لست المذنب

البارت العاشر

لست المذنب
الحلقه العاشره
&--------------&
سلمي : اي يا سيف ف اي
سيف : سلمي أنا عايز أتكلم معاكي في حاجه ضروري
سلمي : خير قول
سيف : بصي أنا مش عارف اتكلم ازاي ولا انا من النوع اللي بيعرف يزوق الكلام وده كله بس ع طول كده انا بحبك يا سلمي
سلمي :نعم سيف بلاش هزار
سيف : انا مبهزرش يا سلمي أنا مبهزرش أنا بتكلم جد
سلمي بمباشرة : بس انا مبحبكش
سيف : اي
سلمي : بص يا سيف متزعلش س انا مبحسش باي مشاعر نحيتك خالص مش بحبك
سيف بمقاطعه : إنتي بتحبي زين صح. سلمي بصتله بصدمه ومتكلمتش
سيف : انتي بتحبي زين بس ازاااي ده وانتوا صغيرين مكنتوش بتحبوا بعض ولا بطيقوا بعض
سلمي : المشاعر بتتغير من واحنا صغيرين لحد ما كبرنا اكيد مشاعرنا هتتغير
سيف مسكها من كتفها : بس انا مشاعري متغيرتش من وانتي صغيره وانا بحبك يا سلمي مشاعري متغيرتش نهائي
سلمي بتفهم : يا سيف صدقني انت اكيد بس عشان كنت واهم نفسك بحبي بس صدقني لو دورت هتلاقي اللي بتحبك بجد
سيف : بس انا بحبك إنتي يا سلمي مبحبش غيرك إنتي حب حياتي
سلمي : أسفه يا سيف بس انا مبعتبركش غير اخويا وبس وانا مش فاكره اني كلمتك أو عملت حاجه تدل اني بحبك
سيف سابها : صح انتي صح انتي ف حياتك ما عملتي حاجه تدل انك بتحبيني انتي من ساعه ما دخلتي الثانوي وعينك ع زين وأنا إللي مسكت ف سراب مش أكتر انا اسف ليكي يا سلمي اسف جدا ليكي
سلمي : أنا إللي اسفه يا سيف لو كنت عملت حاجه تدل اني بحبك وعلقتك كده بس صدقني انا ملحظتش اني عملت حاجه
سيف ؛ خلاص يا سلمي عادي محصلش حاجه
سلمي : ماشي بس بليز يا سيف مش عايزه حد يعرف اني بحب زين
سيف بحرقه : متخافيش يا سلمي إنتي زي وكمل بوجع زي أختي يا سلمي يلا نرجع بقي ورجعوا للشله
#باك
سيف بوجع : اااااه يا ماما لو تعرفي ابنك بيحصل فيه اي؟؟؟ البنت الوحيده إللي حبتها طلعت مبتحبنيش ..... طلعت بتحب زين صاحبي انا مقدرش اقف ف طريقها مقدرش احكم عليها واقولها لا مقدرش اقيدها معايا ربنا يسعدها بس بس ريتال !!!!! وقعد يفكر
سيف : ريتال ريتال بتحب زين هتعمل اي لو عرفت أن صاحبه عمرها بتحب نفس الشخص؟؟؟! وضرب بالكف ع وشه نهااااراسوح !!!!!
