دائي و دوائي 🥀🖤 ( مكتملة )

الجمرة السابعة

‏قبّلني حتى يهرب حُزني،
حتى أبقى على قيدك."🖤🥀
...........

الدكتو خالد : يا اهلاً وسهلاً ، شرفتينا وآنستينا نور المكتب والله ( وهو يباوعلهه بحقارة )

تقرب ووصل يمهه مد ايدة جر عبايتهه ......

اساور وكف كلبهه من الخوف رفع اصبعهه بتهديد وكالت : قسماً بذاات اللله اذا قربت مني فيصل يمووتك ،
تحجي واطرافهه كلهه ترجف

خالد ضحك ضحكة مستفزة جداً : هههههههاي شبيج خفتي وكمتي ترجفين ، ههههههه لتخافين مراح اسويلج شي ، مو خوفاً من فيصل او غييييرة ( وهو يركز على كلمة غيرة ) لكن مو ببالي هسه اكو هواي مواضيع شاغلة بالي غيرج بهالوقت ، زين اكلج ياكتكوتة ( وهو يتقرب منهه ويخلي ايده على خدهه ويمسح علي وهي دفعت ايدة عنهه بإشمئزاز منه ) اذا انتي هيج خايفة مني ليش تعبثين وياي مع انو سبق وهددتج لا تلعبين وياي لان تعبين بدون نتيجة فهمتي يحلوة ،

اساور تبعد عنه وتجر عبايتهه من الكاع وتلبسهه بسرعة وهي تجر النفس بالكوة من الرعب الي عاشته وهي تفكر انو حيسويلهه شي كالتله : ومنو كلك بدون نتيجة راح تشوف ياااا ( وباوعتله بنضرة استصغار وكالتله باستهزاء ) دكتوووور خاااالد ، وابتسمت

الدكتور خالد : تدرين كل يوم عن يوم جاي يزيد اعجابي بيج ، بغض النضر عن جمالج وشكلج وو ( وباوعلهه بنضرة وقحة جداً ) جسمج الي خايفة محاسنه بهالعباية هاي ،

اسااور : العباية هي تاج راسك وتاج راس عشرة مثلك ، وباوعتله بأحتقار وطلعت وتوجهت مباشرة لغرفة بنين ..

الدكتور خالد يباوع للباب الي غلقته بقوة بعد ما طلعت ابتسم وكال : ياااااا حرااااام يا دكتورة اساااور بعدج صغيييرة متستاهلين تموتين ،

وسحب تلفونة من جيبة ،وطلع الرقم الي يريدة واتصل علي وبعد شكم رنة اجاااه الرد : الووووو

الدكتور خالد : الوووووو ، الدكتورة اساور بدت تلعب بذيلهه

: اي لازم نكصه لهذا الذيل ، مو هيج دكتور ،

الدكتور خالد بحقارة : طبعا هيج ، شلون لعد

............

كعد من النوم ، بقى يفتح عيونة و يرجع يسدهن تقريباً لمدة ربع ساعة رفع تلفون فتحة ، باوع للساعة لكاهه بالثمانية ونص ، اوووووف متأخر هواي

كام بسرعة صارت كدانة الصورة الي ماخذة نص الحايط و الي يمسي ويصبح عليهه وكاللهه : صباح الخير عمري ، شوفي اليوم كعدت فايت وكت من وراج البارحة ضليت احجيلج عن شووكي اللللج ( وجر نفس بحسسسرة ) ، اييي المههم هسه شيخلصني من اخووج هسه ياكل كلبي ليش جاي فايت وكت وجان ضليت مخمود وشيخلصني من السانه ، يلا خل اطب اسبح لا اتأخر

اخذ ملابسة ودخل للحمام سبح وبدل ولبس دشداشة بيجية ولبس شماغة الابيض وخلا علي عكالة الاسود ، ولبس ساعتة الفضية الراقية ، ولبس نضاراته الشمسية ، ورش عطر