دائي و دوائي 🥀🖤 ( مكتملة )

الجمرة السابعة عشر

‏"كل الذي أعلمه عني أنني أتجاوز
حتى ذلك الأمر الذي يأخذ حيزاً كبير مني ويُتلف راحتي
وتنعقد به جميع حالاتي أتخطاه على أية حال وينقضي. 🖤🥀😊
....................

كاللهه بعصبية وهو يخلي حلكة يم اذنهه ويحجي بفحيح موتها خوف ورعبة وهي تحس بانفاسة على ركبتها ،، : ولللللج منوو انتي حتى تضربين الشيخ فيصل شمفكرة روحج ، بحياتي كلها محد كدر يرفع صوتة بوجهي ، وهسه وحدة حقيرة سافلة مثلج ترفعين ايدج وتضربيني ، وجررر شعرهه قوي لدرجة اريج حست شعرهه راح يتكطع بين اديه ،

اريج: عوفني لا هسه اعييط والم العالم عليك عوفنس كطعت شعري ،

فيصل : اعوفج ، تريدين اعو..... ،،،، وقطع كلامة صيحتها بصووت عالي ،،

حجية خاجية بعصبيه : هاي شني هاي ، شكو ، شمالك كاظ البت من شعراتههه هدهه ولك اكلك هدهه ،،

وراحت سحبت اريج من ايد فيصل ، وباوعتله بعصبيه ،

حجية خاجية بعصبيه : وللللللك فويصل شمالك شجاك شمسويتلك البت حتى كاظها من شعراتهه شجااك تسودنت ، عود هاي جاية دخيلة عندك ببدال ما تحطهه بنص عيونك خوش يمه خوش تسوي عفية ابني ، وباوعتله بلوم ،.

فيصل وحتى ولو كانت عمته ويعزهه مثل امه لكن صعبة علي يكلهها انو احد ضربة راشدي ومن منو من مرة ما تسوى فلسين ( طبعا هذا الكلام يفكر بي فيصل ) ،،

فيصل يباوع لاريج الي واكفه ورا عمته : ماكو شي يمه بس كلبت عليه المي واني مستعجل اريد اروح وعصبت وماادري شلون جريتهه من شعرهه ،،

حجية خاجية وعصبت علي زيادة لانو السبب تافه ما يستاهل يجرهه من شعرهه: لا لا الفرخ متسودن مو صاحي شجااك شمالك جا ما تعرف تصعد تبدل وترد تطلع تروح لشغلك بس انت متسودن ،

والتفتت على اريج ولزمتهه من ايدهه وكالتلهه : امشي يمه امشي هذا متسودن محد يعرفله ،، واخذتهه وطلعت من المطبخ ،،

فييصل ويريد ينفجر لان ماكدر ياخذ حقة منهه شال اكو يمه دولكة مال مي ( اكو بيها يسمونهه صلاحية ) وشمرهه بالكاع وتكسرت يريد شوية يهدي من غضبة ،

دك تلفونة طلعة من جيبة شاف عم مرتضى يتصل علي ، عرف انو يدكون لان تأخر عليهم من ورة وحدة ما متربية ،، توعدلهه بينه وبين نفسه انو راح ياخذ حق الراشدي منهه وتوجه لغرفته حتى يبدل ملابسه ويروح للناس ،،

حجيه خاجية دخلت اريج لغرفة اساور وهي لهسه ماشايفتهه شلابسة ، باوعتلهه شافتهه لابسه دشداشة قصيرة ونص ردن وشعرهه مفتوح ، كالت بينهه وبين نفسهه " واني اكول شبي الفرخ متسودن حگة يسودن وهو يشوفج هيج لابسة وادور تشبهين مريته الله يرحمهه " ،،

كالتلهه بهدووء : شوووفي يمه اني راح احجي وياج بس انتي بكيفج تاخذين حجيه ما تاخذينه بكيفج ،، شوفي يمه انتي تشبهين مرت فيصل كلش وهو الوليد شافنه الضيم من ماتت مريته لان كام لا ياكل ولا يشرب ، وماعاولنه رد وصار زين حتى لو يسوي روحه كدامنة زين وهو مو زين بس هم احسن من كبل ، وانتي ييمه بنيه حدييثة وحلوة وتشبهين مريته واكيد من شافج لابسه هيج تذكر مريتة وترة كلب الزلمة رچيچ ما يتحمل يشوف وحدة لابسه دشداشة طافرة لركبها وشعرهه اطول من الدشداشة ، اكيد لهذا السبب زهك عليج افتهمتي عليه لو لا ؟؟