لست المذنب

البارت الثاني والعشرون

لست المذنب
الحلقه الثانيه والعشرون
---------------------&
زين : بدون مقدمات كتير يا ريتال تقبلي تتجوزيني
ريتال بصتله بصدمه
زين : توافقي يا ريتال تتجوزي واحد متجوز.  ريتال بصتله جامد يما نفسها دلوقتي تضريه جامد وبعدين تحضنه غمضت عينيها بوجع ساكن جواها
ريتال : انا موافقه يا زين
زين بصلها بصدمه
زين : متغيرتيش يا ريتال كنت فاكرك اتغيرتي
ريتال : انا زي ما انا ماتغيرتيش بس انت إللي اتغيرت
زين قام وقف : اعملي حسابك الفرح هيبقي الجمعه الجايه. وسابها ومشي من قدامها لان مشاعره هتخونه قدامها هو منسهاش ولا لحظه ولا حب سلمي بس كان لازم يحترمها وهي فضلت مكانها عايز تصرخ من الوجع إللي فيها وهي قاعده جالها رساله كان نصها التالي:
(ليكي وحشه يا ريتال هانم والله ورثتي فريده ف كل حاجه بس شغلنا هيرجع بمزاجك أو لا امضاء فاعل خير). بصت للرساله باستغراب وقامت مشيت ورجعت ع الشركه عشان تجيب شويه ورق كان الكل مشي دخلت اخدت الورق وخرجت ع الفيلا وهي جواها سؤال واحد هتقولهم اي وصلت ع الفيلا وكان الكل متجمع دخلت ع جوا
يوسف : كنتي فين يا ريتال
ريتال : ينفع نقعد عايز اتكلم معاكم ف حاجه
ياسمين : حاجه اي
ريتال : نقعد بس.  وقعدوا مع بعض
سيف : احكي يا ريتال ف اي. ريتال اتنفست جامد
ريتال : زين طلبني للجواز وانا موافقه.  الكل بصلها جامد وفجاه انصدموا بسبب الكف القوي إللي نزل ع وشها من يوسف
الكل بغضب : يوسف
يوسف : واضح انك اتدلعتي كتير كل حاجه كانت بتتنفذلك... كل حاجه بتتمنيها كانت بتتحققلك …..
ريتال : انت إزاي تمد ايدك عليا انت اتجننت
يوسف : انا لو مكنتش ضربتك كنت ساعتها هبقي اتجننت لان سايبك ع هواكي تعملي إللي تعمليه براحتك إنتي اي مبتحسيش بمشاعر غيرك عايز تدمري حياتك لي
ريتال بصراخ : وانا كده حياتي مش متدمره انا عايشه ف حاجه اقل ما يقال عنها حياه.... انا حياتي كلها متدمره يبقي مفرقتش ف حاجه
يوسف : متدمره ف اي ها إنتي عايشه حياه غيرك بيتمني مليون مره انه يعشها من إنتي اول واحده اهلها يموته
ريتال : بس محدش شاف امه بتموت قدامه وهو مش قادر يعمل حاجه ..... محدش شاف ناس عاملين يضربوا امه بالنار وهو واقق متكتف حتي الدمعه عليها اتحرمت منها انتوا اي مبتخلوش الواحد يعيش في حياته اطلع برا حياتي يا يوسف وملكش دعوه بيا
سيف : ريتال إنتي اتجننتي
ريتال : اي اتجننتي دي سبوني ف حالي بقي أنا ف اكتر وقت انا عاقله فيه وبصت ليوسف ونور اطلعوا من حياتي وابعدوا عني انتوا متقربوش ليا بحاجه وجوازي من زين هيتم اذا كنتوا موافقين ولا لا
