دائي و دوائي 🥀🖤 ( مكتملة )

الجمرة العاشرة

- دائمًا هناك محاوله أخيره ، نشعر
بعدها بـ ﺎلراحه قبل ان نتخلى تمامًا .❤🥀

............

وليد يسوق بسرعة جنونية يريد بس يوصل لاسااور وكلبة يحسة راح يوكف من ضرباته القوية بسبب خوفة عليها ، راد يسوي حادث اكثر من مرة بسبب سرعة ،

يتخبل ويزيد السرعة كلما يتخيل انو احد لمسهه او اذااهه او سوالهه شي ، زاد السرعة وحتى السيطرات ميوكف يمهه ،

يحجي وكأنما اساور جاي تسمعة : تحملي اسااور تحملي يبت كلبي ، والله بس خل ارجعج مراح اجبرج على شي ولا اريد منج شي بس ارجعيلي ، ونزلت دمووعة الي محد بالدنيا شايفهم وما ينزل على احد بس على اساور ، وبوفاة ابو واخته ،

مسح دموعة وهو يردد: راح اجيج يبت روحي ما ضل شي ،اجيتج ،اجيتج

وكام يدخل من كل الطرق المختصرة حتى يوصل بسرعة

...............

مرتضى وهو يفكر شلون ياخذ حقة منهم بدون دم فكر بيهه شوية وعطرت بباله فكرة وابتسم بتحدي وصاح ،

مرتضى : شيخ فيصل ، قررنة ،

التفتله شيخ فيصل : اي كول شختاريتو ؟؟

ابراهيم لازم كلبة ، لا يكول الي خايف منه ويريد فصليه ،

مرتضى بابتسامة: فصللييييه ، ومو اي فصليه ارريد اخت الكاتل ،

ابراهيم بالكوة سيطر على نفسه وما وكع من الصدمة وكلبة كام يدك بسرعة ، عاط بيناتهم وبصوت عالي : مسسسسسسستحيل ، تحلم وما تدوس طرف ثوبهه ،

مرتضى وابتسم وهو يشوفهم شلون انكسروا من كالوا نريد فصليه وشلون وكع ابو القاتل بالكاع ، التفت باوع

على الشيخ فيصل : شوف شيخ انت كلت اختاروا واني اختاريت ، اخوي مو رخيص حتى انسى موتة بالفوس اني اريد بتهم فصللليه ، حتى يحسون بفكد الضنه شلون يكسر الضهر ،

الشيخ فيصل : هايهيه باجر اني بأيدي اجيب الشيخ واعقدلكم اذا عندة اخت ،

التفت على ابوهه كاله : انت عندك بنيه ،

ابو القاتل : لا شيخ ابوس رجلك اخذ عشرة من زلامنه ولا تاخذ بتي ،

الشيخ فيصل : انتي تدري بيه كلش زين ماارضة بالدم يصير بين الناس بعشريتي ، وخوش يعني عندك بنيه ، خوش لعد انشالله اذا راد الله باجر احنه والشيخ يمكم وناخذ البت ،

والتفت يريد يروووح،

ابراااهيم وهو يفقد اعصابة وهو يشوفهم ياخذون حب حياته كدام عيونه وهو واكف كلشي ما يسوي : اووووووكف اووووكف وين درت وجهك وتريد تروووح ، بت عمي ما ترووح فصليه لو الدنيا تنكلب ، انه رايدها بت عمي وناهي عليهه هسه ،