لست المذنب

البارت التاسع والعشرون

لست المذنب
الحلقه التاسعه والعشرون
$-----------------------$
ف الفيلا عند هاله الكل قاعد وقلقان
اسر : يعني انتوا متعرفوش هي فين
هاله : لا من امبارح مختفيه
سيف : هي لو كانت هتروح مكان كانت قالت
هدير : أن شاء الله هتيجي
سلمي : يا عمتي تليفونها مقفول
مازن : البت دي غريبه والله
اسر : خلينا نروح نسال عليها ف المستشفيات
هاله : ماشي وابقي طمني يا اسر. اسر قرب منها وباس راسها وقام هو ومعتز ومازن وفضل جاسر ومحمد ومدحت وسائر
سائر : مش يمكن رجعت لزين
محمد : مش كانت اتصلت
ساندي : يمكن مشغوله من امبارح ف حاجه او مع صاحبتها
ساره : كانت قالت مش هتسبنا ع نار كده
اسلام : خير ان شاء الله يا جماعه
حسام بفرحه : عرفت مكانها
الكل : ازاي
عبدالله : اي يا جماعه انتوا ناسيين انه تخصصه ف الإلكترونيات
جودي : قول فين
حسام : اخر مكان قبل ما الخط يتقفل كان ف القاهره
هاله : خلينا نروح ليها
رنا : مينفعش نروح إحنا كلنا يا ماما هيبقي عدد ع الفاضي
جاسر : انا هتصل باسر ونروح كلنا
سائر : تمام وانتوا يا شباب خلوا بالكم من اهاليكم
الشباب : ماشي. وكل واحد مشي
اسلام لرنا : أهدي أن شاء الله كويسه متخافيش
رنا : أنا خايفه عليها اوي ريتال هي الوحيده إللي كشفت الحقيقة للكل هي الوحيده إللي رجعتني لنفسي من تاني هي إللي قدرت تشيل من عندي احساس الذنب هي السبب في اني معاك دلوقتي. الكل بص لرنا وكانوا عارفين انها اتظلمت وهاله قلبها وجعها لانها قست ع بنتها
#فلاش
بعد مرور شهر ع اختفاء شريف كان يوميا اخوها وسلمي اكتر ناس عندها بيقعدوا معاها وهي منعزله عن الكل لحد ما نزلت تحت كانت هاله قاعده ع الكرسي عشان يفطروا
هاله بحده : انتي بتعملي اي
رنا : هقعد
هاله : وأنتي تقعدي معانا لي. كلام هاله صدمها
اسر : هاله
هاله : انا مش عايزه اشوفها مش عايزه اشوف وشها يا اسر
سيف : ماما دي أختي
هاله : انت ملكش اخوات غير شريف وبس وهيرجع وهتشوف
قامت رنا والدموع ف عينها بعيد عنهم واسر بس لهاله بغضب وهي تجاهلت نظراته ببرود لحد ما سمعوا صوت صويت من المطبخ جريوا عليها لقوا رنا والخدامه شمس بيصرخوا
سيف : رنا انتي كويسه
رنا : اهئ اهئ حرقتلي ايدي يا سيف 😭😭
شمس بدموع تماسيح : ااااااه الله يسامحك ده انتي اللي حرقتيني وجابت مايه سقعه ورمتها ع مكان المايه السخنه
هاله : اي اللي حصل
اسر : قولي يا رنا
رنا أنا دخلت المطبخ عشان اخليها تعملي نسكافيه وفضلت واقفه عشان اخد النسكافيه بتاعي لقيتها النسكافيه ودلقته ع ايدي وف نفس الوقت مسكت كوبايه مايه سخنه ع جسمها معرفش عملت كده لي
سيف بغضب لشمس : إنتي مجنونه عايزه تحرقي اختي
شمس : محصلش يا استاذ سيف دي دخلت واتخانقت معايا عشان اجي اقولكم أن الواد اتخطف وأنه مكنش معاها ولم مرضتش دلقت عليا المايه السخنه والله ما بكذب يا ست هانم
رنا بصدمه : ماما دي كذا..
