لست المذنب

البارت الحادي عشر

لست المذنب
الحلقه الحاديه عشر
$-----------------$
عدا شهرين وريتال وزين قربوا من بعض أكتر واياد وياسمين نفس الشئ وسيف بقي كويس وشال سلمي من تفكيره نوعا ما خلاص وسلمي دلوقتي بتحاول تعمل اي حاجه عشان تفرق ريتال عن زين حتي لو ع حساب صاحبتها ونور ويوسف اتهبلوا أكتر وجيسي قدرت تتاقلم مع شغل الشركه وبسنت بقت صديقه مقربه للعائله وكريم مبيعملش سميره زي الاول إللي خلاها اتغاظت هي وابوها وزوز هربانه لسه
ياسمين : صباح الخير
ريتال وزين وإياد ع السفره : صباح النور. ونزلت قعدت معاهم
ياسمين : ريتو ريتو
ريتال : ما دام فيها ربتو يبقي في طلب
زين : نفطر الاول طب هنرغي ع الصبح
ريتال : غتت
زين : زيك
اياد : قوموا اضربوا بعض قدامي يلا
زين وريتال وقفوا واياد وياسمين بصوا ليهم باستغراب
ياسمين باستغراب : اي ده
زين : هنضرب بعض
اياد وياسمين بصوا لبعض وانفجروا من الضحك
اياد : اقعد اقعد يا حضره الظابط المحترم اقعد
ياسمين : اقعدي يا ختي. وقعدوا وهم بيضحكوا وفطروا مع بعض
ريتال : ها عايزه تقولي اي
ياسمين : بصي أنا مش هقدر اجي الشركة النهارده
ريتال باستفهام : لي
ياسمين : تعبانه شويه
زين بقلق : مالك يا حبيبتي فيكي اي
ياسمين : مفيش يا زوز بس جسمي متكسر شويه
إياد : ف اي طب نطلب الدكتور
ياسمين : والله مفيش لزوم عادي
ريتال : ماشي يا ياسمين براحتك
ياسمين : احم هو أنا ممكن اطلب منك طلب يا ريتو كمان
ريتال : لا ده إنتي داخله ع طمع بقي
ياسمين : حاجه زي كده
اياد : قولي يا بنتي
ياسمين : انا ليا حاجات ف الفيلا بتاعت بابا كل ما أكون عايزه اجبها اكسل او انسي
زين : تمام روحي جيبيها ريتال مالها بالموضوع
ياسمين : مهو انا مش عايزه اختلط مع الوليه إللي هناك دي
زين : تمام هبقي انا اروح اجبلك حاجتك
ياسمين بسرعه : مش هينفع خالص تروح انت
اياد : اشمعنا
ريتال: خلاص يا جماعه ف اي هبقي اجبهالك وانا راجعه من الشغل
ياسمين : حبيبتي يا نااس
اياد ' صحيح يا ريتال هتعملي اي ف الشركه
ريتال : ازاي يعني مش فاهمه
اياد : الدراسه بعد اسبوعين
ريتال بصدمه : نععععععععم
زين : إنتي مكنتيش تعرفي
ريتال : خااااالث
ياسمين : احييييه ده أنا والبت سلمي مجبناش النتيجه
ريتال : وأنا معرفش عملت اي
زين واياد بصوا لبعض وابتسموا
ياسمين : اي ف اي
زين : انتي وسلمي وريتال نجحتوااا
ياسمين وريتال بفرحه : بجااااد
اياد : اه والله
ياسمين وريتال حضنوا بعض جامد
ريتال : بس ثانيه واحده عرفتوا منين
اياد : قبل ما يوسف يمشي قالي أن النتيجة بتاعتك طلعت ولم سافر بعدها بيومين بعتلي رساله ع الميل وفيها كله جيد جدا
ريتال : الله حلو بس مقاليش لي الدزمه ده
اياد : قولتله انا هقولك بس بسبب القضيه وكده نسيت
ريتال حضنت اخوها وياسمين كذالك
ريتال : اشطا بقي هروح الشركه وأنتي متقوليش حاجه لسلمي عقبال ما اجي
ياسمين : اشي هقعد انا بقي اشوف اي حاجه
ريتال : تمام وانا مش هتاخر يلا بااااي. ومشي الكل ع شغله
________________&
سميره : رايح فين يا كيمو
كريم : يوووووه  هو أنا عيل صغير قدامك مثلا
سميره : ف اي هو أنا عملت حاجه
كريم : متقعديش تسالي رايح فين وجي منين كتير
سميره : انت حر مع السلامه. وسابها ومشي
سمير : ده اي الراجل الحنقه ده
سميره : كانت جوازه سودا
سمير : معلش هانت
سميره بنفخ : يا مسهل
_______________&
وصلت ريتال الشركه وسمعت اثنين موظفين
