دائي و دوائي 🥀🖤 ( مكتملة )

الجمرة الأخيرة( النهاية )

ام وليد رجف جسمها وكامت على حيلها وبلعت ريكها بصعوبة وكالت : اريج لا تفهمين غلط افتهمي السالفة بعدين احجي ...

اريج من سمعت كلام ام وليد ما كدرت تبقى متوازنة وكعن المواعين من ايدها وجسمها رجف

ومن سمعت ام وليد تكللها بس افهمي جسمها زادت رجفتها جان عدها امل انو تكون سمعت غلط ..

اجن اساور وبنين على صوت الصينية ..

اساور وجانت تبجي كلما تتذكر فهد : يلا انكسر الشر ما صار شي ..

بس الي استغربته هو اريج الي مصدومة ..

حجية خاجية حست الوضع بينهن توتر وهي هم ما فاهمه شي وكفت وهي تمسح دموعها وكالت لام وليد الي تباوع لاريج وخايفة تكللها لو راح تخسرها للابد اذا كالتلها : ها ام وليد شكلتي شقصدج بحجيج ؟؟

ام وليد ما تكدر تحجي بس تباوع لاريج الي منتضرة منهه رد ..

دخلوا فيصل ووليد وحسن وسجاد ميتين من التعب وجرحهم بعدة ما برى على اخوهم .. استغربوا وكفتهم ..

وليد بأستغراب : شكو ليش هيج واكفات ؟؟

اساور هم ما تعرف : حالنه من حالكم ..

فيصل كبل اجت عينه على اريج المصدومة .. بلع ريكة لاتكون عرفت شي عن موضوع انو هي اخت فرح ..

حجية خاجية بنفاذ صبر : خيه احجي ترة كلبي خلصان من غير كلشي ..

ام وليد واجت هاي اللحضة الخايفة منها صار سنين بلعت ريكها وما تدري شتكول .. غمضت عيونها وذبت القنبلة والصاعقة وكلشي : ارييج تؤام فررررح ..

الكل بحالة دهشة شلووووووووووووون .....

اريج ما كدرت تنطق ولا حرف بقت تباوعلها ومنتضرتهه تكمل المسرحية الي فعلا تضحك ..

وليد بعدم استيعاب : اوكفي يمه شوية شوية اني تعبان امنت باللله .. و دايخ هاي ما كلنه شي ، بس انتي سمعتي روحج شكلتي ..

ام وليد دمعت عيونها و قربت يم اريج رادت تلزم ايدها .. اريج نزت منها ورجعت ليورة ..

فيصل بحركة لا ارادية راح وكف ورة اريج ..

ام وليد غمضت عيونها وهي تشوف اول صد من بتها الها كالت بحرگة : قبل 23 سنه .. وحجت القصة كلها ....

الككككل مصدووم ومدهوش من الي جاي يسمعونة معقوللللة هذا صار .. ولييد وزهراء معقولة ارييج اختهم وتؤام فرح بس ماضاجوا ولا حملوا امهم ذنب لان الفكرة جانت فكرة ابوهم بس فرحوا بيهه وانقهروا عليها بنفس الوقت .. سجاد اريج تصير بت خالة ..

فيصل جان منتضر ردة فعل من اريج الي نزلت دموعها وي كلام ام وليد وما نطقت بولا حرف .. وصدرها يصعد وينزل ..