لست المذنب

البارت السادس والعشرون

لست المذنب
الحلقه السادسه والعشرون
-------------------------&
تاني يوم الصبح قام زين واياد بسرعه وراحوا اخدوا قوه من الاداره بعد ما عرفوهم كل حاجه وراحوا ع المكان ده وبعد مرور ساعه ونصف وصلوا ودخلوا جوا واتصدموا
اياد : فاديه
زين : شادي. شافوا شادي وفاديه وقعين ع الارض وكل واحد مضروب بالنار
اياد : المره دي اتاكدنا ان فاديه عايشه
زين بيبص حواليه : ريتال فين. بصوا حواليهم
اياد : تعالوا ندور ف بقيت البيت. ودوروا ف بقيت البيت بس مفيش حاجه
زين : هتكون فيييين وراح ضرب شادي جامد بالرجل : مراااتي فييين عملتوا فيها اي. اياد شده وهو جواه حزن مكبوت
اياد : سيبه يا زين هو ميت خلاص
زين بصراخ : ريتاااااااااااااااال كل أصحابه بصوا ليه بحزن مفيش وجع زي فقدان الحبيب
اياد ؛ دلوقتي جيسي فين
زين : ريتال هتكون فين. وطلع يشوف برا ف اي مكان حواليهم بس مفيش اثر لريتال وهو زعل
زين : يااارب لي كل مره بتفرقنا ياااارب لي
اياد خرج وراه وحضنه
اياد: أهدي يا زين أنت ظابط بردو وريتال هنعرف نوصلها صدقني
زين : ازااااي مفيش اي دليل لريتال مفيش
اياد : هندور إحنا المهم ناخد الجثث دي للمشرحه يلا. وشد زين وهو جواه عايز يصرخ ع اخته الوحيده واخدوا شادي وفاديه بعد ما جيه الاسعاف وراحوا ع المشرحه
#فلاش بالليل. 
دخلت فاديه ع طول لشادي وهي متعصبه بعد ما امر شادي انها تدخل دخلت ومسكته من القميص
فوفا بغضب : فين بنتي يا شادي
شادي بلامبالاه : المكان عندك دوري
فوفا : انت بتستهبل بقولك فين بنتي
شادي ؛ ف الحفظ والصون
فوفا : لو مقولتش فين بنتي انا هقتلك يا شادي
شادي : جيه دلوقتي عامله فيها الام الحنونه ما إنتي رمتيهم وهم صغيرين جيه دلوقتي خايفه عليها
فوفا : ملكش دعوه بولادي
شادي : وكانوا فين ولادك لم مشيتي ف الدعاره والمخدرات ها
فوفا : بنتي فيييييييين
شادي : والله وبقيتي تعرفي تمسكي المسدس من غيري كان زمانك دلوقتي بتتعذبي ف القبر ولا اي
#فلاش من سنه ف السجن
كانت قعده حزينه ف السجن خلاص عمرها راح متمتعتش بحياتها نهايتها ف السجن دخل عليها احد الحراس وقرب منها وادها فون وهي بصتله باستغراب وخدت الفون وحطته ع ودانها
(جهزي نفسك الساعه ١٢ بالليل هتكوني برا السجن ده ) ده كان نص المكالمه وبعدين قفل وهي ابتسمت وبصت للحارس اللي خد الفون بسرعه وعمل ليها ف الهوا ١٢ ومشي وهي فضلت مكانها فرحانه اكيد ده شادي حبيبها وعدا الوقت وجت الساعه ١٢ الا ربع بالظبط دخل الحارس ده ومعاه شوال كبير ورماه قصدها وفاديه شهقت
فوفا : مين دي.  كانت بنت مشوهه حرفيا ومقتوله نفس جسم فاديه
الحارس : مش مشكلتك يلا ادخلي ف الشوال ده
فوفا : انا أدخل مكان دي ياااي
الحارس : كنت عارف. خبطها بشي حد ع راسها فقدت الوعي ودخلها ف الشوال وشدها ورمها ف عربيه كانت واقفه بعيد عن الاداره شويه
احد المقنعين : عفارم عليك.  ودفع فلوس خد دول اتعابك
الحارس : تشكر يا باشا.  ومشيوا بسرعه فاقت فوفا بعد فتره ع ضوء جامد ف عيونها
شادي : اهلا باستاذه الغباء
فوفا : كنت عارفه اني مش ههون عليك
