الوش الخشب
رنا : ما خلاص بقي الله كل حاجه جاسمين
اسلام : ماشي يا جميل هتعملي اي ناو
رنا : هنام بس اتصلت بيك الاول عشان
اسلام : عشان يكون صوتي اخر حاجه تسمعيها
رنا بمشاكسه : لا طبعا انا بنام ع توم وجيري مش صوتك
اسلام : توم وجيري طفله انا خاطب طفله
رنا بغضب مصطنع : اي مش عاجبك ولا اي
اسلام بهيام : أحلي طفله وحياتشي
رنا بخجل : ماشي عايز حاجه
اسلام : انك تكوني من اهلي
رنا : سلام يا حبيبي. وقفلت بسرعه وهو ابتسم
اسلام : مجنونه بس بحبها. دخل عليه والده
مدحت : الله عليك يا رومانسي
اسلام : هاجي جنبك اي يا شبح
مدحت : يا بني احترمني شويه ده أنا ابوك بردو
اسلام : ابو مين ده أنا لو كنت اتجوزت سنتين بدري كنت جبت زيك وزي الحجه ساندي اللي برا
مدحت : محسسني أن عندك ١٠٠ سنه مثلا
اسلام بهزار : الضغوط والمشاكل بتكبر ف السن انت متعرفش حاجه يا مدحت
مدحت : يا قليل الادب اي مدحت دي
اسلام : ما انا بقول لساندي ساندي عادي.
ساندي : بتجيبوا سيرتي لي
مدحت : انا مالي ده ابنك
اسلام : بتلبسني ماااشي ساندي الحج ده بيقول انك تخنتيتي وبقيتي ي فظيعه
ساندي بابتسامة : ملكش دعوه جوزي حر
مدحت بضحك : شامم ريحه حريقه هنا
اسلام : 😒يلا برا انت وهي عايز انام
ساندي : طبعا ما انت كلمت حبيبه القلب
اسلام : اه انكشحوا من هنا
مدحت : ماشي يابن ساندي يلا يا روحي وحضن ساندي ومشي
اسلام : يسهلووووو.  حدفه مدحت بالشبشب إللي ف رجله واسلام ضحك ونام ام عند رنا ف سرحت ف خيالها
#فلاش
بعد مرور تسعه اشهر جيه المولود الجديد شريف شاله اسر ببطء وهو فرحان يعتبر ده اللي هيتربي ف حضنه وهاله كانت مبسوطه جدا بس ف شخص ف الموضوع مدايق وهي رنا
سيف : مالك يا رنا
رنا : البيبي جيه
سيف : اه شكله حلو اوي
رنا : انا مش بحبه
سيف : حبيبتي ده اخونا الصغنن
رنا ' انا مش عايزه لازم ربنا ياخده ويخلص
سيف بغضب : رنا الكلام ده مش حلو عيب. رنا بصتله بغضب ومشيت من اول ما جيه وتوأمها بيتخانق معاها عدا اسبوع وجيه يومالسبوع وهاله واسر حاولوا يخلوا رنا تحبه بس هي بترفض وعدا شهر ورنا مش بتقرب للبيبي لحد ما فيوم هاله واسر مشيوا عشان سيف كان تعبان جامد وسابوا رنا ومعاها البيبي
هاله : خلي بالك منه وافتكري أنه اخوكي يا رنا  وسابتها ومشيوا ورنا قربت منه وللحظه ابتسمت وشالته وهي فرحانه أوي وقعدت تلعب معاه فتره لحد ما سمعت صوت الفيلا
رنا للطفل : اتفضل يا سيدي اهي ماما جت اهي وقامت تفتح الباب لقت شخص واقف
رنا : نعم
الشخص : مدام هاله واستاذ اسر بعتوني اخد الولد
رنا : كانوا اتصلوا بيا
بعد اذنك بس الشخص ده منعها برجله وزقها جامد واخد الواد من ايدها
رنا : شررررريف هاااته يا شمسسس بس الراجل ده زقها وركب العربيه وهي جريت وراه وهي بتعيط وف ناس طلعوا بس مقدروش يعملوا حاجه وهي وقعت في نص الطريق وقعدت تعيط والناس بصوا ليها باسي وحزن
بعد فتره رجعت هاله واسر وسيف ع الفيلا دخلوا لقوا ف ناس كتير قاعدين جوا ورنا قاعده تعيط وبس كلهم جريوا عليها
هاله بقلق : ف اي يا رنا
اسر : مالك يا رنا ومين دول
احد الجالسين : ربنا يعوض عليكم ف الولد الصغير.  انهم لم يفهموا شئ
سيف : ولد اي وفين شريف. زاد بكاء رنا ف هذه اللحظه
هاله : ااا اخوكي في فين ابني فين
رنا : 😭😭😭😭😭😭
اسر : رنا شريف فين
رنا بصوت مقطع : اتخطف شريف اتخطف. لم تستطع تحمل الخبر وسقطت مغشيه عليها