نور ببكاء : حاضر يا ريتال احنا هنطلع من حياتك نهائي يمكن كده ترتاحي وقلعت دبلتها وسابتها ع التربيزه وسيف باصص ليها بصدمه وريتال كل إللي بتعمله انها واقفه ساكتها ووشها كله احمر من العضب
يوسف : يلا يا نور مع السلامه يا ريتال هانم
اياد : يوسف استني متمشيش يوسف.  بس مسمعوش ليهم واخدوا نفسهم وطلعوا ع اوضهم بسرعه اخدوا كل حاجه ونزلوا ف وسط صمت م الكل ومشيوا بعد ما بصوا لريتال إللي بتبصلهم بدموع
ياسمين : ارتاحتي كده يا ريتال بتستفيدي اي لم بتبعدي الناس عنك ها بتستفيدي اي..... يا خساره يا ريتال مكنتش اعرف انك انانيه كده. وسابتها وطلعت عند ابنها ف الجنينه
ريتال : حد عنده كلام تاني اتفضلوا   اياد وسيف بصولها وسابوها ومشيوا وهي طلعت ع اوضتها بسرعه وقفلت الباب وفضلت تعيط
ريتال : اااااااااااه ااااااااااااه 😭😭😭😭😭  وفضلت تعيط لحد ما نامت مكانها
_________________&
سيف طلع يجري ورا يوسف ونور إللي كانوا واقفين مستنيين تاكسي ونور عماله تعيط راح عليهم بسرعه ومسك نور من كتفها
سيف : إللي عملتيه مش هحاسبك عليه بس لو عملتيه تاني هتزعلي مني اوي دبلتك متتقلعش يا هانم. ولبسها لها
سيف : ممكن اعرف انتوا هتروحوا فين
يوسف : هنروح ف اي حتي لحد الصبح هنركب طياره ع امريكا
سيف : انت اتجننت يا يوسف انت عارف ان ريتال مكنش قصدها اي حاجه من اللي قالته
نور : عارفه بس هي لازم تقعد مع نفسها وتشوف هي عايزه اي
سيف : يا نور إنتي اكتر واحده عارفه أن ريتال قاست كتير ف حياتها وبعدين مكنش ينفع إللي جو عمله ولا اي
يوسف : انا عارف ان إللي عملته ده غلط مكنش ينفع امد ايدي عليها بس مكنش هينفع معاها غير كده ريتال بتعذب نفسها يا سيف
سيف : معلش تعالوا معايا بقي هتقعدوا معايا ف الفيلا بتاعتي
يوسف : لا مش لازم إحنا هنحجز ف اي فندق لحد الصبح
سيف : طلاق ثلاثه ميحصل يلا يا شيخ يلا. وزقه جامد لحد فيلا اياد ودخلوا جوا
اياد : يوسف كويس انك رجعت متزعلش من ريتال انت عارف اختك بقي
يوسف : لا عادي. دخل سيف جاب عربيته وطلع
سيف من العربية : يلا اركبوا هاخدهم معايا الفيلا
اياد : اشطا سلام   ومشيوا واياد راح لعند ياسمين وحضنها
اياد : مالك يا حبيبتي
ياسمين : زعلانه ع ريتال مبقتش زي الاول يا اياد
اياد : ريتال شافت كتير ف حياتها يا ياسمين وكل حاجه احنا مكناش معاها ساعه ما الدنيا كلها جت عليها
ياسمين : لو تقولي بس  اي اللي حصلها
اياد : دي حاجه خاصه بريتال ويلا خلينا ناخد الواد إللي ميت من البرد ده ع جوا يلا. وباسها برقه ع خدها وراح شال ياسين برفق واخده طلعه ع اوضته وراح هو وياسمين وياسمين نامت ف حضنه بس هو بيفكر هيعمل اي مع زين بكره