شادي ضربها بالقلم: إنتي تخرسي خالص ومسكها من شعرها كام مره قولتلك الماضي بتاعك تنسيه هااا فاكراني اهبل يا ........ هاااا
فوفا بخوف ؛ أنا اسفه حرمت والله
شادي : يا عاااااادل
دخل عادل بسرعه : نعم يا باشا
شادي : الكلبه دي لازم تمشي من مصر فورا
عادل : من عنيا يا باشا قدامي وزق فاديه جامد
فوفا : ارحمني يا خولي
شادي : صدقيني موتك ع ايدي يا فاديه. واخدها عادل بعيد
#باك داخلي
فوفا : دي اخره اللي يعمل جميل
شادي : عندك حق. وف ثانيه كان ضربها بالنار بس ف اللحظه دي طلعت رصاصه من مسدس فاديه ووقعوا والدم ينزف بغزاره وانتهت حياه فاديه وشادي (تفتكروا اسكت هاو) دخلت مجموعة من الذئاب الي الداخل لعدم وجود أي احد ف الخارج وقاموا بتمزيق وتقطيع اجسامهم
#باك
________________&
بعد ساعات وصل سيف وسلمي وريتال ع مكان اشبه بالقصر ودلفوا إلي الداخل
سيف : ماااااماااااا رناااااا.  خرجت سيده جميله لا تظهر عليها اي مظاهر من الكبر والشيخوخه بل تكاد تكون انثه ف ربيع شبابها
الام : حمدلله ع السلامه يا استاذ انت وهي
سلمي : سوري يا لولو كنا ف سفاري
هاله : سفاري دي ام ساره تعرف انك وصلتي هطين عيشتك
سيف : ف اي يا لولو مش مراتي بردو
هاله : بس فعليا لا صوريا ايوه
سيف : ما انا قولت جوزونا لبعض انتوا اللي قولتوا بعد الجامعه
هاله : فعلا ما انا اتجوزت بعد الجامعه وبقيت شحت اهو
سيف : جرا اي يا حجه البريستيج راح فين
ريتال : احم. بصت عليها هاله باستغراب
هاله وهي تشاور ع هاله : مين دي
سلمي : ريتال
هاله : ريتال مين
سلمي : صاحبتي
هاله بابتسامة : اهلا يا حبيبتي إنتي بتدرسي مع سلمي وسيف
ريتال : لا انا مخلصه. هاله وهي بتبص لسيف وسلمي بمعني ماااشي
هاله : طب تعالي يا رتيال عايزه اتكلم معاكي شويه
سيف : لولو أنتي مش عندك شغل ف الشركه
هاله : ملكش دعوه جودي وسائر مكاني
سلمي وسيف : اي ده سائر رجع
هاله : ايوه جيه امبارح وانتوا مكنتوش موجودين
سلمي قربت من هاله وباستها من خدها : خلاص بقي يا لولو
هاله : ماشي تعالي يا ريتال   ومشيت ريتال  مع هاله لاوضه المكتب
سيف ؛ اهو ماما هتستخدم الصفه البوليسيه بتاعتها دي معاها وهتخلي البت تموت ف ايديها
سلمي : يبقي احنا لازم نلجئ لي
سلمي وسيف : رناااا. وطلعوا بسرعه ع اوضه رنا إللي كان طالع من عندها صوت دوشه عاليه دخلوا جوا شافوا بنت شابه ف ربيع شبابها وبتجري ع احد أجهزه الرياضه
سيف : رناااا. مسمعتوش من الصوت العالي قربت منها سلمي ووقفت قصدها بسرعه
رنا : اعاااا. وفقدت التوازن بس سيف لحقها ومسكها
رنا : سيفو. وحضنته
سيف : عامله اي يا رورو
رنا : كويسه وبصت لسلمي وف ثانيه كانت عليها وبتعضها
سلمي : ااااه اسفه اسفه ااااه. سيف شد رنا بعيد عن سلمي
سيف : يا متوحشه هتاكلي البت ده أنا ملحقتش اعيش معاها يومين
رنا : بقي بتخدني انا ماااشي
سلمي : مانتي طارشه ومش سامعه حاجه
رنا : مااااااشي يا حوله يا شوله
سيف : يخربيتك اسكتي ده أنا كنت مرتاح من زنك
رنا : طبعا ما انت مع حبيبه القلب خلتك تنسي توأمك اهئ اهئ
سيف : طب بمناسبه انك توأمي عايز منك خدمه