الموظف 1: يا ابني دي قمر
الموظف 2 : فعلا قشطه كده
الموظف ١ : لو كل الناس عندهم مديره زي إللي عندنا مكنش حد غاب من شغله
الموظف ٢ : معاك حق بيقولوا كانت عايشه ف امريكا
الموظف ١ : ما طبعا الجمال ده هيجي من مصر ريتال راحتلهم
ريتال : صباح الخير. الموظفين اتفزعوا
الاثنين : اااااا صباح النور
ريتال : امممم اسمك انت وهو
موظف ١ : محمد عطيه
موظف ٢ : شحاته ابو الحسن
ريتال : تمام خصم اسبوع عشان التعدي وقله الأخلاق
موظف ١ : انا اسف يا انسه
موظف ٢ : صدقينا مش هتتكرر. ريتال بصتلهم ومشيت ع مكتبها
بسنت : صباح الخير يا ريتال عامله اي
ريتال بابتسامة : صباح النور الحمدلله
بسنت : يديم الحمد يا حبيبتي
ريتال : يارب اه ف اثنين اسمهم تقريبا عطيه شحاته ومحمد ابو الحسن
بسنت : هههههه محمد عطيه وشحاته ابو الحسن
ريتال : هو ده
بسنت : ودول مالهم
ريتال : ناس قليله الادب بيعاكسوا ف الموظفين هنا عشان كده هيتخصم منهم لسبوع
بسنت : تمام
ريتال : بعتي ميل ميل لمدام جيسي مديره الشركات إللي برا تقوليها تبعت يوسف عشان تراجع الحسابات لأنها ف الوقت الحالى مشغوله
بسنت : ايوه حاجه تاني
ريتال : فنجان قهوه وتبقي عسل خااالص
بسنت : أمشي يا بت من هنا
ريتال : هههههههههههه
وراحت بسنت عشان تعمل القهوه للريتال وريتال قعدت تراجع ف الورق
________________&
ف البيت جيسي قاعده ف مكتبها بتراجع شويه اوراق للشركه
جيسي بصوت عالي : نور تعالي ع مكتبي
نور : اوك. وقامت وراحت ع المكتب
نور : نعم يا ماما
جيسي : دلوقتي انتي هاتولي مع يوسف مصر عشان تراجعوا الحسابات مع ريتال لأنها اكيد مش هتعرف تيجي هنا
نور : تمام وانا كنت هكلمك ف الموضوع ده ريتال بعتت ميل بتقول فيه نفس الشئ
جيسي : تمام ظبطي إنتي ويوسف نفسكم وكمان تراجعي مع سيف مشكله الراجل ده
نور : تمام بعد اذنك
جيسي : روحي. وطلعت نور ع اوضتها
جيسي جوا : الله يرحمك يا فريده
#فلاش
دخلت جيسي جوا ف المكتب كانت فريده مستنيها
جيسي : خير يا ديدا ف اي
فريده : خير يا جيسي اقعدي
جيسي : اي ف اي فيكي حاجه ريتال فيها حاجه
فريده : يا بنتي اهدي والله احنا كويسين
جيسي : آمال ف اي
فريده : انتي عارفه اني كبرت وكده وبقيت مش مركزه كتير ف شغلي عشان كده انا عايزاكي معايا ف الشركه
جيسي بدهشه : انا
فريده : ايوه إنتي إنتي الوحيده إللي اقدر اثق فيها يا جيسي
جيسي : بس أنا معرفش
فريده : ولا انا كمان كنت اعرف واتعلمت هتتعلمي عادي
جيسي بمزاح : بس لو الشركه وقعت مليش دعوه
فريده بمزاح : انتي إللي سرقتيها ع طول ههههههههه
#باك
جيسي مسحت دموعها بسرعه وكملت شغلها ام برا ف يوسف راح لنور اوضتها
يوسف : نيون
نور : نعم يا يوزف
يوسف : متقوليش يوزف
نور : وأنت كمان متقولش نيون
يوسف : تمام متعرفيش ماما فاضيه ولا لا
نور : ايوه فاضيه واه صحيح ابقي احجز ليا أنا وأنت تذاكر لمصر
يوسف : اشمعنا
نور : هننزل مصر عشان تراجع مع ريتال حسابات الشركه
يوسف : وانتي
نور : وأنا ف عندنا مشكله واحد هنا مصمم ياخد فلوس مش بتاعته اصلا
يوسف ؛: امممممممم ماشي أنا هدخل لجيسي هانم
نور : تمام وخبط علي الباب
جيسي : اتفضل. دخل يوسف جوا
جيسي  : خير يا جو ف اي
يوسف : ماما انا وانا براجع الحسابات من شويه لقيت حاجه غريبه
جيسي : خير ف اي
يوسف : ف الشهرين اللي فاتوا لاحظت أن ف اثنين موظفين مش موجودين أساسا بس بياخدوا فلوس
