لست المذنب

البارت العشرون

لست المذنب
الحلقه العشرون
------------------&
ريتال بابتسامة حانيه : ولا يهمك حبيبي تعالي نلعب سوا. وقعدوا يلعبوا مع بعض لحد ما ايد شدتها جامد ريتال بصت وراها و
ريتال بصدمه : سلمي
سلمي بصدمه : ريتال   وجريت عليها حضنتها وريتال واقفه جامده صلبه مكانها
سلمي بفرحه : وحشتيني يا ريتو اوي اوي إنتي جيتي أمتي
ريتال : سلمي ازيك وحشتيني
سلمي : وأنتي اكتر
احمد جري عليها : مامي إنتي تعلفي الست دي (تعرفي)
ريتال بصدمه مضاعفه : ماما إنتي خلفتي
سلمي : ايوه ده أحمد ابني ابني انا وزين   الدنيا كلها وقفت عند الجمله اللي قالتها (ابني انا وزين)
ريتال بابتسامة مزيفه : الف الف مبروك يا سوسو
سلمي : الله يبارك فيكي تعالي اقعدي معايا. وشدتها من ايديها وريتال عايزه تهرب عشان تعيط مش عايزه تروح هناك لانها متاكده انها هتقابل زين وده إللي حصل
سلمي : زين شوف معايا مين. زين بص وراه واتصدم وابتسمته اللي كانت ع وشه اختفت معقول رجعت تاني
زين : ريتال حمدلله ع السلامه
ريتال ؛ اااا الله يسلمك مبروك ع حماده
زين : الله يبارك فيكي تعالي اقعدي تعالي يا سلومتي ومسك كتف سلمي برقه وقعدها ع الكرسي
احمد لريتال : انتي بقي مين
ريتال : أنا ياسيدي اسمي ريتال
أحمد : اممم وانا اسمي احمد
ريتال : اها نبقي أصحاب اوك
سلمي : إنتي عامله اي وسافرتي ع طول كده لي
ريتال : معلش ما إنتي عارفه الشركات إللي هناك كان لازم اروح واشوفها
زين : بس إنتي عندك جو ونور هناك
ريتال : بحب اتاكد من الحاجه دايما.  قطع كلامهم فون ريتال
ريتال : اي يا ايدي...... أنا مع سلمي وزين ....... اه تعالي .......طيب اصتبر. وقامت ورفعت ايديها واياد شافها وجيه عليهم
اياد : زوز حبيبي. وحضنه
ياسمين : سوسو. وقربت منها وحضنتها
احمد : ياسي
ياسين : امد. وجريوا ع بعض وحضنوا بعض
ريتال : الله هو ده احمد
ياسين : ايوه ده امد صاحبي
سلمي : اخص عليكي يا ياسمين يعني إنتي عارفه أن ريتال هنا ومتقوليش
اياد : دي لسه جيه امبارح بس والله
زين : ولو دي صاحبتنا بردو الا اتجوزتي يا ريتال
اياد كان هيتكلم بس ريتال اتكلمت: ايوه اكيد اتجوزت امال هفضل كده
الكل بص لريتال بصدمه من كلامها
ياسمين لنفسها : لي بتقول كده
سلمي : ااااا..طب جوزك فين
ريتال : توفي
زين : لا البقاء لله مقولتليش يا اياد اخص عليك
ياسمين : عادي ريتال كانت عايزه انه يكون موضوع شخصي
سلمي : اخص عليكي يا ريتو موضوع شخصي علينا بردو آمال مخلفتيش ولا اي
ريتال سكتت وفضلت باصه وراهم
اياد : ريتال مالك
ياسين فتح بوقه بصدمه : اي ده وشاور بايده هناك ع المكان وكانت ست ماسكه ابنها وبتضربه جامد
سلمي : اي ده دي مجنونه   بس ريتال قامت من مكانها وقربت ع الست دي وشدت الولد من ايدها
ريتال : اي براحه ع الواد
الست : وانتي مالك  ريتال حست أن دي مش طريقه ام اصلا
ريتال قربت من الواد : دي مامتك   يا حبيبي
الولد ببكاء : لا دي الداده. ريتال برقت وزين وسلمي وياسمين واياد اتصدموا بردو
ريتال بغضب : يعني انتي نازله فيه ضرب وكمان مش امه. وفجأة من دون مقدمات كان ف قلم ع وش الست دي
ريتال : إنتي انسانه حقير استحاله يكون عندك قلب