___________________&
كريم : ما تنامي بقي
سميره : انام اي يا راجل هو النهارده اي لا مؤاخذه
كريم : ااااه يعني عشان لسه متجوزين وكده
سميره : الله ينور عليك ما أنت بتفهم اهو
كريم : اي اللي أنت بتفهم دي شيفاني غبي ولا اي
سميره : فشرررر بس المهم بقي إحنا لسه متجوزين النهارده وكده
كريم : ااااه لا الصراحه انا مزاجي متعكر وتعبان وعايز انام
سميره بشفه ملويه : تعبان وعايز انام امممم طب نام نام يا كريم وف نفسها قطع الجواز ع إللي اتجوزه بلا نيله
وناموا كلهم
____________________&
ام بقي عند يوسف ونور فهم وصلوا امريكا ولله الحمد كان لسه النهار طالع هناك وراحوا ع البيت وهم تعبانين
نور : مااااااامي. وحضنتها
جيسي : نور حبيبتي وحشتيني
نور : وأنتي كمان يا حياتي وحشتيني اوي اوي مصر كانت نقصاكي
يوسف : وسعي شويه احضن جيسي بقي
جيسي : هههههه جيسي حاف كده وقبل ما تتكلمي يا نور مفيش مامي
نور : هو أنا اتكلمت
يوسف : حبيبتي يا جيسي ده انا لو قولت مامي اكبرك وأنتي لسه قمر اهو
جيسي : وحشتني يا جو
يوسف : وانتي كمان يا قلب جو
جيسي : اي مصر عامله ازاي دلوقتي وريتال اهم حاجه ريتو
يوسف : ماما مصر جميله جدا وريتال كويسه جدا وف وسط اخوها واصحابها
جيسي : يعني كويسه انت متاكد
نور : طبعا متأكدين يا مامي مش هنقولك اي كلام
جيسي : ماشي يا غلسه
نور : لا مسمحش أنا سكرتيره محترمه
جيسي باستغراب : سكرتيره اي اتهبلتي يا حلوه
يوسف : لا يا ماما بس روتيتا عينت نور سكريترك وانتي مسكه مجلس الإدارة وانا همسك الحسابات هنا وهناك
جيسي بدهشه : ريتو  عملت ده واياد مقلش حاجه
يوسف : لا رحب بالفكرة جدا
نور : وزيف هيبقي المحامي بتاع الشركات كلها هيشتغل مع ريتو ف الشركه
جيسي : زيف اي اسمها سيف
نور : زززززيف ويوووزف
يوسف : بس ابت قليله الادب
جيسي : بس بس هتتخانقوا قصادي يلا عشان تاكلوا
نور : انا فعلا هموت واكل نوم
يوسف : Me too
جيسي : ok happy dreams
نور ويوسف : thanks وطلعوا ع اوضهم ناموا وجيسي فطرت وطلعت ع اوضتها تشوف أحد الكتب
_____________________&
اياد وزين وصلوا الاداره وطلعوا ع طول لللواء معتز إللي طلبهم
اللواء معتز بعصبية : ازاي ده يحصل يا حضره الظابط
زين : يا فندم إحنا مش شغلنا اننا نحرسها احنا سلمنها للعداله
اللواء معتز : مش تحرسوها امال قبضتوا عليها لي منظره مثلا
اياد : لا يا سياده اللواء مش منظره ولا حاجه بس حضرتك بنفسك إللي أدانت اجازه مكلفتناش اننا نحرسها
زين : بالظبط المشكله من الحرس والامن إللي كان عليها
اللواء معتز : مهو يا حضره الظابط أنت وهو الامن إللي كان عليها ماتوا
زين وإياد : نعم ازاي
اللواء معتز : هو اي إللي ازاي هو إحنا بنهزر أنا قولتلكم ميه مره ان هي مسندوه من برا
زين : حضرتك عارف كده محبستهاش منفرد لي وزودت عليها الحراسه ها اسف يا فندم بس كل التهم ع رجال الشرطه مش احنا احنا عملنا إللي اطلب مننا مش اكتر
اللواء معتز بغضب : أنت بتعرضني يا حضره الظابط
اياد لتهدئه الموقف : لا يا فندم مفيش حاجه زين بس متوتر زي حضرتك مش اكتر وان شاء الله هنقدر نوصل لزينب ف اقرب وقت