جيسي باهتمام : إزاي يعني
يوسف : اي إللي إزاي يا ماما ف شخصين وهميين ملهمش وجود
جيسي : معني ذلك المحاسب اللي كان هنا كان حرامي
يوسف : بالظبط ف أنا هشيل ده نهائي وهتكلم مع سيف
جيسي : تمام روح انت ونور يلا انا من شويه حجزتلكم التذاكر بعد ساعه
يوسف : ماشي يا ماما هتوحشيني
جيسي وانت كمان يلا باااي. وسابها وطلع وراح لنور
نور : ف اي
يوسف : تعالي معايا
نور : هنروح فين
يوسف : ماما اقصد جيسي قالت اننا نروح نجهز هدوم عشان هنروح المطاربعد ساعه
نور : بجد
يوسف : يعني ههزر يا نور بلا انجزي
نور : اوك هدخل اسلم ع ماما الاول ونمشي
يوسف : روحي. وقامت راحت سلمت ع جيسي ومشيت هي ويوسف يظبطوا هدومهم
_________________&
عدا  الوقت ف الشركه ريتال قعده ع الكرسي وقدامها اللاب بتاعها وشغاله
بسنت : ريتو
ريتال. : اي يا بوسي
بسنت : الشركه ردت علينا وحاليا هم متجهين ع المطار
ريتال : بجد
بسنت : ايوه
ريتال : تمام كده بعتبر الساعه ١٢ دلوقتي ف إجتماعات ولا حاجه
بسنت : بكره ف اجتماع الساعه ١ مع الوفد الروسي
ريتال : روسي اممممم تمام
بسنت : تمام
ريتال : أنا ينفع أمشي دلوقتي بقي
بسنت ؛ اه تمام.
ريتال : ماشي باي. وجهزت حاجتها ومشيت. وهي ف الطريق اياد اتصل بيها
ريتال : الوووز
اياد : يا هلااا
ريتال : لخص
اياد : انتي فين
ريتال : انا دلوقتي رايحه لبيت ياسمين
اياد : تمام خدي بالك من نفسك
ريتال : اشطا بااااااي. وقفلت معاه واتصلت بياسمين
ياسمين : هااي
ريتال : انجزي عايزه اي من الفيلا
ياسمين : حبيبتي يا ريتو ده انا كنت نسيت
ريتال : اي خدمه يلا قولي بقي
ياسمين : احم بصي أنا عايزه ......و.......و.......
ريتال : امممممممم ماشي حاجه تاني
ياسمين : لا ميرسي حبك
ريتال : وانا كمان مع السلامه وقفلت معاها ووصلت ع الفيلا
البواب : ازيك يا ست ريتال عاش من شافك
ريتال : ازيك يا راجل يا طيب
البواب : الحمدلله
ريتال : انكل كريم موجود
البواب : البيه مش موجود والراجل الثاني دي مش موجود بردو إللي موجود الست هانم
ريتال : امممم ومتعرفش اسمها اي
البواب : سميره يا هانم
ريتال : سميره امممممممم تسلم يا راجل يا طيب
ودخلت جوا ع الفيلا
سميره : إنتي بتعملي أي هنا
ريتال : وأنتي مالك
سميره : أنا صاحبه البيت هنا
ريتال : صاحبته ده عند انكل كريم إنما مش عليا يا حلوه
سميره : وانتي جايه لي جايه تسرقي حاجه من الفيلا. ريتال ضغطت ع ايديها جامد
ريتال لنفسها : ريلاكس ريلاكس مش دي اللي تنرفزك ريلاكس واتنفست وبصتلها
ريتال ؛ وسعي من وشي بقي. وزقتها وطلعت ع فوق وفضلت تشوف الاوض لحد ما دخلت اوضه زين
ريتال: نهااار دي اوضه زين ام اطلع أحسن. ولسه هتقفل الباب بس ام اشوف ف اي. ودخلت ببطئ الاوضه لقته معلق صور ليه ع الحيطه
ريتال بابتسامة : مغرور بس قمر
وفضلت تقلب ف حاجته وهي بتقلب وقعت صوره
ريتال بفضول : صوره اي دي ونزلت جابتها وكانت الصوره بتاعتها وهي صغيره
ريتال بدهشه : هااااا دي صورتي وأنا صغيره هي لسه معاه  ومسكت الصوره حطتها ف مكانها تاني وهي فرحانه انه كان فاكرها ومسكت البرفان بتاعه
ريتال : الله ريحته حلوه اوي. أنا هخليه معايا ومحدش هيعرف. وشالته ف شنطتها. وقعدت تقلب ف حاجته وبعدين طلعت من الاوضه ودخلت اوضه ياسمين
ريتال : ياسمين وشقاوتها وكانت الاوضه عباره عن لون روز ودباديب كتير وميك اب
ريتال : هههههههههههه انا هاخد كل ده اااه يا ايدي.