اسر بفزع وسيف ورنا : هاله ماما. وشالوها وحطوها ع السرير والناس اللي كانت تحت مشيوا وفضلوا جنب هاله وساره وجاسر جم ومعاهم سلمي والكل جيه
ريهام : حصل اي يا اسر
اسر : شريف
محمد : ماله شريف
هاله ابتدت تفوق وفجاه بصت برنامج ومسكتها من هدومها جامد
هاله: أبني فين واديتي ابني فين يا رنا.  بعدتها ساره وسميره عن رنا
هاله بصراخ : عملتي أي ف شريف
رنا بيكاء : معملتش حاجه هو اللي جيه واحد واخده مني
سيف ببكاء : ربنا استجاب ليكي واخد شريف مننا
اسر : ازاااي انا مش فاهم ف اي
معتز : ما تنطق يا سيف
سيف : ام اتولد رنا قالت إنها مش عايزه وبتتمني أن ربنا ياخده
سائر : انت دعيتي ع اخوكي
هاله بصراخ : ابني ضاااااااع ابني رااااااااح مني ضاااااااع 😭😭😭😭
بكي الكل عشان شريف
هاله لرنا : انا معرفكيش انا مش عايزاكي ف وشي انتي اللي بعدتي شريف عني
رنا : أنا معملتش حاجه
اسر : احنا غلطنا لم سينا الولد معاكي
حسام : لي كده يا رنا ده اخوكي
سلمي : حرام عليكوا
رنا : صدقوني ف واحد خطفه
مازن : بس اكيد الخدامه كانت سمعت يا شمسسسس   طلعت شمس بسرعه
شمس : نعم
مازن : كنتي فين لم الواد اختفي؟
لطمت ع وشها : يالهوي اختفي ده أمتي
رنا : مش انا نديت عليكي يا شمس 😓😢
شمس : محصلش انا لقيت الهانم الصغيره واخد الكتكوت الصغير ولم سالتها قالت رايحه لبابا وماما الكل بص لرنا الله بفرغت شفتيها بصدمه
رنا بغضب : انتي بتقولي اي انتي كدابه
شمس ببكاء : الله يسامحك يا ست هانم
هاله : امشي من وشي يا رنا انا من هنا ورايح مش امك ياريتك انتي اللي ضعتي مكان شريف امشييي واجهشت ف البكاء جميعهم كانوا ينظرون اليها نظرات اتهام بعدت عنهم بدموع ودخلت اوضتها وقفلت ع نفسها وكانت سامعه عياط مامتها والكل من جوا وحطت ايدها ع ودنها جامد وقعدت تعيط
#بك
رنا بدموع : انا اسفه يا شريف أنا اللي ضيعتك يارتني ما كنت دعيت ياااريت
وقرات قران ونامت
________________&
نور بفزع : سيف سيف سيف
سيف بنوم : اي يا روحي ف اي
نور : سييييييييف. نط سيف من مكانه
سيف : زلزال بنموت زلزال ماما وفاق وبص لنور بغضب
سيف : دي طريقه يا نور
نور : بص. وشاورت ع السرير
سيف : اي يعني مش فاهم
نور بخوف : صرصور.  بص ع الصرصور
سيف : يعني ده اللي انتي قومتيني من نومي عشانه حبيبتي ده بيتضرب بالشبشب كده. ولسه بيجب الشبشب بتاعه لقي الصرصور بيطير ف وشه
نور بصراخ : ده بيطيررر
سيف : احيييييه. ونط من ع السرير ونور معاهم
نور : اقتله اقتله يا سيف
سيف : سيف مين صوووتي وانت ساكته
نور : اعااااا
سيف بخوف : مبتبقاش كده بتبقي اعااااااااااا   والصرصور قرب نحياتهم
سيف برعب : يالهوووي هش هش
نور : خد اللي انت عايزه
سيف : هو حرامي
نور : اعااااااااااا يا سييييييييف اعمل حاااجه. سيف جري بسرعه ع الباب وطلع وقفل الباب وراه وفضل ماسك ف الاوكره
نور من ورا الباب : افتح يا سييييف سييييف افتح
سيف : والله لو صرختي من هنا لبكره مش هفتح وفضل ع الباب لحد ملقاش صوت
سيف من ع الباب : نور نيون نوور الصرصور قتل نور ولا اي. وفتح الباب ببطئ وقفل بسرعه وفتح فتحه اكبر سنه ودخل لقي نور واقفه ومعاه مبيد حشري والصرصور واقع
سيف باعجاب : شطوره يا نور قتلتيه. نور بصتله بغيظ ومتكلمتش
سيف بكذب : انا عملت كده عشان اعرف هتتصرفي ازاي ونجحتي
نور : والله
سيف : طبعا يلا ننام بقي.