اللواء معتز : ام نشوف يا حضره الظابط اتفضلوا. وطلع زين وهو مدايق ومخنوق واياد وراه
اياد : اهدي بقي اخي انت اي
زين : هتجنن يا اياد انا امي تبقي كده وبعدين هربت ازاي
اياد : اولا كلمه امك دي امسحها خالص اكنها ملهاش وجود أو ماتت عادي ثانياً بقي ده لازم نفكر فيه مش نتهبل كده
زين بصله بشرار اياد رجع
اياد : مقصدش يا ريس يلا ع البيت يلا. ومشيوا وروحوا ع البيت كانوا ياسمين وريتال نايمين ع الكرسي
اياد : ريتو ريتو
زين : سوسو سوسو سمسم
ريتال وياسمين : جيتوا وقاموا من مكانهم
ريتال : اي الاخبار
اياد : تمام بس انتوا نايمين هنا لي
ياسمين : كنا مستنينكم
زين : ملوش لزوم خلاص احنا بقينا ١ بالليل يلا ننام
الكل : اوك. ودخلوا ناموا وخلص يومهم ع كده
____________________&
عدا يومين من غير اي احداث تذكر نور ويوسف نزلوا ع الشركه مع جيسي  ويوسف ساب شغله ف البنك وسيف مبقاش يروح شغله اليومين دول وسلمي مكنتش بتنزل من البيت وريتال وياسمين مستغربين بس بيروحوا شغلهم عادي وحاولوا كذا مره يوصلوا ليها معرفوش وزين واياد اليومين الاجازه اجلوهم وعرفوا أن زينب هربت من البلد
_________&
يوم جديد وصباح جديد واخبار جديده
ريتال : يا كسل
ياسمين : عايزه اي يا بت
ريتال : بت أنا رئيسه مجلس اداره شركات الحناوي للادويه يتقالي بت
ياسمين : بسياماما
ريتال : حاضر يلا قومي عشان نصحي الكساله إللي جوا
ياسمين : بقولك اي ما تصحي اخويا وأنا اصحي اخوكي
ريتال : تؤ تؤ عيب
ياسمين : يا بنتي يلا بس يلا
ريتال : قولت لا ومش هتراجع عن قراري. وبعد عشر دقائق كانت ريتال واقفه قدام اوضه زين
ريتال بهمس : منك لله يا ياسمين دبستيني وده بيصحي إزاي
زين وهو واقف قدام الباب : بتكلمي نفسك
ريتال بخضه : يخربيتك عفريت
زين : عفريت اخرصي ابت وأنتي دبش ع الصبح كده
ريتال : طول عمري أصلا بس أنت متعرفش حاجه
زين : امممممممم ماشي يا اختي بتعملي اي قدام اوضتي بقي
ريتال بارتباك : اااا...انا ...اااااا
زين : هتعدي ااااا كده كتير ولا اي
ريتال : ولا حاجه مكنتش بعمل حاجه
زين بعدم اقتناع : ماااشي ام اروح اشوف اياد
ريتال : ماشي روح. وبعد ما زين مشي
ريتال وهي بتضرب نفسها بالقلم : نهاااراسوح ياسمين هناك وممكن يفتكر حاجه غلط احيييه ام الحق اروح. وجريت بسرعه ع اوضه اياد. ام عند اياد من جوا
ياسمين بلمسه خفيفه ع كتف اياد : اد اياد دودي قوم
اياد بنوم وكسل : عايزه اي يا ريتو
ياسمين : أنا ياسمين مش ريتال   اياد كان هيحط المخده ع راسه بس لم سمع الاسم نط وحدف المخده إللي وقعت ع ياسمين
ياسمين : اااه
اياد : ياسمين إنتي بتعملي اي هنا
ياسمين : أبدا اتجننت وجيت اصحيك
اياد بغمزه : احلي صباح
ياسمين بخجل : احم قوم بقي
اياد : حاضر اتفضلي برا دلوقتي واه تاني مره متدخليش ع حد نايم ف اوضته
ياسمين بخفوت : حاضر   ف نفس الوقت كانت ريتال لحقت زين قبل ما يوصل ع الاوضه
ريتال : زيزوووو
زين بصلها وابتسم : يا نعم
ريتال : نعم الله عليك
زين بحاجب مرفوع : لا والله
ريتال وهي بتبص وراه : ايوه
زين : ماشي يا ريتال ولسه هيتحرك كانت ياسمين طلعت من الاوضه وريتال شافتها
ريتال : ااااااه. زين جري عليها
زين : اي ف اي مالك