رنا : تدفع كام
سلمي : مش إنتي لسه قايله أنه توأمك
رنا : لا يا حياتي توأمي ع عيني وراسي انما ف الخدمات معرفش حد واكملت بضيق حتي هاله واسر
سيف : بابا وماما فين نسيتيها وبعدين بتقوليه من سنانك لي
رنا : اخلص ياسيف عايز اي
سيف ؛ ماشي عايزك تنزلي مع ماما وو
رنا مقاطعه : لا معطلكش شوف غيري
سيف : ف اي يا رنا ما خلاص ده حوار قديم
رنا : لا مش قديم امك كل مره بتشوفيني بحس انها بتلومني ع حاجه انا مكنش قصدي فيها
سلمي : احم طب انا هنزل. وسابتهم ونزلت
سيف : ده احساسك إنما احنا عارفين أنه مش بسببك
رنا : امشي يا سيف
سيف بصدمه : نعم
رنا : بقولك اطلع برا اوضتي   طلع سيف وهو مدايق من معامله اخته اللي اتغيرت هو حاسس بيها لانها توأمه هو طلع وهي قفلت الباب وراه وقعدت تعيط  وقامت طلعت صوره صغيره من جيبها بصت عليها وشالتها
رنا ببكاء : يارب انا مكنش قصدي حاجه والله    وقعدت تعيط
نزل سيف تحت ولقي سلمي واقفه جنب باب المكتب ومفيش صوت واضح
سيف : اه يا سوسه بتتصنتي ع حماااتك امال لم تتجوزي وتبقي ف البيت هنفضحينا ع السوشيال ميديا
سلمي : بس افصل الله يحرقك
سيف بابتسامه مستفزه : تو جيزر يا روحي تو جيزر
سلمي : بااارد
سيف : عااارف
سلمي : عملت اي مع رنا
تحولت ملامحه بحزن : بردو لسه زي ما هي
سلمي : وبعدين هنعمل اي
سيف : معرفش. وفجاه سمعوا صوت ضحك من المكتب
سلمي : انا سمعت صح
سيف : تقريبا. وطلعت هاله وهي حاضنه ريتاال وريتال مبتسمه
سيف بمزاح : أستغفر الله حرام ف الحرام الجزء العاشر
هاله : بس يا ولا من النهارده ريتال تعتبر بنتي واختكم وهنساعدها انها تبقي مذيعه كبيره
ريتال : بجد شكرا ليكي اوي يا طنط
هاله : لا طنط اي بقي ده انا لسه صغيره تقدري تقولي لولو
ريتال : ماشي يا لولو
هاله : حيث كده بقي انا مش رايحه الشغل وهقعد معاكم
سيف : الله عليكي يا ريتو خليكي هنا بقي
سلمي : لولو مبتقعدش ف البيت
ريتال : اي خدمه
هاله : رنا راحت الجامعه
سيف : لا
هاله : وبعدين بقي رنااااا رنااااا  سمعت صوتها ونزلت
رنا : نعم
هاله : مروحتيش جامعتك بس
رنا : تعبانه
هاله : مالك يا حبيبتي أخلي بابا يكشف عليكي
رنا : متشكره. وكانت هتطلع بس لفت نظرها ريتال إللي بتبص ليها
رنا : مين دي
سلمي : دي ريتال صحبتي
رنا : اه اهلا
ريتال : اهلا.  رنا سبتهم وطلعت أوضتها وهاله اتنهدت بحزن
سيف لتلطيف الجو : الوووو جعااااااان
سلمي : شبه خالو محمد
سيف : مش عجبك طلقني
سلمي : طب روح وانت طالق
ريتال : ههههههههه متنسيش ان لي مؤخر ونفقه وفلوس العيال اه
سيف بصوت ناعم : قولي لها ياختي
سلمي بصوت خشن شويه : انا قولت أني طلقتك يقطعني ده انت حبيبي
الكل : ههههههههه
هاله : طب يلا.  ومشيوا وريتال وراهم إللي بقالها كتير مضحكتش من قلبها كده
ريتال ف نفسها : هتوحشني يا زين بس ده عشان مصلحتكم
__________________&
وصل زين ع البيت ووراه اياد وع وشهم علامات الحزن والكل جري عليهم
يوسف : ها لقيتو ريتال
سيف : لقيتوها
ياسمين : ريتاال فين. بس زين ساكت
نور بصوت شبه عالي : اختي فين
