لست المذنب

البارت التاسع

لست المذنب
الحلقه التاسعه
-------------&
دخل الشخص وريتال بصت عليه واتفجئت
ريتال : زين
زين : اها ازيك يا روتي
ريتال : الحمدلله تعالي ادخل ودخل زين جوا وايديه ورا ضهره
ريتال باستغراب : اي ده ايدك ورا ضهرك لي
زين طلع بوكيه الورد وريتال فرحت اوي
ريتال بفرحه : ده عشاني
زين بسخريه : عشان الحيطه هاتي
ريتال يتذمر : امشي ياض
زين : ياض انتي كنتي ف امريكا إنتي
ريتال : اها. وتذكرت شي
ريتال باهتمام : عملتوا اي ف العمليه واياد اياد كويس
زين : واطيه إللي همك اياد مش همك أنا لو كنت انصبت ولا حاجه
ريتال : ما أنت زي القرد قصادي اهو
زين : قرد كتر خيرك يا ريتال هانم. ريتال قعدت تضحك عليه
زين : اممممم طيب هتخلصي شغلك امتي
الباب خبط ودخلت عليهم ياسمين
ياسمين : زين أنت هنا
زين : اه هنا
ياسمين : عملتوا اي ف العمليه واياد كويس ولا
زين : هو ف لي يا جدعان هو الكل بيسال ع اياد لي هو انا نكره
ياسمين وريتال : هههههههههههه ابدا
زين : ماااشي بعد اذنك بقي يا سمسم هاخذ روتي منك
ياسمين : اي ده لي بقي
زين : انتي مالك يا بارده يلا يا روتي
ريتال : استني بس. وهنا دخلت بسنت
بسنت : القه..اي ده انا اسفه
ريتال : لا عادي أنا همشي انا بقي
ياسمين : وأنا هاخد القهوه عادي وف ودن ريتال الله يسهلوه
ريتال بهمس : اخرصي يا جزمه
زين : يلا وشدها من أيديها ف وسط ضحك الكل
بسنت : أروح شغلي بقي
ياسمين : وأنا كمان. وكل واحده راحت ع شغلها وزين وريتال نزلوا وركبوا العربيه
ريتال : بس بقي ممكن افهم موديني ع فين
زين : إنتي مش كان ليكي خروجه ولا أي وانا قولتلك لو رجعت بالسلامه هخرجك
ريتال بفرحه : بجد هتخرجني
زين : ايوه يلا بينا وركبوا العربيه وراحوا ع المطعم
ريتال بسخرية : دي الفسحه
زين : انزلي بس   نزلوا هم الاثنين ودخلوا جوا وزين حجزلها احسن تربيه وقعدوا (كنتوا فاكرين هيفضي ليها المطعم وكده صح)
ريتال : أها ام نشوف مفاجاتك يا استاذ زين
زين : واضح انك بتتريقي صح
ريتال : لا خالص انا 😏
زين 😑 نمشي احسن يعني
ريتال : لا خااالص. وجيه الجرسون وطلبوا عصير وقعدوا يتكلموا شويه وبعدين طلبوا غدا وبعدين اخدها وراحوا ع
ريتال بفرحه : الله الجنينه إللي كنا بنروحها واحنا صغيرين
زين : ايوه اي رايك عجبتك المفاجاه
ريتال حضنته : ميرسي اوي يا زين
زين : عادي يا حب..