ريتال : مش عارفه ايدي وجعتني فجاه. ف نفس الوقت كانت ياسمين سمعت صوت ريتال وبصت لقت زين اتخدت وراحت جري عليها
ياسمين بقلق : ريتال ف اي
ريتال : مفيش عادي
زين بشك : متاكده
ريتال : اه
ياسمين : صباح الخير يا زين
زين : صباح النور انا هروح أشوف اياد. وراح ع اياد كان لبس وطلع
اياد : مسا مسا اباشا
زين : صباحو يلا نفطر بقي
الكل : اوك ونزلوا تحت يفطروا وساعتها وصل سيف
سيف بمزاح : حماتي بتحبني بقي
اياد : اتنيل يا منيل
سيف : حاضر 😂
ريتال : بقالك كتير مبتهظرش يا سيف
سيف : معلش كان عندي برد
ريتال وياسمين : الف سلامه يا سيف
زين واياد : لا والله
سيف : ده انا محبوب الجماهير يا ابني هههههههههههه
الكل: هههههههههههه اسكت
سيف : اي يا جدعان حاااضر. وقعدوا يفطروا مع بعض مع هزار سيف
سيف : الله صحيح انتوا هنا لي يا زين
زين : إحنا هنعيش مع اياد وريتال هنا
سيف : ايون لي
ياسمين : بابا اتجوز ومكنش عايزنا ف البيت
سيف ؛ مش عايزكم لي
زين : ده إللي همك وأنه اتجوز عادي
سيف : ما أنا عارف انه اتجوز
اياد : نعم عرفت إزاي
سيف : اوووبس انا عكيت الدنيا
ريتال : سيف اوع تكون أنت إللي ....
سيف قام من عالكرسي وبعد : ايوه. 
زين : واضح أني همد ايدي
اياد : وانا معاك
ياسمين : وانا هشجع
ريتال : وأنا كمان
سيف : ف اي يا جدعان استهدوا بالله كده
زين جري عليه هو واياد ومسكوه زين وهو بيضربه بالبوكس
زين : ومقولتش ليا لي يا غبي
سيف : أنا كنت فاكر انه قالكم
اياد : لولا أنك قريبي من كل الجهات كان زماني قتلتك
ريتال : لا حاسب وشه عشان محدش يعرف
زين : صح
سيف : بقي كده يا ريتو وقفتي معاهم عليا اخص
ياسمين : بس خلاص كفايه عليه كده   بعدوا عنهم
سيف : تسلمي يا اميره يا بنت الامراء
اياد ضربه ف كتفه ؛ اي اسلوب الشحاته ده
شويه وجرس الفيلا رن والخدامه فتحت ودخلت سلمي
سلمي : هااااي يا جماعه
الكل : هاااي
ريتال : وانتي كمان كنتي مختفيه فين
سلمي: انا كمان اي هو حد تاني كان مختفي
ياسمين : إنتي والأستاذ سيف من اخر مره واختفيتوا
سلمي وسيف بصوا لبعض وبعدين بصوا قدامهم
اياد : ف أي يا جماعه مالكم
سيف : مفيش يا اد همشي انا بقي لان بقالي يومين مروحتش
زين لتلطيف الجو : عشان مضربكش لو عرفت
سيف بضحكه خفيفه : ايوه يلا سلام. ومشي من غير ما يتكلم معاهم
ياسمين : ماله ده
ريتال : تلاقيه مخنوق شويه عادي وبصت لسلمي وحشتيني يا سلومتي
سلمي بابتسامة : وانتي كمان يا ريتو وحشتيني وحضنتها
اياد : ماشي يا بنات احنا هنمشي
البنات اوك. ومشي اياد وزين ع الاداره
ريتال : انا واخده اجازه النهارده وأنتي كمان يلا
ياسمين : اهو ده فايده إللي صاحبتها المديره 😂
ريتال : لا أنا ممكن ارجع ف كلامي 😂😂✋
ياسمين : إحنا اسفين يا صلاح 😂😂😂😂
ريتال وسلمي : هههههههههههه
سلمي بغمزه لريتال : الا اي أخبار اياد يا ريتال كويس
ريتال بفهم : اه كويس اوي والناس كلهم كويسين
ياسمين : اتلمي يا دومه إنتي وهي احسنلك
سلمي : هو إحنا اتكلمنا
ريتال : ولا فتحنا بوقنا
ياسمين : ااه يعني اتفقتوا عليا
سلمي وريتال : ايوووه
ياسمين : ماااشي. وفضلوا يجروا ورا بعض لحد ما تعبوا وبعد مرور ٣ ساعات ملل
ريتال : بقولكم اي ما تيجوا نطبخ