اياد : ريتال اختفت مش موجوده ريتال مش موجوده.  الكلام وقع عليهم بصدمه وزين سابهم وطلع اوضته من غر ما يتكلم
بسنت : ازاااااي
اياد بصوت مخنوق من الدموع : لقينا شادي وفاديه مرمين ع الارض ومضروبين بالنار وجسمهم متشوه بس ملقناش ريتال دورنا عليها ف كل مكان بس ملهاش اثر
يوسف : يعني ريتال فيييين راااحت فييين
اياد بصراخ : معرفش معرفش انت فاكر اني مش مدايق انا مدايق اكتر منك
نور : انتوا السبب كان لازم تسيبوا معاها حراسه أو تسيبوا حد هناك
اياد : انتوا تسكتوا خالص مش عايزه اسمع صوت نهااائي.  وطلع برا الفيلا وياسمين طلعت وراه لقيته قعد ف الارض وعيط قربت منه وحضنته وهو دفن راسه ف صدرها وعيط
ياسمين : عيط يا اياد عيط يا حبيبي وفضلت تملس ع شعره
اياد : اختي رااحت مني مقدرتش احميها ولا اجيب ليها حقها مبقاش ليا حد يا ياسمين أختي معرفش فين راحت فين معرفش انا حااسس اني متكتف مش قادر اعمل حاجه
ياسمين : حبيبي إحنا معاك انت مش لوحدك وريتال أن شاء الله هتكون كويسه متخفش عليها ريتال اكيد كويسه اكيد. فضلوا قاعدين ع الحال ده.
ف الفيلا نفسها نور عيطت هي وبسنت
نور : خلاص كده مش هشوف ريتال تاني هي وماما راحوا حتي ماما معرفش فين معرفش كل حاجه راحت
يوسف : انا السبب أنا إللي بعدت عنها وموقفتش جنبها انا السبب
لسه هيتكلموا سمعوا حاجات بتتكسر فوق
سيف : زين    طلعوا كلهم بسرعه ع فوق
زين : لييييييييييي اشمعناااااااااا انااااااااا لييييي مش مكتوبلي افرح لييييييييييي. وكسر إللي يجي تحت ايده
سيف بخبط من ع الباب : زين أنت كويس   وجيه يفتح الباب لقاه مفتوح دخلوا جوا لقوا زين عمال يكسر ف الحاجه وعينه حمرا زي الدم
يوسف : زين اهدي اهدي
بسنت : ايده بتنزف
زين : انا بكره نفسي انا بكره نفسي انا انسااااان حقيييير جرحت اكتر واحده حبتها وحبتني أنا واااحد حقيييير. وكسر كل حاجه ف الاوضه وقعد يتنفس جامد وسيف قرب منه بس زين منعه باشاره من ايده
زين : اطلعوا براااا
نور : زين
زين: اطلعوااااااااا براااااااا. طلعوا كلهم برا وزين قعد ع الارض وصرخ بعلو صوته
زين : ريتااااااااااااااااااااااااااااااال   الكل سمعوه بس مقدروش يعملوا حاجه ونور وبسنت دخلوا ف اوضه لوحدهم وسيف ويوسف نزلوا تحت وهم زعلانين
____________________&
ف مكان تاني دخل شخص ملثم ع جيسي اللي وشها عباره عن لون اصفر
الشخص : قومي معايا
جيسي : انت مين
الشخص : مش مهم انا مين تعالي معايا
جيسي بخوف : هتوديني فين
الشخص : همشيكي من هنا ثقي فيا.  وفكها وهي بصت ليه بخوف وبعدين قامت معاه وطلعوا من المكان ده ومشيوا
___________________&
(تم القبض ع شادي الخولي بعد معاناه طويله مع الشرطه وتخطيط طويل وتم العثور ع جثه المتهمه فاديه بعد إكتشاف انها لم تقتل بلا انها كانت مامره لخدعه الشرطه نشكر جيشنا العزيز )
كان هذا ما قيل في احد برامج الإعلام المسائيه قرئته ريتاال بفرحه عارمه
ريتال بفرحه : اخيرا خلصت من لعنه شادي ده يا ساااتر
صوت من وراها : إنتي مين يا حلوه
ريتال بصت وراها برعب لقت شخص يوجد ف شعره بعض الخصلات البيضاء ولكنه لسه بوسامته المعهوده
ريتال : انا.
