لست المذنب

البارت الرابع عشر

لست المذنب
الحلقه الرابعه عشر
$-----------------$
قطع كلام ريتال جرس الفيلا فتحت الخدامه باب الفيلا ودخل حمدي وسماح والكل استغراب ما عدا زين
سلمي بدهشه: ماما بابا بتعملوا اي
حمدي : ازيك يا جماعه
اياد باستغراب : اهلا يا انكل ازيك اتفضل
سماح : يزيد فضلك يا ابني وبصت ع نور ويوسف مين دول
سيف ؛ ده يوسف صاحبي انا واياد وزين ودي نور صاحبه ريتال وسلمي وياسمين
نور : هاي يا انطي
سماح : أهلا يا حبيبتي
حمدي : خير يا زين ف اي
زين : أنا هفهمكوا كل حاجه بس نفطر مع بعض الأول
ياسمين : هو أنت إللي قولتلهم يجوا😮
زين : ايوه
سيف : طب لي
زين : نفطر الاول بس ولا أي وبص لريتال إللي واقفه عادي او متظاهره بده
وراحوا كلهم ع السفره وفطروا مع بعض
حمدي : ها يا ابني قول بقي
زين : طبعا انا اسف لاني عزمت عمي وطنط من غيرك اذنك يا اد ولا اذنك ياريتو. الكل أستغرب لان زين الوحيد إللي مبقلهاش يا ريتو وهي الوحيده إللي ليها اسم خاص
اياد : عيب عليك يا ابني ده بيتك
زين : تسلم طيب بم انكم متجمعين ف أنا عايزه اقولكم حاجه
سيف : ما تخلص يا زين
زين قرب من سلمي : انا طول السنين إللي فاتت كان وف غشوه ع عيني وكنت مخدوع بوهم شئ من السراب مش عارف.... بس امبارح بس إللي فوقت فيه ف الوهم ده ...سلمي
سلمي بقلب يخفق بشدة : نعم
زين : أنا بحبك تتجوزيني. الكل بص لزين بصدمه وف نفس اللحظه بصوا لريتال إللي تقريبا انفسها وقفت ف اللحظه دي متعرفش حاجه كل إللي هي عارفه انها عايزه تهرب من عيون الكل
سماح : اي الكلام إللي بتقوله ده يا زين
زين : انا بحب بنتكم جدا وأنا بقولها اهو انا عايز بنتكم ليا وبص لسلمي إللي ما زالت مصدومه تتجوزيني
سلمي بصت لريتال إللي باصه بعيد عن الكل بس زي ما تكون حست وبصت ناحيه سلمي بوجع ابتسمت وهزت رأسها بمعني وافقي
سلمي بدموع فرحه : موافقه يا زين
زين بابتسامة مزيفه : بحبك
سلمي : وانا كمان
ياسمين بوجع ع صاحبتها : مبروك يا زين
زين : الله يبارك فيكي
نور : مبروك ربنا يتمم بخير
سلمي : شكرا
حمدي : الف مبروك يا ولاد بس مكنش الاحسن تيجي البيت عندنا يا زين
زين : عادي يا عمي ماهنا وهنا واحد
سماح : طب ناويين تعملوا خطوبه امتي امتي
زين : خطوبه اي بس الخطوبه دي للناس اللي متعرفش بعض انما انا اعرف سلمي كويس مش كدابه مبتخدعش عشان كده هيبقي كتب كتاب ع طول
سيف باستغراب ؛ كتب كتاب ع طول كده
زين : اه فيها اي
حمدي بابتسامة : ماشي عايزينه امتي أن شاء الله
زين : بكره
سلمي بدهشة : بكره ازاي
زين : زي الناس
يوسف : سوري اني اتدخلت بس هتلحقوا
زين : اه هعزم الناس كلها من دلوقتي والفرح يبقي بعد اسبوع اكون شفت فيلا وظبطها لاحلي عروسه
سماح بفرحه لبنتها لأنها عارفه انها بتحب زين : الف الف مبروك يا ولادي ربنا يخليكوا لبعض يبقي ع خيره الله
حمدي : ماشي مبروك وبص لريتال اي يا ريتو مش سامعين حسك
ريتال بابتسامة مزيفه : بس كده اهو. وقربت من سلمي حضنتها الف الف مبروك لاحلي عروسه
سلمي وهي بتبدلها الحضن بحزن : الله يبارك فيكي يا ريتو
ريتال بوجع : لوووووووووووولي مبروك يا زين
زين ببرود : الله يبارك فيكي عقبالك
ريتال : ميرسي وضحكت عشان ميبنش عليها حاجه كده بقي يا انكل سلمي تقعد معايا النهارده عشان نظبط العروسه
