دائي و دوائي 🥀🖤 ( مكتملة )

الجمرة التاسعة عشر

اللهُم اختَر لنا طريقًا يُسعدنا، طرِيقًا لا يشقي قلوبنَا ولا يُؤذي عيوننَا، طرِيقًا ترضاه لنا ثُم تُرضِينا به يارب✨🌸

....................

منتضرين بباب الغرفة وخاييفين لا يصير بي شي ، طلع الدكتور

راحولة يركضون : بششششر دكتوور ،،

الدكتوووور منززل راسة ،: البقييية بحيااتكمم ،،،،،

ابو فاطمة حس هذا الخبر كسر ضهرة كاله بعدم تصديق : دكتور شجاي تكول شنو يعني البقية بحياتكم ،،

الدكتور وهاي اكثر لحضة يكرها كل الدكاترة انو يكولون لاهل المريض انو المريض توفى : الحجي الضاهر متعرض لاكثر من جلطة قبل لذلك هسة كلبة ما تحمل ، البقية بحياتكم ،، وعافهم ومشى ،

ابو فاطمة انتجى على الحايط وكعد بالكاع ،،، وكام يبجي على اخووو وصديقة ،،

محمد ( اخو فاطمة ) خلا ايدة على متن ابوو : البگة براسك بوية ،،

ابو فاطمة سحب عكالة وخلا بالكاع ولف الشماغ على وجهه ( يعني بقى لابس بس شماغ العكال نزعة ، هذا الشي يسوونة اهل الجنوب من يتوفى احد عزيز عليهم ، ينزعون العكال الي هو عزتهم او يعني انكسروا على احد عزيز ) ،، وكام على حيلة وهو كوة يمشي يحس ضهرة فعلا انكسر على اخووو ،،

ابو فاطمة : بوية روح شوفهم يمتة يسلمونة الجثة ،،

محمد : صار ،، ومشى للدكتور ،

ابو فاطمة دخل للغرفة الي بيها ابو اسيل ، وشافهم مغطين راسه دموعه ملت عينه وصل يمه ،، وسحب الغطى من وجهه ،،

تمنى نفسه بمكان ابو اسيل ، ولا يشووف ابو اسيل هيج مغمض عيونه ومسلمهه ،،

دنك على ابو اسيل وباسه بكصته وخلى كصته على كصت ابو اسيل وغمض عيونة وكام يحجي ويااه : ها خوية ، شلون ترضاهه هيج تكسر ضهري ،، مو جنت تكول انت تدفني بأيدك ، ليش هيج غدرت بيه وعفتني ورحت ، مو جنه نكول حتى بموتتنه سوية ، ليش خوية ليش ، والله ياخوية كسرتك ما ضنتي اتحملها واضل عايش وراك ،، وبتك اسيل شكلهه من تسأل عليك ليش هيج خوية ليش ، والله محد الي غيرك وعود اني فرحان اذا متت اخوي يدفني بأيدة ،، سكت وكام يبجي ،،

دخل علي محمد ، كاله : بوية يكولون يردون يشرحون الجثة ،،

ابو فاطمة : شنو يشرحونها ليش ،،

محمد : يكولون حتى يعرفون سبب الجلطة ،،

ابو فاطمة : امشي خل نروح نشوف الدكتور ،،

....................

فيصل وواكف على اعصابة لان اخووو واغلى ناسه جوة بالطوارئ وحالته خطرة وهو ما يكدر يسووي شي ،، وسجاد مثل حالة فيصل لان هم اخوة محد منهم يتخيل حياته بدون الثاني ،،