الست بغضب: بقي بترفعي ايدك عليا ياو#####
اياد بغضب : اتلمي يا وليه انتي لولا أن حرام امد ايدي ع ست كنت مديت ايدي عليكي
ياسمين : انسانه متخلفه
سلمي : اكيد معندكيش ولاد عشان كده مش بتحسي بالأطفال.   ريتال الكلام وجعها بس ماهتمش
ياسين واحمد قربوا من الولد وطبطبوا عليه بحنان طفولي : تزعلش هي ست وحثه اثلا
زين : حبيبي انت تعرف بيتك او تعرف رقم حد من عائلتك
الولد هز دماغه بالنفي
ريتال : اكيد دي إللي معاها الرقم. وسحبت شنطتها جامد واخدت الفون واتصلت بامه وبلغتها اللي حصل وجت ع النادي واخدت ابنها
الام : متشكره ليكم اوب يا جماعه لو حد غيركم مكنش هيعمل كده نهائي
اياد : ع اي بس ده عادي
ريتال : ينفع العنوان عشان ابقي اجي اطمن ع الولد كل شويه
الأم : اه طبعا اتفضلي .......واخدت العنوان
ياسمين : ماشي اتفضلي براحه عشان ميصحاش. وشالته براحه ومشيت بيه ووراها الداده وهي بتعيط
سلمي : انسانه زباله
زين : دي اخره اللي تسيب ابنها لخدامه
ريتال : فعلا مش هناكل ولا اي
ياسين : هاكل زي روتي
احمد : وأنا كمان
سلمي وياسمين : مش هتاكلوا زي مامي
احمد وياسين : لا. وطلبوا الاكل وبعدين المشروبات وكان ف صمت
ريتال ؛ همشي انا بقي
اياد : نمشي مع بعضينا بقي
ريتال : اوك هتوحشيني يا سوسو
سلمي : وانتي كمان
ريتال : مع السلامه يا سيادة المقدم
زين : مع سلامه يا مدام ريتال. ريتال ابتسمت داخلها بوجع مدام!!!!!
ياسمين واياد : سلام. ومشيوا وفضل زين وسلمي واحمد
سلمي مسكت ف زين بشده : ااااااه
زين : صداع تاني مش كده
سلمي : ايوه
زين : لا الموضوع ميتسكتش عليه تعالي معايا للدكتور
أحمد : مالك مام
زين : مفيش ماما تعبانه شويه وهناخدها للدكتور. واخد سلمي ع الدكتور وكشفوا عليها
الدكتور : عايزك يا مدام سلمي تعمليلي تحاليل
زين : لي يا دكتور ف اي
الدكتور : خير ان شاء الله بس عايز التحاليل
سلمي : حاضر ومشيوا وراحوا ع معمل التحاليل وعرفوا انهم ياخدوها بعد يومين  وروحوا ع البيت وناموا من كتر التعب
____________________&
عدا اليومين من غير اي أحداث تذكر لسه شاغلين ف القضيه  وريتال بقي وجع قلبها عادي خصوصاً انها بقت تشوف زين كتير وسلمي الصداع بقي مزامن لها
(تم العثور ع جثث لاطفال ف ضواحي القاهرة بدون أعضاء من المسئول لا توجد أي اجوبه وقد انتشرت هذه الظاهرة كثيرا ف الفتره الماضيه لعن الله هذه الأشكال انتبهوا ع اولادكم جيدا)
كانت هذه كلمات تلك المذيعه التي يظهر ع وجهها الاسي وكلمات موجوده ع صفحات التواصل الاجتماعي واناس تصرخ من الخوف والضياع
وقع الهاتف من يدها بصدمه
اياد : مالك يا ريتال
زين : ف اي واخد الفون من الأرض وبص فيه بصدمه
زين : لا مستحيل
سلمي. : ف اي يا زين
زين : فاكرين الولد إللي مامته اخدته من يومين
ياسمين : ماله
زين : وجدوا جثته من غير أعضاء
اياد بصدمه : اي
ريتال وقفت : مستحيل لا اكيد ف حاجه غلط ده اكيد شبهه
سلمي : ريتال
ريتال : أنا انا مدياه بايدي لمامته انا انا معايا عنوانه وطلعت تجري ع برا
اياد : داده خدي بالك من الولاد. ومشيوا ورا ريتال اللي جريت بسرعه رهيبه ووصلت ع العنوان المطلوب والكل وراهم
ريتال : لو سمحت
البواب : نعم يا ست هانم