وطلعت الشنط من المكان إللي قالت عليه ياسمين وابتدت تلم هدوم وتلم الدباديب والاكسسوارات والميك اب وخلصت بعد نص ساعه. ونزلت تحت ولقت واحده ساعدتها أنها تشيل الشنط وهي نزله
سميره : استني عندك
ريتال ف نفسها : ع راي المثل يا مصبر الوحش ع الجحش
ريتال : نعم
سميره : اي اللي ف الشنط دي
ريتال : يا ستي انتي مالك جيباهم من اوضتك
سميره بغضب : اتلمي يا بتاعه إنتي
ريتال : يااادي اليوم. الاسود عايزه اي
سميره : هفتش الشنط دي لتكوني سارقه حاجه كده ولا كده
ريتال بغضب : نعم يا عنيا
سميره : نعم الله عليكي يا حبيبتي حكم انا الشويتين دول ميجوش عليا ممكن يدخلوا ع كريم اه إنما عليا لا
ريتال : بقولك اي ابعدي عن وشي الساعه دي احسنلك
سميره : وان مبعدتش
ريتال قربت منها ومسكت ايدها جامد اووي
سميره : ااااه ايدي ابعدي. بس ريتال مصممه وعماله تدوس ع ايديها
ريتال : قولتلك ابعدي عن طريييقي. وزقتها جامد وقعتها ف الارض وبصتلها ومشيت وسميره قاعده بتعيط وهي طالعه لقت
ريتال بدهشة : زين
زين : اركبي يلا
ريتال بفرحه : اوك وحطت الشنط ف العربيه ومشيوا
ريتال : جيت لي
زين : عادي كنت عايز أتكلم معاكي شويه فعرفت من اياد انك هنا فجيت ع هنا بس اي الصوت اللي كان جوا ده انا كنت لسه هدخل بس لقيتك طلعتي
ريتال ابتسمت لم افتكرت إللي عملته ف سميره
ريتال : ولا حاجه فكك
زين : اوك
ريتال : هنروح فين بقي
زين : امممممممم اي رايك نروح ع الجنينه
ريتال : -_- جنينه دلوقتي يا زين
زين : خلاص هنروح ناكل ونشرب عصير وناكل ايس كريم ونروح الجنينه
ريتال : امممممممم طيب. ووصلوا ع المطعم وطلبوا الأكل
ريتال : كنت عايز تتكلم معايا
زين : ايوه بس لم نروح الجنينه
ريتال : يخربيت الجنينه هو إحنا كل يوم هنروح الجنينه يا زين
زين : بحبها يا روتي الله
ريتال : امممممممم ماااااشي. وقعدوا كلوا وشربوا عصير ومشيوا راحوا ع الجنينه
ريتال : ادينا جينا اهو اي بقي
زين : مش الاول نقعد كده وناكل ايس كريم
ريتال : مش عايزه اكل ايس كريم ميرسي
زين : بس انا عايز ثواني وجي. وراح يجيب ايس كريم ورجع
ريتال : هات واخدت الايس كريم وقعدت تاكله
ريتال : وادينا كلنا الايس كريم اي بقي
زين : امممم تشربي عصير
ريتال بصراخ : يخربيت كده اقعد يا زيزو اقعد هتفرقع ا حبيبي
زين : اوووف طيب. وقعدوا خمس دقائق من غير كلام
ريتال : مهو مش هينفع كده
زين : اي
ريتال بفضول : ابوس ايدك قول بقي عايز تقولي أي. زين شاور بايديه ليها
ريتال باستغراب : أي ده
زين بغلاسه : بوسي
ريتال بنرفزه : تصدق انك عيل بارد انا ماشيه  وجت تقوم زين شدها من أيدها
زين : اترزعي هنا
ريتال : حاضر قول بقي
زين : طيب احم احم احم احم
ريتال : هتحمحم كتير
زين : هتكلم اهو الله اصبري
ريتال : اصتبرنا
زين : روتي بصي زمان وانا صغير كنت اعرف بنت جميله اوي ومكنتش بحب حد يكلمها خالص خالص..... وبعدين البنت دي سافرت وسبتني عادي.....فا أنا قولت يمكن هو حب مراهقه وراح لحاله خلاص ملوش لازوم أفضل افتكره...