ريتال بصتله : اي
زين بابتسامة : عادي يا روتي مش كان نفسك تتفسحي
ريتال : اها أحلي فسحه دي  ومشيت وقعدت تتنطط وتجري وزين ماشي وراها وبيضحك ع منظرها وفجاه
سيف من وراه : مفااااااجاه
زين ؛ يخربيتك جيت منين
اياد : جينا من الباب
ريتال : اي ده انتوا بتعملوا اي هنا
ياسمين : من غير ضرب لو سمحت
ريتال : انتي يا دزمه
سلمي : ف أي يا ريتو مكنتيش عيزانا ولا اي
زين : أنا هوريكي يا ياسمين مااااشي ام نروح
اياد : هههههه ابقي المسها
زين : أختي يا جدع انا حر
سيف : هنتخانق صح ع العموم زين
زين : يا نعم
سلمي : عايزه ايس كريم
ريتال بصت لزين اوي : فاكر
زين مسك ايديها : طبعا. وف ثانيه كانوا بيجروا ووراهم سيف واياد وياسمين وسلمي وهم بيضحكوا اوي كلهم ووقعوا ع الأرض
ريتال : هههههههههههه يوم جميل اوي
زين : اي خدمه يا ستي
ياسمين بدلع : دودي
اياد : نعموز
ياسمين : عايزه بلالين
اياد : عيوني
سيف : ما تتلم انت وهي ما تحكم اختك يا اخ زين
زين : بنت اتكلمي عدل
ياسمين : لا
زين : شاطره
الكل : هههههههههههه 😂
سلمي : وأنا كمان عايزه بلالين
اياد لسيف وزين : نروح نجيب بلالين بقي
سيف : أنا قولت كده بردو.  وراحوا جابوا بلالين والبنات قعدوا مع بعض
ريتال : بس عرفتي منين اني هنا
ياسمين : سر بيني وبينك زين لو كان زهقان أو مبسوط بيجي يقعد هنا فاانا خمنت انه جابك هنا
سلمي : اها بس زين طيب اوي
ريتال : اوي اوي
رجعوا الثلاث شباب وكل واحد ف ايديه اثنين ايس كريم بنكهة الشيكولاته والبلالين
زين : اتفضلي يا روتي
ريتال : الله اثنين ايس كريم
اياد : إثنين اي يا طفسه واحد ليكي وواحد للواد
زين : ملكش دعوه لو عيزاهم خديهم
سيف : أنت بتفتح فاتحه علينا خد بالك
زين : انا مالي
ياسمين اخدت البلالين والايس كريم : ميررررسي
ريتال : ميرسي يا زيزو
سلمي : ميرسي يا سيف
سيف ' عادي بقي وقعدوا يضحكوا مع بعض
ريتال : هو محدش لاحظ أن انا وسلمي وياسمين كليه واحده
زين : فعلا دي صدفه ولا قرار
سلمي ابتسمت : لا قرار انا وياسمين كلمنا ريتال واتفقنا كلنا ندخل كليه واحده
اياد : ايوه بقي
سيف : ما أنا عارف أنه قرار
اياد : وعرفت منين أن شاء الله
سيف : ها توقعت
ريتال : بالظبط
زين : أها ماشي
سيف : سلمي ممكن كلمه ع جنب
سلمي : أنا
ياسمين : هو ف سلمي غيرك روحي
سلمي : اوك ومشيوا مع بعض بعيد
زين : عجبتك الخروجه بقي
ريتال : اوي اوي
اياد : مقولتليش انك رايح لاختي يعني
ياسمين : يا سلام ما أنت جيت واخدتني من الشركه عادي
ريتال : الله عليكي قصفتي جبهه اخويا
زين : ما أنت روحت اخدت اختي اهو يبقي متتكلميش
اياد : حاضر يا باشا
ريتال : اه صحيح أنت لي دخلت يا زين شرطه طب اياد وهو كان عايز ينفذ وصيه بابا انت لي بقي
زين : انا واياد أصحاب من زمان زيك انتي وياسمين وسلمي كده اللي هو بيعمله أنا بعمله عادي ا
تقدري تقولي روح واحده وأنا مكنتش اقدر اشوف صاحبي بيتعرض للخطر لوحده
اياد : حبيبي يا زين ربنا يعلم أني بعتبرك اخويا واكتر وريتال كمان بتعتبرك اخوها
زين : اظبط كلامك بس
ريتال بتصنع عدم الفهم : اي مش فاهمه
زين : ولا حاجه
ياسمين بخبث : ام لقيت لك عريس يا ريتو عسل
ريتال : بجد وانا موافقه عليه
اياد : مالك ياختي بتمدحي فيه كده لي ما تاخديه إنتي
ياسمين : معنديش مانع
اياد : لا والله. بعد شويه جيه سيف وسلمي
سلمي : مش نمشي بقي يا جماعه
ريتال بتسأل : ف اي حصل حاجه
سيف : مفيش انتوا عايزين تقعدوا
اياد : لا يلا بينا. ريتال قربت من سيف
ريتال : ف حاجه
سيف : لا مفيش
ريتال : بجد ولا
سيف: ايوه يلا بينا بقي. ومشيوا وإياد واقف مستغرب
اياد غ نفسه : اكيد ف حاجه اكيد ريتو عارفه حاجه
زين ف نفسه : ريتال وسيف بيتكلموا ف اي وريتال مالها مهتمه كده لي
وسيف سابهم ومشي ع الفيلا بتاعته وزين وإياد والثلاث بنات ركبوا ف عربيه زين لان اياد هو إللي كان جايب سيف وسلمي وياسمين وصل سلمي ع البيت
سلمي : باي
الكل : باي
زين : اوصلكم ع الفيلا بقي
إياد : لا إحنا نوصل ع الفيلا بتاعتكم ونتمشي
ياسمين : لا نوصلكم وخلاص