____________________________&
شهقت سماح بصدمه لم عرفت الخبر : إنتي اتجننتي عايزه جوزك يتجوز عليكي
سلمي بهدوء : وف اي يا ماما ما الشرع محلل اربعه
سماح : انتي هتجننيني انتي عايزه تشليني صح
سلمي : يا ماما مفيش حاجه صدقيني
سماح بغضب : مفيش حاجه إنتي عايزه تجوزي زين لريتال إللي بيحبها
سلمي : عادي يا ماما مفيهاش حاجه
سماح : اقفلي يا بت اقفلي. وقفلت ف وشها السكه وحمدي دخل الاوضه واستغرب من شكلها
حمدي : مالك يا سماح
سماح : بنتك اتهبلت
حمدي : حصل اي
سماح : عايزه تجوز زين لريتال
حمدي بصدمه : نعم بتقولي اي
سماح : زي ما سمعت كده
حمدي : هي اتهبلت
سماح : البت دي هتموتني ناقص عمر عارف لو مكنتش بتخلف كنت هقول ماشي عايزه تجيب لجوزها عيل انما هي مخلفه وعندها احمد إللي بالدنيا
حمدي : مش عارف حاجه ولا فاهم حاجه
سماح : ولا انا  
____________________&
بعد ما سلمي قفلت مع مامتها اتنهدت وقعدت ع السرير مستنيه زين دخل زين الاوضه وخد هدوم ودخل الحمام بهدوء تام وبعد ربع ساعه طلع وهي باصه عليه بصمت
سلمي : وبعدين هتفضل مش مكلمني كده كتير
زين : الفرح يوم الجمعه. سكتت شويه تستوعب الجمله وبعدين ابتسمت
سلمي : معني ذلك انك
زين : ايوه الفرح يوم الجمعه
سلمي : وريتال عار.
زين مقاطعها : ايوه كلمتها النهارده بس اعملي حسابك انا مش هعمل افراح
سلمي بصتله بصدمه : قصدك اي
زين : زي ما سمعتي مش هعمل افراح كتب كتاب بس
سلمي: بس دي صاحبتي واختي
زين قرب منها ومسكها من كتفها : واحنا اي وانا اي ما انا جوزك إللي انتي عايزه يتجوز عليكي مش ده احمد إللي إنتي عايزه تجبيله مرات اب
سلمي : ريتال مش مرات اب ريتال هتبقي زي ام لاحمد واكتر ريتال طيبه مش شريره
زين بعد عنها وضحك بسخريه : شوف مين اللي بيتكلم اس حال إنتي إللي ورتيني الحقيقه ..... انا قولتلك هاخد وقت وانا اخدته لحد ما نسيتها (كدب) بس انتي بتحطيها قدامي تاني
سلمي قلبها وجعها نفسها تقوله أن ريتال بريئه بس هي عارفه أن زين ممكن يتهور فسكتت
زين: ده إللي عندي وياريت تبلغي ريتال بيه انها هتبقي هنا زيها زي سميره (الخدامه)   وسابها ودخل نام وهي فضلت ف مكانها مش قادره تعيط وراحت طلعت من الاوضه وراحت نامت مع ابنها
___________________&
تاني يوم ريتال قامت من ع الأرض بوجع وافتكرت إللي حصل قامت بسرعه مسكت الفون بتعها واتصلت ب
ريتال : الو اي يا سيف
سيف : ريتال ف حاجه
ريتال : يوسف ونور فين
سيف بتنهيده : لسه موصلهم ع المطار.  قفلت معاه من غير ما ترد ودخلت الحمام بسرعه غيرت ولبست هدومها وجريت ع العربيه بتاعتها كان اياد لسه بيركب عربيته
اياد : رايحه فين يا ريتال
