'' မင်းစာဆက်ကြည့်ဖို့အဆင်ပြေနိုင်ရဲ့လား ... ငါပြန်သွားပေးရတော့မလား...''
Norman ကိုအူလည်ကြောင်ကြားမျက်နှာနဲ့မော့ကြည့်မိတော့ သူကပြုံးစိစိ...
'' ဘာဖြစ်လို့လဲ ''
'' မင်းရေးထားတဲ့ ညီမျှခြင်းတွေကိုလည်းပြန်ကြည့်ဦးလေ... ဒီမျှခြေတွေအတိုင်းသာ ဆိုရင်တော့ ဆွဲငင်အားတွေ လေဖိအားတွေပြောင်းပြန်သက်ရောက်တာနဲ့ ကမ္ဘာပေါ်ကသက်ရှိတွေကပ်ဘေးသင့်ပြီးမျိုးတုန်းကုန်တော့မှာပဲ... ''
စိတ်ပျက်ညစ်ညူးစွာကျွန်တော်တွန်းထုတ်လိုက်တဲ့ စာအုပ်တွေကိုကောက်သိမ်းထပ်စုရင်း Norman ကခပ်တိုးတိုးနဲ့ '' ကိုယ်တိုင်မဖော်ထုတ်နိုင်ရင်လည်းအေးအေးနေပေါ့ သူများရှာဖွေဖော်ထုတ်တွေ့ရှိထားတာတွေကိုတော့ ဖျက်လိုဖျက်ဆီးမလုပ်သင့်ပါဘူး '' ဘာညာနဲ့ဆက်ရေရွတ်နေသေးတယ်...
'' လင်ပူသားပူဆိုတာအတော်ဆုိုးတာကိုးကွ ... နော် ''
'' သေလိုက်ပါလား Norman ရာ ''
'' သြော်... ခက်တာပဲ... ငါ့အသိအစ်မကြီးတစ်ယောက် သူ့ယောကျာ်း နောက်မီးလင်းလို့တငိုငိုတရယ်ရယ်တမှိုင်မှိုင်တတွေတွေဖြစ်နေတာကိုသတိရသွားလို့ပါကွာ... မင်းကလည်းဘယ်သူမှ ဒုတ်နဲ့လာမထိုးပဲ ဂွမ်းကနဲကွဲပြချင်နေတဲ့ အိုးခပ်ဆွေးဆွေးကြီးကျလို့ အလကားနေမလုံမလဲနဲ့ ''
သူပြောမှပဲပိုဆိုးနေပါပြီ... စကားရည်လုပွဲဒိုင်သေလို့ဝင်စားတဲ့ ကပြားနဲ့ ပြိုင်ပြောရင်တော့ ကိုယ်သာလျင်အထပ်ထပ်အခါခါဖိထောင်းခံရလို့ ပိုပိုပြီးကွဲဖို့သာမြင်...
'' ခဏနားပြီး ကော်ဖီတစ်ခွက်လောက်သောက်လိုက်ကြမလား''
'' Norman ''
'' ဘာလဲ ... ''
'' ငါတို့အရက်သောက်ရအောင် ''
မျက်လုံးကြီးတွေတောင်ဝင်းဝင်းတောက်သွားသလို ပြုံးပြုံးကြီးဖြစ်သွားပေမယ့် ...
'' အာ... မင်းဦးလေးသိသွားရင် နှစ်ယောက်လုံးကိုကန်ချလိမ့်မယ်နော် ... မကောင်းပါဘူး Chanyeolli ရာ''
'' တော်စမ်းပါကွာ... ပြီးရင် ငါမင်းကိုတားရဲ့သားနဲ့ ဆိုတာပြောကောင်းရုံလောက်အပိုတွေတားမနေပဲနဲ့ သွားထုတ်စမ်းပါ နှစ်ပုလင်းလောက် ''