هاله : متجبيش سيرتي ع لسانك انتي اي شيطانه هي اذتك ف اي
رنا : انتي مصدقه الخدامه ومكدباني
هاله : لان هي هتكذب ف اي انتي من اول ما كنا حامل وكنتي كراه إللي ف بطني تقدري تديني سبب
رنا : لانه كان هياخد الحنان مني انا وسيف وبابا كان هيحبه اكتر كان هو اللي هيتربي بينكم وانا واخويا مكنش هيكون لينا وجود انما مش هتوصل اني اقتله انا مجدر ما شلته وابتسم نسيت كرهي ونسيت كل حاجه وكنت مستنيه لم تيجوا عشان اقولكم أن انا وهو بقينا اصحاب اوي بس اللي حصل
شمس : بتكدبي لي يا ست هانم ما انتي كنتي بتبصي للكتكوت الصغير بكره وطلعتي بيه من البيت
رنا بغضب : انتي كدابه
هاله : انتي توطي صوتك نهائي واضح اني انا دلعتك زياده عن اللزوم
رنا بصت لأسر : بابا قول حاجه انت مصدقني صح
اسر باسف: مكنتش اتوقع انك تعملي كده
سيف : انتوا بتقولوا اي رنا استحاله تعمل كده
رنا بصتلهم بدموع ممزوجه باسي ووجع : يعني كلكم كدبتوني وصدقتوا خدامه ...انا دلوقتي إللي بقيت شيطانه..... انا إللي اتربيت ع ايدك وعارفه اني بخاف اذي حد .... مصدقه اني اذي روح ومش اي روح ده اخويا....... انتي متوقعه ده من واحده عندها ١٥ سنه ....... انتي مش ام ولا تعرفي حاجه انا بكرهك يا دكتوره بكرهك
اسر بغضب : رنا اتكلمي مع امك عدل شكلك مشوفتيش تربيه
رنا : مش امي دي مش امي وبعدين انت بتقول فيها انا ملقتش اللي يربيني.  سكتت بسبب كف من اسر ع وشها وسبب صدمه لهاله وسيف
سيف وهاله : اسر بابا
رنا بضحك ممزوج بوجع : اي مش دي الحقيقه مش انا واخويا اترمينا واحنا صغيرين كنت فين انت ها وكل واحده سلمي تقي حسام والكل مع اهلهم وانا واخويا معندناش حد هاله هانم ف شغلها وشركاتها ولم بتيجي هي شويه وبتنام كنت فين انت طول السنين دي حتي مفكرتش تسال وتعرف اي حاجه علينا ده انت حتي مكنتش تعرف أن عندك ولاد عارف وجعي وانا شايفه كل طفل مع باباه ومامته انت فاكر لم رجعت عوضتني بس اللي انا اكتشفته أن رجعوك زي عدمه يا استاذ اسر
سيف : رنا
رنا : رنا اي مش أنت كمان اتاذيت صح كام واحد واحنا صغيرين قعدوا يدايقوك ويطلعوا علينا القاب مش كويسه ها كام واحد مصدقش اننا ولاد الشخص ده وافتكر أن امك غصبته أو ماسكه عليه حاجه انا بكره طفولتي بسببكم معشتش طفولتي كان نفسي اكون بين اب وام بس واضح أن القدر نفسه ف حاجه تانيه انا هفضل هنا لان مليش مكان تاني بس انا زي ما قالت الدكتورة انا مش بنتكم   وعيطت وجريت ع اوضتها وسط دهشه من كل إللي موجود تحت وابتسامه خبيثه ع وجنتي شمس
#باك
نزلت دمعه حاره من عين رنا وبصت لمامتها وهاله بصتلها بوجع وقامت من عندهم وطلعت برا ع الجنينه وطلع وراها اخوها لقها قدام البسين وبتعيط قرب منها وحضنها
سيف: اهدي يا حبيبتي ده ماضي انسي
رنا : مش قادره كل ما ابص لوشها افتكر اني زعلتها مني جامد وف نفس الوقت افتكر قسوتها عليا بدون سبب
سيف : هي كانت معزوره يا رنا إنتي عارفه شريف بالنسبه ليها كان اي لانه يعتبر ده إللي شاركت فيه بابا كانت هتعوض كل حاجه
رنا : بس هي صدقت كلام عليا وانا صغيره ازاي انا اعمل كده انا بخاف من ربنا فين اني اذي حشره كنت هاذي شريف يا سيف
سيف : انسي يا رنا انسي وريتال قدرت تبين حقيقه شمس اللي احنا معرفناش نبينها واديها مرميه ف السجن
رنا : فعلا ومسكت ايدها مكان الندبه اللي اتكونت من الحرق سيف شافها وحضنها