ريتال : كمل
زين : بس لم كنت بعرف البنت دي بتكلم اختي كنت بحس بمشاعر غريبه نفسي أشوفها بس مينفعش مبتنزلش صور ليها خالص ....واه صحيح انتي تعرفيها
ريتال باستغراب : أنا
زين : ايوه إنتي
ريتال : امممممممم طب كمل
زين : ف من فتره قريبه عرفت أن البنت دي هترجع تاني ساعتها معرفش حصلي أي بس كل اللي كنت أعرفه ساعتها أني عايز أشوفها باي شكل..... لم روحت وشوفتها شوفت واحده غريبه قدامي مش البنت إللي انا ربيتها وعودتها ع الصدق والطيبه ابدا...... شوفت قدامي واحده قويه مش ظاهر عليها اي ملامح ...... زي ما تكون شالت كل المشاعر إللي عندها
ريتال : كمل كمل
زين : والله لو فتحتي بوقك تاني هديكي بالجزمه
ريتال : سكت اهو
زين : ايوه كده
زين : ساعتها قولت استحاله تكون هي دي البنت إللي ربتها ع ايدي ابدا....بس اللي كان يبص ف عنيها اوي كان يشوف الدموع والوجع إللي كان ف عينها..... صحيح هي لم رجعت جابت وراها مشاكل. ريتال بصتله بشر
زين مكمل : بس حبيتها اوي اوي وشوفت فيها حبيبتي إللي انا كنت عارفها وهي صغيره ..... ربنا يخليها ليا
ريتال بتصنع الغباء : امممممممم ربنا يخليكوا لبعض
زين ف نفسه : لا وغبيه كمان
ريتال : نقوم نمشي بقي
زين : بس ثواني
ريتال : اي تاني
زين بغمزه : انتي مبتحبيش حد بردو كده ولا كده 😉
ريتال بغلاسه : اه حبيبت وبحبه اوي
زين بصدمه : نعم بتحبي واكمل بغضب وده مين أن شاء الله
ريتال : واحد انت عارفه بردو يلا نمشي بقي
زين : ماشي بس اه عايزك تقولي لصاحبتك اني بحبها وبحبها اوي كمان
ريتال بخبث : ما تقولها انت
زين : مهي البعيده غبيه
ريتال بغضب : نععععععععم
زين بخبث : اي مالك واخده الموضوع ع نفسك لي
ريتال : انا ااااا عشان دي صاحبتي
زين بغيظ : ماااشي يلا نمشي بقي
ريتال : ماشي. وراحوا ركبوا العربيه وريتال فرحانه أن زين اعترف بحبه ليها حتي لو كان بطريقه غير مباشره
__________________&
عدا الوقت والساعه بقت ٥ كريم رجع ع بيته ولقي سميره بتعيط وسمير قاعد جنبها بيهديها
كريم باستغراب : ف اي
سميره : شوفت يا كريم
كريم : مشوفتش اي إللي حصل
سميره : صاحبه بنتك دي إللي تتشك ف قلبها
كريم باستغراب : صاحبه بنتي مين
سميره : وداد دي ولا معرفش اي
كريم : وداد انا إللي أعرفه ريتال
سمير : هي اللي ما تتسمي دي
كريم : ومالها ريتال
سميره بكدب ودموع : أنا لقيتها داخله الفيلا بقولها اتفضلي يا حبيبتي آمال فين الكتكوته صاحبتك قالتلي ملكيش دعوه وابعدي عن سكتي..... ومشيت طلعت ع الاوض معرفش تعمل اي وبعدين نزلت ومعاها شنط ف أنا بسالها بأدب فيهم اي.... وكملت بدموع راحت مقربه مني وداست ع صوابعي جامد لحد ما حسيت انها كسرتهم
كريم بعدم تصديق : ريتال تعمل كده بدون سبب استحاله
سمير بغضب : قصدك أن بنتي بتكدب
كريم : ينفع متدخلش بيني انا ومراتي كفايه اني مقعدك في بيتي واكل نايم شارب قاعد محدش بيكلمك نص كلمه
سمير : انت بتعيرني يا جوز بنتي
كريم : استغفر الله أنا مش كده ابدا بس بفكرك بس مش اكتر
سميره : أنا محدش يكلم بابا كده أبدا انت فاهم
كريم : اخرصي ومتتكلميش خالص انجزي بقي وروحي اعملي ليا اكل
سميره : ما تقول للشغالين إللي هنا
كريم مسكها من شعرها : آمال انا جايبك هنا لي ها
سمير بغضب : ابعد عنها احسنلك
كريم : هتعمل اي يعني ها هتقول للي جيباكم تقتلني ولا اي
سمير وسميره بصوله بصدمه
كريم : اي مستغربين ف اي بقي خلينا كويسين مع بعض انا ممكن ارميكم كده زي الكلاب بس ميصحش ف غوري بقي ع اي اوضه غير اوضتي
ومشي بعيد عنها
سميره : ده عرف كل حاجه
سمير : ايوه وبعدين أكيد هو مش صابر علينا عشان جمال عيونا هو صابر عشان يعرف مين إللي ورانا