هاله : حبيبي حمدلله ع السلامه التفت اليها اسر بشوق فهي من اسرته وليس هو هو من وقع اسير ف حبها اوقعته بمكرها النسائي
اسر : حبيبتي وحشتيني اووووي
هاله : يا سلااام
اسر : إنتي عارفه يا لولو بس مين الحلوه دي ش
هاله : دي ريتال
أسر : فهمت انا كده
هاله : هفهمك بعدين
اسر : ماشي انا اسر
ريتال : أهلا انكل
اسر : ههه هه ده أنا بقالي زمن نفسي اسمع انكل دي بس ما علينا تقدري تقولي بابا
ريتال : بابا 😮
اسر : اه مالك لو مش عجبك ممكن سوسو عادي
هاله : لا والله سوسو
ريتال : لا مش القصد بس متعودتش اقول لحد بابا
أسر باستغراب : لي مكنتيش بتقولي لابوكي كده
ريتال بابتسامة حزينه : أنا بابا اتوفي وانا لسه مولوده
أسر : انا اسف يا ريتال
ريتال : عادي ولا يهمك يا سوسو
هاله بغيره : ريتال اطلعي فوق يلا
اسر وريتال ضحكوا وريتال مشيت ع الاوضه إللي خصصتها ليها هاله بس عدت من جنب اوضه وسمعت شهقت بكاء واستغربت وقربت اوي
سيف من وراها : بتعملي اي
ريتال شهقت برعب : الله يخربيتك قطعت الخلف
سيف : منك لله بتخربيه ده أنا ملحقتش ادخله
ريتال : ما انت إللي خدتني
سيف : ومحدش قالك يا حلوه عيب تتجسسي ع الناس
ريتال : انا مكنتش بتجسس
سيف : امال كنت بتحضني الباب
ريتال : انا سمعت صوت عياط مش اكتر
سيف بص ع الباب واتنهد
ريتال : هو ف اي ورا الباب
سيف : دي أختي رنا إللي شوفتيها الظهر
ريتال : مالها
سيف : مفيش يلا يا كميله روحي ع اوضتك
ريتال : انا أكبر منك ع فكره
سيف : اتكلي ع الله يا حجه باااي. وسابها ومشي وريتال بصت ع الباب ومشيت
تحت
اسر : غيرانه
هاله : عايزها تقولك سوسو
أسر : وفيها اي دي قد ولادي
هاله : بقي كده ماشي. وجت تمشي بس هو مسكها من ايدها ولفها ليه وباسها ع جبينها
أسر : انا مفيش ف قلبي في قلبي غير اثنين
هاله بغضب : يا سلام ومين بقي
أسر بحب : انتي وام ولادي
هاله ابتسمت بحب وحضنته : انت بتحسسني اني لسه صغيره
أسر : مانتي لسه زي العسل اهو
هاله : بس بقي لريتال أو حد من الولاد يشوفنا
اسر : اه بقي مين ريتال
هاله : تعالي وطلعوا ع الاوضه الخاصه بيهم وحكتله كل حاجه
اسر : يا حرام دي اتعذبت
هاله : فعلا عشان كده هخليها تقعد معانا
اسر : ماشي يا قلبي تعالي بقي عايزه اقولك حاجه
هاله : اي
اسر : تعالي بس
ونسيبهم يناموا بقي الله
ف اوضه رنا قاعده وبتعيط
#فلاش
سيف ورنا بقي عندهم ١٤ سنه ف يوم تبعت هاله فجاه ووقعت من طولها
سيف ورنا : ماما. وجريوا عليها واسر كمان ومن خوفه نسي انه دكتور واتصل بدكتور زميله وبعد فتره جيه الدكتور وكشف عليه
الدكتور : اطمن يا اسر مفيش داعي للقلق ده
اسر : هي فيها اي
الدكتور : ابدا يا سيدي حامل بس
اسر بفرحه : بجد
الدكتور : ايوه.