سيف : انسي انسي حبيبتي. وفضلت ف حضن اخوها
____________________&
جريت ع زين بسرعه لم تهتم أو لو تسمع أن الطلقات كانت من وراها مش من قدام مشفتش عامر إللي وقع ف الارض جثه هامده واياد إللي ماسك المسدس هي نظرها ع زين اللي اتصاب ف كتفه
ريتال بدموع : زين زين رد عليا انت كويس زين طمني عليك حبيبي
زين بصلها وابتسم : متخافيش انا كويس
ريتال : ايدك ايدك بتنزف
زين : ميهمكيش وبعدين انتي كده كده كنتي عايزاني اموت
ريتال : اخرس مسمعكش تقول كده انت فاهم أنا اموت وراك.  جري عليهم اياد
اياد : زين أن اتعورت
زين : عادي يا جماعه سطحيه متخافوش بس سؤال انت عرفت مكاننا ازاي
قرب منه اياد ومسك ايده وشال منه الخاتم وسط استغراب من ريتال وزين
اياد : تقدر تقول ده GPS
زين : GPS  ازاي وأنا مش فاكر حاجه الخاتم ده إللي ادتهولي ياسمين
اياد وضع ايده ع شعره : انا إللي قولتلها
ريتال : انت لي تعمل كده
اياد : لان الاستاذ ف خلال السنه دي كان بيغيب كتير وكنا بنقلق عليه عشان كده جبت ديه وبص لريتال وانتي انا مش عايز اكلمك نهائي
ريتال قربت منه وحضنت اخوها: انا اسفه يا اياد اسفه
اياد : انا كنت هموت من القلق عليكي وأنتي بكل بساطة بتعتذري
ريتال : سامحني انا عملت كده عشانكم كنت عايزه احميكم
اياد : ابعدي يا ريتال ابعدي.  ف اللحظه دي دخل سائر واسر ومازن لجوا ومعاهم افراد من الشرطه
اسر : هاله وقرب عليها بقلق انتي كويسه
سائر : عملك حاجه
هاله هزت راسها بالنفي   احد افراد الشرطه قرب من عامر واكتشفوا أن ضرب النار كان ف قدمه فقط وانه لم يمت
فرد من الشرطه : مامتش يا فندم دي اصابه ف رجله بس.  هز له الضابط بمعني حسنا
مازن : انتوا مين. ريتال كانت هتتكلم بس اياد سبقها
اياد : أنا المقدم اياد وده المقدم زين صديقي. هزوا راسهم بمعني حسنا
سائر : تعالي دي هاله هتموت عليكي
زين : ريتال ارجعي لينا. بصت ليه بالم
ريتال: انا كل ما بقرب بتتاذوا كلكم بتتاذوا بعدي افضل
زين : انتي ببعدك عننا بتاذينا كام واحد عايز يشوفك ها سيف نور يوسف ياسمين بسنت احمد وياسين حتي دول مش همينك
اياد : سيبها تمشي يا زين كده احسن ليها هي معاهم افضل ليها امشي يا ريتال واحنا هنتعود ع عدم وجودك
اسر بنفهم : احنا هنتسناكي برا ابقي اطلعي وقولي قرارك. ومشيوا والظابط اخدوا عامر إللي بدا يستعاد وعيه تدريجيا ومشيوا
اياد : روحي معاهم
ريتال قربت منه بدموع : اياد سامحيني انا اختك
إياد بوجع ؛ لسه فاكره ها ….... أختي فضلت سنين بعيده عني بسبب تفكير غبي منها..... اختي خبت عني أن حياتها ف خطر بردو بسبب غباءها
ريتال : كنت مجروحه كنت عايزني اعمل اي انا مكنتش عايزه حد معايا ساعتها
اياد : ولازالتي يا ريتال مجروحه من اي ها .... محدش زعلك ف حاجه
ريتال بغضب : ام صاحبتي تسرق مني حبيبي لم زين وشاورت عليه يصدق عليا كلام ومجرد تسجيل مش عايزني اتجرح
كان زين هيتكلم بس اياد قاطعه وهو سكت بسبب الم كتفه مكان الرصاصه
اياد : انتي اللي اتنزلتي عن حبك محدش سرق منك حاجه كان ممكن تغضبي تثوري تعملي اي حاجه بس إنتي إللي كسرتي نفسك بنفسك كان ممكن بسهوله تكشفي سلمي ف ساعتها استفدتي اي بالتسجيل لم شلتيه طول المده كلها
ريتال : وانت عارف منين