سميره : ايوه بس لو عرف إحنا ممكن نموت
سمير : عشان كده احنا لازم نخلص منه
سميره : صح ازاي
سمير : هقولك بصي..............بس كده
سميره : بس مش هيعرف
سمير : اكيد لا متخافيش
سميره بقلق : ربنا يستر هروح اعمله تفح
سمير : وتروحي لي ونده ع الخدامه اعملي أكل وهاتيه
الخدامه : حاضر. وراحت عملت الأكل وبعدين جابته لسميره
سميره : هطلعه واجي
سمير : ماشي. واخدت الأكل وطلعته فوق كان لسه واخد شاور وطلع
سميره : اتفضل
كريم : ماشي تاني مره تخلي ابوكي ميتكلمش خالص إنتي فاهمه
سميره : حاضر بعد اذنك
كريم : ماشي. ونزلت تحت وهو كل ونام وسميره وسمير قعدوا شويه وبعدين كل واحد طلع نام وسميره نامت ف اوضه تانيه
____________________&
فوفا وهي بتقدم العصير : اتفضل يا بيبي
الشخص : تسلمي يا حياتي
فوفا : مالك بقي
الراجل : هتجنن
فوفا : سلامتك من الجنان يا عمري من اي
الراجل : البت بنت اللذينه دي
فوفا : لي مالها تاني
الراجل : حطه راسها براسي
فوفا باستفهام : ازاي يعني
الراجل : عامله نفسها دكر اوي وانا ممكن ف ثانيه اطيرها
فوفا : اممممم يبقي نادبها
الراجل باستغراب : ازاي
فوفا : يعني قرصت ودن بص .......... اي رايك
الراجل باعجاب : حلو اوي اوي
فوفا : يلا اي خدمه
الراجل بصلها بشهوه : بقولك اي ما تيجي نشوف الوضع اي
فوفا : هيهيهيهيهي عيب
الراجل : يا حلاوتك وشالها ودخل بيها الاوضه وووو (ملناش دعوه)
_______________&
وصل يوسف ونور ع مطار القاهرة ونزلوا وخلصوا الإجراءات اللازمة وراحوا ع فندق وحجزوا اوضتين
يوسف : اطلعي حطي هدومك وغيري وبعدين ننزل نتعشي
نور : اوك بس احنا لي مروحناش نقعد مع ريتال
يوسف: اكيد مش هينفع يا نور هيبقي شكلنا وحش أنا هبقي أشوف فيلا صغنتوته عشان لو نزلنا
نور : تمام وكل واحد طلع ع اوضته ظبط هدومه وحدوا شاور ونزلوا تحت اكلوا وبعدين طلعوا ناموا من التعب
___________________&
رجع زين وريتال ع البيت كانت سلمي جوا
ريتال : سوسو وراحت حضنتها
سلمي : وحشتيني يا ريتو
ريتال : وانتي كمان
سلمي برقه : ازيك يا زين
زين : هاي ازيك يا سلمي مختفيه لي
سلمي : معلش بقي وف نفسها كنت بخطط
ياسمين : انتوا كنتوا فين
اياد : أنا جيت وملقتكش لا انت ولا هي
ريتال : احم مهو زين  قال يغديني ف مطعم ويجبني
سلمي بغيظ : والله لوحدكم
زين : مع خيالنا انتي شايفه حد تاني معانا
سلمي : امممممممم  ماشي
ريتال : آمال سيف مجاش ولا اي
زين بغيظ : وانتي بتسالي عليه لي أن شاء الله
ريتال : عادي يا زيزو بن خالتي وبن عمي قريبي من كل النواحي
زين : والله
اياد : ايييييييييي هتتخنقوا مع بعض ولا أي ع العموم هو جيه من شويه وبعدين زهق ومشي
سلمي : قصدك شافني جيت ومشي
ياسمين : يا بنتي قولتلك هو كان عايز يمشي أصلا
زين : لي هو أي إللي حصل
اياد : ابدا يا سيدي سيف جيه وقعد معانا من الساعه ٢ لحد الساعة ٦ قبل ما سلمي تيجي هي جت وهو جاله إتصال مستعجل ف اطر يمشي
زين : يعني دي حاجه خارجه عن اردته اهو يا سلمي
سلمي بمضض : اممممم اشي
ريتال : المهم كويس انك هنا عايزه اتكلم معاكي
سلمي : ايوه بقي اشي يلا بينا وكده كده قايله لماما إحتمال ابات
ياسمين : اشطا عليكي بس اي هو الموضوع ها ها
ريتال : ملكيش دعوه يا غلسه إنتي
ياسمين : انا غلسه مااااشي يا ريتو
زين : أنا عارف رغي البنات ده
اياد : وانا كمان خلاص براحتهم بقي نطلع ننان احنا وهم يرغوا مع بعض
زين : اشي تصبحوا ع خير وطلع هو واياد ع اوضهم
ياسمين : ماشي هطلع انا كمان فوق ماااشي
سلمي : هيبقي اقولك
ريتال : طب مش قايله حاجه يلا بقي
سلمي : خلاص خلاص يلا نطلع.
