لست المذنب

البارت الثامن

لست المذنب
الحلقه الثامنه
----------&
قامت تفتح الباب بس انصدمت
ريتال بفرحه ممزوجه بالصدمه : جووووو. وحضنته جامد وهو كمان
ريتال : وحشتني اوي اوي يا جو
يوسف : وانتي كمان يا حبيبتي
نور : وأنا مليش نصيب
ريتال : نوووونووو وحضنتها جامد اوي وهي كمان نفس العناق
إياد ؛ مين يا ريتو
ريتال : تعالي يا جو ودخلت معاهم جو والكل واقف مستغرب مين دول
اياد : انا بشبه عليك
يوسف : وانا كمان
اياد بتذكر : جو
يوسف : اد. وراحوا حضنوا بعض
اياد : وحشني يا جو اوي
يوسف : Me too.
زين بغيظ من يوسف : مش تعرفونا
ريتال ؛ اه sorry ده جو يوسف صديقي الصدوق اخويا وصاحبي وكل حاجه ودي نونو نور صاحبتي اوي اوي كل حاجه كانت مع بعض
ياسمين بابتسامة : هاي نور انا ياسمين
نور بابتسامة: هاي ياسمينا
سلمي بابتسامة ؛ وأنا سلمي
نور : هاااي
زين بغيظ : أهلا وسهلا ازيك يا جو
يوسف : أهلا انت زين صح
زين باستغراب : ايوه عرفت إزاي. يوسف بص لريتال من غير ما حد ياخد باله وريتال برقت جامد ل
يوسف : تخمين مش اكتر
سيف : هاااااي يا جووووو نورت مصر
يوسف: حبيبي يا سيفو
سيف : يخربيتك انت واختك اتعلمتوا عربي عشان تتريقوا عليا
نور : انا كلمتك يا عم انت
اياد : اي ده انت تعرفهم
سيف : طبعا انا عارفهم كانوا بيقعدوا مع ريتال
زين بغضب ؛ نعم بيقعد معاها إزاي يعني
يوسف : متفهمش غلط اقصد إحنا كلنا كنا بنقعد مع ماما فريده نور بس إللي كانت بتطلع مع ريتال الاوضه
ريتال ؛ مين دي إللي طلعت اوضتي انا محدش دخل اوضتي
يوسف : اقصد الاوضه إللي جنب اوضتك
ياسمين باستغراب ؛ ولي مكنتش بتدخل اوضتك
نور : ريتال هانم مبتخليش حد يدخل اوضتها غير داده سيده بس حتي ماما فريده مكنتش بتدخل
اياد : مش مهم بس بجد انت وحشني اوي يا جو انا مشوفتكش بقالي كتير صح
يوسف : مش اوي من وانت عندك ٧ سنين كده
زين ؛ لا مش كتير الصراحه
ريتال : بس انت وحشتني اوي يا جو
يوسف : وانتي كمان يا حبيبتي
نور وقد تذكرت شئ : ريتو دراعك عامل اي
ريتال بارتباك : ها كويس من ساعه ما كنتي بتصتادي والرصاصه جت فيا أنا ف رايي متمسكيش مسدسات تاني
يوسف وكان فاهمه : أنا قولت كده بردو دي مينفعش تضرب نار  قطع كلامهم الجرس
سيف : ده بقي أكيد الأكل
ريتال : روح واحنا هنقعد نستناك الحسااااب علييييك
سيف : واااااطيه
ريتال : طبعاااا تعالي يا جو تعالوا ندخل. ودخلوا جوا ف وسط غيظ ياسمين من إياد إللي بيبص ع نور وغيظ زين من يوسف وريتال والمعامله اللي بتتعامل معاه بيها وسيف جاب ألاكل واكلوا كلهم وقعدوا يتعرفوا ع بعض
ياسمين: وأنت خريج اي يا جو. اياد بصلها بغضب اترعبت وسكتت
يوسف : أنا خريج كليه تجاره وشغال ف بنك ف امريكا
ريتال : اها بس مقولتش لي انك جاي يا جو
نور : حب يعملهالك مفاجأة وانطك جيسي زعلانه
ريتال : ليييييي
نور : عشان إنتي مش هناك معانا
ريتال : ما إنتي عارفه دي وصيه ماما
