دائي و دوائي 🥀🖤 ( مكتملة )

الجمرة السابعة والعشرون

هل الحرام أصبح حلالا 'ام'
البشر استغنت عن الجنة😏🤔

***********

اريج ، من كالتلي بنين على كلام فيصل وشفتها ضايجة ، قررت احجي وي فيصل ونتفاهم على انو نمثل كدام الكل انو ما بيناتنه شي والوضع عادي علموود بنين واساور هم خطية تتمنى تشوف اخوهه سعيد وبيناتنه يرجع كلشي لطبيعته لان مثل ما كالت حجيه خاجية ،

انو احنا حنعيش بغرفة وحدة ، هو من عقدنه عقد شيخ ومن يومها ماشفته و بعد احسن لكن اليوم قررت احجي وياه ، رحت لغرفته دكيت الباب ما لكيته موجود دخلت وكلت بيني وبين نفسي ،

اي عيني هاي غرفتي اني همين ضحكت على نفسي عايشة الدور كولش ، بقيت تقريبا بالنص ساعة بالغرفة كاعدة على الجرباية واباوع على صورة زوجته الثانيه شبيهتي ، يا الله صااافنه شنو يعني معقولة مجرد شبه ، نسسسخه مني ،

سمعت الباب انفتح التفتت شفته دخل ، وبس شافني انصدم من وجودي وبقى صافن بوجهي كال بصدمة : انتي ،

اني تقدمت يمه ، حتى اثبتله اني ما عدت خايفه منه كتله : اي اني ،

كال : شتسوين هنا؟؟

قربت منه اكثر وكتله : شسوي يعني بغرفتي ؟؟

فيصل ، من دخلت وشفتهه انصدمت من وجودها ، لكن الي صدمني وصقني ردها من كتلها شسوين هنا ، من كالت غرفتتتي احسسسس اعصااابي فررررت ، لزمتهه بسرعة من زندها وعصرت علي بكل قوة وكتلهه واني ساد على سنوني من عصبيتي ،

فيصل بعصبيه: ولللللج بتتت الكلب ، شنووو غرفتي شنو هاي اللهجه الجديدة راسج كبران ويرادله من يكسرة لا عبالج من رضيت اتزوجج يعني تاخذين راحتج وتحجين بكيفج وتطولين لسانج وحگ هو علي لسانج اكصه ، ولا عبالج ناسي نضرتج الي بيوم العقد ترة عيونج افكسهن افتهمتي لو لا ،

اريج خفتت منه حيل يمممه من يعصب ينكلب وحش وايددي حيييل اذتني بس ما ردت اضهرله خوفي كتله : على كيفك المحارب الشجااع ، تريد تكسر راسي وتفكس عيني وتكص لساني شخليت بيه بعد ، وبعدين اني هم ما كاتله روحي عليك ، ولا اريدك وانت تدري بهذا الشي ، فلا تحسسني اني كاتله روحي عليييك ، دعوووف ايدي هسه عندي حجي احجي وياك واطلع اني هم ما اريد ابقى اكثر ، وتسوي فضل لو حجيت وي عمتك وكتلهه تطلع سالفة مال اني ويااك نبقى بغرفة وحدة ،،

فييصل من كامت تتمزهد عليه ردت اموتهه بس بعدين من كالت عود عمتي تريدنه نضل بغرفة وحدة عفت ايدهه وكتلهه بحدة : شني ادووور هاي مال نضل بغرفة وحدة ،

اريييج بس عاف ايدي كبل لزمتهه، وكما افرجلهه موتني مو ايد اسم الله كتله : يممه اسم الله مو ايد چلابتين ( بلايس ) شلعت زنودي ،

فييصل : بدون لغوة زايدة واحجي من الاخير شني سالفة الغرفة ،

اريج صحت بصووت شوية عالي : اي ترة ما يرادلهه روحة للقاضي تكول ورة العرس نعيش بغرفة وحدة منا لمن نطلگ ،