ياسمين : استنوا بس حاجتي فين
ريتال : اووووبا دول ف شنطه العربيه بتاعت زين
ياسمين : ي حلاوتك
ريتال : خلاص بقي يا ياسو استني للصبح
ياسمين : ايوه صح وكمان بكره الخميس إللي زين واياد بيمشوا فيه من الساعه ٦ الصبح صح
سلمي : امممممممم استنوا وقعدت تدور في شنطتها وطلعت
ريتال باستغراب : اي ده
سلمي : زي ما انتوا شايفين مفاتيح
ياسمين : ايوه بردو مفهمتش
سلمي : يا ذكاء إنتي وهي هنا ف مفاتيح لشنطه العربيه
ريتال وياسمين بدهشه : نعم
سلمي : اه والله لان زين دايما كان ينسي اي حاجه ف شنطه العربيه وعادي ف أنا عملتلي نسخه
ريتال بغيظ : امممممممم طيب نجيبح شنطها بقي. وطلعوا سوا جابوا الشنط وقفلوا العربيه
ياسمين : ساعدوني بقي
ريتال : انا شلتهم لوحدي يا عسل
ياسمين : انتي هركل إنما أنا ياسمينا مليش دعوه
سلمي : مش يلا نطلع
ريتال : أنا بقول كده بردو يلا تصبحي ع خير يا ياسمينا 😙
وسابوها وطلعوا
ياسمين : كلااااااب. وشالت الشنط والخدامه طلعت ساعدتها
ياسمين : ايوه ميرسي ع اوضتي بقي
سيده : حاضر. وخدتها وطلعتهم ع اوضتها وياسمين وراها ووضبت الحاجه بتاعتها ونامت ام عند ريتال فهي اخدت شاور وبعدين سلمي وقعدوا القرفصاء
سلمي : أحكي بقي
ريتال : احم النهارده وأنا مع زين ااااا
سلمي : طب تصبحي ع خير لم تفكري تقولي ابقي تعالي
ريتال : اقعدي يا جزمه
سلمي : طب يلا
ريتال بفرحه : احم زين النهارده اعترفلي بحبه
سلمي بصدمه : نعم
ريتال : مالك انتي كمان مصدومه زيي بالظبط صح
سلمي: ها اه اه بس هو قالك اي
ريتال : بصي هو مقالهاش بطريقه مباشره
سلمي باستغراب : ازاي يعني
ريتال : بصي هقولك وقالتها ع اللي حصل
سلمي : يعني ده إللي حصل
ريتال : ايوه انا فرحانه اوي يا سلمي
سلمي : وانا فرحنالك يا عروسه 😘
ريتال : هههههههه عروسه اي بس
سلمي : احلي عروسه أن شاء الله
ريتال : يارب. وبعدين قعدوا وفضلوا يلعبوا ف الفون بتاعهم
سلمي وهي بتقلب ف الفون : وأنتي اي اخبارك مع السمك بتحبيه
ريتال : بحبه ده انا بكره كره العمي
سلمي : لي يا بنتي ده بيحبك وقالك كده😁
ريتال بغلاسه : قالي قالي بس انا مبحبوش يحبني هو بقي دي حاجه خاصه بيه هو أنا مقولتش اني بحبه خالص قبل كده عشان يحبني
سلمي : طب وسيف
ريتال بصتلها باستغراب : اي إللي جاب ده لده يا بنتي بس أنا بحب سيف وبحبه اوي كمان اكتر من البتاع الثاني ده
سلمي : لي ده طيب
ريتال : طيب ده وحش اوي وتحسيه مغرور كده بلا قرف
سلمي : متقوليش عليه كده أنا بحبه
ريتال : بتحبيه هه حلال عليكي يا حبيبتي عقبال فرحكم
سلمي : اتريقي اتريقي ماشي  وسابت الفون من ايديها وقامت ناحيه ريتاااااال وحضنتها
سلمي : انا بحبك اوي اوي يا ريتال
ريتال وهي بتحضنها : وأنا كمان يا حبيبتي
سلمي : اوعي تزعلي مني مهم حصل
ريتال : ف اي يا سلمي
سلمي : مفيش بس بقولك
ريتال : لا يا اختي اطمني انا لازقه ليكي مبزعلش منك بس لو ف حاجه قولي ليا
