دائي و دوائي 🥀🖤 ( مكتملة )

الجمرة الخامسة والثلاثون

يمين الله ما ماخذ مكانك بالكلب مخلوق 💗

من كتاباتي 👆

****************

اساور تباوع بصدمة للفراش وترجع تباوع لوليد ،

اساور بصوت يرجف من الفرحة : وليييد اني بنية ،

وليييد ، اني راح احجي عنه لان ما يكدر يحجي من الصدمة والفرحة ، يباااوع لاساور الي كاعدة وتبجي من الفرحة لزم وجهه وهو راح يطير من الفرحة الكرة الارضية كلها ما سايعته من الفرحة ،

وليد وايديه ترجف نزلت دمعته وكاللهه : اسااور يعني اني ما سويتلج شي ، يعني اني اني ... وماكدر يكمل كعد على الجرباية وخله اديه على وجهه وكام يبجي من الفرحة ،

هو على الرغم من كلشي ، جان واثق بنفسه انو حتى لو جان بوقتهه سكران مستحيل يأذي اساور ما معقولة ،

رفع راسة لاساور ومسح دموعة وراح يمه ورفع وجهه بأيدة ومسح دموعهه وكاللهه : هذني بعد ما اريدهن خوش .. احنا هسه بريئين كدام ربنا قبل الكل

اساور ما تحملت ، حضنته وكمت ابجي .. هذا الحضن المتلهفة علي صار سنين قبل لا تصير ذيج السالفة الي من عبالي اعتدة عليه لا اني جنت ارضى احضنه ،

وهو جان يرفض اكثر مني لانو ما بينه شي رسمي ، بس انو نتصافح ونتباوس كدام الكل يعني ، بس جان اقصى شي عدنة انو يلزم ايدي ،

بس هسه احضنه واني متأكدة انو هو ما مسويلي شي قبل ولا مقربلي ، واني زوجته كدام الله وكدام العالم كله ،

وليد ، من حضنته اساور ردت بي الروح المسلوبة منه صار ٣ سنوات حضنهه بكل قوته وجنه يريد يضمها بصدرة وما يطلعها ، ما مصدك الي جاي يصير أكثر من طاقة تحملة ، اول شي طلع العايشينه صار سنين مجرد كذبة ، وهسه اساور مرتي وبحضني وبين ادية ،

غمض عيونة وكال بينه وبين نفسه " ربي اذا تريد تاخذ عمري اخذة بهاللحضة ، الحمدلله ربي فتحتهه عليه من اوسع بيبانك " ،

وخر اساور عنه وكالهه : لا تبجين يبعد عافيتي .. خلص كلشي خلص الكابوس الجان مخوفنة اختفى راح،، باااح ،

اساور مسحت دموعهه وباوعت بعيونه وكالتله : شلون ؟

وليد بهمس حنون : مو مهم شلون المهم هسه احنا ابرياء كدام الكل ، مع انو اني ما هموني من الاصل اهم شي انتي ،

اساور : لا تكول هيج ، اصلا لو رايحة جا متت مااكدر افارگ فيصل ، بس هو ما سمع مني وحكم عليه من كلام نور ، ونزلت وجهه وكامت تبجي ،

وليد رفع راسهه ومسح دموعها : ها شكلنه مو كلنه بعد ماكو دموع ، عادي اذا على فيصل عادي مثل ما زعلنه نزعل علي وما نحاجي بعد ،

اساور شهكت : يمممه غير اموت ،

وليد بغيرة : ههو ههو ، اسم الله على كلبج شدعوة تموتين ، مو للابد قصدي ، قصدي هالايام حتى يتعلم ما ياخذ الحجي من باله ،