اسر حضنه : شكرا اوي اوي
الدكتور : ع اي بس الف مبروك ليك وللمدام عن اذنك. وطلع برا واسر قعد جنب هاله وفضل باصص ليها بحب وبعد فتره فاقت
اسر : مبروك يا روحي
هاله : ع اي
اسر : ف ضيف جديد هينضم لعائلتنا
هاله بفرحه: انا حامل
اسر : ايوه مبروك يا حياتي
هاله : أنا مبسوطه اوي
اسر : وانا كمان. دخلت رنا وسيف
اسر : يلا يا ولاد جاي ليكم اخ جديد ف السكه
رنا وسيف : ماما ف بطنها نونو
هاله : ايوه
رنا : انا مش عايزه النونو ده
اسر بصلها بصدمه : لي بتقولي كده
رنا : انا مش بحبه
هاله : حبيبتي هو لسه جيه لم يجي هتحبيه
رنا بصراخ : مش عايزاه. وسابتهم ومشيت
سيف : اسف هروح اشوفها ومشي وراها الاوضه
سيف : ف اي يا رنا
رنا : انت مش سمعت ماما حامل
سيف : وفيها اي
رنا : فيها أنه هياخد الحنان اكتر مننا
#باك
عيطت وقامت غسلت وشها ونامت
___________________&
ف الفيلا
زين قعد ع السرير وضمد الجرح ولقي اياد دخل عليه
اياد : أن شاء الله خير يا زين اختي عايشه اكيد
زين : وانا متاكد انها عايشه ريتال استحاله تموت وتسبني
اياد : لازم تبقي قوي عشان تقدر توصلها
زين : حاضر وسمعوا صراخ من تحت نزلوا بسرعه لقوا جيسي واقفه وياسمين بتصرخ
جيسي : اي ف اي إنتي مين
ياسمين : انتي اللي مين وعامله كده لي.  ماما
قالتها نور اللي راحت واترمت ف حضنها
نور : ماما حبيبتي انتي كويسه
جيسي : ايوه يا حبيبتي كويسه
يوسف : عملك حاجه اذاكي ومال وشك عامل كده لي
جيسي. : انا كويسه بس عايزه اشرب بس
ياسمين : اه ثانيه وراحت تجيب المايه ورجعت لجيسي إللي دخلت لجوا والكل واقف حواليها
زين: حمدلله ع سلامتك
جيسي : زين مش كده
زين : ايوه
جيسي : اه ريتال حكتلي عليك ما شاء الله كبرت يا اياد
اياد : شكرا
يوسف : أنتي جيتي ازاي
جيسي : واحد دخل ملثم وخرجني جابني هنا
ياسمين : الحمدلله أن حضرتك كويسه
جيسي بتبص حواليها : ريتاال فين
الكل سكت
جيسي : ف اي ريتال فين يا نور
اياد : ريتال مختفيه
جيسي بصدمه : اي انت بتقول اي
زين : دي الحقيقه يا جيسي. ريتال ملهاش اثر
جيسي : معقول ابوكم اذاها. وجهت الكلام لنور ويوسف اللي اتصدموا جامد
نور ويوسف : ابونا
ياسمين وسيف واياد وزين : ابوهم
__________________&
تفتكروا هيحصل اي
إللي عنده اسئله يبعتها
توقعاتكم
#Nemo