دائي و دوائي 🥀🖤 ( مكتملة )

الجمرة السادسة عشر

لا تَكُن ضعيفاً؛
أي كلام يُحبطك،
وأي ضربة تُوجعك،
وأي إبتلاء يُضعفك،
وأي فشل يُعقدك،
كُن قوياً؛فلا مكان
للضُعفاء في هذه الكون.✨✋🏻

...........

باوع عليهه بعصبيه وبنضرة خلت اساور ترجف وكاللهه بفحيح : شوووووفي تحملتج هوووواي وسكتتلج هوااي ما صااارت هاي كلما احاول ابدي ويااج من جديد ترجعيين وتذكريني بغلللطة جاي ادفع ثمنهه عمري كله ،،

وباوع عليهه بضعف وندم وقلة حيلة : كاااافي بداعة كل غالي عندج كااافي انتي مو تريديني ماانسة الصار واتندم وعزة اللله وجلالة كل ندم العالللم بية ،، ندمااان بكككككد كلشي بالدنيا ،، بس اطيني فرصة واللله انسيج كلشي لان والللله تعبت ،، اللله شااهد هذا الليل اليمر على الوادم اني ما انامة ،، بس ريحيني بحجاية وحدة وهي سامحتك بس بس ،،

وخلى جبهته على جبهتهه وصار خشمة على خشمها وكام يجرر النفس كوة ومبين علي التعب ،،

اساور وما تتحمل تشوفة هيج ضعيف لكن الي سواه مستحيل تكدر تنسااه ،،

دفعته عنهه وكالتله : بأحلامك ما تسمعهه مني هاي الكلمة ، ما مسامحتك دنيا واخرة عرف لو لا عرررفت ،، وعافته وراحت لغرفة بيبيتها وهي دموعها مغطية وجهها ، نامت وهي تبجي ،

وليد طلع برة يرريييد يتنفس ، يحس الدنيا ضاكت بي البيت حسه انكطع بي الهووى مااكو هوووى كااام يتنفس بصعوبة وعرف انو اجته الحالة ، بسرعة مد ايدة بجيبة وطلع العلاج منة واخذ منه حبايتين بلعهن بدون مي يريد بس يتنفس ،، شوية وكام يكدر يجر النفس ( طبعا وليد عندة مرض بقلبة كل ما يتعب وينقهر تجي الحالة ويكوم ما يكدر يتنفس من وراا دكات كلبة الي تصيير سريعة واكثر من مرة الدكاترة كالولة سوي عمليه لانو ممكن يمووت بسبب هذا المرض لكن هو مطنش الموضوع ،، ولا شخص بالعالم يدري بي لا اهلة ولا حتى فيصل وصار بس من بعد ذاك الموضوع الي منه واساور كامت تكرهه وما تريدة وهو كل العالم خل تكرهه ولا اساور ومن ورة القهر تعب كلبة وتمرض )

كعد بالكاع ورفع راسة للسماا وعيونه تجمعت بيها الدمووع وكاام يشكي لرب العالمين( فعلا بحياتكم لتشكوون همكم او شي مضوجكم لو تريدون تنفجروون الا لربكم لاللله لانو والله العضيم اسأل مجرب جربت احجي لاكثر من شخص وهالشخص ثقة بأكثر من موضوع لكن ما ترتاحون لكن جرب بس مرة ارفع عينك لربك واحجيلة كلشي بكلبك واشكيلة وشوف شلون حتحس كلشي ينزال من كلبك وتحس براحة فضيعة .... صح طولت عليكم لكن حبيت انصحكم هالنصيحة ) ،،

وليد ورفع عينه لربة الي ماله غيرة وكام يشكيله : رببببي تعبببببت شلون راح اكمل باقي عمري بهالهم الي شايلة على كلبي ومووتني ومخربط حيااتي ، ربي ارشدني لطريقة تخلينه اخلص من هالهم ،

وحس بنغزات قوية بكلبة وهذا شي طبيعي ورة مياخذ العلاج مو يرجع الكلب لطبيعة عمله فتصير تقلصات بعضلات القلب،، لزم كلبة وكمل كلامة ورفع راسه للسما : ربببببي فدوة لاسمك لا تاخذ عمرري قبل لا تسامحني اساااور ،، ونزلت دموعه وراح لغرفته الي ببيت عمه ولبس دشداشتة واخذ غراضة واخذ سويج سيارتة وراح لبيتهم ،،