اياد قرب ومسكها : إنتي فاكره أن انا أو زين منعرفش حاجه عنك ها انتي طول ما كنتي ف أمريكا كنتي تحت عنينا كل حاجه عنك كنا عارفينها حتي بامر التسجيل احنا كنا عارفين إنتي اللي كنتي ضعيفه مش سلمي سلمي دي احسن منها فضلت ورا حبها واتمسكت بيه وانا بقولك اهو كنت بتمني بس مجرد لحظه تكشفي بيها الحقيقة كان ساعتها زين هيسبها بس انتي اللي سكتي متجيش تلومي حد يا ريتال إنتي وبس الغلطانه😡😡
ريتال بصتله بدموع وبصت لزين إللي ابتدا يظهر ع وشه علامات الوجع بس هي مكنتش شايفه حاجه
ريتال : ولم انتوا كنتوا عارفين بملعوب سلمي محدش اتكلم لي ها محدش لي عمل موقف
زين بعد سكوت والم : انا مش لوحدي إللي بحبك مش لوحدي إللي عايزك ف حياتك ادافع لي وصاحبه الشأن بنفسها متنزله عن حقها اتكلم انا لي ها ....... واحده غيرك كانت كلت سلمي بأسنانها
ريتال بدموع : مقدرتش مقدرتش انا كنت بشوفها اختي حتي بعد إللي عملته انا سامحتها والله سامحتها انتوا صح انا كنت ضعيفه مش قادره ادافع عن حبي انا غبيه. وقربت من زين وفضلت تضربه بسرلي اتجوزتها لم مش بتحبها لي رضيت بكده ها لي لمستها لي خلفت منها لي لي
اياد : لان بيحميكي سلمي كانت هتموته
ريتال بصراخ : كدااااب كدااااب صاحبتي استحاله تعمل كده
اياد بسخريه : مش بقولك انك ضعيفه بس دي الحقيقه سلمي كانت وصلت لدرجه انها تموتك اقولك ع شيء تاني سلمي كانت احد اسباب حرق مخازن الشركه بالتعاون مع شادي الخولي وفاديه اي رايك.  صدمات صدمات كفاااااااااايه صرختي بيها ريتال
ريتال : كفاااااااايه بقي انتوا اي كلكم عايزين تقتلوني لي ها لي الكل عايز يكسرني انا بكرهكم كلكم. ف هذه اللحظه لم يتحمل زين الالم وسقط مغشي عليه
ريتال بصراخ : زين   قرب منه اياد بسرعه وريتال كانت هتقرب
اياد : ابعدي يا ريتال شوفي حياتك احنا مش مهمين بالنسبه ليكي
ريتال : انت بتقول اي ده جوزي
اياد : امشي يا ريتال. قالها بحده. مشيت ريتال من قصدها وجواها قلق وخوف ع زين ومشيت مع اسر وسائر ومازن ودموعها ع خدها مش راضيه تقف ام اياد فدمع ع شقيقته هو كان نفسه يحتضنها ويفضل يضربها ع خوفهم عليها بالشكل ده ويقولها متبعدش بس لازم تفوق لازم تعرف حقايق كتير واولهم أن زين مخنهاش هو عمل كده عشان يحميها من شر سلمي إللي المفروض صاحبتها.  شال صاحبه بقوه واخده ع عربيته وراح ع المستشفي
___________________&
ف فيلا اياد كان الكل متجمع وقلقان
سيف : يعني متعرفيش راح فين
ياسمين: لا اخر حاجه انه كلم زين غير كده لا
يوسف : اخوكي وجوزك ناس غريبه والله
نور : خير يا جماعه
بسنت : ده حتب الولد الصغير اخده معاه
يوسف : خيييير خيررر. قطع كلامهم اتصال ع فون سيف
سيف : اهلا بابرميل البرود احنا هنموت عليك هنا وسيادتك ابصر بتعمل اي
اياد : انا مع زين ف المستشفى.  توقف سيف عن الكلام فجاه
سيف : فين
اياد : ....... هناك
سيف : ماشي سلام.  وقفل معاه
ياسمين : ف اي يا سيف ف حاجه خصلت
سيف : بصي هو الموضوع
نور : قول يا سيف مش ناقصه قلق
سيف : زين ف المستشفى
يوسف بقلق : ف المستشفى لي
سيف: معرفش
بسنت : طب يلا نروح.  وراحوا كلهم ع المستشفي إللي قال عليها اياد ووصلوا لقوا اياد قاعد برا وساند راسه ع الحيطه ومغمض عينه
ياسين : بابا. بص اياد ع ابنه إللي جري عليه واياد حضنه والكل جري عليه
ياسمين ؛ إياد اخويا فيه اي
اياد : هو اتصاب برصاصه. وضعت يدها ع بصدمه
يوسف. : اي اللي حصل
اياد : زين لقي ريتال
نور بفرحه : بجد وهي فين
إياد لسه هيتكلم طلع الدكتور والكل جري عليه
اياد : خير يا دكتور هو عامل اي