سلمي : فكره بس أنا مبعرفش
ياسمين : ولا انا
ريتال : فاشلين تعالوا ورايا ودخلوا المطبخ
ريتال : خدي الخضار ده واغسليه لياسمين وانتي امسكي البصل ده قشريه لسلمي
سلمي : لا والله اشمعنا انا البصل
ياسمين : يا بنتي أنا القلب انا الحب
سلمي : ما تقطعي انتي البصل انا ع حسب ما اعرف انه بيخلي الست تعيط
ريتال : ودي معلومه صحيحه
سلمي : إنتي بتنرفزيني ولا اي
ريتال : أنا خالص 😇
ياسمين : وانتي هتعملي اي
ريتال : هعمل اللحمه اشتغلي إنتي وهي يلا
سلمي : بس سؤال البصل شرائح ولا إللي بيعملوها مكعبات دي
ريتال : مكعبات!! اه هي المكعبات
سلمي : اهئ اهئ حسبي الله
وقعدوا اشتغلوا وعملوا رز ولحمه وبسله وسلطه
ريتال : الله ينور يا شباب
سلمي : بعيدا عن شباب دي وبعيدا عن البصل اللي ورم عيوني بس اتعلمنا
ياسمين : فعلا بس انتي اتعلمنا منين كده
سلمي : أكيد ماما فريده
ريتال ابتسمت وسرحت
#فلاش
فريده واقفه ف المطبخ بعد ما أمرت الخدم يقعدوا
فريده بصوت عالي : ريتاااااال
ريتال نزلت بسرعه من اوضتها
ريتال : نعم يا مامي
فريده : عايزكي تقطعي البصل اللي هناك ده
ريتال بفزع : نعم بصل اي
فريده : اي إللي بصل اي يا حبيبتي البصل اللي هناك ده
ريتال : ايوه انا شايفه بس انا مش هقطعه
فريده : وده لي بقي
ريتال : يا ماما انا مره دخلت ع الداده وهي بتقطع البصل لقيتها عماله تعيط قولتلها مالك قالتلي ده من البصل فاانا مستحيل اقطعه. وبعد خمس دقائق كانت ريتال عماله تغسل وشها
فريده : ودلوقتي بقي قطعي بصل للسلطه
ريتال باعتراض : لا بصل تاني لا
فريده : هههههه طب تعالي بقي عشان تشوفي الرز بيتعمل ازاي
ريتال : اوك ووقفت جنبها وعلمتها الطريقه
ريتال : الله حلو جدا وبعدين
فريده : وتغطيه بقي لحد ما تلاقي الميه اتشربت من ع الوش قلبي ووطي النار لحد ما الميه تتشرب كلها
ريتال : تمام حاجه تاني
فريده : طبعا لسه فاضل الملوخيه
ريتال : ياااااختي. وعملوا ملوخيه بالارانب وطلعوا برا عقبال ما الأكل يجهز
ريتال : مش احنا عندنا خدامات نفسي افهم مبيعملوش هم لي
فريده : قبل ما انتي واخوكي تيجوا وقبل ما أنا وباباكي نتعرف ببعض كنا ع قد حالنا...كنا ناس بسيطه منعرفش اي هي الخدامه دي كل حاجه كانت احنا إللي بنعملها محدش غيرنا يتدخل في شغل البيت .... الحاجه الوحيده إللي كنا بنجيب حد يعملها لينا خبيز العيش .... مكنتش بعرف اخبز ولا خالتك مياده كانت بتعرف ولا جدتك الله يرحمها ....انما غير كده كنا شايلين مسؤوليه بيت كامل .... اوعي تفتكري ان أنا متجوزه ابوكي وهو عنده الشركه كده لا باباكي وعمك احمد الله يرحمهم بداوها من الصفر ف اجازات باباكي كان بيشتغل في الشركات لحد ما بقي عارف ف شركات كتير وعمك احمد كمان ..... لحد ما ف يوم قرروا انهم يحطوا فلوسهم ع فلوس بعض ويفتحوا شركه خاصه بيهم .... بعد ما فتحوا الشركه دي ابوكي جيه اتقدملي كنت بسيطه لا كان ف ميك اب ولا كان ف لبس ضيق ولا برمودا ولا الكلام ده ..... واتجوزنا وعشنا مع بعض وكاي بيت مش بيخلي من المشاكل كنا بنا مشاكل ف الأول بس بعد كده قدرنا نفهم بعض .... وكان باباكي بيحب ياكل من ايدي جدا لحد ما شرف اخوكي ع الدنيا .... تعبت ومبقتش اقدر اعمل حاجه خصوصا بعد العمليه القيصري عشان كده نقلنا ف الفيلا إللي كنتي عايشه فيها ..... وسافرنا واساسنا شركات اوعي تكوني فاكره أن ف حاجه بتيجي بالساهل لا تبقي بتحلمي بس ف حاجه اسمها الصبر ..... اصبري وهتنولي إللي انتي عايزه