ريتال : عايزه اقابل الست إللي هنا اللي عندها الولد الصغير ده
البواب : ست مين يا ست هانم البيت ده اهله مسافرين من سنتين. كان الكلام صدمه لريتال والكل
زين : انت متاكد   وصل سيف اللي كلمه اياد ف الطريق وجري عليهم
البواب : ايوه يا بيه هكدب عليك لي
ريتال : مستحيل مستحييييل مااااااات انا السبب 😭😭😭😭
سيف : ريتال اهدي
ريتال وهي بترجع لورا : انا السبب أنا السبب ف موت الولد كان لازم اتاكد انها فعلا امه انا اللي سلمته ليهم انا السبب في موته انا السبب ااااااااه 😭😭😭
اياد والكل جري عليها وياسمين حضنتها هي وسلمي
ريتال بدموع : انا مكنتش اعرف مكنتش اعرف انها مش مامته مكنتش اعرف انا السبب ف موته
سلمي بدموع : بس يا ريتو إنتي ملكيش ذنب يا حبيبتي انتي عملتي إللي عليكي
سيف : وده نصيبه يا حبيبتي
ريتال : انا عايزه اروح ع البيت خدوني من هنا. وقامت من مكانها بثقل واتجهت ناحيه العربيه بتاعتها وركبت بهدوء
ياسمين : انا مش مطمنه
زين واياد : وانا كمان
سيف : ريتال اكيد مش هتسكت
اياد : لا هتسكت ومش هتتكلم
سلمي : حسبي الله ونعم الوكيل فيهم
ياسمين : ودي الداده بتاعته مشتركه في الشئ ده.   وركبوا العربيات ومشيوا ع بيوتهم
ف الفيلا بتاعت زين
كريم باسي : يا ساتر يا رب حسبي الله ونعم الوكيل وريتال عامله اي دلوقتي
سلمي : منهاره يا انكل
كريم : فعلا بس هي مغلطتش
زين : بس هي مش مقتنعه بكده
كريم : معلش المهم عملتوا اي مع الدكتور
سلمي : نسينا والله هنشوف انا وزين
زين : لا ارتاحي انتي وهروح انا
سلمي : لا هروح معاك يا زين
احمد : اجي معاكم
كريم : مش هينفع يا حماده انت هتقعد مع جدو ف البيت
زين : يلا سلام ومشيوا هو وسلمي لمعمل التحاليل ثم اتجهوا الي الدكتور فحص الدكتور التحاليل جيدا
زين : خير يا دكتور
الدكتور : انتو طبعا مؤمنين بربنا
سلمي وزين : ونعم بالله
الدكتور : المدام سلمي عندها كانسر ف المخ. صدم سلمي وزين من ذلك الخبر
_____________________&
وصلت ريتال ع الاوضه وقفلت ع نفسها الباب
اياد من برا : ريتو افتحي
ياسمين : ريتال افتحي
سيف : ريتو
ريتال : سيبوني لوحدي
سيف : يا حبيبتي إنتي ملكيش ذنب ف إللي بيحصل ده صدقيني
ريتال : هو مات بسببي
ياسمين : لا مش بسببك انتي كنتي هتعرفي منين انها مش امه
ريتال : كان لازم يكون فايق انا غبيه
إياد : طب افتحي نتكلم. بس مفيش رد هي اختلت بنفسها للبكاء
سيف : ريتال دي معرفش مالها
ياسمين : دموعها عزيزه اوي
اياد : فعلا
ياسين : روتي مالها
سيف : مفيش حبيبي
اياد : تعبانه شويه مش اكتر
ياسين : يعني مش هنام معاها النهارده 😔
ياسمين : نام معايا انا
ياسين : لا. وجري من قدامهم ودخل اوضته
سيف : همشي انا بقي
اياد : بات معانا
سيف : بس
ياسمين : مابسش اقعد معانا
سيف باستسلام : طيب. وطلع ع اوضته وكل واحد طلع ع اوضته
سيف بيكلم نور
نور : اي يا زيف
سيف : هي دي وحشتني
نور : يعني انت متصل بيا الفجر وعايزني اقولك وحشتني
سيف : تصدقي انك غلسه
نور : عارفه ريتال كويسه
سيف : لا
نور بخضه : لي فيها اي
سيف : هقولك من يومين ع حسب ما عرفت منهك أن ريتال كانت مع زين وسلمي وياسمين واياد
نور : ثواني ريتال قابلت زين وسلمي؟؟؟!!!!