ريتال : المطار.  وركبت العربيه ومشيت بسرعه وهو وراها لانه خايف من طهوراتها ووصلت ع المطار بسرعه قياسيه وفضلت تدور ع يوسف ونور لحد ما شافتهم وجريت ع يوسف بسرعه وحضنته
ريتال : انا اسفه يا جو انا اسفه انت تقدر تعمل إللي تعمله انا اسفه متزعلش مني انا غبيه 😖😖😖
يوسف اتفاجئ منها وضمها بلطف وبعدين بعدها عنه
يوسف : انا مش زعلان منك يا ريتال ولا مدايق من حاجه انا مدايق منك إنتي لانك عايزه تموتي نفسك
ريتال : خلاص متسافرش واقعد معايا هنا
نور : لو رجعتي عن اللي ف دماغك يا ريتال هنقعد
ريتال بصتلهم وبعدت خطوه
نور : كنت عارفه انك مش هترجعي عن إللي ف دماغك وانا اسفه مش هقدر اشوفك بتعذبي نفسك بالبطئ
ريتال بصوت ضعيف : مينفعش ..... ده نصيبي ... جو متمشيش.  يوسف ونور بصوا عليها بالم وبعدوا بعيد وهي واقفه مكانها صنم لحد ما اياد جيه واخدها ف حضنه وهي عيطت ف حضنه شويه وبعدين بعدت
اياد بابتسامة : اميرتي الصغيره متعيطش ..... كل اللي إنتي عايزاه هيتحقق...... وهتتجوزي زين خلاص كده. ريتال بصتله بحب ودموع
ريتال : شكراً يا ايدي.... أنا هروح ع الفرع الثاني للشركه إللي ف اسكندريه
اياد بتعجب : لوحدك
ريتال : عادي يا ايدي ما انا كنت لوحدي فعادي عايز حاجه
اياد : لا يا حبيبتي خلي بالك من نفسك
ريتال : ماشي يلا سلام عليكم
اياد : عليكم السلام.  ومشيوا كل واحد ع مشواره ام بعيد شويه ف الطائره بالظبط كان يوسف ونور جنب بعض
نور : حرام عليك يا يوسف بجد كان لازم تقولي اعمل كده
#فلاش
بعد ما اتصلت ريتال بسيف كان سيف لسه مع يوسف ف المطار
يوسف : ف اي
سيف : تقريبا ريتال هتيجي هنا
نور : اي إزاي
سيف : عادي لانها سالت ع مكانكم معني ذلك انها حست بغلطها
يوسف : بس مش لازم اتساهل معاها زيكل مره
نور : امال هتعمل اي
يوسف : شرحلها هيعملوا اي وهو نفس إللي عملوه مع ريتال
سيف : بس ريتال عنيده
يوسف : يبقي حاولنا لو كده ف انا فعلا اسف مش هقدر احضر موتها بايدها
سيف : بس اكيد ريتال ليها سبب
نور : طب اي السبب
يوسف : ده إللي محيرني بردو بس اكيد هنعرفه
#باك
يوسف : خلاص يا نور ريتال مش غبيه واحنا مش هنسيبها ده بس اسبوع ولا حاجه ونرجع
نور : ماشي   وقعدت سرحانه ف ريتال وامرها
يوسف : ده أنا  متصلتش ببوسي نهائي
نور بضحك : هم يضحك وهم يبكي اشرب بقي
يوسف : والله ووقعت ف النكد برجلك يا جو
نور : هههههههههههههه
يوسف بضحك : وبوسي متتوصاش الصراحه
نور : ههههههههه خلاص مش قادره اخرص بقي
يوسف ضربها بخفه ع راسها : يا خرا ده أنا اخوكي الكبير
نور : whatever عادي يا جو
يوسف :  ماشي يا حياتي 😘
نور : بس ياض وبص قدامك.