الدكتور : الحمدلله انه عدا مرحله الخطر بأعجوبة لانه كان فقد دم كتير
سيف : يعني هو كويس
الدكتور : ايوه شويه وهننقله ف اوضه عاديه ومشي بعيد وكلهم اتنفسوا الصعداء وبصوا لاياد مره ثانيه
يوسف : وهي فين مجاتش معاكم لي
اياد : هي اللي اختارت حياتها دي هي حره
نور : انت بتقول اي يا اياد انت عارف هي وحشنا قد اي
اياد ': عارف بس دي حياتها تقرر فيها براحتها
بسنت : انت مش طبيعي بجد
سيف : طب هي فين
اياد : معرفش زين بس إللي يعرف
ياسمين : وهو اتصاب ازاي
اياد : لانه كان بينقذ ريتال مش مهم يا جماعه كفايه بقي
وسابهم وطلع برا
ياسين : بابا ماله
ياسمين : ملوش يا حبيبي ملوش. اياد سابهم وراح ع المسجد اللي ف المستشفى واتوضي وصلي وقعد يدعي انهم يرجعوا لبعض من تاني ويرجعوا عائله واحده هو مش بيكره ريتال هو عايزها ترجع براغبتها هي وقعد يدعي لصاحبه
____________________&
بعد فتره وصلوا ع الفيلا ونزلوا وريتال وراهم بصمت وهاله شافتها جريت عليها حضنتها
هاله : ريتال انتي كويسه يا حبيبتي. هزت راسها بمعني ايوه
رنا : كنتي فين قلقتينا عليكي
هدير : مالك يا ريتال.  بس ريتال بصتلهم وطلعت فوق بهدوء
سيف : مالها يا بابا
اسر حكالهم اللي حصل وهم زعلوا ع ريتال
ساره : البنت دي شافت كتير اوي
جلسر : فعلا
مازن : ولو تشوفي شكل جوزها حرام والله
ابتعد الشباب والبنات بعيد واتلموا حوالين بعض
سلمي : ريتال ضعيفه اوي
عبدالله: فعلا ومش عارفه تدافع عن حقها
تقي : احنا لازم نعمل حاجه
سيف : وهنعمل اي بقي
حسام : عندي فكره
ياسر : قول ياخويا
حسام : هنتريق بقي
كريم : حد لمسك يا عم انطق بقي
حسام : ماشي بصوا احنا ..........
اسلام : فكره مش بطاله بس كده هينفع يعني
عواطف : اكيد هتجيب
رنا : لازم نساعدهم. وحط ايدهم ع ايد بعض
كلهم : اتفقنا. وشالوا ايدهم ورجعوا ولا اكن حاجه حصلت ام فوق ف ريتال قاعده بتيعط
ريتال : لي بيحصل فيا كده لي انا الكل عايز يخلص مني لي كده حتي اقرب حد ليا كانت هتموتني ..... عشان مرض اسمه الحب ...... انا بكره نفسي بكرهها ...... تعالي شوفي بنتك يا ماما...... سيبتيها لوحدها والكل بقي يلعب بيها 😭
_____________________&
عدا ثلاث ايام وزين خرج من المستشفى ومتكلمش مع حد وراح ع فيلاته هو وابنه وقعدوا هناك ام ريتال فكانت حابسه نفسها ف الاوضه لحد ما دخلت عليها رنا
رنا : ريتوريتو
ريتال : نعم
رنا : عايزكي معايا
ريتال : فين
رنا : البسي بس
ريتال بحزم : هنروح فين
رنا : اوف هنروح المطعم نتغدا سوا
ريتال : مش عايزه
سلمي وهي داخله : بطلي كأبه وقومي بقي
ريتال : مليش نفس
سلمي : قوووومي يلا يلااااا.  وفضلوا يزنوا لحد ما قامت ولبست ومشيت معاهم لحد المطعم ودخلت جوا واتفجئت بعائلتها كلها قدامها
نور بدموع : ريتال.  وجريت عليها حضنتها وريتال كمان
نور : وحشتيني وحشتيني اوي اوي
ريتال : وأنتي كمان
بسنت : انتي واحده بارده. وضربتها جامد وحضنتها كنت هموت من القلق عليكي
ريتال : اهدي انا كويسه وبصت لبطنها انتي حامل 😮
بسنت : ايوه
يوسف : أهلا بارخم طفله ف العالم كل ده يا ريتال احنا مهمنكيش مفكرتيش تسالي علينا
ريتال : أنا اسفه بس انا كنت عايزه مصلحتكم مش اكتر اسفه وحضنته وهو حضنها
سيف : انتي بارده وحقيره وزباله وكل الصفات عشان تهربي مننا بالطريقه دي. ريتال حضنته جامد
ريتال بدموع : وحشتني اوي يا سيف كنت مفتقداك.