سلمي : الله يرحمها
الكل : يارب
يوسف : اوك إحنا هنمشي بقي يا روتيتا
زين باستغراب : نعم روتيتا مين
يوسف : ريتال هي مش عايزه تنادينا روتي قولتلها روتيتا
زين بص لريتال وريتال بصتله ومعلقوش
نور : يلا عايزه حاجه
ريتال: رايحه فين
نور : نشوف لينا اي اوتيل كده
ريتال : انتي قاعده معايا مفيش اوتيلات
يوسف : ازاي يعني
اياد : زي الناس ف اي انت هتقعد ف اوضتي معايا ونور مع ريتال
سيف : عاملين تعزموا ولا اكنه بيت ابوكم
يوسف : اهو عشان رذلتك دي أنا هقعد
ريتال : ماشي كلنا هنقعد مع بعض
زين : وانا كمان هقعد عشان افضل مع ياسمين وف نفسه وعشان استاذ يوسف ده
ياسمين : اشطا عليك واهو اتعرف ع نور اكتر
سلمي : وأنا كمان
ريتال : تمام كده هنقعد ف اوضتي مع بعض وهم يناموا ع الكنب عادي
اياد : اي يا بت خفه الدم دي
ريتال : هه خفه
نور : باااااس يلا ع فوق وطلعوا فوق والشباب تحت
سيف : احم محدش يفكر مجرد تفكير انه يدخل اوضتي. الشباب بصوا لبعض وف ثانيه كانوا ورا سيف إللي بيجري ع اوضته وزقوه ودخلوا
زين : محدش يدخل صح 😂
يوسف : ده أنت سكره اوي
سيف : كده يا جو اشتركت معاهم خلاص ده انت مؤدب
يوسف بخبث : اي ده يعني هم مش مؤدبين
اياد بصدمه مصطنعه : اي انت سمعت إللي سمعته يا زوز
زين : للاسف حد هيموت دلوقتي
سيف ؛ أي يا جماعه أنا بهزر ف اي   بس اياد وزين وجو إللي اختلط معاهم بسرعه مسطول سيف وقعدوا يضربوا بعض ويضحكوا
ام عند البنات ف كانوا عاملين يضحكوا
نور : هههههههههههه والله زي ما بقولك كده
ياسمين : دلقتي عليه النسكافيه يا مجنونه
ريتال : لا بقي والثاني كان انيل
سلمي بضحك : لي اي اللي حصل
نور : هو اصر أنه يجي يشوفها وانا لوحدي ف البيت وانا مبحبش كده ف وافقت وكده وهو جيه دخلته وقولتله ثواني وطفيت نور الفيلا كله وهو اترعب وقعد ينده عليا وكده طلعتله ووشي عليه كاتشب بالهبل ولابسه بروكه شعرها منكوش ولابسه دريس اسود كله وايدي دهنتها بالفحم وطلعتله والله يا بنتي الواد اترعب
ياسمين وسلمي : هههههههههههه يخربيتك وبعدين
نور : ههههههههه وبعدين قولتله بصوت خشن شويه نور دي بتاعتي أنا محدش غيري ليه حق عليها أنت تطلع من هنا بهدوء انت فاهم  وف ثانيه كان عند الباب معرفش إزاي وبعدها بيوم أتصل بيوسف قاله ان كل شئ قسمه ونصيب ومينفعش نكمل
الكل : ههههههههههههههههه
ياسمين ؛ يخرب عقلك يا نونو
ريتال : آمال دي سوسه دي
نور بضحك : ميرسي
سلمي : لا ليكي حق يا ريتو متنزليش مصر
ريتال : هههههههههههه
ياسمين : بقولكم اي
الكل : قولي
ياسمين : تيجوا نحط ميك اب وندلع نفسنا
الكل : اشطا. وحطوا ميك أب وليسوا فساتين ونزلوا تحت كانوا الشباب قاعدين تحت وتنحوا كلهم
يوسف : اي ده اختي فين
نور بدلع : جو
يوسف : إنتي أختي لي  😂
زين : اووووبا لو سمحت يا انسه
ريتال : نعم
زين : عندنا واحده كده تشرد ينفع تنزل من فوق