___________________&
ف الطريق ريتال ماشيه وبتفكر ف المستقبل بتاعها هيبقي عامل ازاي معقول زين اتجوزها ليها هي ولا سلمي إللي قالتله انه يتجوزها قطع تفكيرها صوت الفون
ريتال : اي يا بوسي
بسنت : اي يا بنتي مش جايه ولا اي
ريتال: يا توهان انا المفروض اشوف احوال الشركه إللي ف اسكندريه
بسنت : اه صحيح معلش نسيت
ريتال : ههههههههه ال واكل عقلك
بسنت : بس يا بت الا هي نور فين
ريتال بخبث : نور بردو ع العموم نور سافرت
بسنت : اي من غير ما يقول
ريتال : هو حصل مشاكل وسافر اه انا عزماكي ع فرحي يوم الجمعه
بسنت بصدمه : اي انتي هتتجوزي
ريتال : اها يلا سلام عشان انا ع طريق هحكيلك بعدين باي
بسنت : باي وقفلت معاها ورن الفون تاني
ريتال باستغراب : سلمي خير. وردت عليها
سلمي : ازيك يا ريتو
ريتال : هاي يا سوسو عايزه اي
سلمي : انا كنت عايزه اقولك إنتي موافقه ع الجواز من زين
ريتال اتنهدت : ايوه وهو كلمني وقالي أن الفرح يوم
سلمي : الجمعه بس ف حاجه
ريتال : اي ف اي
سلمي : زين مش عايز يعمل فرح.  ريتال وقفت العربيه فجاه لدرجه العربيه كانت هتتقلب بيها وسلمي سمعت ده واتخضت
سلمي : إنتي كويسه يا ريتال
ريتال : ها اه معلش مسمعتش كنتي بتقولي اي
سلمي : زين مش عايز يعمل فرح
ريتال : آمال عايز يدفني مثلا
سلمي : بعد الشر عليكي  هو عايز يعمل كتب كتاب ع طول
ريتال : ماشي يا سلمي أنا موافقه سلام. وقفلت معاها ومشيت بسرعه كبيره ووصلت للشركه ف سرعه قياسيه لدرجه انها كانت هتعمل حادثه اكتر من مره وطلعت واول ما دخلت اثنين اتخصم منهم فلوس من المرتب بسبب اهملهم ودخلت ع المكتب وهي متعصبه وقعدت فيه ودخلت وراها واحده وهي مدايقه
السكرتيرة : إنتي مين انتي عشان تخصمي للموظفين وقاعده ع مكتب رئيسه مجلس الإدارة كده
ريتال قربت منها : اولا صوتك يكون واطي لأني بكره الصوت العالي ...... ثانياً انا ريتال الحناوي صاحبه اكبر أسهم ف الشركه هنا بنسبه ٧٠٪ .... ودلوقتي عايز ه كل اللي ليهم اسهم هنا ف الشركه ..... والناس إللي ف بنتعامل معاها ف اجتماع بعد ساعه اتفضلي.   السكرتيرة فضلت بصلها بصدمه
ريتال بحده : سمعتي اللي قولتلك عليه اتحركي.  بصتلها وجيه تمشي
ريتال : ابعتيلي قهوه هنا.
السكرتيرة : حاضر.  ومشيت وهي مرعوبه من ريتال ازاي واحده زيها وبالجبروت ده ام ريتال فقعدت ع الكرسي وفضلت تخبط دماغها بالكرسي
ريتال : غبيه غبيه غبيه
____________________& 
ف الاداره كانوا قاعدين واللواء معنز استدعاهم بسرعه وراحوا ليه
اللواء معتز : اتفضلوا اقعدوا. قعدوا الكل
اللواء معتز : دلوقتي ف ماموريه لازم تروحوا
اياد : بس يا فندم إحنا منعرفش اي حاجه عن المأمورية دي
اللواء معتز : الملف إللي قدامكم انتوا الثلاثه ده فيه كل حاجه عن المأمورية
محمد زميل مشترك : دي صوره شاب في الثلاثين من عمره تقريبا
اللواء معتز : الشخص ده اسمه زيدان ابراهيم زيدان ده كان شاب بسيط جدا كان شغال موظف ف شركه......... واختفي فتره وبعدين رجع وبقي معاه بدل الشركه أربعة وبعد معلوماتش وبحث اكتشفنا أنه بيتاجر ف المخدرات عشان كده قدر يوصل للفلوس دي
زين : بس ده باين عليه شاب غلبان يا فندم
اللواء معتز : يا سياده المقدم بعد البحث اكتشفنا أنه شغال مع شادي الخولي.
اياد : أن شاء الله هنقدر نمسكه يا فندم ونخلص البلد من شره
اللواء معتز : وانا واثق فيكم العمليه هتكون النهارده الساعه ١٠ بالليل ف ....... عايزكم تكونوا جاهزين
زين واياد ومحمد : تمام يا فندم. وادوا التحيه العسكريه وخرجوا
محمد : شادي الخولي ده ف كل حتي ناطط كده
اياد : إللي زي شادي الخولي ده هم إللي ممشيين الناس الكبيره ع مزاجهم والكل بيعملهم الف حساب
زين : خلاص يا اياد عشان ماتتخدش ف الرجلين. 
