دائي و دوائي 🥀🖤 ( مكتملة )

الجمرة الرابعة

انا يا الله من همي تعبت،"💔"،
........

كعدت وهي تحس جسمها مكسر ودايخة دوخة فضيعة لانو مماكلة ابد شوية بقت تباوع تريد تعرف وين هي ،

من استوعبت رادت تعيط بس ما كدرت لانو ملزكين حلكهه ورابطين اديهه ورجليهه بقت تعيط بس ميطلع صوتها كامت تضرب الكاع برجليهه دخل عليها رجال صفنت علي بينها وبين نفسها وين شايفته تتذكر شايفته بس وين ما تعرف

سليم : ها كعدتي ست اريج ويباوعلهه بحقارة

اريج وهي تحاول تتذكر وين شافته ؟؟
•
سليم يتذكر اول مرة شافهه : عمرهه جان ٥ سنوات وجانت واكفة وتباوع على ابوها وهو يضرب امهه واختها المشهد الي تعودت علي فجأة اندكت الباب

راحت تركض بفرح بلكي احد يخلص امهه واختهه بنين منه راحت فتحته بسرعة شافت ولد شاب عمرة حوالي ٢٨ سنة كامت تبجي و كالتله : عمو فدوة الحك ماما حيموتها بابا
•
سليم ابتسم بحقارة : لتخافين عمو ابقي هنا واني راح ادخل اشوف شنو الموضوع دخل سليم جوة وشاف ابو اريج الي ما سمع الباب من عياط مرتة وبجي بنته باوع بحقارة

وهو يشوف ابو اريج الي سوة المستحيل حتى يتزوج حنان ( ام اريج ) وهسه يضربهه حس بوقتها انو وصل للي يريدة وانتقم من ابو اريج لانو اخذ حب طفولتة الي رفضته علمود ابو اريج لانو كانوا يحبون بعض من وقتهه ووعد نفسه انو يخليهم يتمنون انو معرفوا بعض

صحى من تفكيرة على صوت ابو اريج وهو يكله : سليم انت من يمته هنا ؟؟

• سليم وهو يتصنع العصبية : تعال وياي وهو يجر ابو اريج من ايدة

• ابو اريج : اووكف اووكف شوية شبيك انطيني مجال اني امشي

طلعوا من الغرفة سليم وهو فرحان بداخلة لكن يتصنع العصبيه : انت شلون تضربها مو هي هاي حنان الي حركت الاخضر واليابس حتى تاخذها ، هاااا كلي مو هي هاي ؟

ابو اريج : مو انت متدري بلي صار وبالي سوته حنان ، حنان طلعت من كلبي نفسي عافتهه هسه كل همي اطلع حقي منها حق خيانتها الي ااااخ بس ااااخ لو تعرف شسوت
•
سليم وهو يعرف الموضوع كلش زين شلون ميعرفة وهو سببه : شنو على اي خيانه تحجي ، حنان مستحيل تخونك حنان تحبك
•
ابو اريج : مو مستحيل خانتني ، وعندي دليل على خيانتها ،اخخخ بس لو اعرف الحقير الي باعت احلى سنين عشناها سوة علمودة
•
سليم : اهدى اهدى وفهمني شنو الموضوع ؟؟
•
ابو اريج : مااكدر مااكدر ، ما ااكدر سليم مااكدر احجي
•
سليم : هاي شنو هاي هيج صارت مو اني صديقك وهمك همي وزعلك زعلي كول خوية شنو همك كلي احجيلي ؟ وهو يبتسم بحقارة
•
ابو اريج : اعذرني بس هاي مااكدر احجيها منا لمن اخذ حقي منها ومن حبيبها الحقير ):
•
سليم : خوش لعد براحتك بس ترة اني اعين واعاون اي شي تحتاجة اني موجود .،
•
ابو اريج : تسلم يخوي تسلم (:
•
سليم : اي بس صدك شعجب ما تضرب اريج حالها حال اختها شنو الفرق يعني ؟؟( ابتسم بداخلة وهو يعرف كلش زين شنو السبب )
•
ابو اريج : هم مااكدر اكلك السبب لانو هو نفسه سبب خيانة امها الي ؛
•
سليم : خوش لعد يلا يخوي اترخص عود كلت اجي امر عليك اشوف اخبارك بس جنه الوقت مو مناسب !
•
ابو اريج : لا يابه تفضل تفضل ادخل بالصاله ( وصاح على ام اريج بعصبية ) حنان حنان
•
اجت حنان وهي كوة تمشي جسمها مكسر من الضرب رفعت عينها شافت سليم واكف ويبتسم بحقارة وكأنما يكلله وصلت للي اريدة من شافته حست القشعريرة مشت بجسمها كله تذكرت ذاك اليوم المشأوم ،

