ကျောနဲ့ထိစပ်ရာမြက်ခင်းက ကတ္တီပါသားမွှေးလိုနူးညံ့တဲ့အထိအတွေ့...မြက်ခင်းရဲ့အနားသတ်မှာဝန်းရံထားတဲ့ အဝါရောင်ရွှေဒင်္ဂါးပန်းပွင့်တွေ...ကျွန်တော့်မျက်နှာမူရာမှာအမိုးကုပ်စက်ဝိုင်းဆီခပ်ကိုင်းကိုင်းတိုးဝင်သွားတဲ့ ပြာလဲ့လွင်ချိုသောကောင်းကင်...
အရှေ့ကနေအနောက်ကို ကူးလူးပျံသန်းတဲ့ ငှက်မည်းတစ်ကောင်ကအတောင်ကိုဖြန့်လို့...သေးသွယ်တဲ့ခန္ဓာကိုယ်လေးနဲ့လေအဟုန်ကိုအံတုပြီး တစိုက်မက်မက်ခရီးနှင်နေတာကို အချိန်တော်တော်ကြာထိကျွန်တော်ငေးနေမိတယ်
တစ်ဧကခွဲလောက်ကျယ်တဲ့ဒီခြံထဲမှာ ကောင်းကင်ကိုအဆုံးမဲ့ငေးကြည့်နေခွင့်ရတဲ့ ဒီမြင်ခင်းပြင်ရှိနေတာကို ကျွန်တော်သဘောအကျဆုံးပါပဲ...
လက်နဲ့ထိစပ်ရာကိုအသာအယာဆွဲယူလိုက်တော့ ဝတ်မှုန်ဝါဝါတွေနဲ့ဖွဲ့စည်းတဲ့ မြက်ပန်းပွင့်ရိုးတံရှည်ကလေးကျွန်တော့်လက်ထဲကိုပါလာတယ်...
လက်သည်းခွံသာသာ သူ့မျက်နှာကလေးနဲ့ လန်းစွင့်လှပလို့...ရနံ့မသင်းကြူမှန်းသိပေမယ့် ကျွန်တော်သူ့ကိုတယုတယနမ်းရှိုက်လိုက်မိတယ်...
'' Chan...''
ခပ်ဝေးဝေးဆီကနေလေတိုးသံတွေနဲ့အတူ ကျွန်တော့်ဆီဆောင်ယူလာတဲ့အသံတစ်ခု...
ကျွန်တော့်နားကနောက်ထပ် မြက်ပန်းဝါပွင့်မှာယောင်လည်လည်နဲ့လာနားတဲ့ လိပ်ပြာလေးတစ်ကောင်...အတောင်ပံမှာ အဝါရောင်အနားတွန့်လေးတွေပါတဲ့ လိပ်ပြာဖြူလေးက ပန်းဝါပွင့်ကို သူ့နှာမောင်းတံလေးနဲ့တို့ထိစူးစမ်းနေတယ်
'' Park Chanyeol...''
ဒီမြက်ခင်းပြင်ရှိနေတာကို သဘောအကျဆုံးလူကကျွန်တော်ဆိုရင်သဘောမကျဆုံးလူက ကိုကြီးပဲဖြစ်လိမ့်မယ်...
'' လူမှာပါးစပ်ပါတာ စားဖို့နဲ့သောက်ဖို့ တစ်ခုထဲအတွက်မဟုတ်ဘူး ... ခေါ်နေတာကြားရင်ထူးဖို့လည်းပါတယ် နားလည်လား ''
မြက်ခင်းပြင်ပေါ် လက်မောင်းခေါင်းခုလို့ ပက်လက်လှန်ဇိမ်ယူနေရာက အနားကိုရောက်လာတဲ့သူ့ကို ကျွန်တော်မျက်လွှာဖွင့်ကြည့်မိတယ်။အခုမှရုံးကပြန်ရောက်လာပုံရတဲ့ သူက ခဲပြာရောင်ရင့်ရင့် လည်စီးကိုခပ်ဆတ်ဆတ်ဆွဲဖြေလျော့ရင်း မှုန်တင်းနေတဲ့မျက်နှာထားနဲ့...