ريتال : لا أنا كده كده عايزه اتمشي
زين : اوك وراحوا ع الفيلا بتاعت زين وياسمين دخلت ع جوا
زين : ماشي عايزين حاجه
اياد ' شكرا يا زين تعبتك معانا
زين : عيب عليك ده احنا اخوات
ريتال : ميرسي يا زين ع الخروجه الجميله دي
زين : اي خدمه يا قمر كل يوم من ده
ريتال : ميرسي...ا  اااااااااااه  قطع كلام ريتال صوت صرخه من جوا الفيلا كلهم دخلوا لقوا ياسمين واقفه بتصرخ وواحد شكله مرعب قاعد قدامها
زين : اعوذ بالله انت مين يا جدع انت
الراجل بصوت غاضب: انتوا إللي مين وبتعملوا اي ف فيلا بنتي
اياد بعصبية : بنت مين يا عم انت انت مجنون ولا الراجل بغضب : ولااااا احترام نفسك فين الامن إللي هنا   نزل كريم من فوق ومعاه سميره ولابسه الروب بتاعها
سميره : ف اي ياباا ومين العالم دي
كريم : زين ف اي وصوتكم عالي لي
ياسمين : مين ده يا بابا
كريم ببرود : ده ابو مراتي
زين واياد وريتال وياسمين : ايييييييييي
زين : اتجوزت
كريم : مالك متفجئ لي كده ما أنا قولتلك قبل كده
سميره : مين ده يا كيمو
ريتال بصتلها بقرف
كريم : ده زين ودي ياسمين ولادي ودي ريتال صاحبه ياسمين وده اياد صاحب زين
سميره : ااااه هااااي
ياسمين : انا مش موافقه ع الجوازه دي
كريم : والله انا حر
ياسمين : لا مش حر الحساله دي لازم تخرج من البيت
سميره : اي يا اخه معلش حساله يا بيئه
ريتال : البيئه دي إللي إنتي جايه منها
سميره بغضب : تنامي يا بت إنتي بتتكلمي بصفتك اي انتي
زين : خلي البتاعه دي تخرص يا كريم باشا
كريم : ولد اتكلم بأدب مع مامتك الجديده
زين : هههههههههههه مامت مين لامؤاخذه انت شكلك كبرت وخرفت ولا اي
كريم ضربه بالقلم : اخرص. الكل بص لكريم بصدمه
كريم : إللي مش عاجبه الوضع يغور من هنا جايين تكلموني انا ما أمكم سابتكم ولا عبرتكم وانتوا صغيرين جايين تحسبوني وأنا إللي ربتكم
ياسمين : لا اقف عندك يا كريم بيه أنت مربتناش ولا حاجه أنت مكنتش موجود في حياتنا اصلا الفرق بينك وبين فوفا هانم أنك كنت موجود معانا مش اكتر ولا كمان مكنتش موجود كنت دائما في شغلك متجيش تقول ضحيت عشان خاطرنا تبقي بتهزر
كريم : لا ربتكم وربتكم احسن تربيه لو كنتوا مع فاديه كان زمانكم مش ف مكانتكم دي كان زمانك شغاله مع فاديه ف المخدرات وكان اخوكي كمان الظابط المحترم بقي تاجر مخدرات بنفسه ولا اي يا زين ما تتكلم
ريتال وياسمين بصوا لزين باستغراب واندهاش
كريم : بلاش انت قولهم يا اياد ع العمليه بتاعت الصبح
ريتال : ف اي يا اياد اتكلم
اياد : ماشي يا كريم باشا إحنا هنسبلك الفيلا كلها اعمل فيها إللي تعمله يلا يا زين
سميره : ف ستين داهيه يلا روحوا من هنا.  وهي جايه تمشي ريتال كعبلتها فالارض
ريتال بخضه مصطنعه : اي ده سوري هاتي ايدك وجت تسندها قربت منها اوي
ريتال يهمس : اتكلمي ع ادك احسن تتقطم رقبتك مره تانيه صدقيني هكسرك وسابت ايدها وهي اترزعت عالارض
سميره بوجع : ااااه
كريم بغضب : اي إللي عملتيه ده يا ريتال
ريتال : سوري يا انكل بس تقيله اوي يلا يا ياسمين من البيت ده
وهم طالعين بيبصوا وراهم لقوا الراجل إللي سبب الخناقه نايم ع الكنبه وفاتح بوقه ولابس فنيله وشورت وكرشه باين
ياسمين : يع يلا نمشي من هنا. ومشيوا من هناك وراحوا ع فيلا ريتال
زين : معلش يا اد هنتقل عليك
اياد : عيب عليك ياض ده انت اخويا بس لو عايز تدفع ايجار براحتك
زين : هههههه خفه
اياد : اضحك ابوك ده عادي انساه
ريتال : اهدي يا سوسو
ياسمين بدموع : أنا بابا يكلمني كده
ريتال : انسيه خالص خليه مع مراته
ياسمين : فعلا وبصت لزين بس هو كان بيتكلم عن اي يا زين
زين : اااا ولا حاجه
ريتال : زين متكدبش ف اي
اياد بص لزين وبعدين بصلهم
اياد : بصي الموضوع .......بس ده الموضوع
ياسمين بصدمه : يعني أنا مامتي تاجره مخدرات
زين راح جنبها : حبيبتي دي مش مامتك انسيها خالص ماما دي ف شهاده الميلاد بس اوك
ياسمين : ماشي وقعدوا مع بعض ولسه هيتكلموا الفون بتاع اياد رن
زين : مين
اياد : واحد من أصحابنا اصتبر الوو
المتصل : .....