سلمي : اكيد ننام بقي
ريتال : ع اوضتك يلا
سلمي : يلا يا واطيه تصدقي انا غلطانه أني سمعتك وقولتلك بحبك
ريتال : طبعا انا واطيه لسه عارفه
سلمي : لا عارفه من زمان بس بتاكد بس
ريتال : هههههه ماشي يلا عايزه انام بقي
سلمي: ماشي تصبحي ع خير. ومشيت وراحت ع اوضتها وهي شبه فرحانه هه لصاحبتها وريتال قرأت قران ونامت يمكن تشوف مامتها
_______________&
زين طلع من اوضته بهدوء وسمع صوت من اوضه اياد ف فتح عليه فجاء
زين : اسبت عندك يا حضره الظابط
اياد : ادخل يا اهبل
زين : ههههههههه حاضر. ودخل قعد معاه
زين : الا قولي يا اياد
اياد : يا اياد
زين : اي يا واد الخفه دي
اياد : زيك يا حلو
زين : ماااشي المهم هو ف اي بينك وبين أختي
إياد : بحبها
زين : ع طول كده مفيش مقاومه مفيش غش
اياد : واكدب عليك لي هيستفيد اي يعني
زين : لا صح جدع يلا
اياد : وأنت كمان
زين : ما أنا عارف اني جدع
اياد : هتستهبل قصدي مالك بريتو
زين : صاحبتي عادي
إياد بخبث : لا والله وقلده صاحبتي عادي
زين : ايوه صاحبتي هكدب عليك لي
اياد : ماشي يا بن ادم
زين : ادم مين
إياد : سيدنا ادم يا غبي
زين : اه صح معلش بقولك اي
اياد : قول
زين : ما تيجي نرخم ع الواد سيف
اياد : هو ع ما اعتقد أننا عندنا شغل بدري بكره
زين : 😑👊
اياد : بس اهو نتسلي يلا. وطلع الفون واتصل بسيف إللي صوته باين عليه النوم
زين : افتح الاسبيكر
اياد فتح الاسبيكر : سيف حبيبي وحشني
سيف : عايزين اي
اياد : مين دول
سيف : انت والغلس إللي جنبك
زين بدهشة : وأنت عرفت منين
سيف : عيب عليك المهم عايزين اي
إياد : نغلس عليك يا سيفووو
سيف : لولا أن ماما فريده خالتي وغير كده زي ما والدتي كنت زعلتك
زين : اها محترم يلااا
سيف : ما أنجزنا يا ولاد التيت أنت وهو
زين : ف اي انت مشغول
سيف : معايا قضيه بشوفها
اياد : قضيه اي
سيف : رد شرف
زين باستغراب : رد شرف
سيف : ايوه
زين : امممممممم طب ربنا معاك
اياد : واد اسيف
سيف : نعموز
اياد : ولا حاجه بجرب صوت
سيف : اه يا بن ال.. استغفر الله العظيم رينا يرحمهم
اياد بضحك : هتموت وتشتم
سيف : الصراحه اه
زين : ولا هتقدر
سيف : طب يلا غوروا من هنا سلاااام وقفل ف وشهم السكه
زين بفم مفتوح : أنا يقفل ف وشي السكه
اياد : ع راي نور مهو زيف
زين : اشطا هنام بقي
إياد : احسن عشان انا فصلت خالص
زين : ف الشاحن واشحن
اياد : يخربيت تقل دمك سقيل
زين : ماشي يا بن ال يابن ماما فريده اتخمد. وسابه ونام وهو كمان راح اوضته ونام  وخلص يوم الجميع وكله نام وانا كمان هناااام
____________________&
اي رايكم تقريبا ده تعويض ل العشر حلقات الاولي 😂😂
تفتكروا كريم هيعمل حاجه
مين الشخص ده
سلمي هتعمل حاجه عشان تفرق ريتال وزين ولا
سيف ممكن يحب تاني ولا لا
ياسمين هتعمل اي لو عرفت أن اياد بيحبها
الراجل وفوفا بيخطوطوا لاي وبيتكلموا عن مين
توقعاتكم
#Nemo