محمد : ماشي نتقابل بالليل عن اذنكم. وسابهم وراح ع مكتبه
اياد : زين انا عايز أتكلم معاك
زين : وانا كمان يلا بينا ننزل تحت ونزلوا تحت ع الكافتيريا بتاعتهم وقعدوا
اياد : اشمعنا أختي يا زين
زين : عشان بحبها
اياد : انت مبتحبهاش يا زين والدليل أنك متجوز سلمي وعندك احمد
زين : انا معرفش حبيتها ازاي بس صدقني انا بشوفها بيتلخبط كل كياني
اياد : هتقدر تحافظ عليها يا زين
زين : اكيد هبسطها يمكن اكتر من جوزها الله يرحمه
اياد كان عايز يقوله انها متجوزتش بس قرر انه يتفاجئ بنفسه
زين : بس هي مخلفتش
اياد : لا هو كان رافض موضوع الخلفه نهائي. زين صعب عليه ريتال وبعدين أظهر اللامبالاة بتاعته
زين : احم بس انا ف حاجه
اياد : خير
زين : انا مش هعمل فرح. اياد قام وقف
اياد : نعم امال هتعمل اي
زين : كتب كتاب ع طول
اياد : لي ياخويا اختي ناقصها رجل ولا ايد
زين : ناقصها انها مش بنت.
اياد بغضب : زيييين وكان هيضربه ز
زين : اي مش الحقيقه
اياد : ماشي يا زين ماشي.  وسابه وراح ع صاله التدريبات يفرغ طاقته السلبيه كلها ام زين فطلع ع مكتبه عشان يشوف ملف (شادي الخولي)
______________________&
عدا الوقت بسرعه وريتال وصلت ع البيت كانت الساعه ٩ ودخلت كانت ياسمين قعده وياسين نايم ع رجلها
ريتال : قعده كده لي يا سوسو
ياسمين : مستنيه اياد
ريتال باستغراب : هو لسه مجاش
ياسمين : لا هو ف ماموريه
ريتال : مأمورية وهيرجع امتي
ياسمين : علمي علمك انا خايفه عليه أوي
ريتال : أن شاء الله هيبقي كويس انا هطلع اغير هدومي وانزل اقعد معاكي
ياسمين : لا ارتاحي انتي
ريتال : ولا اكني سمعت حاجه يلا   وجت تطلع بس لمحت حاجه ع الكرسي وقربت ببطئ ومسكت الملف واتصدمت
ريتال : زيدان ابراهيم وراحت لياسمين بسرعه
ريتال بقلق : مين ده
ياسمين : ده تقريبا الشخص اللي رايح يقبض عليه اياد. ريتال اتصدمت والملف وقع من ايدها
ياسمين : ف اي يا ريتال إنتي تعرفيه
ريتال : ها لا بس كنت بسالك
ياسمين بشك : متاكده
ريتال : اها. وطلعت ع فوق وهي خايفه ع اياد اوي وبتدعي ربنا يحميه وغيرت هدومها ونزلت تستني مع ياسمين إللي كانت طلعت ياسين أوضته وبعد مرور ساعتين دخل اياد الفيلا وجريوا عليه وياسمين حضنته
ياسمين : انت كويس
اياد : ما انا زي الفل قدامك اهو. وبص ع ريتال إللي كانت بتبصله بدموع وجريت ع اوضتها
ياسمين : روحلها لانها كانت قلقانه عليك اوي.  اياد باس راسها وهي ابتسمت وطلع لريتال خبط عليها الباب ودخل كانت واقفه ف البلكونه قرب منها
اياد : ريتال. بصت عليه وعينها حمرا زي الدم من كتر ما مش عايزه تعيط وهو شافها واتصدم وقرب منها وحضنها وهي حضنته
ريتال : لي لي مقولتليش لي مقولتليش انك رايح تقبض ع كلب من كلاب شادي لي مكلمتنيش لي
اياد : انا اسف حقك عليا
ريتال : متعملهاش تاني يا اياد ابوس ايدك