نور : استني عندك هتنام فين
سيف : سلامه عقلك يا حبيبتي هنام ع السرير
نور : قصدك ع الارض
سيف : ارض اي بس الصرصور جننك ولا اي يلا ننام
نور : قولت هتنام ع الارض
سيف : مش هنام ع الارض يا نور.  وبصوا لبعض بغيظ وبعض مرور خمس دقائق من ترتيب فرشه الارض كان سيف نايم وواخد مخدته ف حضنه ونور نايمه ع السرير
سيف : حسبي الله كان صرصور اسود هيبتي راااحت وبقيت تنام ع الارض يا سيف اهئ
ونام وهي كمان
____________________&
فتحت عينها ببطء وجع جامد ف راسها وجسمها تقيل بصت حواليها الدنيا ضلمه كحل
رينال بوجع : أنا فين. افتكرت ما حدث معاها من قبل
#فلاش
مر يومين ع زياره زين وريتال رجعت الشغل من تاني وعامر مدايقهاش وهي طالعه لقيت زين واقف قدام العربيه شافته حاولت تتجاهله بس هو إللي وقف قدامها
زين : ريتال ممكن كلمه
ريتال : مش عايزه اسمع حاجه منك انت بتعمل اي هنا امشي من هنا
زين : لو سمحت فرصه واحده بس
ريتال : لا ابعد يا زين
زين : عشان خاطر ماما فريده
ريتال : مش هي نفسها إللي انت قولتلي مجبش سيرتها ع لساني الوسخ خلاص ابعد عني
زين مسكها من دراعها : ريتال اقفي بقي
ريتال بغضب : نعم عايز اي
زين : بصي انا مش بعرف اعتذر ولا بعرف اكدب واقول كلام رومانسي والذي منه بس إللي عايزه اقوله اني بحبك وبحبك اوي يا ريتال
ريتال بصتله : خلصت اللي عندك عن اذنك بقي
زين : ريتال انا لم اتجوزت سلمي اتجوزتها عشانك انتي عشان اعذبك إنتي لان واثق أن ده وشاور ع قلبها كان دق ليا
ريتال : ولم انت واثق من كده بعدتني لي
زين : لاني كنت مشوش مكنتش عارف الصح من الغلط الكلام اللي سمعته جرحني ووجعني وكنت عايز اوجعك وادوقك نفس الوجع
ريتال : واديك انتقمت وبدل المره عشره عايز اي تاني
زين : عايزك انتي عايزك معايا من تاني متسبنيش لو مش عشاني عشان احمد انا كنت عايش عشان انتي ف الدنيا دي
ريتال : انا بكرهك بكرهاااااك
زين : انتي بتحبيني وبتنكري ده كله انتي لسه ده بيدق بحروف اسمي ادي ليا وليكي فرصه يا ريتال خلينا نرجع لبعض
مرت عربيه سريعه وف ثانيه كانوا تخدروا واختفوا
#باك. فاقت من شرودها ع صوت
صوت : صباح العسل كل ده نوم
ريتال : انت مين
صوت : اخس عليكي ده أنا ازعل
ريتال: انت مييين وانا فين و صوت من جنبها
ريتال
ريتال : زييين
زين : ريتال انتي كويسه
صوت : طب رحب بيا
زين بغضب ؛ انت مين يا كلب
صوت: انا يا سيدي واشتغلت لمبه صغيره ف الغرفه وجعت عين زين وريتال لدرجه انهم غمضوا عيونهم وفتحوا عيونهم ببطي
ريتال : عامر
عامر : حياته
زين : اخرس
عامر : تر تؤ تؤ مش لايق عليك دور الحمشنه ده