اياد : بس ياض أنت اختي قمر آمال اختك تبقي اي
ياسمين : مالها اخته أن شاء الله
اياد : زي القمر يا جميل
زين : ما تحترم نفسك ياض دي اختي
اياد : يا سلام مهي بردو اختي
سيف : شكلك قمر
سلمي : ميرسي يا سيف
سيف : لا بجد احلويتي اوي
سلمي : ميرسي. وبصت لزين اي رايك يا زين
زين : شكلك حلو
سلمي : بس حلو بس
زين : مهو سيف قالك قمر عايزه اي تاني
سلمي : امممم طيب
ريتال : تعالوا نقعد بقي
الكل : اوك والبنات قعدوا جنب بعض والولاد هكذا
نور : بس اي رايك يا يوزف
يوسف ؛ أهو بعد يوزف دي مش هرد
ياسمين : لي يا جو رد ع المزه
اياد : بس يا بت
ياسمين بضحك : حاضر
ريتال : الفكره فكره ياسمين والميكب لسلمي والشعر كان لنور وانا استلمت الفساتين
سيف : عشان كده الفساتين عسل اوب
زين ليغيظ سيف : والميك اب تحفه
سلمي بفرحه : بجد يا زوز
زين : ايوه بجد
ريتال : احم احم احم بم ان الجميع موجود انا عايزه اقول حاجه بقي كنت عايزه اقولها مش لازم ناجلها
اياد بجديه : اي يا ريتال
ريتال : أنا لم روحت الشركه معجبتنيش نهائي عشان كده قررت جو انت هتمسك المحاسبات ف امريكا
يوسف : أنا اشمعنا
ريتال : عشان انت عارف ف موضوع المحاسبه وكده وأنت الصراحه بثق فيك جدا جدا
نور : حلو وانا ابقي سكرتيره هناك لجيسي
زين باستفهام : مين جيسي
ياسمين : جيسي مامه جو ونونو
ريتال : اها لان طنط جيسي مش هتقدر تمسك الشركه ولازم حد يساعدها وانتي معاكي ٦ لغات فهينفع  وأنت يا سيف
سيف : اي يا ريتال
ريتال : انت هتمسك كل شغل الشركه يعني هتكون محامي الشركات
اياد : طب والمحامي إللي ف الشركه
ريتال : أنا عايزه اغير كل حاجه
سلمي : اي ده هتمشي بسنت
زين : اكيد لا لان بسنت كويسه جدا
ريتال : بالظبط ام ياسمين فهي كده كده خلصت الكليه خلاص فهتشتغل معايا ف الشركه
ياسمين : ايوه بس أنا ممكن اكون مش قد الشغل
ريتال : مكنتش اختارتك ولا اي
سلمي : وأنا هعمل اي
ريتال : ولا حاجه احببتي إنتي هتسييي طنط وانكل خاااالص وهتيجي تعيشي معايا ف البيت
سلمي : بس ماما ممكن تزعل
ريتال : خلاص مش مشكله بس عايزين نشوفك كل يوم
سلمي : أكيد
اياد : طب وانا وزين
ريتال : أنت هتشتري ليا شقه صغيره احتياطي للظروف ام زين فهو هيهتم بنقل ورقي للجامعه هنا ف مصر
زين : ماشي بس لي التغيرات دي
ريتال : عادي زياده امان وكمان ناس موثوق فيهم
إياد : وهتعملي اي بالشقه
ريتال : عادي يا ايدي للاحتياطي وكده
سلمي : تمام عليكي بقولكم اي ما تيجوا نشوف فيلم
الكل : تمام
ياسمين : وأنا هعمل الفشار
سيف : وأنا هجيب الفيلم
اياد : وأنا هجهز القعده
نور : واحنا هنعمل اي
زين : تجيبوا البيبسي بقي والكلام ده
ريتال ونور : اوك وجهزوا القعده وقعدوا اتفرجوا ع الفيلم ف وسط ضحك البنات وخلص اليوم والكل طلع نام