اياد : حاضر يا حبيبتي اهدي بقي العياط غلط عليكي يا عروسه
ريتال لنفسها : عروسه ....عروسه المقابر 😏
اياد يلا نامي بقي ومفيش شغل لحد ماتتجوزي 
ريتال : لا يا اد اس حال انت لحد يوم الحنه كنت ف شغل
إياد : ماشي يا ستي بس تروحي وتيجي بدري
ريتال : ماشي بس عملت اي ف العمليه
اياد : الحمدلله انا وزين قدرنا نمسك زيدان ده بس
ريتال : اتقتل مش كده
اياد : ايوه شادي اكيد هو إللي قتله
ريتال : شئ موكد بس انتوا عملتوا إللي عليكوا حد اتصاب
اياد : اه شويه عساكر
ريتال : ماشي
اياد : احكيلي بقي يومك كان عامل ازاي
ريتال : يا ساتر ع الناس إللي هناك جابولي شلل والله
اياد بضحك : لي
ريتال : هقولك.  وقعدت تحكيله عن يومها كله وبعدين سابها ونام
_________________&
ف أمريكا وصل يوسف ونور من ساعتين وشافتهم جيسي
جيسي : نور جو. وراحتلهم حضنتهم وهم كمان حضنوها
جيسي : حمدالله على السلامه جيانا من غير ما تقولوا لي
نور : حبينا نفاجك بقي
جيسي : أحلي مفاجاه ريتال عامله اي
يوسف : الحمدلله كويسه وهتتجوز
جيسي بدهشه : هتتجوز هتتجوز مين
يوسف ونور : زين
جيسي : مش ده كان اتجوز
يوسف : عرض عليها الجواز وهي وافقت
جيسي : وسيبتوها لي حرام
نور : عادي يا ماما معلش انا هلكانه وعايزه انام تصبحوا ع خير
يوسف : وانا كمان تصبحي ع خير يا ست الكل
جيسي : وانتوا من اهله. وطلعوا فوق ع اوضهم ناموا وجيسي طلعت تستعد عشان تروح الشركه
$$$$$$$$$$$$$$
ف انجلترا كان السكون هو سيد المكان
المجهول ١ : وبعدين بقي
المجهول ٢ : خلاص هانت
المجهول ١ : خطط لاي
المجهول ٢ : إحنا هننزل مصر
المجهول ١ : امتي
المجهول : يوم الجمعه
المجهول ١ : ايوه بقي خلينا نرجع تاني لمجدنا
المجهول ٢ : ايوه والله ورجعتلك يا ريتال خلتينا كل ده مستخبين بسب إنتي والحيوان الثاني
__________________&
عدا الثلاثة ايام ف سرعه البرق وكان زين بيقعد مع سلمي قليل وهي كانت بتحس بالم جامد بس مكنتش بتتكلم وبتسكت وجيه اليون اللي هيشقلب حياه ريتال كلها من جديد (يوووووم الجمعه)
ياسمين : ريتوووووو
ياسين : رووووووتي
ريتال بتكاسل : نعم نعم
ياسمين : قومي يا عروسه
ريتال : كتب الكتاب لسه بالليل مصحيني لي
ياسين : انا سمعت اياد بيقول الساعه ٥
ياسمين : اسمه بابي يا ياسي
ياسين بملل : اوكي
ياسمين : يلا قومي بقي
ريتال : الساعه كام
اياد وهو داخل : ٢ الظهر يا حلوه
ريتال وهي بتحط المخده ع وشها : ساعه وصحوني
إياد شد المخده والبطانيه ورماهم ع الارض
ريتال: يا بارد
اياد : قومي ياختي يلا. قامت ريتال بكسل ودخلت الحمام ونزل ياسين واياد تحت وياسمين فضلت فوق مستنيه ريتال