ريتال بخوف بتاريه ؛ انت عايز مني اي
عامر وهو يلمس وجهها : عايزك
زين وهو يخبط بالكرسي بغضب : شيل ايدك الوسخه دي من ع وشها
عامر : هتعمل اي يعني يا حضره الضابط ها هتعمل اي
زين : فكني وكلمني يا حيوان
عامر : بس يا سيد زين المحترم لام تطلع عايش وتسيب ليا ريتال لام العكس
ريتال وزين : مش فاهم/مش فاهمه
عامر : اتفاق انا بحب مراتك اها جاسمين او بالأصح ريتال وانت بتحبها لازم حد فينا يخسرها يا انت تخسرها يا انا تختار اي
ريتال : لا متعملش فيه حاجه
عامر : متخافيش ان هريحك منه وهريحه هو كمان من الدنيا
ريتال بصراخ : لاااا وبصت لزين متسمعش كلامه طلقني انت واخلص خليك
زين : انتي شايفني رخيص كده سهل اطلقك بالساهل لا يا ريتال انا عندي اموت اسهل وبص لعامر بس اي يضمن ليا أن انت مش هتاخدها
عامر : معاك حق بس انا بعوعدك اني مش هقربلها وف نفسه غير بعد اربعينك
زين : مشيها.  ف اللحظه دي دخل اياد وهتعرفوا ازاي
ريتال : اياااد
عامر : ارمي مسدسك يا حضره الظابط عشان متخسرش الاثنين
رم اياد المسدس بعد ما بص لزين إللي شاور ليه يعمل كده. وعامر قرب من ريتال وفكها
عامر : عشان انا طيب وحنين هسيبكم ٦٠ ثانيه وبس يعني دقيقه كامله شوفتوا انا طيب ازاي عشان تودعوا بعض. وفك زين واللي فاجئ عامر وريتال أن زين متعرضش ليه
ريتال جريت عليه : امشي من هنا يا زين أنت حياتك مهمه انا مليش حد انت ليك اصحابك وشغلك وابنك
زين مسكها من وشها وقرب منها : إنتي غلطانه إنتي عندك اياد وياسمين وسيف ونور ويوسف وكلهم واحمد إنتي الوحيده إللي هتقدري تاخدي بالك منه حافظي ع نفسك وابقي اتجوزي يا ريتال
ريتال بدموع : زين انا مش عايزه اعيش من غيرك خلينا نموت سوا انا مش عايزه الحياه دي من غيرك انا هفضل معاك
زين بوجع : وانا مش مستعد اخسرك خدها وامشي يا اياد
ريتال بصراخ واياد بيشدها بس هي بتحارب : لا يا زين مش هسيبك هنا....تعالي نمشي سوا... احمد هيعيش ازاي..... فكر ف ابنك..... فكر فيا انا...... مش هقبل يا زين انك تسبني..... أنا بحبك اوي يا زين
زين : وانا بعشقك يا روح زين بحبك اوي يا ريتال
ريتال بصت لاياد بصراخ : سبني يا ايااااااد روح ليه  انقذه انت سايبه لي روووح ابعد وحاولت تزقه بس هو كان مسكها وعينه دمعت ولا إللي منيم مغناطيس
عامر : الله دمعتي فرت فاضل اوبس الوقت خلص.   وفجاه صوت طلقات النار تدوي في المكان
ريتال بصراخ : زيييييييبين
_____________________&
زين مات خلاص
ريتال هتعيش ازاي من بعده
اي سر برود اياد وازاي عرف أن مكانهم
دي نهايه المشوار
توقعاتكم وارائكم
#Nemo