ريتال بملل : خلصتي نفسي افهم بقي اي دخل قصه حياتك انتي وبابا بموضوع الأكل
فريده وهي بتحدف عليها المخده ؛ أمشي يا بت من هنا بنات اخر زمن
نور وهي داخله : منرفزه ديدا لي يا بت إنتي ها
فريده : حبيبتي ازيك
نور : ازيك يا ماما عامله اي
فريده : الحمدلله امال يوسف وجيسي فين
نور : يوسف عنده برد ف قاعد ف السرير وجيسي نايمه
ريتال : وأنتي جايه غلاسه صح
نور : اه 😜
فريده : ههههه ماشي يا شويه عيال استني بقي عشان تاكلي من الاكل إللي عملته ريتال يا نور
نور : مين ريتال لا معلش انا واحده بدرس لسه وصغيره مش عايزه اموت
ريتال : هه خفه ابت
فريده : ولا كلمه هتاكلوا وده اخر كلام. وندهت ع الخدامه وحطت الأكل وقعدوا كلوا
نور : لا الأكل حلو
ريتال : حلو بس ده تحفه يا بنتي
نور : إنتي هتتنكي عشان عملاه يعني
فريده : انا مش هخلص انا هطلع انام تكونوا خلصتوا خناق. ريتاااااااااال
فاقت ريتال من ذكرياتها ع صوت سلمي
سلمي : اي يا بنتي ساعه بننادي
ريتال : سوري يا جماعه. بعد شويه جه زين واياد وسيف اللي اخدوه من مكتبه وحاولوا يعرفوا ماله بس معرفوش يطلعوا بكلمه (محامي بقي😂)
زين : ف ريحه حلوه
اياد : اه ريحه بسله
سيف : وريحه اللحمه
ريتال : أهلا
ياسمين : اتفضلوا
سلمي : اطلعوا
ريتال : اوضكم
ياسمين : وغيروا
سلمي : هدمكم عقبال ما نجهز الأكل ع السفره
زين : أي ده اي ده انتوا اللي عملتوا الاكل
اياد :  لا لا مستحيل ف حاجه غلط
سيف : فعلا
البنات بأمر : يلا
الشباب : حاضر. وطلعوا غيروا هدومهم ونزلوا واكلوا تحت
الشباب : جميللل
ريتال : -_- بتتريق انت وهو
سيف : لا والله جميل جدا
إياد : تسلم ايديكم
زين : وعينكم وقلوبكم وحاجات كتير وغمز لريتال بس مش بس ريتال إللي لاحظت
"اي ده البريق إللي ف عيون زين دي بريق حب زين بيحب ريتال !!! و وريتال وبصت ع ريتال نفس البريق مستحيل "
كان ذلك اللذي دار ف عقل سلمي التي راقبت الوضع بدقه شديده
سلمي ف نفسها : ريتال وزين بيحبوا بعض لا مش هينفع مش هينفع نهائي
اياد : sky sky
سلمي : نعم
اياد : لا ما دام فيها نعم يبقي كنتي سرحانه
سلمي : لا خالص
ريتال : اشمعنا
زين : لان سلمي من صغرها مبتحبش زين يناديها ب sky خالص بتقوله انا إسمي سلمي مش سما
سلمي : يعني ده جزاتي اني مش عايزه اتخانق
ياسمين : لا يا معلم حد اتكلم انتوا اتكلمتوا
الكل : خااالص هههههههههههه
وقعدوا يضحكوا
سيف : تمام انا همشي بقي
سلمي : سيف ممكن تاخدني معاك
سيف : اه مفيش مانع يلا سلام يا جماعه. وسلموا ع الكل ومشيوا
ف الطريق كان الصامت سيد الموقف
سلمي : سيف
سيف : نعم
سلمي : انت مدايق من كلامي اخر مره
سيف : لا طبعا ده بعيد عن ده تمام
سلمي ؛ آمال لي بتعاملني كده ها
سيف بصلها : بعاملك إزاي يعني ها بعاملك بحدود مش اكتر
سلمي : أنت مكنتش بتعاملني كده نهائي اي إللي اتغير
سيف : فوقت وده إللي اتغير واتفضلي وصلنا.