_________________&
عدا الوقت ووصل زين والمأذون ع الفيلا وقعد مع اياد وسيف وبسنت اعتذرت لان عندها ظروف مهمه وتم كتب الكتاب ونزلت ريتال من فوق وكانت شبه الاميرات بس اميره حزينه لانها حاسه ان إللي جي مش حلو زين قرب منها وباسها من راسها لمده طويله وبعدين بعد عنها وبصلها ف عيونها جامد
ياسمين : مبروك يا ريتال
سيف : مبروك يا زوز وحضنه وزين كمان حضنه وبعدين اياد نفسه الشئ
زين : اخد عروستي انا بقي. ابتسمت ريتال بصعوبه
ياسين : هتوحثيني يا روتي
ريتال : وانت كمان يا قلب روتي هتوحثني
ياسين : ابقي تعالي اوك وعملها بايده
ريتال.  : اوك وعملت زيه ومشيت مع زين بعد ما سلمت عليهم وفضلوا ف العربية ف حاله سكون مكنش ف غير كلمه واحده
زين : مبروك
ريتال : شكرا. ووصلوا ع الفيلا كان سلمي مستنياهم واحمد معاها
سلمي : حمدلله ع السلامه مبروك يا ريتال
ريتال : الله يبارك فيكي يا سوسو
احمد : انتي هتعيشي معانا. ريتال نزلت لمستواه وباسته
ريتال : ايوه ياسيدي هعيش معاك
أحمد : اثي يا روتي
ريتال : اثي يا احمد. باسته من خده ووقفت عدل تاني
سلمي : طب يلا خد عروستك يا زين.  زين بصلها نظرات ناريه
زين : ماشي يلا يا ريتال.  ريتال طلعت معاه وهي متوتره ام سلمي فحست بوجع شديد ف دماغها ف طلعت ع اوضتها وأحمد طلع ع اوضته
دخلت الاوضه وهي متوتره وزين وراها من غير كلام وبعدين قرب منها جامد لدرجه ان جسمها اتجمد وبعد عنها وهي استغربت
زين : اي مالك مستغربه لي..... عشان مقربتش منك ما ده طبيعي مع خدامه ولا اي.  الكلمه وقعت على ريتال زي الصاعقه خدااامه
زين : إنتي هنا هتكوني زي ام تانيه لاحمد انما متتوقعيش مني اي حقوق
ريتال بصدمه : لي اتجوزتني
زين : ع ما اعتقد سلمي قالتلك مش لازم تسمعيها مني تاني فمتخليش عقلك يصورلك حاجات مستحيله يا ريتال لأني بكرهك وبكرهك اوي كمان بس عشان سلمي متتدايقش مش اكتر
ريتال بصتله بتحدي عكس الوجع إللي كا جواها : وانا موافقه يا زين انا كمان مش عايزه منك اي حقوق وعارفه انا هنا لي كويس اوي ومتخفش مش هخلي عقلي يصولي حاجات مستحيله. 
وسابته ودخلت للحمام تغير هدومها وقررت متعيطش نهائي ام زين فقلع هدومه ونام ع السرير من غير. ما يعمل اي اعتبار ليها طلعت لقته نايم طلعت البلكونه فضلت فيها لحد ما نامت
_________________________&
تاني يوم الصبح صحيت ريتال ولقت نفسها ف البلكونه
ريتال : يا خبر انا لسه مكاني من امبارح. قامت ودخلت جوا ملقتش زين
ريتال : أحسن لم ادخل اخد شاور. وجت تدخل الحمام بس وقفت ع صرخه قويه من الاوضه إللي جنبها بالتحديد
سلماااااااااااااااااااااااااي   كان ده صوت زين إللي بتقدر تفرقه بين كل الناس جريت ع مكان الصوت ووقفت مكانها واتصدمت
________________&
تفتكروا اتصدمت لي سلمي جرلها حاجه
إللي بيجرا ف ريتال ده حد يستحمله
زين صح ولا غلط ف إللي عمله
يوسف ونور عندهم حق ولا لا
إللي عملته سلمي صح ولا لا
مين الشخصين دول
توقعاتكم
#Nemo