نور قربت من ريتال لانها حاسه بالوجع اللي فيها لان هي قريبه جدا من ريتال ومسكت ايديها ريتال غمضت عيونها وبعدين فتحتهم
سماح : لا يا ريتال يا حبيبتي خليها معايا عشان اظبطها
ريتال : لا طبعا ما تقولي حاجه يا ياسمين
ياسمين : سيبيها يا انطي معانا هنخليها عروسه قمر باذن الله
حمدي : خلاص ياام سلمي سيبيها
سماح : ماشي. وراحت ع بنتها حضنتها جامد وسابتها وابوها نفس الشئ وبعدين مشيوا
اياد : مبروك يا زوز الف مبروك
زين : الله يبارك فيك عايزكم بقي معايا اشباب عشان الحق اظبط الدنيا
سيف : اكيد يا ابني مش هنسيبك
اياد : بم انك هتكتب كتابك بكره انا كمان هكتب كتابي ع ياسمين ولا إنتي اي رايك
ياسمين بصتله بكسوف
زين : أنا عن نفسي موافق
اياد : يبقي ع خيره الله
ريتال بابتسامة لاخوها : مبروك يا ايدي مبروك يا ياسو
ياسمين : الله يبارك فيكي يا ريتو
نور : هتعملوا كتب الكتاب فين
زين : ف الجنينه
ريتال : هههههه الجنينه دي شاهده ع جميع قصص الحب اللي بين اصحابي واخواتي
سيف : وأنتي مفيش
ريتال : لا خالص ان شاء الله قريب. بصت هي وزين لبعض والكل متابع الوضع في صمت
نور : اي يا جماعه انا ف رايي نروح نجيب الفساتين بالليل بتبقي حلوه
ياسمين : ماشي
يوسف : خلاص اطلعوا ريحوا شويه
ريتال : من غير ما تقول يا جو تصبحوا ع خير ياجماعه. وسابتهم وطلعت من غير رد
نور : انا كمان هطلع ع اوضتي شويه
اياد : ماشي يلا احنا نروح نشوف الدنيا فيها اي وطلع الشباب برا والبنات كل واحده ع اوضتها ف اوضه ريتال طلعت وقفلت الباب عليها وعيطت
ريتال بدموع: ااااه يا جبروتك يا شيخه..... قدرتي تشوفي المنظر ده .... شوفتي حبيبك بيخطب صاحبتك قدامك وانتي عادي...لا وأي تقومي تباركي ليهم ... لحد امتي يا ريتال هتضحي وتشيلي كل حاجه لوحدك... لحد أمتي هبقي قويه... أنا تعبت والله تعبت وقعدت تعيط ونامت وهي قاعده ع الأرض
ام عند ياسمين ونور مع بعض
نور : مسكينه ريتال دي بتحب زين
ياسمين : انا عارفه بس معرفش اي إللي حصل واي اللي غير اخويا كده
نور : الحياه كفيله بانها تغير الإنسان
ياسمين : ع العموم سلمي بردو صاحبتنا
نور : فعلا مبروك عليهم وسابتها وكانت هتروح لريتال بس قالت تسيبها لوحدها دلوقتي ودخلت اوضتها
ام ف اوضه سلمي قاعده زعلانه عشان ريتال
سلمي باسي : انا اسفه بس أنا حبيت زين أكتر من اي حد ومقدرش اعيش من غيره....سامحيني يا ريتال....مكنتش هقبل انك تكوني مراته الفكره مستحيله عليا صدقيني... سامحيني 😢
__________________&
فوفا : شادي
شادي : اممممم
فوفا : عملت اي
شادي بعدم فهم : ف اي
فوفا : ف إللي اتفقنا عليه
شادي : اااه لا كله تمام
فوفا : هيبقي امتي
شادي : هتعرفي بعدين
فوفا : أخص عليك يا شادي مش عايز تقولي
شادي ؛ حبيبتي الحاجات دي لم بتبقي صامته بتبقي كويسه

فوفا بزعل : ماشي يا شادي
شادي : يا حلاوتك لم تزعل انت
فوفا : هههههههههههه
شادي : والنبي عسل روحي بقي وشويه وجي ها😉
فوفا : ماشي متتاخرش
شادي : حاضر وبعد ما مشيت كتك القرف والوليه داخله ع الخمسين وبتدلع
نسيت اقولكم شادي ده عنده ٤٠ سنه شغال مع مافيا كبيره للادويه بس شكله اصغر من سنه بكتير لانه مهتم بنفسه جدا
__________&
كريم صحي وراح ع المخزن إللي فيه سمير وسميره
كريم : ازيك يا سمسمه
سميره : كريم سبني وانا هفهمك
كريم ؛ لا يا حلوه دخول الحمام مش زي خروجه إنتي فاكره اني وصلت لمكانتي دي بالساهل لا طبعا