ياسين جري عليها : ريتووووو. شالته وحضنته
ريتال : حبيبي الصغير وحشتني
ياسين : وانتي كمان مش تمشي تاني يا ريتو
ريتال : حاضر يا حبيبي. وجت ياسمين وفعلت المثل ريتال بصت لاياد
ريتال : لسه بردو زعلان مني
اياد :
ريتال: أنا اسفه اضربني لو عاوز بس متزعلش مني يا ايدي
اياد صعبت عليه وحن : متعمليش كده تاني يا غبيه فاهمه ولا لا
ريتال : حاضر.  وحضنته وهو كمان حضنها جامد اخته وحشته جدا
وقعدوا اتكلموا واتجهلت زين إللي كأن بيبص ليها بشوق اه نسيت اقولكم أن سلمي ورنا مشيوا بعد ما عملوا اللي خططوا عليه
ريتال : احمد فين
زين : ف الفيلا مرضاش يجي
ريتال : انا عايزه اشوفه
اياد : قومي يلا.  وقاموا كلهم برا وركبوا العربيات ومشيوا للفيلا وكانت ريتال مع زين ف العربية والسكوت هو المسيطر لحد ما لقوا الطريق واقف وف صوت عربيه شرطه وقف زين حد من اللي بيجري
زين : هو ف اي
الراجل : بيقولوا الفيلا اللي ع الشارع بتولع ومستنين المطافي. سمع زين ده واتصمر مكانه دي فيلاته نزلوا كلهم بسرعه من العربيات لانهم سالوا وكان نفس الجواب نزلت ريتال من العربيه وجريت بسرعه ع الفيلا ووراها زين ويوسف والكل وكان الحريق شغال
ريتال بصراخ : احماااااااااااااااد
زين : احماااااااااااااااد
ياسمين بدموع : لا يارب استرها يارب
وريتال وزين جيين يقربوا وقفهم ظابط شرطه
ظابط شرطه: مينفعش اتفضلي حضرتك المطافي زمانها جايه
اياد : ابنها جوا انت مجنون
ظابط بغضب : اتكلم عدل يا جدع انت
سيف : اظبط كلامك بس الاول. ف اللحظه إللي مشغولين فيها ريتال جريت ع الفيلا وسط الامن
نور بصراخ : ريتاااااال الكل بص ع ريتال اللي جريت جوا
يوسف : ريتاااااال لاااااا
زين : ريتاااااال وحاول يدخل بس الشرطه منعته. دخلت ريتال جوا وفضلت تدور ع احمد وسط الدخان والنار إللي شغاله وشافته وهو بيعيط ف جنب
ريتال : احمد وجريت عليه حضنته وهو كمان
احمد : ريتو انا خايف
ريتال : متخفش يا حبيبي هنطلع المهم انك متخفش من اي حاجه وشالته ع ظهرها وخرجت برا بس بتحاول تتفادي النار وبتكح جامد من الدخان    عداا ربع ساعه والكل قلقان
بسنت بدموع : ريتاال ريتال فين مخرجتش لي
اياد : اختي اختي فين   باااابا  بص زين ع احمد الصغير اللي ظهر وشاله وقعد يبوس فيه والواد بيعيط
سيف : حبيبي اهدي وبطل عياط ريتال فين
زين بص لابنه بقلق : ريتو فين بس قطع كلامهم صوت الانفجار شديد ف المكان وحاله صدمه وسكوت تااام
______________________&
تفتكروا اي اللي حصل
ودي النهايه
انتظروني مع الحلقه الاخيره بكره أن شاء الله
توقعاتكم
#Nemo