صحت وهي تحس شعرهه راح يتكطع بإيد ابو اريج الي جر شعرهه حيل ويحجي بعصبيه : اني ويامن صار ساعة الغي وين صافنة ، يلا روحي بسرعة جيبي عصير او شي لسليم يلا وشمرها بالكاع،

ومشى ومشى وياه سليم كامت وهي تدعي اللله ينتقم من الي كان سبب بتغيير حبيب عمرها حسان ( ابو اريج ) من احن شخص بالعالم الى شخص ضالم ما عندة كلب وهي تعرف هذا الشي كله بسبب سليم الي تتمنى لو بس حسان يعرف بعمايلة
•
صحى سليم من ذكرياته على صووت اريج وهي تعييط بس ميطلع صوتها لانو ملزك حلكهه باوعلهه وهو يحس نفسه اخذ حقة كامل وهو يشوف بنت الشخص الي حسبة عدوة الوحيد كدامة مربطة ومصيرها بايدة

طلع وعافهه تعيط وهو يمد ايدة بجيبة ويطلع التلفون ويتصل على الشخص الي يساعدة حتى يكمل باقي المهمة .....
......

• اساور وهي تباوع للشخص الي كدامهه وخايفة بس تصنعت القوة : انت ششايف نفسك حتى تسحب التلفون من ايدي ؟ ولا عبالك نسيت خيانتك للمرضى مقابل الفلوس قسماً بذات الله اذا مندمتك على سوايتك مااكون دكتورة اساور !

المدير ضحك ضحكة مستفزة جداً : شوفي يحلوة صوتج لا ترفعينه عليه هاي اولاً ، ثانيا ،كتلج الي صار انسي كأنما مصار شي انسي كافي تدخلين نفسج باشياء ما تعنيج وتجيبين المصايب لنفسج واخيراً وليس آخرا، لتلعبين وي سليم لانو رجال عندة القتل شربة مي فبأعتبار انو احنا بينا عشرة فما حبيت انو انبهج واكلج ترة ما عندة مانع يقتلج وميلتفت وراه وحرامات تضيعين شبابج وهذا الجمال هيج يروح شربة مي ،

وهاا بالنسبة لكلامج بالتلفون مساع انو حتشوفيلج صرفة وياي فنجوم السما اقربلج اني مو غبي حتى اخلي شي وراية وتجي وحدة كتكوتة مثلج تلزمة عليج اوكي حياتي وهو يغمزلهه ويرجع ينطيهه تلفونهه، ويروح

• اساور ضربت الكاع برجلهه بقهر من كلامة واسلوبة المستفز لكن مااستسلمت ابد وبعدها مصرة انو تساعد اريج،

تذكرت حسن الي كاللها دزيلي رقم السيارة دزت رقم السيارة لحسن وهي تفكر ب الي راح تسوي وشلون تساعد اريج ، التفتت ورجعت دخلت للمستشفى وتوجهت لغرفة بنين اخت اريج بعد ما سألت على رقم الغرفة ،

دخلت يمها وهي تباوع عليهه جسد بلا روح نزلت دمعتها على هالاختين الي ضاعت حياتهن بعد رحيل اهلهن حمدت ربها انو عدها فيصل اخوها وابوها وكلشي بحياتها طلعت وهي توصي البنية الي بالاستعلامات وتنطيها رقمها حتى تتصل عليها اذا صار اي شي على بنين ،

طلعت وهي تروح لبيتها الي اشتراا الها فيصل يم بيت حسن حتى يبقى مطمئن عليها ، دخلت للبيت وبسرعة طلعت ملا بسها من الكنتور

ودخلت سبحت وطلعت شمرت نفسها على السرير وبسرعة غفت لانو ميته تعب .... بعد ساعة ونص دك تلفونهه رقم غريب فزت برعبة جان رقم غريب كالت : الووووو ،

الممرضة : الووو دكتورة ممكن تجين بسرعة .....

توقعاتكم ❤

• الكاتبة : اساور الياسري 🖤🥀