سمير : هنعملك إللي أنت عايزه بس ابعد عننا
كريم : وانت مفكرتش قبل ما تيجي بيتي وتستغفلني شايفني اهبل قدامك
سميره : انت سيد الناس بس ارحمنا
كريم مسكها من شعرها جامد : مين اللي بعتك يا بت
سميره بوجع وخوف : فوفا فوفا هانم
كريم بضحك : هههههه كنت واثق انها ورا اللعبه دي بس بعتتك لي
سمير : كانت عايزانا نخليك تتنازل عن الشركات والمصانع والفيلا وبكده تبقي انت وعيالك ف الشارع
كريم : اممممم بس انتوا لو كنتوا سمتوني مكنتوش اخدتوا حاجه
سميره : إحنا كده ميتين لو انت عرفت اننا تبع فوفا وكده ميتين لو عرفت هي انك عرفت فنخلص احنا منك
كريم : امممم ماااشي سااااامح
دخل سامح جري
سامح : نعم يا كريم باشا
كريم : شعار الضيافه اي يا سامح
سامح : للضيف علينا واجب ومينفعش يمشي غير لم ياخد واجبه كامل
كريم : حلو انت بقي عايزك تديهم واجب الضيافة بس الفرق البسيط انهم مش هيمشوا من هنا ع الشارع لا يمشوا للمولي وشاور ع فوق بمعني السما
سمير بخوف : لا لا يا كريم باشا إحنا قولنلك كل حاجه
سميره : كريم افتكر اني مراتك
كريم : مراتي اي ياحلوه انا طلقتك اصلا من بعد الجواز باسبوعين ام انت يا سمير ف أنت وبنتك قولتولها كده ميتين وكده ميتين بس صدقني الموته بتاعتي هتعجبك اوي. وسابه ومشي ف وسط صراخ سمير وسميره وروح ع بيته وهو ف دماغه انه يروح لولاده بكره ويرجعهم لحضنه
________________&
عدا الوقت بسرعه لدرجه ان البنات ناموا بس ريتال كانت صحيت ونزلت تحت عملتلها فنجان قهوه وبعدين طلعت ع جنينه الفيلا وف الوقت ده دخل زين الفيلا وشافها وهي قاعده
زين : اي آمال سوسو فين
ريتال بصتله ومردتش
زين : انا بكلمك
ريتال : مش الخدامه اللي جابها السيد الوالد تقدر تروح تسال الخدامه
زين اتعصب ومسكها من كتفها جامد لدرجه ان ريتال سابت فنجان القهوه من ايديها ووقع ع الارض وجرها جامد لاخر الجنينه
ريتال بعصبية : زين سيب ايدي بقولك سيب ايدي
زين : إنتي عايزه اي ها عايزه اي إنتي عشان لعبتك انكشفت خلاص صح عارفه انا كان عندي شك ان يكون ده كدب بس بعد موقفك النهارده اتاكدت أن كله حقيقه
ريتال : وأنت عايزني أعمل أي يعني اقعد اعيط زي العيال ولا اقولك لا يازين متسبنيش لا انسي مش ريتال الحناوي إللي تعيط ع حاجه عاديه
زين : صح انتي صح فعلا علاقتنا كانت حاجه عاديه بالنسبالك لانها كانت مجرد لعبه و إنتي ف حياتك ما تنزلتي عن كرامتك ابدا
ريتال : وأنت ف حياتك ما فهمتني ولا عرفت إللي جوايا  بعد اذنك
وسابته ومشيت لانها عارفه انها لو فضلت شويه كمان هتنهار وف نفس الوقت مش عايزه منظر صاحبتها يتهز قدامه مهما كان ودخلت ع الفيلا وساعتها دخل سيف واياد ويوسف ووراهم زين اللي بيبص لريتال بغضب ونزل البنات من فوق
نور : نمنا ومجبناش حاجه
ياسمين : عادي نجيب بكره الصبح
سلمي : اشي حمدلله ع السلامه
الشباب : الله يسلمك
سيف : ريتو مش هتصدقي جبتلك اي
ريتال باستغراب : اي
سيف : فاكره الكيكه اللي جوها طلب وأنتي تعمليه
ريتال : اها وسكتت لا انت جبتلي منها
سيف : ايوه
ريتال ؛ حبيبي يا سيف هو أنا بحبك من شويه وداست ع كلمه بحبك عشان تسمع زين
اياد : انا إللي دفعت تمنها ع فكره
ياسمين : وانا ليا فيها ولا اي
اياد : طبعا يا جميل ده إنتي قبل المعفنه دي
ريتال : تسلم يابن الأصول