اياد : ماشي سلام سلام. وقام وقف
زين : ف اي
اياد : مصيبه يا زين
ريتال : ف اي
إياد : فاديه هربت
الكل : اييييي
زين : ازاي
اياد : معرفش
ياسمين بحزن : يارب اي المصايب اللي بتتحدف علينا دي.
زين : يلا بسرعه ع الاداره.
اياد : ماشي اقفلوا ع نفسكم باب الفيلا ومتفتحوش لاي حد تمام
ريتال وياسمين : تمام. ومشيوا ع الإدارة بسرعه
ريتال : رينا معاهم
ياسمين : يارب
________________&
ف البيت عند سلمي
سماح : مالك يا سوسو فيكي اي
سلمي اترمت ف حضنها : تعبااانه يا ماما
سماح بحنيه : من اي يا حبيبتي احكيلي
سلمي : مش عارفه حظي ماله كل حاجه ضددي
سماح : احكيلي ف اي
سلمي : مفيش يا ماما خلاص
سماح : عليا يا بنت بطني
سلمي : خلاص يا ماما.
حمدي من برا : الامل يا سمااااح
سماح : حااااااضر طب تعالي كلي لقمه
سلمي : مش عاوزه انا عايزه انام
سماح : ماشي نامي يا حبيبتي. وطلعت بره
سماح ف نفسها : كنت عارفه أن رجوع ريتال مش كويس لينا ولبنتي بس أنا مقدرش أعمل حاجه زيها زي سلمي
سلمي ف نفسها : انا اسفه انا اسفه اوي بس مش هقدر مش هقدر 😭😢😭
_________________&
ف مكان تاني شبه مظلم يقطع ظلمته نور خفيف
فوفا : حبيبي كنت عارفه اني مش ههون عليك
الراجل بغضب : إنتي اتجننتي حد يشتغل ف فيلاته إللي قدام ابنه
فوفا: أنا مكنتش أعرف انه بيفكر كويس كده
الراجل : انتي مجنونه ابنك ظابط واديه اهو مترددش لحظه يقبض عليكي
فوفا : أنا اسفه مش هتتكرر تاني يا بيبي
الراجل : وأنا اكيد مش هستنها ام تتكرر إنتي فاهمه. وسبها وطلع
__________________&
عند سيف وصل ع الفيلا بتاعته وهو مدايق من نفسه اوي وطلع ع اوضته واخد شاور وطلع قعد ع السرير وسرح ف إللي حصل
#فلاش
سلمي : اي يا سيف ف اي
سيف : سلمي أنا عايز أتكلم معاكي في حاجه ضروري
سلمي : خير قول
سيف : بصي أنا مش عارف اتكلم ازاي ولا انا من النوع اللي بيعرف يزوق الكلام وده كله بس ع طول كده انا بحبك يا سلمي
سلمي : .....
___________________&
تفتكروا سلمي ردت عليه باي؟؟؟!!
اي إللي هيحصل مع زين واياد؟؟؟!
اي اللي هيحصل مع سلمي؟؟؟؟؟
سميره دي ف وراها حاجه ولا عادي!!!!!
سيف اتغير لي!!!!؟
ريتال هتعمل اي ؟؟؟؟!
توقعاتكم
#Nemo