سيف : ايوه
نور : وحصل اي
سيف : قعدوا يتكلموا وبعدين ريتال شافت واحده ماسكه عيل صغير ونازله ضرب اخدته من ايديها وضربت الست دي لانها طلعت الداده وادت الواد لامه
نور : تمام
سيف : النهارده اكتشفت أن الست دي مكنتش امه اصلا وكانت متفقه مع الداده بتاعت الواد ع خطفه ولقوه هو وكذا طفل مرمين من غير أعضاء
نور بصدمه : هاراسوح طب والواد مقلش لا دي مش ماما
سيف : كان نايم
نور : يا حرام اكيد ريتال مدايقه دلوقتي
سيف : دي منهارة وقافله ع نفسها الاوضه
نور : عادتها ولا هتشتريها
سيف : ماشي كنت عايز اقولك صلي الفجر يلا سلام
نور : سلام هتوحشني وقفلت السكه
سيف : مجنونه بس بحبها
______________________&
ظلت شاردة من ساعه ما رجعت من عند الدكتور
#فلاش
زين بصدمه : اي كانسر
سلمي : لا لا اكيد ف حاجه غلط
الدكتور : انا شوفت الورق بنفسي واتاكدت
سلمي بدموع : لا اكيد ف علاج صح
الدكتور : للاسف انتي ف مرحله متاخره من العلاج
زين : مفيش اي حل يا دكتور
الدكتور : للاسف لا المدام سلمي تعتبر ف شهورها الاخيره. كان الكلام صدمه بالنسبة ليهم
سلمي : شكرا يا دكتور. ومشيت من عنده ف هدوء هي وزين
#باك
زين : هتفضلي ساكته لحد أمتي
سلمي بدموع : انا طلع عندي كانسر يا زين
زين : حبيبتي أن شاء الله هتخفي
سلمي : الدكتور قال اني ف مرحله متاخره
زين : اااا
سلمي : مين هيربي احمد يا زين..... أنا كان نفسي ف بنت حتي البنت مش هلحق اجيبها
زين : بس بس أن شاء الله هتبقي زي الفل
سلمي : انا خلاص هموت يا زين
زين : بس يا سلمي
سلمي : ابني هيتيتم اااااه 😭😭😭
زين دمعه نزلت من عينه
سلمي : انا مش عايزه حد يعرف بمرضي يا زين
زين : بس انكل حمدي وطنط سماح
سلمي : مش عايزه اي حد يعرف بمرضي وخصوصا ريتال
زين باستغراب : اشمعنا
سلمي : كده وخلاص انا عايزه انام ف حضنك. وقربت منه والدموع لسه ف عينها ونامت ف حضنه وزين بيفكر ف المستقبل
وخلص اليوم ع كده
_________________&
تفتكروا لو سلمي ماتت هيحصل اي
زين وريتال ممكن يتجوزا
توقعاتكم
#Nemo