يوسف : عشان متسالوش كتير كل واحد ليه واحده  يلا نقعد بقي بن انك انت وزين هتودعوا العزوبيه بكره نقضي النهارده مع بعض
وقعدوا ع الارض وكل واحد اخد بتاعته وكلوها وخلوا الورقه على جنب
سيف : بوز الازازه هيحدد يا جماعه
الكل : اوك. ولف الازازه ووقفت ناحيه
نور : ريتال ها اي إللي ف الورقه
ريتال بصت ف الورقه وبنبره ضيق : اغني
ياسمين : يا سلام غني يلا
اياد : بس اجماعه صوتها يمكن وحش ولا حاجه
يوسف : لا ع فكره ريتال صوتها حلو جدا
ريتال : كدب متصدقوش
زين : غني يا ريتال عادي
نور : اعملي زي ما كنتي ف امريكا غمضي عينك واللي يجي ع بالك قوليه
سلمي : ايوه يلا يا ريتو بقي
ريتال اتنفست بعمق وغمضت عنيها
ريتال بصوت حزين وحلو :
انا وانت اختارنا اننا نبعد عن بعض خلاص .....يبقى مالوش لازمه يبان ضعيفي وضعفك للناس.... وياريت اللى يجيبلك سيرتى قول كان حبيبي..... وانا هثبت ليهم بطريقتى ان الحكاية خلاص.... عادى اهى خلصت زى ما كل حكايه بتخلص... ايه اللى هيجرى وايه اللي هينقص مننا لو احنا مكملناش.... انا هتعود وانت كمان لازم تتعود.... عمر البعد ما كان بيموت مهى دنيا ولازم تتعاش.... انا هفضل يا حبيبى افتكرك عمرى ما هنساك ....ولا هنسى الايام الحلوة اللى كانت وياك....د هتاخدنا الدنيا وهتفرق بينا الليالى.... انا عايزك بس تكون عارف ببعد وقلبى معاك .... عادى اهى خلصت زى ما كل حكايه بتخلص.... ايه اللى هيجرى وايه اللي هينقص مننا لو احنا مكملناش..... انا هتعود وانت كمان لازم تتعود ...... عمر البعد ما كان بيموت مهى دنيا ولازم تتعاش .....عادى اهى خلصت زى ما كل حكايه بتخلص ايه..... اللى هيجرى وايه اللي هينقص مننا لو احنا مكملناش..... انا هتعود وانت كمان لازم تتعود..... عمر البعد ما كان بيموت مهى دنيا ولازم تتعاش 😢

نزلت دمعه حزينه من عيون الكل وريتال مسحت دمعتها بسرعه والكل حس أنها بتوجه الكلام ده لزين بس محدش قدر يتكلم
ياسمين : اي الحلاوه دي يا بت يخربيتك
سلمي : صوتك روعه يا ريتو
ريتال بابتسامة مزيفه : ميرسي
سيف بدا تاني وكان الدور ع سلمي
سيف : دلوقتي إللي ف الورقه هتساليه للي قبلك وتجاوبي عليه. هزت راسها بمعني الموافقه
سلمي بصت بالورقه وقالت : عمرك كدبتي ف حاجه قبل كده.
ريتال : الحق ولا بن عمه
ياسمين : بن عمه طبعا ههههه
ريتال : ايوه كدبت
سلمي : امممم واناكمان كدبت
نور : بس كدبتي ف اي
سليم : حاجه خاصه  يلا نكمل لعب  ولفوا الازازه  وكان الدور ع زين
يوسف : نفس الشئ يا زين
زين : احم عمرك اتمنيتي حاجه وحصلتي عليها
ريتال : لا الي الان لا
سلمي : ايوه اتمنيت واتحققت
زين : وانا لسه بردو كان نفسي بس اهو وفضلوا يلعبوا
ريتال :  احم انا تعبت هطلع ارتاح عشان يوم بكره ده
سيف حس بيها : ماشي يا ريتو تصبحي ع خير
اياد : happy dreams
ريتال : thanksوسابتهم وطلعت ع اوضتها وغلست وشها جامد وبصت لنفسها ف المرايه بتاخد قوتها من نفسها وبعدين راحت ع السرير ونامت
ام تحت
زين : انا كمان هطلع انام مش قادر
يوسف : أحلي حاجه ف الموضوع كانت الكيكه ههههههه
نور : فعلا دي الوحيدة اللي إحنا استفدنا بيها
اياد : الف هنا. وطلعوا كلهم ع اوضهم ناموا بس زين وقف شويه ف البلكونه يفكر في مستقبله واللي جي هيبقي عامل ازاي معاه  وبعدين دخل نام
_________________&
اسفه يا جماعه أنها قصيره اعوضكم الحلقه الجايه أن شاء الله
توقعاتكم للي هيحصل بعدين
#Nemo