__________________&
طلع النهار والكل راح ع شغله وريتال اعلنت أن ياسمين  هتشتغل ف الشركه ومشت المحامي بتاع الشركه  اللي اعترض بس محدش يقدر يعترض وهي مسكت الشركات زي ما اخوها عاوز ووافق وعدا اليوم بدون أي أحداث تذكر وريتال وسيف عرضوا ع يوسف ونور انهم يقعدوا معهم ف الفيلا وأنها كبيره وكده إللي خلي ياسمين وزين يغيروا فقعدوا هم كمان وعدا شهر والفيلا اتصلحت وريتال رجعت الفيلا والكل رجع معاها وسلمي بقت تروح وتيجي كل يوم عادي  ومعاد العمليه اتاجل لاول الشهر الجديد
يوسف : أنا اسف يا روتيتا بس لازم اسافر
ريتال : هتوحشني يا جو اووي
نور : اي ده هو أنا كمان مش هوحشك
ريتال : لا طبعا ده إنتي الحب
ياسمين : هتوحشيني يا نونو
نور : وانتي كمان يا سمسمه
سلمي : متنسنيش بقي يا نونو
نور : بس بقي يا جماعه هعيط والله
زين ؛ بجد انا عرفتك من قريب بس بجد انت طلعت جدع
يوسف : وأنت كمان يا زيزو
زين بصله باستغراب لان مفيش حد بيقوله الاسم ده غير ريتال
يوسف : يلا باي يا اد
اياد حضنه : باي يا جو مش ملاحظ ان إحنا لسه الفجر ما تستني لبكره
يوسف : لا عشان تلحقوا تروحوا العمليه
ياسمين بقلق : عمليه اي
اياد : منك لله. يوسف مسك ضحكته بالعافيه
ريتال : عمليه اي يا زين
زين : وأنا إللي بقول جدع طلعت واطي
سلمي : ما تردوا عمليه اي
سيف : زين واياد عندهم عمليه صغيره كده هيخلصوها ويجوا
ريتال ؛ هي خطيره صح
زين : لا هناكل رز باللبن هناك طبعا خطيره يا روتي
ياسمين : اي الخفه دي طب خدوا بالكم من نفسكم كويس
سلمي ؛ والبسوا الواقي من الرصاص
اياد : ماشي يلا نوصلك يا يوزف يلا
نور : لا مسمحلكش انا بس إللي أقوله يوزف يا وادي
زين : هههههههههههه وادي النطرون
ريتال : هه خفه متتريقش ع اخويا
زين : ماشي يلا سلام وهو ماشي قرب منها
زين بهمس جانب ودنها : لو رجعت سليم هفسحك زي ما كنتي عايزه قبل ما جو يجي ده ف حاله ما موت..
ريتال مقاطعه : بعد الشر ومتفكرش عشان حاجه ده بس عشان الفسحه
زين بضحك : هههههههههههه ماشي
سلمي بغيظ ؛ ما تضحكونا معاكم
سيف للإنقاذ : تلاقيه بيقول نكته بايخه
اياد : طب يلا بقي عشان نلحق
زين ؛ اوك ومشيوا والبنات قعدوا يدعوا ليهم ووصل نور ويوسف ع المطار وزين وإياد راحوا ع مكان العمليه وغيروا لبسهم ونزلوا
زين : دلوقتي جزء هيبقي عند الباب الخلفي للفيلا والجزء التاني معايا عند الباب الامامي عشان محدش يقدر يهرب
اياد : انا هاجي معاك
زين : لا يا اياد انت خليكم معاهم هنا
اياد : بس
زين : مابسش يا حضرت الظابط اتفضل ع شغلك. وكلهم اتقسموا زي ما طلب زين ودخلوا جوا واول ما دخلوا ابتدأ ضرب النار ورجاله عايزين يهربوا بس قدروا يمسكوهم بس صوت من ورا زين وقفه
فوفا هانم ؛ نزل سلاحك يا زين
زين ؛ فاديه هانم
فوفا بعصبية ؛ أنا اسمي فوفا هانم مش فاديه
زين : اشتغلتي ف الاسلحه يا فاديه
فوفا ؛ قولتلك متقولش زفت
زين : مفكرتيش فيا انا واختي
فوفا بسخرية : اختك اي بقي مهي كرهتني هي كمان
زين : من عمايلك الو.....