نزلت سلمي من العربيه  وسيف مشي بالعربيه بسرعه لدرجه انها كانت هتتعور
وطلعت ع البيت وهي مدايقه
حمدي : مالك يا حبيبه بابا
سلمي : مفيش يا بابي تعبانه شويه
حمدي : من اي يا حبيبتي
سلمي : مفيش هي ماما فين
حمدي : مامتك دخلت تنام شويه
سلمي : ماشي أنا كمان هدخل انام
حمدي : ماشي بس لو ف اي حاجه عايزه تعرفيها تعالي
سلمي : ماشي ودخلت اوضتها غيرت ونامت
___________________&
زين : مالهم دول
ريتال : ولا أعرف
اياد : بس ف حاجه من ساعه ما رجعنا من الجنينه وهم مش طبيعيين
ياسمين : فعلا أكيد هنعرف
ريتال : ماشي أنا هطلع انام لان عندي شغل كتير اوي بكره
اياد : ماشي يلا نطلع ننام كلنا. وكل واحدطلع ع اوضته ونام
___________________&
فوفا بدلع : بيبي انت لسه زعلان مني
الراجل : انتي كنتي هتودينا ف داهيه يا زوزو
فوفا : خلاص يا بيبي قولتلك انا اسفه
الراجل : لا مهو الاعتذار مبيكونش كده
فوفا بدلع : آمال إزاي
الراجل : تعالي اشرحلك ووو. ونسيبهم براحتهم
_______________&
سميره : اوف يا بابا ده راجل غتت
سمير : يا بت اسكتي هي كلها يومين ويموت ونورث
سميره : ازاي بقي وولاده إللي ف البخت دول
سمير : هنبقي نخلص منهم براحتنا
سميره ؛ اه يا بابا لو كريم عرف كده هنروح كلنا ف داهيه
سمير : متخافيش كل حاجه هتبقي كويسه متقلقيش
كريم : سميرررره
سميره : حاااضر وبصت لسمير معلش بقي يا بابا هطلعه
سمير : ماشي وانا كمان هطلع انام
وسابها وطلع اوضته إللي عملهاله كريم ف الفيلا وهي طلعت اوضه كريم
سميره بدلع : كيمو وحشتني
كريم : وأنتي كمان يا روحي يومك كان عامل إزاي
سميره : كان وحش خالص من غيرك
كريم : وانا جيت اهو يا حبيبتي
سميره : هيهيهيهيهي
كريم : صلاه النبي. (وسكتت شهرزاد عن الكلام المباح)
_________________&
تفتكروا سميره وسمير هيعملوا اي
سلمي ناويه ع حاجه ولا
زين وريتال بيحبوا بعض فعلا
اياد وياسمين هيكملوا مع بعض
كريم هيعرف لعبه سميره وسمير ولا لا
زوزو هيعرفوا يجبوها ومين الراجل ده
توقعاتكم
#Nemo