فوفا بغضب : احترم نفسك وأنت بتكلم امك
زين : أنا امي مش و..... زيك
فوفا ؛ زيييين اخرص
اياد : قدرنا نسيطر ع الموقف يا زين باشا
زين : اقبضوا عليها
فوفا : مش هتقدر تقبض عليا لاني هقول للكل اني امك وساعتها انت هتضرر
اياد بسخرية : شوف مين بيتكلم امشي ع البوكس. وشدها جامد من ايديها ف وسط نظرات زين وفوفا الناريه لبعض
زين بفرحه : نجحنا يا اياد
اياد : الحمدلله انا كنت خايف لتحن
زين : لا متخفش أنا أصلا مبقتش اطيقها
اياد : متزعلش مني بس احسن دي مينفعش تكون ام
زين : ع رايك. الشرطي دخل
الشرطي : زين باشا اللواء معتز عايز حضرتك انت واياد باشا
اياد بص لزين : ماشي. ومشيوا وراحوا للواء معتز
اللواء معتز : تعالوا
زين : اهلا يا فندم خير
اللواء معتز : أنا فخور بيكم انكم طلعتوا قد المسؤوليه ومفيش حد قدر يهرب
اياد : طبعا يا فندم حضرتك بعت رجاله مش اي كلام
اللواء معتز : وأنا كنت واثق ف اختياري بجد شرفتوني يا ولاد وعشان كده انا ادتكم اجازه يومين
زين بفرحه : بجد يا فندم
اللواء معتز : ايوه ولا انتوا مش عايزين
اياد بسرعه : لا طبعا إحنا نطول
اللواء معتز بضحك ؛ طول عمرك بتحب النوم يا اياد يلا اتفضلوا  ومشيوا وهم فرحانين
____________________&
ف مكان تاني وصوت عصبي اوي بيتكلم مع شخص ف الفون
المجهول بغضب : ازاي ها ازاي ده يحصل
المجهول ٢ : ده اللي حصل يا فندم
المجهول ١ : اغبيه وهي غبيه
المجهول ٢ : هنعمل اي يا باشا
المجهول ١ : لازم تجيبوا الكلبه دي هنا عشان متعترفش علينا
المجهول ٢ : حاضر يا باشا
المجهول ١ : غور. وقفل معاه وهو متعصب
____________________&
طبعا كنا دخلنا ع الظهر كده  والكل راح شغله
عند سيف ف المكتب بتاعه دخل كريم عليه ومعاه شخصين وبنت تاكد تقول انها لا ترتدي شئ يستر جسدها العاري
كريم : ازيك يا سيف
سيف : أهلا وسهلاً اتفضل يا عمي
كريم : شكراً دي مراتي ودول الشهود. بص سيف عليها وغض بصره سريعا
سيف ف سره : ملقتش غير دي إللي تتجوزها سميره سمير
سيف : ماشي اتفضلوا وقعدوا سيف : اسم العروسه
العروسه ؛ سميره سمير. كتم سيف ضحكته بالعافيه هل يعقل هذا
سيف : اها ماشي  وكتب عقود الجواز ومضي كريم وسميره والشهود
سيف : الف مبروك يا انكل
كريم : الله يبارك فيك مبروك يا حبيبتي
سميره بدلع : الله ييارك فيك يا كركر
سيف ف نفسه : غوري كتك القرف الراجل اتعمي شكله
سميره : ميرسي يا متر
سيف : العفو 😏 ومشيوا من عنده وساعتها سيف اتنفس الصعداء
سيف : الحمدلله ريحت البرفان بتاعها يخنق ربنا يكون في عونك يا زين
_____________&
ريتال ؛ بووووسي
بسنت : نعموز
ريتال : عايزه قهووووه
بسنت : لااااا كفايه  عليكي دي كده ثالث واحده
ريتال : معلوووووش
بسنت : ابدا ابدا
ريتال بدلع : بووووووووسي
بسنت : اوووف طيب يا عرفاكي مش هتخلصي زن
ريتال ؛ حبيبتي بقي
بسنت : كليني بالكلام الحلو انا رايحه اعمل القهوه   وسابتها ومشيت وريتال قعدت تضحك وبعدين الباب خبط
ريتال : اكيد دي ياسمين أو بسنت محدش بيعبرني ف ام الشركه دي وبصوت عااالي ادخل
دخل الشخص وريتال بصت عليه واتفجئت
________________&
يا تري مين الشخص ده؟؟؟
المجهول ده هيعمل اي ف زوزو!؟؟؟
سلمي هتخطط لحاجه وهل هي بتحب زين؟!!!
ريتال بتحب زين ولااا؟!!!!!!
زين بيحب سلمي ولا ريتال ؟!!!
زوزو هانم هتعمل اي بعدين ؟؟؟!
سميره سمير هيبقي ليها دور ؟؟
توقعاتكم
#Nemo